الخميس، 30 سبتمبر 2010

مالنا؟؟؟؟


الدنيا مالها ولا إحنا مالنا
ولا الزمان نسانا إيه جرى لنا
بقينا نحبس في الصدور سؤالنا
ونحسد الصادق على صدقه
ونقف بين العاشق وبين عشقه
نهرب من الصافيين إذا بكيوا
ونحسد الباكيين إذا ضحك




عندما يحسدك الجميع على صبرك ....


عندما تجد نفسك تستعيذ من عيون الناس ونظرات حسدهم خشيه ان يذهب صبرك و رضاك الذى لم تطلع من كنوز الدنيا الا به.....

عندما تتفق قوى الطبيعه و الناس و الكون على الاطاحه بعقلك الصغير الذى لا يحتمل الضغط الجوى نفسه ....

عندما يعجب الناس بك و يتمنوا ان يكونوا مكانك لمجرد انك تتحمل الالم وحدك و تظهر ابتسامتك....


عندما يطمع كانز الثروات وجامع الذهب فى صناديقه الواسعه فى قطعه من الفضه فى يد طفل يتيم....

عندما ينطبق المثل الشعبى "حسدوا الغجر على ضل الشجر " على نفسك بلا شعور منك....

عندما تكون على استعداد لان تكتم كل اوجاعك فى بوتقه روحك الضيقه و تجبر نظره السعاده على الثبات فى عينيك المرحتين....

عندما يتهرب منك الجميع اذا اخطأت فى التظاهر و لو للحظات و يهرب من حولك -انت الصافى- حين تغلب دمعه من دموعك كل خطوط الدفاع و تظهر فى عينيك و تتخذ رحلتها بدفئها على وجنتيك كاشفه انك مخلوق بشرى من اللحم و الدم وليس من حجز الجرانيت......

عندما تكتشف انك اضعف مما تتخيل بل و تحتاج العون لتقف على قدميك الهزيلتان و تنظر حوالك فلا تجد من يتكبد عناء النظر اليك....

عندما تتضح لك الصوره فجأه بانك انانى تعيش فى عالم اكثر انانيه فلا انت تضحى و لا احد اخر....

عندما لا تكشف اخطاء الاخريين خجلا من خجلهم و تكتشف الخجل عمله نادره قد تقتصر عليك فقط احيانا و تجد من يسبر اغوارك رغما عنك بحثا عن نقواصك و عيوبك و يشيح بوجهه على نصف الكوب الخالى....

عندما تتراجع فى امنيتك الصغيره فى قراءه افكار الاخريين خوفا مما قد تسمعه فيؤذى روحك الهشه ....

عندما تحبس فى صدرك سؤالك....عندما تحسد الصادق على صدقه....و تجد نفسك تقف بين العاشق وبين عشقه...عندما تهرب من الصافيين اذا بكوا....عندما تحسد الباكيين اذا ضحكوا......



عندما تتجتمع كل الظروف فى لحظه واحده يجب ان تقدم لنفسك السؤال الذى لا غنى عنه : الدنيا مالها ولا احنا مالنا؟؟؟؟؟

يااااااااااه !!!!!!



ياااااااااااااااه النهارده 30 سبتمبر من عام 2010 !!!!!!!!!!!!!!
ايه سبب كميه الالف اللى فى ياه و كميه علامات التعجب؟  ...اقولك من غير ما تسأل السبب ببساطه هو ان اخر تدويناتى فى رفايع كانت يوم 14 سبتمبر اكيد يعنى فى نفس السنه بمعنى انى مر عليا قرابه الاسبوعين و نص مبتعده .....مجاش فى دماغى يوم ما حققت حلمى فى امتلاك صفحه اليكرونيه ملكى هى مدونتى انى ممكن اغيب عنها مش فقد للحماس ولاحاجه و لا حتى قله وقت لكن اممممممم بجد مش عارفه



.السؤال المنطقى التالى / ليه؟
الاجابه ببساطه انها زى ما تقول كده اتحاد قوى الطبيعه عليا مش نقص افكار ولا حاجه لانى برضه فى الفتره دى قريت كتيير و اتفرجت على كتير و عندة مئات الافكار اللى ممكن افضل اكتب عنها لحد ما اشبع و عموما الكلام الفارغ مفيش اكتر منه  و الكتب بتتقرى و تخلص و تصل لمصيرها النهائى للرف كالعاده يعنى الماده الخام للكتابه كتييير بس زى ما قالوا زمان فين النفس اللى تكتب...اسبوع منهم كنت فى راس البر بعيده عن الانترنت بمزاجى حيث العزله والانعزال و اكتشاف عوالم اكثر صعوبه وتشابك من عالمى الافتراضى على النت العالم اللى بقصده هو عالم البشر المتشابك المكلكع المعقرب اللى اكتشف فى الاسبوع ده انه متشابك اكتر مما تخيلت ...اسبوع فى معكسر الجامعه فى راس البر "و هو بالمناسبه معسكرى الرابع فى كليتى الحبيبه اللى هتكون سبب فقعه مرارتى " كافى جدا انى اقابل بشر اشكال والوان و اكتشف انى لسه مدخلتش عالم البشر الناعم المروع بكل جوارحى ......شايفه فى عينيك سؤال بيطنطط معلنا عن نفسه ايوه سمعت السؤال و بيقول : طب و الاسبوع التانى؟؟ اقولك عزيزى القارئ اللى غالبا انت مش موجود اصلا السبب هو سده النفس من النت و الواقع و اى حاجه فى الدنيا مش عارفه ليه عموما انا قريت قبل كده ان الاكتئاب جزء من لعنه كون المخلوق امرأه عموما انا متقبله كونى من اصحاب كرموسومات ال XX و امرنا لله......سمعاك برده بتقول طب انتى مكتئبه بتكتبى وتزهقى خلق الله معاكى ليه ؟؟ اقولك بفضفض يا سيدى لازم الشعب يستحمل بعضه و نشيل بعض ....عموما شكلى على وشك انفراجه قريبه قد تحل عقد النفس المتشابكه.........

الثلاثاء، 14 سبتمبر 2010

قط و تسع كلاب...



"لعله افضل كتاب القصه و الروايه المعاصرين" صحيفه ميل اون صاندى....هو ده التعليق اللى قدر له ان يطبع على الصفحه الاولى على روايه "قط و تسعه كلاب" للمؤلف جيفرى ارتشر اللى اعترف انى عمرى ما سمعت اسمه قبل ما تقع الروايه دى فى ايدى بعد كده عرفت انه من اكثر الروايات مبيعا و انه ناجح عالميا فى وقت قصير و اترجمت روايته للغات كتير منها العربيه وان رواياته بتتطبع تبع دار نشر "جرير" ذات الاسعار العاليه وجوده الطباعه التى لا تضاهى....مكتوب على رواياتنا دى 50 جنيه و بالتالى فكره انك هتوفر 50 جنيه هتخليك تتحمس انتك تبدء فى الروايه دى الكترونيا pdf فى غلافها الاحمر و كتابتها الذهبيه و لو انت معاك فلوس وربنا فتح عليك اشتريها بقلب جامد لانها تستحق فلوسها لانها ببساطه روايه ممتعه مقسمه على هيئه قصص قصيره ..............


الاول نعرف مين هو جيفرى ارتشر : ارتشر هو كاتب انجليزى من انجلترا نفسها وعايش فيها ..كان بيشتغل فى مجلس العموم البريطانى لمده سنين طويله و بعدين دخل السجن "فى تهمه لم اعرفها بعد" هو صحيح اتسجن سنتين لكن تنقل فى 5 سجون مختلفه وده خلاه يتعامل مع المسجونين و يسمع قصص و حكايات...صحيح مده سجنه كانت قصيره الا انها اثرت فيه و خلته ينتج انتاج ادبى جميل بذات فى القصه دى...
الكتاب بيضم 12 قصه قصيره كلها حكايات حقيقيه سمعها المؤلف اما جوه السجن او بره كلها ليها علاقه بالجرائم مش دايما المجرم بينال عقابه ومش دايما بيفلت فكل قصه حكايه لوحدها فيها و فيها و الغريب ان كل الجرائم فيها فكره ظريفه و جديده و هتلاقى نفسك كقارئ تتمنى ان تنجح ذلك الخطط العبقريه مش دايما بتنجح و مش دايما بتفشل...الجرائم بتختلف منها النصب و غسيل الاموال و القتل و الابتزاز ومنها قصص مفهاش جرايم خالص ......الحاجه المميزه كمان فى القصص دى هى نهايتها اللى بعضها بيبقى مفاجأه فى الاخر يجعل منها قصه تستحق القراءه ....
من الحاجات اللى عاجبتنى جدا فى الكتاب ده الصور و الرسومات اللى فيه اللى بتسبق القصه و بتخللها كمان كلها رسوم ظريفه بتصور الاحداث من غير ما تحرقها....


القصص القصيره هى "بترتيب الكتاب مع صوره القصه من الكتاب نفسه" :
 




الرجل الذى سرق مكتب بريده : اول القصص و اطولهم ....عندما تشعر بالظلم فتنزع حقك من نفسك!!!!!

حلوه بس مش قوى..... 







 المايسترو : تانى القصص قصيره الطول....عندما تثابر على اكتشاف الحقيقه فتجدها فى الغساله!!...

