شم نسيم ٢٠١٥

النهاردة قضيت يوم رايق ... طفيت الموبايل و النت رحمنا من روحه و قطع ... قضيت يوم من اخواتى و ولاد اختى ..اتحججنا بالعيال عشان نلون البيض و ساعه الجد لونا احنا و منعنا العيال يلمسوا الالوان... ناكل رنجة و بصل  لما نهيس و نحاول نجرب الفسيخ و نفشل زى كل سنه ... و اتفرجت على "الدنيا ربيع و الجو بديع" و "حلاوة شمسنا" و "ادى الربيع" و "يا حلاوة الورد يت جمال الورد"...ابدينا احترامنا للفراعنة الرايقين ... و ضحكنا و لعبنا كوتشينة و اخترعنا العاب جديد...و سمعنا الست... و لما النت جة لقيت  دخلت لقيت اللى بتريق على الفسيخ و اللى بيقولك حرام و اللى بيقول "هو انا الوحيد اللى مش بحتفل بشم النسيم" و اللى بيقول "عيد باى حال عدت يا عيد" ...ايه الكآبة اللى انتوا فيها دى يا جدعان؟! و ليه مصرين ان تخلوا البعد عنكوا غنيمة؟!

تو دو ليست

The to-do list فى العيد :

-كتابة ريفيو "سبوتنيك الحبيبة ل هاروكى موراكامى" و "دين الانسان ل فراس السواح" و "تشريح الثورة ل كرين برينتن" عشان خلصتهم من اكتر من شهر و مكتبتش عنهم حاجة مع انهم تحفة

-الانتهاء من ال٥٠ صفحة اللى فاضلين فى رواية "الاخر مثلى" ل سارامجو على التابلت

-كتابة ريفيو الاخر مثلى ، عشان لو عدت ٢٤ ساعة هتطلع عينك عقبال ما يتكتب ده ان اتكتب اصلا

-الانتهاء من ال٤٠٠ صفحة اللى فاضلين فى تجيليات الغيطانى

-تكملة ريفيو الغيطانى لانى كتبت معظمه اثناء القراءة اصلا

-نقرا او نخلص -حسب الوقت- القلعة ل دى سانت اكسوبرى

-بعد ما الاخر مثلى تخلص -و يتكتب الريفيو دا ان اتكتب فى سنته- ابدأ فى حصار لشبونة ل سارامجو برضة

-بعد ما اخلص تجيليات الغيطانى نستعير -بعد العيد- اجزاء كتاب دفاتر التدوين ال٧ كتاب كتاب بقى

-نبدأ فى رواية زينب محمد حسين هيكل مع انى متأكدة انها مش هتعجبنى بس ندى له فرصة

-نحاول نبدأ فى تاريخ الجنون الكلاسيكى ل ميشيل فوكو لانه اتأجل بزيادة و لازم نرجعه بعد العيد

#تعريف_البؤس
#عندى_شيفتات_فى_العيد_اصلا
#مين_اللى_له_دماغ_يقرا_ده_كله؟
#القوائم_دى_بتتعمل_عشان_محدش_ينفذها_اصلا
#بنخرج_فى_كل_الاوقات_الا_العيد

العيد كمان و كمان

طب الوضع الحالى بيقول لنا ان الكلام عن فرحة العيد بقى اكليشية ، و الكلام عن اكتئاب العيد بقى اكليشية اكتر

التاج فى صورة الخروف مبتذل ، و الكلام عن اننا مش عايزين حد يعمل لنا تاج مبتذل ، و الكلام عن جبر الخواطر و التريقة على الناس اللى مش عايزين حد يعمل لهم تاج مبتذل اكتر و اكتر

الهرى عن الترمس و اللحمة و التحرش و افلام العيد و فاطمة ناعوت  و العيدية بقى غير محتمل

اممممم و فى ظل الظروف الغريبة دى تظل اسئلة وجودية غير مجاب عليها اهمها:

الشربخ و الزربو قولى دول معناهم ايه؟

طب نعمل ايه يا سيادنا نسرق ولا نبيع بودرة؟

حوليات205:حلاوة

و يلاقى الناس مبسوطه و بتقول لبعض كل سنه و انت طيب و امه راحت تشترى الحلاوه و تنقى الحتت الطريه لابوه عشان سنانه متوجعوش و تحوش الحتت المقرمشه لاخته الصغيره عشان بيحبها و لاخوها الحمصيه عشان بيستناها من السنه للسنه