متوسطه المستوى












 لا تشرب الماء : ثالث قصه متوسطه الطول.....هل جربت انك تقتل حد بانك تشربه مياه؟؟؟ بس خلى بالك من نفسك لتتبل

بنهايه مفاجاه تستحق ان تكون افضل القصص 







لا يمكن ان يكون اكتوبر قد عاد بهذه السرعه : القصه الرابعه  قصيره الحجم.....عندما ترمى طوبه تكسر زجاج محل مؤمن وتنظر الشرطه يكون قد حل اكتوبر!!!!!!

جيده المستوى بنهايه مؤسفه تشعرك بالحزن









الملك الاحمر : القصه الخامسه كثيره الاحداث ...
عندما ترتكب جرم وتسجن من اجل جرم اخر لم ترتكبه و الكل من اجل قطعه شطرنج !!!!!















حكيم الزمان : القصه السادسه قصيره مش كبيره ....
عندما تيأس و يعتقد الجميع ذلك...انتظر حكم المحكمه!!!!
نهايه ممتازه تجعل من هذه القصه اكثر من جيده












اتفهم مقصدى : القصه ال 7 بحجم متوسط....
من الغباء ان تفعل الفعله نفسها اكثر من مره و تتوقع نتيجه مختلفه!!!!!
مش حلوه قوى لكن اسلوب قصصى جميل













دليل نفى : القصه ال 8: متوسطه الطول ....

انك تطلع براءه مش معناه انك تطلع من السجن...فكل ما يقوله حارس السجن حدث!!!!! 





الاقربون اولى بالمعروف : القصه ال 9 متوسطه الطول.....
لماذا يجب ان تذهب التبرعات بعيدا... اليس الاقربون اولى ؟؟؟


















ماسأه يونانيه : القصه ال 10 قصيره الحجم....
عندما ينقذ الابطال روحك مره فى السابق و مره فى الحاضر ..تكون مأساه يونانيه !!!














المأمور : القصه ال 11 قصيره الحجم....
لا تحاول ان تخدع المأمور حتى لو كان هندى و عنده 60 سنه!!!!!!














القصه ال 12 و الاخيره : هى القصه المفضله للمؤلف جيفرى ارتشر زى ما قال فى المقدمه .....

ليس كل ما تراه حقيقيا ...و ليس كل ما تعتقده واقع!!!!

بنهايه مؤثره تصبح هذه القصه المفضله ليا انا كمان







التعليقات اللى قلتها دى محرقتش الكتاب و بالتالى انصح بشدهع انك تستمتع بحكايا جيفرى ارتشر 
عموما الرابط اهو لو خدك الشوق

 http://dc205.4shared.com/download/22...8cfb/_____.pdf


* ملحوظه صغيره : انا لسه مش فاهمه اسم الكتاب....فين القطط و الكلاب ؟؟؟؟لم افهمها سواء بالانجليزيه او بالعربيه !!!! 



امضاء: 
مدونه رفايع
د/دودى

الأحد، 12 سبتمبر 2010

لحن لم يكتمل .."3" شخصيه مصر



فاكرين لما كنت بتكلم عن الحاجات اللى وعدت نفسك انك تكملها و حنثت بوعدك و تتاجل الى ما لا نهايه و تفضل اعمالك غير المكتمله تبص لك فى نظره التحدى و بتقولك "لو كنت شجاع كفايه كنت كملت..يا جبان" قول ده بيبقى فى الحاجات العاديه لكن الوضع فى الكتب بيكون اسوء بكتير لان الكتاب بيبص لك و بيقول "لو انت بتفهم كفايه كنت كملت..يا غبى " فى الحالتين الاعمال غير المكتمله بتبقى سليطه اللسان مطالبه بحقها الشرعى فى ان تؤدى مهمتها معاك و الا فده هيكون فشل ليك....
فى التدوينه اللى فاتت حكيت عن كتاب "الامير" ذلك الكتاب اللى فضل 10 سنين يبص لى و شكله كده هيفضل مده كمان لحين استجماع شجاعتى و الانتهاء منه....


النهارده بقى هاعرفكم على صديقى غير المكتمل الاخر : ببساطه هو كتاب "شخصيه مصر " تأليف العلامه فى تاريخ مصر الدكتور جمال حمدان ..ذلك الكتاب اللى ماكنش موجود فى دولاب التليفزيون المزمع تسميته بالمكتبه و بالتالى قررت انى اضيفه كعضو فى مكتبتنا الحبيبه ...و كل مره هنلاقى نفسنا يرجع مرجوعنا لمكتبه الاسره مش عارفه ليه يمكن لانى دايما بحس ان ليها فضل كبير عليا و بعد بحث وتنقيب لاقيت راجل عنده مكتبه كتب مستعمله على جديده فى المنطقه عندنا اذكر ان الكلام ده كان فى سنه 2006 و ان الراجل ده بقيت زبونه عنده بعد كده و اجيب من عنده زخائر الكتب باسعار شبه رمزيه يمكن يجى اليوم اللى احكى عنه و قصته معايا...المهم لقيت الكتاب اللى هو "شخصيه مصر" لو كنت نسيت الطبعه اللى عندى طباعه دار الهلال فى طبعه خاصه لمكتبه الاسره فى فعاليات مهرجان القراءه للجميع سنه 1995 الغريبه ان حاله الكتالب كانت ممتازه ولا كالنه اتقرا قبل كده و اللى يغيظ انه لسه على حالته دى.....


السؤال الابدى : ليه على الرغم من مرور 4 سنين على هذه الحاثه ظل الكتاب بتول لم تتم قراءته بعد او لنقل انى ابتديته ولكنى لم انتهى منه ابدا على الرغم من اشتياقى لانى اخلصه و الله....هاوضح ليكوا و يمكن لنفسى السبب بصراحه كده من دون مواربه او خجل السبب هو صعوبه الكتاب اللى خلانى اكش منه كل مره وبعد ما اقرا الصفحه ارجع اقراها تانى.....كان فى اكتر من تفسير للموضوع ده ماما بتقول ان كتر قراه الروايات وان كانت عبقريه او عظيمه او حتى حاصله على نوبل بوظ مخى و ان قراءه الروايات دى خلانى استصعب اقرا الكتب اللى محتاجه فهم او مجهود عقلى شويه....فى تفسير اخر بس المره دى ده تبع بابا اللى قال انى 4 سنين فى كليه الطب شديده العلميه والعمليه وقبلها سنين الثانويه العامه الغراء خلا فكرى علمى زياده عن اللزوم فبقى تفكرى الفلسفى بعافيه شويه و ان الاحقائق المطلقه بوظت مخى ....
طبعا انا بميل لرأى بابا لانه اقل اهانه شويه مع ان يمكن السبب يكون مكس بين الاتنين او قد يكون نوع من انواع الكسل الفكرى المهم انى حبيبت اشجع نفسى و اعرض لنفسى ما يفوتنى عند اضاعه كتاب ثمين زى ده....و هنا اقتبس جزء من المقدمه لاوضح وجهه نظرى :
"و من المحقق ان طبيعه الجغرافيا الكامله الكامنه لا تتحقق فى شئ كما تتحقق فى دراسه الشخصيه الاقليميه ..فليست الشخصيه الاقليميه تقرير حقيقه علميه مطلقه يمكن ان تخضع تماما للقياس الرياضى و الاحصاء و ذلك على الرغم من انها تعتمد اساس على ماده علميه موضوعيه بحته . لنها عمل فنى بقدر ما هى عمل علمى .و ذلك على رغم ما يجده البعض من تعارض ظاهرى فكما يقول جلبرت احد دعاه الشخصيه الاقليميه "ان الجغرافيا هى فن التعرف على شخصيات الاقاليم و وصفها و تفسرها " و يضيف "شخصيات الاقاليم كشخصيه الفرد يمكن ان تنمو و ان تتطور  و ان تتدهور و وصفها لا يق صعوبه" 
و لكنا نرى ان فن تناول الماده العلميه لا يكفى وحده لتشخيص الاقليم بل لابد من اطار من "فلسفه المكان"اطار يحدد تلك الشخصيه و لهذا  فنحن مع "دبنام" حين يعرف الجغرافيا بانها "فلسفه المكان" و لا يعنى هذا فلسفه محلقه عامضه  بل فلسفه عمليه واقعيه قد ترتفع براسها فوق التاريخ و لكن تظل اقدامها راسخه فى الارض ..فلسفه تحلق بقدر ما تحدق  "
فكما نرى ان الكتاب علمى- ادبى فهو رجل فى الفلسفه المتعمقه ورجل فى العلم البحت....اتمنى يجى اليوم اللى اخلص فيه الكتاب ده و انهل من ذلك النبع المعرفى.... 


السبت، 11 سبتمبر 2010

لحن لم يكتمل..."2" الامير





فى حياه كل واحد منا حاجات ابتدى فيها وعمره ما كملها دايما تمنى نفسك انك هترجع لها فى يوم من الايام لكنها بيبقى مكتوب عليها انها تفضل كده على طول تبقى لحن لم يكتمل ...وجوده نصفى فى حياتك....