فيقعد بينه و بين نفسه و يقول ايه ده؟ هى مال الناس مبسوطه كده ليه؟ لما اخش ابيض عليهم شويه فيقعد على اسلام ويب يدور على اى بتدجان ان الاحتفال بمولد النبى بدعه الى اخر الحديث و عموما انت لو دورت على اسلام ويب على اى حاجه هتلاقيها حرام حتى الشيكولاته بالفستق باعتبار انها خلوه غير شرعيه

يعمل بوست طويل كله رعب للناس الغلابا اللى بتحبى النبى اولا و ببساطة بتحب الحلاوه و بتستناها على الاقل من باب ربنا ما يقطع لك عاده يا ابنى , و مليان لينكات ...حاااا اتبسطت؟؟ لا طبعا ما هو اصل دم اهلك يلطش و ميكملش عندك غير 6 فريند هما اللى طايقنك و يمكن نصهم عامل لك hide update 

فياخد البوست كوبى و يرزعه على جروب الدفعه و على الوول المايل بتاع دينا نبيل 

#سيبك_انت_كل_سنه_و_انت_طيب

حوليات205:حلاوة

و يلاقى الناس مبسوطه و بتقول لبعض كل سنه و انت طيب و امه راحت تشترى الحلاوه و تنقى الحتت الطريه لابوه عشان سنانه متوجعوش و تحوش الحتت المقرمشه لاخته الصغيره عشان بيحبها و لاخوها الحمصيه عشان بيستناها من السنه للسنه

فيقعد بينه و بين نفسه و يقول ايه ده؟ هى مال الناس مبسوطه كده ليه؟ لما اخش ابيض عليهم شويه فيقعد على اسلام ويب يدور على اى بتدجان ان الاحتفال بمولد النبى بدعه الى اخر الحديث و عموما انت لو دورت على اسلام ويب على اى حاجه هتلاقيها حرام حتى الشيكولاته بالفستق باعتبار انها خلوه غير شرعيه

يعمل بوست طويل كله رعب للناس الغلابا اللى بتحبى النبى اولا و ببساطة بتحب الحلاوه و بتستناها على الاقل من باب ربنا ما يقطع لك عاده يا ابنى , و مليان لينكات ...حاااا اتبسطت؟؟ لا طبعا ما هو اصل دم اهلك يلطش و ميكملش عندك غير 6 فريند هما اللى طايقنك و يمكن نصهم عامل لك hide update 

فياخد البوست كوبى و يرزعه على جروب الدفعه و على الوول المايل بتاع دينا نبيل 

#سيبك_انت_كل_سنه_و_انت_طيب

حوليات205:حلاوة

و يلاقى الناس مبسوطه و بتقول لبعض كل سنه و انت طيب و امه راحت تشترى الحلاوه و تنقى الحتت الطريه لابوه عشان سنانه متوجعوش و تحوش الحتت المقرمشه لاخته الصغيره عشان بيحبها و لاخوها الحمصيه عشان بيستناها من السنه للسنه

فيقعد بينه و بين نفسه و يقول ايه ده؟ هى مال الناس مبسوطه كده ليه؟ لما اخش ابيض عليهم شويه فيقعد على اسلام ويب يدور على اى بتدجان ان الاحتفال بمولد النبى بدعه الى اخر الحديث و عموما انت لو دورت على اسلام ويب على اى حاجه هتلاقيها حرام حتى الشيكولاته بالفستق باعتبار انها خلوه غير شرعيه

يعمل بوست طويل كله رعب للناس الغلابا اللى بتحبى النبى اولا و ببساطة بتحب الحلاوه و بتستناها على الاقل من باب ربنا ما يقطع لك عاده يا ابنى , و مليان لينكات ...حاااا اتبسطت؟؟ لا طبعا ما هو اصل دم اهلك يلطش و ميكملش عندك غير 6 فريند هما اللى طايقنك و يمكن نصهم عامل لك hide update 

فياخد البوست كوبى و يرزعه على جروب الدفعه و على الوول المايل بتاع دينا نبيل 

#سيبك_انت_كل_سنه_و_انت_طيب

حوليات185:اخر يوم من 2013

ملاحظات عشوائية:

1- عيد جواز ماما و بابا -و دى مناسبة مقدسة عندنا- يوم 1 يناير فكل سنه بنحتفل عند منتصف ليل 31 ديسمبر بجاتوه و كباب و جمبرى الثلاثية المقدسة اللى بقت عاده سنويا فى عائلتنا