فى حياتى اكتر من كتاب و حاجات كتير  من النوع اللى بحكى ليكوا عليه كتب حاولت انى اخلص من همها كتير وفشلت و الكلام ده على مدى خمس سنين و لسه مفيش فايده :
اللحن الناقص الاول : كتاب الامير بتاع ميكافيللى
الكتاب عندنا فى مكتبتنا اللى فى دولاب التليفزيون و انت داخل على ايديك اليمين من سنه 2000 كان طبعه مكتبه الاسره فى سلسله امهات الكتب اللى طبعت فى السنه دى كتب اقل ما توصف بيها انها كتب تحفه تقدر بالمجوهرات لعده اسباب : اولا سعرها المنحفض و الرمزى نسبه لسعرها الحقيقى فى السوق للدور النشر العاديه و ثانيا لان الكتب دى كانت غير متوفره بشكل كبير و بالتالى كانت مقصوره على المتخصصين اللى فاضيين انهم يدوروا عليها ويشتروها بسعرها الاشبه بالخيالات ....تخيلوا ان كتاب عظيم زى الامير فى طبعه تحفه و اكثر من جيده يكون ب 150 قرش!!!!! كتاب من زخائر الادب السياسى العالمى...كتاب اتربى عليه موسيلينى وهتلر و تشرشل و كل قاده السياسه فى القرن العشرين بل والقرون السابقه...كتاب اتظلم كتير و اقتصر كل محتواه فى عباره "الغايه تبرر الوسيله " فاقتطعت ظلما وعدونا من محتوى الكتاب اللى لما هتقرى الكتاب هتوضح ليك الامور بشانها فميكافيللى كان من النوع اللى بيقول احنا ايه مش بيخدع نفسه ويخدعك و يقول المفروض نبقى ايه...كتاب يحتوى على فن السياسه فى وضوح و سلاسه و بيان لكل موقف سياسى وحلوله...كتاب كان محرم لمده 300 سنه فى اروبا و حمى نسخه محبين العلم و احتنضونها و حموها من الفناء وبطش اللى بيكتموا الفكر و معارضى الابداع و حريه الفكر ...كتاب عدد صفحاته 192 صفحه فقط لكن بيضم فكر و ابداع عبقرى لدرجه انه اتكتب فى القرن ال 15 لكن لسه بيحقق اعلى الايرادات و احنا فى القرن 21...كتاب هو دليل اى حد عايز يبقى زعيم او رئيس او قائد محنك لاى مجموعه من البشر.....
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
شايفه علامات التعجب على وشك وبتقول ما دام بتغزلى قوى فى الكتاب كده و قاعده نص صفحه تمدحى فيه امال حاطه فى تدوينه لحن لم يكتمل ليه؟؟ ليه عمرك ما كملتيه و كشفتى كل اغواره قبل كده؟؟ ايه اللى معطلتك على الرغم من صغر الكتاب و انك كل شويه تكتبى تدوينه عن كتاب خلص فى ايديك او بين عينيكى؟؟؟ ايه اللى يجبرك انك تقرى على الكمبيوتر كتب قد تكون اقل شانا و تسيبى نسخه ورقيه فى بيتك من كتاب عظيم زى ده؟؟؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ارد عليك واقول بصراحه عده اسباب اتفقوا على مؤامره لهذا الكتاب من سنه 2000 لحد 2010 :

1/ فى سنه 2000 لما كان الكتاب ده ضيف جديد على مكتبتا كنت ايامها عندى 10 سنين لانى من مواليد 1990 متفتكرش انى مقرتوش ساعتها عشان كان سنى صغير...لا بالعكس ايامها كنت بقرا برضه عادى جدا ويمكن كنت بقثرا اكتر من دلوقتى لان الوقت ايامها كان فاضى و البال رايق ...ايامها كان العصر الذهبى لانيس منصور بالنسبه لى كنت متابعه له بكل جوارحى و بجمع مقالاته و بدور على كتبه وكل اللى انت عايزه...فى الواقع انا كنت جاهزه انى اقرى الكتاب فى اى وقت لكن العقبه ايامها كانت حاجه تانيه خالص....العقبعه كانت ماما!!! لان ماما قارئه قديمه ومحنكه و هى اللى كانت دايما بتشجعنى انى اقرا مش بالكلام لكن بالفعل كانت بقرا قدامى ولاقيت نفسى بقلدها من غير ما احس ...ماما خافت انى فى السن الصغير ده اقرا كتاب خطير زى الامير فاصدرت تعليمتها انى مقراش الكتاب ده فى السن ده...و بالفعل اصبح هذا الكتاب هو الكتاب المحرم بالنسبه لى و ده اللى خلانى اتشوق اكتر انى ابتدى فيه...قرت ماما الكتاب هى و استمتعت بيه لكن قرار الحظر كان لسه مطبق خوفا على مخى الطرى القابل لتصديق اشياء كتير فى السن ده ...و بالتالى تاخر قراءه هذا الكتاب لعده اعوام .....لكن فى الخباثه كده قدرت اقرا منه  اول 90 صفحه على عجل مفهمتش منهم كتير لانى كنت بقراه فى السر بدون تمعن كبير و بالتالى اجلت الفكره...

2/ على 2005 كان عندى 15 سنه و ابتدى سنى يبقى مناسب جدا لقراءه الكتاب ده لان مخى كان استوى و التاثير فيه اصبح اصعب من زمان...ليه برضه محصلش انى خلصت الكتاب ده انا اقولك لان من 2005 لحد 2007 كان عندى ثانويه عامه و الحق يقال دى كانت اقل فتره فى عمرى كله اقرا فيها كتب و اقل فتره عملت فيها اى حاجه اصلا الوقت كان ضيق والثانويه العامه مترحمش خصوصا لو كنت علمى فى تانيه ة علمى علوم فى تالته و دايما على استعداد لتعويض درجات لم تضيع بعد..الحمد لله مرت الفتره دى على خير و تكللت بالنجاح بالحصول على 98.4% و دخول كليه الطب اللى عمرى ما فكرت انى هاقدر ادخلها و هو قرار لا اعلم بعد اذا كان صحيح...المهم انى اتعطلت عن الكتاب ده 3 سنين كمان...لكن ما انكرش انى فى الهيصه دى كلها قدرت انى اخطف اول 90 صفحه منه اللى كنت نسيتهم و برضه مفهمتش حاجه لانشغالى ب جلائل الامور و بالتللى اتنظرت حتى التفرع قليلا...

3/ من 2007 لحد 2010 هى الفتره اللى تغيظ بجد لانى كان عندى وقت فراغ معقول  و مخى اصبح شبه مستحيل التأثير فيه من اللى مر عليا...هنا اصبحت المحاولات حثيثه فعلا ....و بفضل الله قدرت ابدأ فى الكتاب تانى و قريت منه اول 90 صفحه برضه هنا بقى اتضح الامر ببساطه مخى اصبح علمى جدا من الدراسه و الحياه واصبح استعابى للفلسفه وعلوم السياسه اقل فاقل غير الصعوبات التانيه اللى قبلتنى فى الكتاب ده و هنا هاقتبس جزء من مقدمه الكتاب :.

 " فكتاب الامير من الكتب  التى تكثر قراءه التعليقات و الشروح عليها و تندر قراءه المتن نفسه اما لعد توافره باللغات العالميه المختلفه و منها العربيه او لبعد الشقه بينا وبين العصر الذى كتب فيه بحيث اصبح على القارئ ان يعيد لنفسه رسم ذبك العصر ويعيد صياغه مصطلحاته بترجمتها الى مقابلاتها الحديثه حتى يتمكن من فهم النص فهما صحيحا...و العقبه الاولى اهون من العقبه التانيه خصوصا لان القارئ الحديث يقارب الكتاب فى ذهنه تصورات سابقه من كلام المعلقين والمفسرين "

فى الحقيقه الكلمتين دول هما الخلاصه الحقيقه فى عقبات الكتاب ده لان توفر الكتاب نفسه مبقاش مشكله زى زمان لكن المشكله الحقيقيه بقت ان المؤلف اللى  هو ميكافيللى احيانا كتير بيشتشهد بملوك و امراء لشرح موقف سياسى معين لكن الامثله دى بتبقى لاحداث تاريخيه عتيقه غير مشهورخ وبالتالى يتعذر على القارئ العادى الغير متخصص فهم كل الامثله و بالتالى هتلاقى نفسك فاهم بالشبه ..و يمكن لان فكره الاماره و الرئاسه فكره غير متاحه لمعظمنا و بالتالى هتحس انك بتتعب نفسك اونطه ...و هنا اقتبس جزء من كلام ميكافيللى نفسه فى احد مواقف الكتاب "وده طبعا فى اول 90 صفحه اللى قريتهم" و يقول ميكافيللى  فى الفصل الثالث "فى الامارات المختلطه"  :

"كما أن الحاكم الذي يحكم إقليمًا أجنبيًا كما أوضحت، يجب أن يجعل من نفسه قائدًا وحاميًا لجيرانه الأقل قوة منه ويسعى جاهدًا لإضعاف الأقوياء منهم . وأن يحذر أن يغزوه م أجنبي أقوى منه، فمن لا يرضى بذلك سيدعوه للتدخل إما خوفًا أو طمعًا، وقد حدث ذلك حينما دعا "الإيتوليون" الرومان إلى بلاد الإغريق . وأي بلد دخلها الرومان كان بناء على طلب من أهلها وهناك قاعدة تقول : إن أي أجنبي قوي
يدخل إلى بلد فإن كل المستضعفين من سكانها سيؤيدون هذا الأجنبي مدفوعين في ذلك بحقدهم على حكامهم . ولا يتكبد الأمير أي عناء في ضمهم إليه لأنهم ينضمون بإرادتهم إلى قواته الغازية . ويجب على الأمير فقط أن يحذر من أن ينالوا سلطانًا كبيرًا أو قوة، حيث يتمكن من سحقهم، والسيطرة على الإقليم باستخدام قواته والموا لين له . ومن لا يستطيع تحقيق ذلك سيواجه صعوبات ومشكلات لا حصر لها.وقد ابتع الرومان دائمًا هذه السياسة فيما سيطروا عليه من ولايات . فقد أقاموا المستعمرات وأقاموا علاقات حميمة مع الدول الضعيفة المجاورة دون السماح لها بمزيد من القوة وأضعفوا الدول القوية ولم يس محوا للحكام الأجانب بالسيطرة عليها . وسأضرب هنا مث ً لا بولاية الإغريق حيث أقام الرومان صداقة مع "الآخيين والأيتوليين " إلا أنهم لم يسمحوا لهم بالتوسع في الإقليم . كما أنهم أضعفوا مملكة مقدونيا وطردوا "أنتيوكس" ولم يفلح صديقهم "فيليب" في استمالتهم له دون أن يض عفوا نفوذه كما لم تغرهم قوة "أنتيوكس" بالموافقة لعلى السيطرة على أي ولاية في المنطقة.وفي كل هذه الحالات سلك الرومان مسلك الأمراء الحكماء، الذين لا ينظرون إلى اضطرابات الحاضر فقط، ولكن أيضًا على ما سيقع منها في المستقبل، ويتأهبون له قبل وقوعه . فما يمكن ا لتنبؤ به يمكن علاجه بسهولة . إما إذا انتظرنا إلى أن تداهمنا المخاطر، فسيصبح العلاج متأخرًا عن موعده وتستعصي العلة. ويحدث هنا مثلما يحدث في اُلحميات غير المستقرة . فالأطباء يقولون أنهاا في بدايتها تكون صعبة التشخيص وسهلة العلاج بينما تكون سهلة التشخيص وصعبة العلاج وهي في بدايتها وهذا هو الحال في أمور الدولة . فإننا نرى الخطر المتوقع قبل حدوثه (وهي صفة الحكماء من الرجال فقط ) فيسهل علاجه . ولكن إذا تركناها تستفحل ويعرفها الجميع فلن يوجد لها أي علاج وهذا كله بسبب قصر النظر . ولهذا فإن الرومان كانوا يكتشفون الاضطرا بات وهي لا تزال في المهد واستطاعوا دائمًا أن يعالجوها، ولم يتيحوا لها فرصة لتزداد حتى يتجنبوا الحرب، وذلك لأن الحرب إذا بدأت فلا مفر منها ولا يمكن تأجيلها إلى لما هو في صالح الطرف الآخر . ولذلك فهم قد أعلنوا الحرب على "فيليب" و"انتيوكس" في بلاد الإغريق حتى لا يضطروا إلى محاربتهما في إيطاليا ، على الرغم من أنه كان متاحًا أمامهم تجنب كلتا الحربين . ولم يستجيبوا لنصائح من طلبوا منهم الانتظار والتريث لأن مرور الوقت قد يحمل معه خيرًا أو شرًا. ولكن لنيساعد لفرنسا لنرى ما إذا كانت قد فعلت مثل ذلك أم لا . ولن أتحدث عن ا لملك "شارل" ولكن عن الملك "لويس" حيث أنه يمكن تحليل ما فعله بطريقة أفضل، ولوضوح سياساته وممارساته . كما أنه قد حكم إيطاليا لفترة أطول . وسترى أيها الأمير أن الملك "لويس" فعل عكس كل ما يجب فعله للمحافظة على إقليم أجنبي فقد دعا طمع "البنادقة" الملك "لويس" إلى دخ ول إيطاليا حيث طمعوا في أن يكسبوا نصف إقليم "لمبارديا" من وراء ذلك وأنا لن ألوم الملك على مجيئه إلى إيطاليا ولا على الجزء الذي احتله منها، وذلك أنه جاء رغبًا في تثبيت أقدامه في إيطاليا، وليس لمصادقة أهل البلد . ولكن على العكس تمامًا فقد أوصدت كل الأبواب في وجه الملك "لويس" بسبب هذا السلوك، فاضطر لقبول أي تحالف يعرض عليه، وكان من الممكن لخططه أن تنجح بسرعة شديدة لولا وقوع أخطاء أخرى منه أثناء تنفيذ تلك الخطط. والملك إذن حين سيطر على "لمبارديا" قد استعاد فورًا النفوذ الذي كان الملك "شارل" قد فقده فقد استسلمت ل ه مقاطعة "جينوا" وأصبح "الفلورنسيون" أصدقاء له وتقرب إليه مركيز "مانتوا" وأدواق "فرارا" و "بنتيقولي" وأميرة "فورلي" وأمراء "فانزا وبيزاو وريميني وكاميرينو وبيمبينو " وأهل"لوكا وبيزا وسينا ". وقد عرف البنادقة في ذلك الوقت نتيجة طيشهم، ففي مقابل سيطرتم على ع دد قليل من المدن في "لمبارديا"تركوا الملك يحكم أكثر من ثلثي إيطاليا. وتستطيع أيها الأمير أن تدرك أنه كان من السهل على الملك "لويس " أن يستعيد النفوذ الفرنسي على إيطاليا لو أنه طبق القواعد الأساسية التي سبق أن أشرت إليها وسيطر بحزم على حلفائه الذين كانوا كث يري العدد واضحي الضعف . فقد كانت مخاوفهم كبيرة سواء من الكنيسة أو من البنادقة الذين لم يرضوا بالوجود تحت إمرته وسلطانه وقد كان حلفاؤه الضعفاء مضطرين إلى الالتصاق به، وكان بإمكانه ومن خلال مساعدتهم له أن يتغلب على مناوئيه لكن الملك "لويس" فعل عكس ذلك تمامًا فلم يكد يصل إلى ميلان حتى ساعد البابا "الكسندر" ليبسط نفوذه على إقليم روما . ولم يدرك الملك أنه بذلك قد أضعف نفسه وابتعد عن حلفائه الذي لجئوا إليه، ولطلوا حمايته، كما أنه ضاعف من نفوذ الكنيسة بإضافة قوته الوقتية إلى قوتها الروحية . وقد أدى هذا الخطأ الأول من الملك إلى سلسة أخطاء أخرى . فقد اضطر إلى أن يأتي بنفسه إلى إيطاليا ليوقف نفوذ البابا "الكسندر" عند حدود معينة، ويمنعه من أن يكون حاكمًا على "توسكانيا" لكنه لم يرض بأنه قد ساهم في زيادة قوة الكنيسة وفقد أصدقاءه، كما أنه كان يتمنى في ذلك الوقت أن ينال مملكة نابولي إلا أنه اقتسمها مع ملك أسبانيا، وبينما كان هو الوحيد المتحكم في إيطاليا أصبح الآن له شريكًا، فتلاشت الآمال المعلقة عليه وأصبح الناس غير مقتنعين به وباحثين عن غيره وبد ً لا من أن يأتي بملك موال له، تخلص منه وأتى بغيره قادر على طرده هو من هناك "

و هتلاحظ انك فهمت الفكره الاساسيه لكن الامثله مش واضحه ...يمكن يكون هو ده اللى مخلينى مش بقدر اكمل ويمكن لانه مكتوب عليا انه يفضل كده دايما.....لحن لم يكتمل

لينا تدوينه تانيه فى كتاب اخر عظيم لكنه ايضا لم يكتمل...... 

لحن لم يكتمل..."1"


غير متكمله.....
مربع ناقص ضلع...
مثلث بضلعين.....
دايره من غير مركز...
السيمفونية الثامنة لبيتوهوفن " الناقصه "....
تمثال فينوس بلا زراعين....
الكتابات كلها ببدايه و بلا نهايات....
خططتى كلها خطط بلا تنفيذ....
هاروح و اروح و اروح و تظل كلمه "سوف" لها اليد العليا فوق عقلى...

افتح كتاب اقرى فيه 20 صفحه ويبقى تحفه وبرضه اقفله....

افتح فيلم اشوف فيه ربع ساعه و يبقى واخد ميت اوسكار و الاقى نفسى بتقفله...

اهه مسلسلى المفضل لا وكمان حلقه جديده ...هو انا غيرت القناه ليه؟؟؟......

افتح الاغانى اهى Edith Piaf تشدو باجمل الالحان و انا اتميل معاها و استمتع و الاقى نفسى بمدح فيها فى ثانيه و الثانيه اللى بعدها اقفل الاغنيه قبل ما تخلص مع انها كلها 3 دقايق من المتعه الخالصه ....3 دقايق !!!مش قادره اكمل 3 دقايق؟؟؟؟......

امسك الموبايل عشان اتصل باصحابى اللى مكلمتهومش من 3 سنين اقلب فى الارقام و ها انا اغلقه لانشغل بحاجه تانيه برضه....

ابحث عن سعادتى فلا اجدها ....اتجول بين رحيق السعاده فلا يشبعنى...اسافر فى طريقها و ارجع من منتصف الطريق...انزل اعماقها و تحتبس انفاسى و انا على السطح....اترك اعمالى غير المكتمله...هل يمضى العمر وهى على وضعها...هل اموت و هى تنتظرنى....و يظل كتابى مفتوح و ممثلين الفيلم فى صمت و ايديت حزينه فى منتصف الاغنيه و علاقاتى فى اولها الكل ينظرنى فى صمت و انا غائبه عن العالم ينادونى فلا اجيب ....

لا لا لا لا لا لا لا ...سوف اقضى على كلمه "سوف" فور ان ابدأ فى كتابى الجديد و اغلقه من جديد ....


ثلاثه رجال فى قارب...