2- قضيت يومى الاخير من 2013 و انا بقرا عن المعتزلة و فى افكارهم و معتقداتهم و تاريخهم و قعدت اشرحها لماما -اللى مكنتش مهتمه الصراحة بس سمعت عشان متزعلنيش- و بعمل مقارنه فكرية حاليا بينهم و بين الخوارج و بين الشيعة

3- اول مره اعرف ان كان فى فئة اسمها "الدهرية" و دول كانوا ملحدين العصر الاسلامى و ذاع الصيت ابان العصر العباسى , الالحاد قديم فى بلاد العرب يا جودعان

4-قررت انه من هنا و طالع و خاصه فى 2014 ان اللى هيقول لى كلام يضايقنى او يعصبنى سواء عالفيس او الواقع انى مش هارد عليه , مش هادخل خناقات خايبة تانى يا منى

حوليات39:اكليشيهات العيد

زى ما بوستات فرحة العيد بقت ممله , و زى ما التاج فى صور الكحك بقى اكليشية , بوستات "عدم الفرحة" بالعيد و عدم الاحساس بيه برضه بقى اكليشية كبير و انا كحد بيكره الاكليشهيات اعمل ايه؟؟...ثم ان العيد بيجى كل سنه و ده فى حد ذاته بقى ممل

انا بقول نحتفل بيه مرة كل 4 سنين زى كأس العالم يمكن نشتاق له شوية
*****************************
 زمان كان العيد واضح المعالم لانى طول السنه مكنش معايا فلوس و يجى العيد فامسك كم هائل منه مره واحدة "قبل ما ماما ترجع تلم العيديات"

و كان طول السنه مش بشترى هدوم جديدة و قبل العيد تهل عيالنا اشكال و انواع ملابس من كل لون و مقاس

و كان طول السنه يا اما بذاكر او قاعدة بقرا كتب فى البيت و يوم العيد بخرج بقى و اشوف الدنيا
المشكلة ان دلوقتى انا تقريبا فى عيد طول السنه...دايما بشترى هدوم و الحمد لله دايما محفظتى مليانه و الخروج بقى جزء عادى من الروتين... ربنا يدميها نعمه
**************************

بمناسبة الاعياد بقى:

-فى الفالنتين مهمتى الاولى انى اقعد اقر و احسد الجماعه الهيمانين و حاملى الكروت الحمراء و الدباديب

-فى راس السنه بتفرج على افلام و اغانى سانتا كلوز بذات حلقات "glee" و بحتفل كمان بعيد جواز بابا و ماما اللى فى 1 يناير

-فى العيد الكبير بقعد اقرف من ريحة الدم و ابعد عن اللحمة و يصعب عليا الدبايح

-فى العيد الصغير بقعد اقزقز فى الكحك الحلو و بعدها اديها ترمس مالح

-فى شم النسيم بقعد الون البيض شوية و اكمل اليوم شتيمة فى البشر اللى بتاكل سى "فسيخ" ده..و امدح الدور الوطنى للرنجة فى مواجهه مثل هذا الغزو

-فى عيد الام بقعد افكر هاجيب ايه لماما و فى الاخر ازهق و اقرر انى هابقى اجيب لها فى عيد ميلادها اللى فى مايو و خلاص
*****************
الاعياد باظت ياض يا حدوته

**************************

 سيبك انت كل سنه و انت طيب

حوليات11:يوم رمضانى أول

ايام الصيام صعبة عليا خلينى اعترف يمكن لانى -وا اسفاه- مش من اللى بيصوموا الاتنين و الخميس و الحاجات دى...

-من 5 سنين كان صيامى الحقيقى انى اصبر على الجوع لانى وقتها كنت باكل على فترات مليش فى الوجبات الكبيرة و كانت مأساة ...فى ال3 سنين اللى فاتوا كان صيامى الحقيقى انى اصبر على العطش لان رمضان كان مرابض فى الصيف و كانت ايام شديدة....الحقيقة اللى لازم اعترف بيها ان صيامى الحقيقى السنه دى انى اكتم لسانى عن الشتيمة فى ظل الظروف السياسيه العصيبة و مستوى الدراما المتدنى...ربنا يعديها على خير


و خفيت الحمد لله و لو مؤقتا من داء السياسة اللى مليانة نجاسة..و قضيتها مسلسلات بقى:


مسلسل "القاصرات" و "ذات" و "بدون ذكر اسماء" و "موجه حارة"  لفتوا انتباهى جدااا اخيرا مسلسلات بيناقش قضايا فعلا و كلهم مقتبس من اعمال ادبي , مسلسل "الداعية" عجبنى فيه اغنية المقدمة و النهاية بس فكره ان هانى سلامه و احمد فهمى متشددين دى بتضحكنى بصراحة , "الراجل العناب" مسخرة بس عسل زى ما تخيلت ,محمد هنيدى فعلا زى ما تخيلت تقيل و رزل و محروق معرفتش اضحك خالص و للاسف معاه احمد مكى اللى مش عايز يغير ولا يطور نفسه, مسلسل فرعون و الركين مشدنيش برضه

و خلينا نبقى واضحين: انا مش فاهمه اى حاجة من اعلان احمد عز...بس انا -لسبب ما- مبسوطة لما بشوفه ...سيبك انت القبول ده من عند ربنا احم بس هو من حيث قمووور فهو قمور قوى "بالقاااف"

و مازالت ابحث عن ذلك المسلسل اللى يدينى ايحاء و سمو "الخواجة عبد القادر" و مش لاقيه...المسلسل ده فتح لى باب استمتعت بيه سنه كامل سواء فى كتب او اغانى الصوفية


الاهم بقى : ذات مويمنت لما اكون قاعدة بتنطط من مسلسل لمسلسل و بتريق على الكل...و روح الناقد جوايا تطلع و تلعلع كده فى التفاصيل الدرامية و الراكور



و يجى بابا يغير و يجيب قناه جزيرة مباشر فى اعتصام رابعه و هما بيدعوا علينا



يو فيل لايك: انت بتكرهنى ليه يا حج؟؟

***************************

اهو يوم و عدى الحمد لله....مش ناقص غير ان ادق الناقوس  زى حسن الهلالى و اهتف: الاول

ما قرأت فى 2012

سنه 2012 كانت سنة كارثة قطعا...بس فى الكتب كانت سنه جيده...و وسط الاكتئاب و امتحانات سنه خامسة و السياسة قريت 230 كتاب ورق و بى دى اف و استعاره و شراء....كانت منهم كتب تحفة و كتب كانت مجرد مخرج من حالة نفسية سيئة

ما قرأت فى2012

http://suchasmallaffairs.blogspot.com/2011/12/2011.html
بقالى نص ساعه بقلب فى الكتب اللى قريته...توزيع جوائز الحصاد السنوى اصعب مما تخيل بصراحه.....احم عموما نحاول


افضل رواية عربيه

بعد منافسه طويله فازت ثلاثيه علاء الديب (أطفال بلا دموع - قمر على المستنقع - عيون البنفسج) ...التى على الرغم من ان تقييمها بالنجوم لم يتجاوز ال 3 نجوم الا انها لا تزال محفوره فى ذاكرتى بشكل غريب


مناصفه مع : الاوباش للرائع خيرى شلبى و باب الخروج عز الدين فيشير

******************************

افضل رواية اجنبيه

-بلا منافسه تذكر : كافكا على الشاطئ هاروكي موراكامي

*****************************

افضل كتاب سياسى

عن الحرية جون ستيوارت ميل

*****************************

افضل كتاب سيرة ذاتيه

مذكرات صبى مجند إشمائيل بيه

و

حياتى احمد امين

****************************

افضل كتاب اشتريته

هكذا تكلم زرادشت // فريدريك نيتشــة

****************************

افضل مؤلف لهذا العام

ممدوح عدوان فى "حيونة الانسان" الذى فتح لى افاق جديده

****************************

توقعات قليله و مستوى رائع

صباح الخير يا وطن : شهادة من بيروت المحاصرة رؤوف مسعد

***************************

توقعات عاليه و مستوى متواضع

أنا عشقت...محمد المنسى قنديل

**************************

أسوأ كتاب

بلد متعلم عليها مصطفى شهيب

***************************

الكتاب الاكثر اثارة للمشاكل

الفيل الازرق احمد مراد

يا ليله العيد فجأتينا !!

و كأن محدش كان عارف ان فى عيد هيجى السنه دى ....اندهش الكل و اتفاجئوا بليله العيد اللى جت على غفله ..عملتها فينا الرؤيه و غلبت كل التوقعات الفلكيه ... ياااه بقالنا سنين محسناش بمفاجأه ليله العيد بعيدا عن النتيجه و المواعيد المسبقه...سيبك انت كل سنه و انت طيب