"ثلاثه رجال فى قارب" تأليف جيروم ك جيروم.... كتاب مضحك ممتع ساخر...اخر كتاب خلص بين ايديه او بالاحرى بقى بين عينيا لانى كالعاده قريته على الكمبيوتر وان كان بدافع اخر غير الفلوس المره لانى عاده بقرا على الكمبيوتر الكتب الغاليه لكن فى الواقع مكتبه الاسره طبعت الكتاب ده من كام سنه كده بمعنى انه بقى متوفر بشكل رخيص للى يلاقيه و هى دى المشكله لانى ملقتوش و الكتاب كان شدنى قوى وسمعت عنه سمع خير لان الكتب زى الجواز كده لازم الكتاب لازم يتحلى بالسمعه الطيبه قبل ما تخطبوا اقصه تقراه ....بحثت عنه و لاقيت pdf فعلا نسخه مكتبه الاسره...الكتاب حجمه صغير فى طبعه مكتبه الاسره عن سنه 1997 فى 269 صفحه فقط ذو صفحات قصيره و بنط كبير مريح للعينين ....القصه بتحكى عن ثلاثه رجال فى قارب !!! عارفه كانك بتقول ايه الرخامه دى جبتى ايه جديد يعنى ما هو ده اسمه ساعتها هاقولك اصبر بس انت على طول مستعجل كده....القصه بتتكلم عن 3 رجاله هما جورج و الشخص التالت كان هو اللى الراوى و بالتالى اسمه ما وردتش كتير فبصراحه مش فاكره اسمه و معاهم كلب قرروا انهم ياخدوا اجازه لمده اسبوعين و بعد عده مدولات يقرووا انها تبقى فى قارب فى نهر التاميز و انهم يناموا فى المركب بدل حجز الفنادق ....

القصه فى حد ذاتها عاديه جدا و كان ممكن تاخد منحى تانى بانها تدور عن احداث الرحله وتركز عليها فيخلق مؤلفها مواقف صعبه وكتيره يحط فيها ابطاله لكن مش ده اللى حصل لكن الكتاب مضمونه فى حاجه تانيه هى الحكاوى اللى بيحكيها ابطالنا كفلاش باك او كقصص للتندر الجميل ان الكتاب تحول لشبه مجموعه من القصص القصيره اللى بيجمعها قالب واحد وهو الرحله...الكتاب ممتع ومضحك ب 3 رجاله فى عمر الكهوله بيتعبوا من كل حاجه صحيح عايزين يعيشوا جو الشباب لكن ساعه الجد تلاقى كل الرحله تتركز فى الخناق بينهم او الشكوى من الشغل او الاكل .... اما القصص الفرعيه فتحفه و زى ما بتقول عنها فى لغه المصريين انها "قصص فقريه" ...اجمل حاجه عجبانى فى القصه هو الكلب اللى اسمه  "مونتمورينسى" ذلك الكلب ذو العينين الحالمه والاخلاق الشرسه الكلب الكسول المشاكس اللى دايما بيتخيلوا حوارته مع القطط و الاشياء الاخرى....

كمثال للقصص الفرعيه اللى فى الكتاب اخترت القصه دى بذات لان احداثها منفصله عن النسق الاساسى وبالتالى كانها قصه قصيره فمش هتحرق لكوا القصه  و دى صوره من صفحات الكتاب:
 هههههههههههه.....هتلاقى فى حياه واحد فينا واحد زى العم ده اللى بتكشف انك لما توكل ليه مهمه انك هتشتغل اكتر و ان تنفيذ العمل كله بنفسك اوفر لصحتك....

موقف تانى برضه فطسنى من الضحك هى قصه السمكه اقرا و قولى رأيك :

من الاخر الكتاب تحفه لما تكون مضايق او عايز حاجه تضحك من قلبك بخفه ....

 http://www.4shared.com/document/urWw0xc6/______.html?cau2=403tNull
عموما اللينك للكتاب كامل اهو 



الجمعة، 10 سبتمبر 2010

ساحره بورتوبيللو....



ساحره بورتوبيللو....تأليف : باولو كويليو 
تانى روايه اعلق عليها هنا بعد "الجبل الخامس" لنفس الكاتب لكنها مش هاكون اخر روايه...واضح انى وقعت فى غرام طريقه تفكير باولو كويليو اللى تحس انه بيكسر كل الحواجز كفرس الجامج من غير ما يفكر فى الاعراف او التقاليد او الخوف من اراء الناس و نظرات الناس ليك انك مجنون او مش متعقل او حتى قليل الادب....
فى الواقع ده كان رأّى العام فى باولوا كويليو لكن روايه "ساحره بورتوبيللو" و روايه "11 دقيقه" ليهم طبع مختلف شويه اما روايه 11 دقيقه فهفرد لها تدوينه تانيه لانها موضوع لوحده...

تقدر تقول كده ان روايه "ساحره بورتوبللو" من الروايات الخطر تحس انها محشيه مفرقعات ممكن تنفجر فيك فى اى لحظه لما تجى تتكلم عليها مع حد لعده اسباب اولهم خطوره موضوعها و حساسيته لينا كمسلمين عموما و تانى سبب انك مهما كنت بتحب باولو كويليو و متابعه لكن غالبا مش هتقتنع بمحتوى و مغزى الروايه و بالتالى مش هتعرف تناقش وتدافع عن مؤلفك المفضل...

الروايه ذات حجم متوسط يبلغ 282 صفحه فى غلاف ازرق انيق ....

اللى بكتبه ده هو مقدمه الناشر اللى حسيت انها معبره عن محتوى الروايه دون الافصاء عن احداثها المفعمه بالمفاجات و هنا اقتبس منه حرفيا :

ساحرة بورتوبيللو
أثينا طفلة الميتم الغجرية التي تتناوب على جسدها أنياب البرد في رومانيا.. تتبناها أسرة لبنانية مرموقة، معروفة دبلوماسياً! تتمرد.. تتخطى الحدود الحمر بحثاً عن ماضيها. تسطو على عقول الكثيرين من مديري مصارف وممثلي مسرح وأصحاب شأن، لتجعل من بيروت ولندن ودبي وترانسلفانيا مسرحاً لأفكارها الغربية وقدراتها الفذة.
تنسج علاقات كثيرة بعضها مريب، وتختفي في ظروف غامضة.
في هذه الرواية يستمر كويليو في مداعبة المكامن الخطرة من النفس البشرية. ويعبث بفتيل الحياة، ليكشف عن طاقة الإنسان الكامنة، ويبين كيف تتحرك وتنطلق بموجه ومن دون موجه.
إفادات يدلي بها مجموعة من شهود على الفاتنة العشرينية أثنيا، يتحدث فيها كل منهم عن مشاهد من علاقته بها دون علم من الآخرين لتتشكل بخيوط خفية متقنة شخصية مكتملة وأحداث متكاملة مثيرة، مدهشة ومخيفة أحياناً.
فى الواقع المقدمه دى مرضيه جدا و تشوقك انك تقراها ....احب الاول اعفى مسؤلياتى عن محتوى الروايه دى لانه مخالف للاديان بشكلا ما ...عارفين بتفكرنى بايه عرفين كتاب يوسف زيدان "ظل الافعى" هو زيه كده تقريبا فى نفس الاتجاه....لكن بغض النظر عن ايحاءات النص لكن البناء الدرامى للروايه محبوك بقوه فهو بيحكى الاحداث على هيئه الافلام التسجليه لما الناس اللى تعرف الشخصيه المطلوب ذكر قصتها بيتكلموا كلا على حدا و كل واحد يحكى القصه عن وجهه نظره و كلا بيكمل فجوات قصص الاخريين وبكده ومع تقدم القصه تتضح لك الامور اكثر فاكثر ...صحيح كل راوى بيحكى من و جهه نظره وحدش بيحكى من وجهه نظر البطله نفسها اللى الكل بيتكلم عنها لكن مع مرور الاحداث بتجمع انت الصوره و يمكن تتبنى انت وجهه نظرها فتحط نفسك مكانها و تكون منظروها عن الاشياء....اما النهايه فمفاجأه اوعى تخلى حد يحرقها لك لتستمتع بتلك الاقصوصه الفنيه

عموما دى النسخه ال pdf لو خدت الفضول انك تقلب فيها
http://www.4shared.com/file/34173502/a836a219/___.html

الأربعاء، 8 سبتمبر 2010

1984..المستقبل المظلم


خلصت روايه "1984" لجورج ارويل فى ايدى بالظبط من 27 دقيقه و حبيت ادون اللحظه ....ما انكرش انى اتاثرت بالروايه دى تاثير كبير ببساطه لانها تمثل عالم مظلم قاسى بلا قلب حين تكون المعايير مزدواجه فى الروايه دى هتقابل الالفاظ تبرجل مخك و تخلى نفسك تقلقل مما قد يفعله البشر فى بعض من اعتصاب تفكيرك و اغتيال مخك و تمنى الموت فلا تجده ...ازدواجيه التفكير هو حجر الاساس فى الروايه الغريبه دى : خد مثلا شعار الحزب اللى بيحكم بلد بطل قصتنا ....
الحرب هى السلام
الحريه هى العبوديه
الجهل هو القوه 
كلام غريب صح !!!! الاغرب هو ازاى كفرد من افراد البلد دى انك تقول الكلام ده و انت مقتنع بيه المشكله مش انك تقوله لان الكلام اللى من ورا القلب و من خارج العقل كتييير و عادى انك تقول حاجه مش مقتنع بيها  لكن انك تجبر على تغيير قناعتك و تقولها بقلبك و بعقلك هو ده الجنان فى حد ذاته...فعندما يقتنع الحزب بان 2+2 =5 لازم تقولها مش كرياء او اجبار لكن تقولها وانت مقتنع بيها و تكذب اى حد يقول ان 2+2=4 و تقول بكل جوارحك انه اما كذّاب او انه مجنون .....احد الالفاظ اللى استوقفتنى لفظ "بياض السواد" فهى لما توصف بيها حد صديق يبقى معنها انه هو اللى بيحسن الحياه و لما توصف بيها حد عدو يبقى معنها انه بيوظ الحياه....
اذا كانت روايه "مزرعه الحيوانات" هى الرمز و روايه "الصعود الى الهواء" الخوف من المستقبل تبقى روايه "1984" هى الحياه المظلمه نفسها بسوادها وكأبتها و ال 3 روايات لنفس الكاتب بنفس المخاوف و القلق....


اولا اسم الروايه : الروايه اسمها "1984" فاذا علمت ان الروايه دى اتكتبت سنه 1944 و انها بتمثل المستقبل بعد 40 سنه تتضح لك الامور قليلا فهى بتصور ماذا لو انتصر الفكر الشمولى الفاشى الشيوعى فى فرض السيطره على العالم فتتركز الحياه فى شخص واحد كحاكم و القائد الملهم وهو شخصيه "الاخ الكبير" اللى حتى وجودها نفسه مشكوك فيه لانك باختصار عمر الشعب ما شافه فهو اما صوره او صوت او فيديو او تمثال و صوره بحجم متر اجباريه فى كل صوره تبرز وجهه و تحتها عباره "الاخ الكبير يراقبك"


ثانيا الاجواء العامه: القصه بتبدء فى لندن سنه 1984 فى المستقبل نسبه الى زمن الكتابه و بطل قصتنا هو "ويستون سميث" عضو خارجى فى الحزب ....البلد بتتكون من 2% هما الصفوه و اعضاء الحزب الداخلى من القاده و رؤساء القطاعات  و دول نسبيا بيعيشوا حياه مترفه بيبوت كبيره وخدم و مكاتب كبيره و 13% اعضاء الحزب الداخلى هما الموظفين فى هيئات الحكومه بيعيشوا حياه اقل باكل ردئ  و شقق فى مجمعات سكنيه اوضه واحده او اوضتين فى حاله العائلات و 85% هما الرعاع او عامه الشعب و هما مش اعضاء فى الحزب اطلاقا و لا حتى مهتم بيهم و دول بقى فى عيشه ضنك و بيشتغلوا فى الدعاره والمخدرات و السرقه والنهب والخدم و الخمارات وصغار الامور....


ثالثا الممنوعات : تعالوا بقى نستعرض الحاجات الممنوعه على اعضاء الحزب خاصه الفرع الخارجى الممنوع هو الافكار و تعبيرات الوجهه و الحب و حتى المتعه الجنسيه اثناء الزواج  و شراء الاقلام او الكتب او كتابه مذاكرات و اى حاجه من السوق السودا زى رباط الجزم او امواس الحلاقه اما الكسل و الغياب عن اجتماعات الحزب فمن المحرمات ...ضف على ذلك وجود شاشات الرصد فى الشغل و البيت و المقهى و اى مكان هتتواجد فيه والشاشات دى ليها دورين الاول انك تتراقب طول الوقت و الدور التانى هو عرض الاشارات والتقرير بل و الاوامر و الموسيقى .....


رابعا فى حاله المخالفه : فى حاله المخالفه بجريمه الفكر و هى انك يكون عندك فكره ضد الحزب او تؤمن بحاجه مش مؤمن بيها الحزب او جريمه تانيه هى جريمه الوجهه و ده انك تعبر عن مشاعرك على تقاسيم وجههك...العقاب بعد التعذيب بكل انواعه فهو الدخول فى الغرفه 101 اما ما هى الغرفه وما فيها ....فده خليه لما تقرى الروايه نفسها اللى هتأثر فى نفسك 

عموما ده الرابط لو خدك الشوق

العالم...قصائد ساذجه

الايمان


الايمان حينما يرى المرء
وريقه فوق الماء او قطره ندى
ويعرف انها موجوده لانها ضروريه
حتى لو اغضمت العين و حلمت
فسيبقى العالم كما كان
و ستحمل مياه النهر الورقه
الايمان يكون ايضا حينما يجرح المرء
رجله بحجر و يعرف ان الاحجار
موجوده كى تجرح ارجلنا
انظروا كيف تبسط الشجره ظلالا و فيره
و ظللنا نحن والزهور نسقط على الارض
لا حياه لمن لا ظل له




*************



الامل 


الامل حينما يؤمن المرء
بان الارض ليست حلما لكنما جسد حى 
و ان البصر و اللمس و السمع لا يكذب 
و ان الاشياء التى عرفتها هنا
كحديقه حينما تقف عند بوابه
لا يمكنك الدخول اليها ..لكنها موجوده حقا
لو اننا نظرنا بوضوح اكثر بحكمه اكبر
لرأينا فى حديقه العالم
زهره جديده اخرى واكثر من نجمه
البعض يقول : العين تخدعنا
لانه لا شئ هناك سوى ما يتراءى لنا
لكن هؤلاء بالتاكيد بلا امل
هم يفكرون ان المرء حالما يستدير
كل العالم يتوقف فورا بعده عن الوجود
كما لو ان ايدى لصوص قد اختطفته



************



الحب

الحب يعنى ان تنظر لنفسك
مثلما تنظر لاشياء غريبه عنك
لانك واحد من اشياء عديده
و من ينظر هكذا..
رغم انه نفسه لايعرف ذلك
يشف غليله من هموم كثيره
الطائر والشجره سيقولان له : يا صديق
و حينئذ سيسعى لتوظيف نفسه والاشياء
كى يقفوا فى نوهج الاكتمال
و ليس مهما ان لا يعرف احيانا ماذا يخدم 
ليس من يخدم افضل يفهم دائما

*************






3   مقاطع "الايمان" و "الامل" و "الحب" 
تكون قصيده "العالم...قصائد ساذجه"
تأليف : تشيسلاف ميلوش
(1911- 2004)
 فاز بجائزة نوبل في الأدب 1980
ترجمه : هاتف الجنابى

sicko..بين الصراحه والفضيحه



sickoفيلم اخراج المبدع سليط اللسان مايكل مور اللى استطاع بطوله لسانه و قولته للحقيقه مهما كانت قاسيه انه ينتزع احترام المشاهدين مش فى امريكا بس لكن فى العالم كله ....فيلم "سيكو" مجرد فيلم وثاقئ بيتكلم عن نظام الصحه والعلاج فى امريكا الفيلم كان انتاج 2007 بميزانيه لا اعتقدها كبيره لكن بابداع و جرأه و شجاع تحتويه الحاويات بيتكلم فيه عن الشعب الامريكى المطحون فى شغاله و تطلع عينه فى شغله ويفضل طول عمره يحضر نفسه فى شركات التأمين و يدفع لها ما نعبر عنه ب "دم القلب" عشان لما يعيا ولا تحصل له مصيبه تهدد حياته من مرض ولا حادثه يلاقى حد وراه و مايضطرتش انه يدخل مستشفيات الحكومه اللى بهدلتها توازى بهدله مستشفيات مصرنا الحبيبه و فى وسط ده كله يلاقى نفسه وسط مؤامره تحيكها جميل القوى اللى حواليه تتفق جميعا على وجوده وحيدا فى النهايه و لما تحصل له الازمه اللى دفع فلوس علاجه مقدما يلاقى شركه التأمين و شركات الادويه و المستشفيات كلها تتفق على الا تتفق و يلاقى نفسه فى الاخر لوحده برضه و يتلكك له على اى حاجه بحيث يلاقى المريض نفسه متعلق له المحاليل و بقميص المستشفى و مرمى على الرصيف و هى حاله جت فى الفيلم فعلا من احد المواطنات الامريكيات اللى المستشفى رميتها فى الشارع بعد ما بدأت علاجها بالفعل ....يعرض مايكل مور القضيه من الناحيه السياسيه اولا فيعرض الرؤساء المتعاقبين على امريكا وتغيير الوجهه و ثبات فشل حل القضيه و ارتفاع سر الاوديه بلا سيطره تحت قوه رؤساء شركاتها الاعضاء فى الكونجرس بل ويعرض المبالغ اللى بياخدها اعضاء الكونجرس بالاسم والمبلغ و الصوره من شركات الادويه و كمان ذكر اسماء شركات الادويه بالاسم دون خوف و تردد و لا طريقه "قامت احدى شركات الادويه بكذا" اللى بيستخدمها جرنال لما بيحاول يكشف فساد ....يلى ذلك عرض لاحوال اهل امريكا المطحونين بين مطرقه شركات التأمين وسندان شركات الادويه مقارنه مع اهل بلاد مجاوره لهم زى كندا مثلا اللى بعض الامريكيين بيلجأوا ليها ويتجوزوا منها عشان ياخدوا الجنسيه و يتعالجوا فى مستشفيات كندا البراقه ببلاش لانهم مواطنين كنديين!!!!!! مقارنه اخرى يسافر فيها مايكل مور الى فرنسا وانجلترا ليقارن بالدلع اللى فى البلاد دى بحيث ان تكلفه العلاج تساوى ربع كلفه العلاج فى امريكا و موقف اخر يعرضه مايكل مور ليغيظ به مشاهديه الامريكان اكتر لما بيعرض ان الحكومه الفرنسيه بتعرض ذهاب موظفه من الشئون الاجتماعيه لمساعده الام اللى بترزق بطفل جديد و بتغسل لها هدوم النونو!!!! و زياده فى نكايه المشاهد الامريكى يسافر مايكل مور الى كوبا تلك البلد اللى الامريكان يطيقوا العما و ميقدوش يطيقوا تلك البلاد اللى بيوصفوها بالقمع و الاستبداد و ان كاسترو بيموت اهله بلاده جوعا و مرضا و بيجرب مايكل مور و ياخد معاه مجموعه من المرضى اللى فشلت امريكا فى علاجهم منهم احد منظفى كارثه 11 sept اللى كان بيشيل الانقاض و اتملى صدره تراب لحد ما جاله ذات الرئه  و يدخلهم مايكل مور احد المستشفيات الحكوميه فى كوبا فتفاجأ بجوده العلاج و رخصه و بالفعل تتحسن صحه مرضاه !!!! ثم يضرب مايكل مور ضربته الاخيره ليقضى على اعصاب مشاهديه و يعرض نظام الرعايه الصحيه فى معتقل غوانتانمو اللى يجدها المشاهد رعايه صحيه افضل مما يجده دافعا مبالغ مقدما فيذهب مايكل مور و رفاقه من المرضى الى معتقل غوانتانمو للحصول على الرعايه الصحيه باعتبارها ارض امريكيه و انهم من حقهم الحصول على بعض الاهتمام شانهم شأن المعتقلين السياسيين....و ينتهى الفيلم بتلك النهايه المقلقه للجمهمور....


زى ما قلت الفيلم انتاج 2007 و طبعا انا متفرجتش عليه اليومين دول يعنى لان عادتى تقتضى انى اتفرج اول باول و مارنكش الافلام كتير....عارفه انت بتقول طب ايه اللى فاكرك بيه؟؟؟ الاجابه مش عشان مستوى الرعايه الصحيه فى مصر وجعنى ولا حاجه لكن عشان كلام اليومين دول عن ان كل حد يحاول يفجر قضيه فساد فى فيلم ولا برنامج فتطلق الصيحات اننا كده بنفضح مشاكل مصر او على قد تعبيرهم "بننشر غسيلنا القذر قدام الناس" فها هو مايكل مور يواجهه مشاكله بجرأه و قوه مما يوحى لك كمشاهد ان امريكا قربت تشحت و انك لازم تلم تبرعات لفقراء ومساكين تلك البلاد الغنيه الفقيره...

الثلاثاء، 7 سبتمبر 2010

!O Captain


أيها القائد ، أى قائدى

ها قد انتهت رحلتنا المخيفة

لقد تفادت االسفينة كل الصخور

و ها قد حزنا ما كنا ننشد من هدف

لقد دنا المرفق

و أسمع الأجراس تدق

و الناس في فرح طاغ ٍ

و أعينهم ترقب قاع السفينة

تشق العباب في ثبات

إذ السفينة جهماء حزينة

و لكن

أواه يا قلبي ، يا قلبي ، يا قلبي

أواه لك أيتها الدماء المراقة

حين يرقد قائدي على سطح السفينة

جثة باردة حزينة
*****

أيها القائد ، أى قائدي

قم و انهض كي تسمع رنين الاجراس

قم

فالراية قد ارتفعت من أجلك

و أبواق النصر تصدح لك

و لك كل هذه الأكاليل و الأزاهير

و لك ازدحمت الشواطيء بالناس

و هم ينادون

الجماهير المتماوجة

ووجوهها تنشد مرآك

آه أيها القائد ، يا أبتي العزيز

هذي ذراعي توسد رأسك

ما هو إلا حلم يتري على سطح السفينة

فقد سقطت جثة باردة ميتة

قائدي لا يرد

شفتاه شاحبتان ساكنتان

أبي لا يشعر بذراعي

فليس فيه نبض و لا حياة

و ها قد رست السفينة سالمة

و قد أنجزت مهمتها

وصلت السفينة المنتصرة من رحلتها المرعبة

وعلى متنها هدفها المنشود

فلتمرحي يا شطآن

و لتصدحي يا أجراس

أما انا فسوف اسير على سطح السفينة

بخطوات حزينة

حيث يرقد قائدي

جثة باردة ميتة
 
قصيده !O Captain
من ديوان أوراق العشب
تأليف: والت ويتمان 
رائداً الشعر الأمريكي
( 1819 - 1892) 
ترجمة: د. ماهر البطوطي

سرداب طوويل قوى!!!!


"سرداب طويل يجبرك سقفه علي الانحناء" اقولها مقطوعه الانفاس بصراحه بقى وقبل ما اتكلم عن الروايه فى حد ذاتها الاسم طووووووويل جدا واتحدى انك تقوله على بعضه دون تحصل على قطع فى النفس او انتزاع دهشه الاخريين من طول الاسم عارفه انها ملحوظه غريبه ويمكن كمان تقول عليها ملحوظه غبيه انى اسيب كل الروايه المثيره للجدل دى بمشاكلها و خلاف راى الناس فيها و الجأ لانى استهل كلامى بغرابه الاسم ...عموما عادى ناس كتير قالتلى انى باخد بالى من حاجات غريبه و بسيب الاساس ....برضه مش هاسيب النقطه دى قبل ما اخلص كلامى واوضح وجهه نظرى "سرداب طويل يجبرك سقفه علي الانحناء" اسم طويل فعلا وممكن كمان يكون لافت للنظر لان عاده جرى العرف ان عشان تنجح روايتك او كتابك عموما لازم تخلى القارئ اللى بيعدى فى معرض للكتاب مثلا وبيشوف مئات الكتب انه يقف شويه قدام كتابك باى وسيله كانت سواء لغرابه عنوان الكتاب او اختلاف شكل الغلاف او اى حتى ان يكون شكل المطبوعه نفسه عجيب شويه   مقدرتش انكر انه فعلا شد انتباهى و جالى فضول القارئ العادى فانه يعرف محتوى و فحوى الروايه الغريبه دى ده طبعا غير المعارك الادبيه اللى جرت على الروايه دى بين مؤيد و معارض و يضاف لده كله جوايز الكتاب   و صغر سن المؤلف كل ده كان عوامل جذب شدت ودنى انى اقعد و افضى نفسى لقراءه تلك الروايه......


ام هند او بمعنى اخر المهم فضلت ادعبس على الروايه دى عشان احاول اشتريها انى الاقيها ابدا...و لصعوبه انى انزل مخصوص للروايه وافوت محاضرات وسكاشن فى كليه لا ترحم لجأت للحل الاخر الابسط غالبا هو الحل الالكترونى فضلت ادور عليها ك pdf فتره طويله و بعد بحث وتنقيب و تدوير لقيتها نسخه على الكمبيوتر و لانى دورت عليها كتير و كنت مشتاقه حصلت حاجه غريبه بالنسبه لى هو انى قريتها فور تحميلها و موقفتش فى طابور الانتظار المعتاد...يومها كان فرح ابن عم و بما الروايه كانت صعبه المنال و انا مشتاقه اقراها و بما انى بتخنق من ابن عمى ده و مش عايزه اروح اساسا قررت انى اتخلى عن الفرح واخلى اهلى يروحوا بحيث اقرا الروايه على رواقه .....


الكتاب 195 صفحه من تأليف محمد صلاح العزب مواليد ١٩٨١ م.....تبدء بتلك الكلمات 
تعيشون.. وأحزن.
تأكلون، تشربون، تنامون، تضاجعون.. وأحزن.
هل لي يا سادتي أن أتقيأ شطر حزني في آنيتكم ؟
المطر.. المطر.. المطر.. المطر.. المطر..
المطر.. المطر.. المطر.. المطر.. المطر.. المطر..
المطر.. المطر.. المطر.. المطر.. المطر.............
عشرات.. مئات.. ألوف.. ملايين القطرات، عرق..
بول.. دماء.. قيء.. مني ……… تتقزز.
القطرات الثقيلة تتهاوى على قفاك، تصفعك بحنكة مخبر شرطة عتيد.
كل الدنيا تصفعك
جيوبك الخاوية.
صبي المقهى القابع في ظلام الركن منتظرا لحظة
انفصال مؤخرتك عن قاعدة الكرسي المكسورة.
نصف كوب الشاي البارد الذي تبقيه كذريعة مرة سوداء لبقائك
يععععععععع ....كانت تلك اول كلماتى ....بصراحه بدايه صادمه لروايه اكثر صداما فهى كالسياره المسرعه تدهس مشاعرك تحت عجلاتها دون ان تبالى بما يحدث لك او تتكلف النظر اليك اثناء او بعد القضاء على مشاعرك.....3 نقط شدونى فى المرحله دى و خلونى اتعجب : 
1/ صيغه المخاطب اللى استخدمها المؤلف طول الروايه يعنى هتلاحظ ان المؤلف بيستخدمها حتى فى اقوى الالفاظ فيصفعك كقارئ على قفاك دون ان يبالى ان تعترض و الا فلتدخل داخل الكتاب و تحاول ...فيها جانبين ياما انت تتخنق من الطريقه اللى ممكن تحس انها مهينه ليكى و تقفل الكتاب  أو انك بالطريقه دى تلاقى نفسك جوه الاحداث بتعيش وتتعايش معاها تزعل و تغضب كأنك انت البطل والبطل انت ...و اكيد طبعا المؤلف لما لجأ للفكره دى كانت لدفعك للسبب التانى واكيد مش الاول
2/ وقاحه الكلمات و جرأتها و للاسف اعنى بالمعنى السئ بمعنى انها فى رأيى وقاحه و ليست صراحه "فاكرتنى الجمله دى بالريس السادات الله يرحمه بقى " و احيانا يلجأ الكاتب للاسلوب ده لشد الانتباه او لمجرد الاختلاف او ان يكون الموقف  الدرامى يحتمل كده و خلاص  و عليك عزيزى القارئ ان تحتمل وانت ساكت ....معرفش لاى داعى استخدم المؤلف الاسلوب ده وان كنت اظن انه من ده على ده بحيث يجمع بين انه يكون مختلف و الناس تاخد بالها و انه يكون واقعى 
3/ امتزاج لغه الحوارى التى اصفها باكثر من مقرفه باللغه الفصحى خنقنى و خلانى اتساءل عن سر الامتزاج الغريب ده اللى كأنك خلطت الحلاوه بالكتشب فى مزيج لا طائل منه غير وجع البطن ... 

و هنا اقتبس جزء اخر من بدايه الروايه و اعتذر للقارئ مقدما للكلمات الكاتب الصدامه و لكنها تقع على عبء الكاتب و لتعذرنى ....
 في المرة الأخيرة ظل يصفعك على جانب رقبتك باستخفاف:
ضروري أن يمر الباشا علينا كل ليلة ليلقي تحية الفجر؟ 
بصعوبة تنزع بطاقتك المهترئة، تقبض عليها بيدك
محاولا رفعها، لا يلتفت إلى حركتك المكشوفة :
أنت يا ابن القحبة شايف العسكري الواقف خلفي مزاجه مع الرجال.. 
 وحياة أمك لو شفت سحنتك المسلوقة مرة ثانية لتركته عليك
ودفعك من قفاك بقوة عشر صفعات، تاركا لك مجالا من
الخيال لكي تقسمها بنفسك، يمتلئ حذاؤك بالماء القذر.
و فى موقف اخر يوجهه الاب لبطل قصتنا :

"أنت يا ابن الوسخة أنا تعبت معك.. رجلك النجسة لا تضعها في هذا البيت مرة ثانية.. وسحنتك المقرفة لا أريد أن أراها حتى أموت"

و اشياء اخرى ...بصراحه اقدر اقول ان قذاره الالفاظ اعاقت استماعتى بالبناء الدرامى الجيد للقصه صحيح الالفاظ دى بتقال لكن زى ما كانوا بيقولوا زمان مش كل اللى بيتقال ينفع يكتب و يتقدم للقارئ بصورته البدائيه دى.... 
و هنا نرجع لقضيه خلافيه قديمه هل الكاتب بيقدم الواقع بعبله كده؟؟ و لا زى ما وصفها احد اساتذه الدراما بان الواقع يجب ان يوضع تحت مطارق الابداع اولا لينتج منه منتج قابل للقراءه؟؟؟....بمعنى تانى هل الواقع هو المنتج النهائى ولا ماده خام...و يرجع مرجوعنا هنا بان اعظم قاده الواقعيه فى مصر عمر ما العيبه طلعت من بق شخصيتهم بمعنى ان نجيب محفوظ رائد نقل الشارع لصفحات كتابه عمرنا ما سمعنا فى كتبه كلمه تخدش الحياء و صلاح ابو سيف رائد واقعيه نقل الشارع للسينما عمره ما جرح شعورنا....
 
ارجع واقول البناء الدرامى للقصه اكثر من جيد لكن وقاحه الالفاظ اعاقت متعه الدراما .....القصه رجل فى الحاضر و رجل فى الماضى بمعنى ان الخطين الدراميين ماشيين على التوازى اولا ثم يتم الالتقاء لاحقا....
 مش هاحكى القصه طبعا عشان اسيب مساحه للقارئ انه يقراها و يحكم هو بنفسه ......

دى معلومات عن المؤلف و جوائزه الكتيييييييييييره : 

- محمد صلاح العزب.
- مواليد ١٩٨١ م – القاهرة.
- الجائزة الأولى في الرواية – مسابقة د. سعاد الصباح –
الكويت – ٢٠٠٢ م.
- جائزة "المبدعون" في المجموعة القصصية – الإمارات –
٢٠٠٣ م.
- جائزة المجلس الأعلى للثقافة في الرواية – ٢٠٠٣ م.
- جائزة المجلس الأعلى للثقافة في القصة القصيرة –
٢٠٠٣ م. – عامي: ١٩٩٩
- الجائزة المركزية لهيئة قصور الثقافة في المجموعة
٢٠٠١ م. – القصصية – ٢٠٠٠
- جائزة نادي القصة في الرواية – ٢٠٠٢ م.
 


عموما كلامى كله رفايع...مجرد رفايع 

الأحد، 5 سبتمبر 2010

لن اعيش فى جلباب ابى!!!!!



VS
لن اعيش فى جلباب ابى !!!!! متصورش انى هاتفلسف و احكى عن مأساتى الشخصيه فى انى عايزه اخرج عن سيطره ابويا اللى عايزنى اشتغل زيه و جو المقالات الهابط ده!!!و ملحوظه رفيعه على جنب كده انا مش عايزه اطلع من جلباب ابى يمكن لان بابا اصلا بيلبس بدل و هو مهندس و انا فى كليه الطب بمعنى انى تقريبا بعدت عن شغله و خلاص ... المهم ارجع التدوينه دى بتتكلم عن موضوع تانى خالص ببساطه هى مجرد مقارنه بين روايه "لن اعيش فى جلباب ابى " تأليف /احسان عبد القدوس الصادره عن دار نشر اخبار اليوم فى كتاب ظريف قصير عدد صفحاته لا يتجاوز 152 صفحه فقط ...و بين مسلسل "لن اعيش فى جلباب ابى المنتج سنه 1995" سيناريو وحوار مصطفى محرم و إخراج أحمد توفيق و بطوله نور الشريف .......


السنه اللى فاتت و فى احد شهور السنه الفاضيه اللى الدراما فيها بتفلس لاننا فى مصر قررنا اننا نشاهد اعمال دراميه فى رمضان بس فى حاله تخمه و نخبط دماغنا طول السنه ونعيد القديم واذا كان عجبنا المهم لاقيت ال art بتعرض المسلسل ده و الاغرب انى لاقيت نفسى باتبعه مع انى شوفته بتاع خمسين مره و بالفعل ابتديت اتفرج واتابع المسلسل بحلقاته ال 35 كلها بتفاصيله و احداثه الكتيييييره من اول نور الشريف من لما كان فى جلابيته الزرقا بيشيل الخرده و عم سردينه ممثلا بالرائع "عبد الرحمن ابو زهره" و رحله الصعود بكل تفاصيلها و احداثها و عبد الغفور البرعى بعياله و مراته و ابنه اللى خالع منه و مش طايقه تقريبا و فى وسط الناس و الزحمه ضاع الاحساس والرحمه ايه اللى بقوله ده لا لا لا فى وسط ده كله فى شخصيه "نظيره " الابنه الاصغر اللى كانت بتمثلها حنان ترك و فى وسط ده كله برضه فى شخصيه صاحب عبد الوهاب شخصيه "حسين" اللى كان بيلعب دوره "احمد سلامه" فاكرينهم خليهم على جنب دلوقتى هايجى دورهم بعدين.....المسلسل بصراحه ينسب الى مصطفى محرم اكتر من ما ينسب ل احسان عبد القدوس لانه تفاصيل المسلسل كتير و مفهاش حاجه تبع الروايه اصلا بصراحه اكتر عاجبنى المسلسل فى نقطه واضحه انه مفهوش مط و كل حلقه فى حاجه جديده تشغلك كمشاهد و تجرى الاحداث حبه حبه.....


اما الروايه فزى ما قلت عدد صفحاتها 152 صفحه فقط و طبع اخبار اليوم ...قريتها بعد متابعتى للمسلسل وجالى ذلك الفضول القاتل انى اعرف حجم وشكل الروايه اللى اتاخد منها المسلسل الطويييييييل ده و كانت مفاجاه فعلا لما شفت حجمها الصغير و كانت المفاجأه لما قريتها !!!!!!!! 
????????? whaaaaaaaaaaaaaaaaaaaaaaaaat
 هو ده كان رد فعلى لما الروايه خلصت....الروايه لا تحتوى على اى تفاصيل من اى نوع و لا اى شخصيات من اى نوع برضه ...فاكرين شخصيات "نظيره و حسين" تخيلوا بقى ان الشخصيات دى هى الشخصيات الوحيده فى الروايه و بقول الوحيده مش الرئيسيه لان ببساطه كل الشخصيات التانيه عبرت مجرد عبور على الاحداث فى نطاق الراوى و انه يحكى لك الجو المحيط بالشخصيات مش اكتر .....و يكفى ان انقل لك صفحه من الصفحات المعدوده اللى بتتكلم عن "عبد الغفور البرعى" 


لاحظت ان الكلمات المعدوده دى اللى لا تتجاوز صفحه واحده جرى مجريتها فيما لا يقل عن 15 حلقه ده على الاقل....اكتر ملاحظه غاظيتنى فى القصه كلها ان مقوله "لن اعيش فى جلباب ابى" فى الروايه عائده على لسان "نظيره" بينما تحولت بشكل غريب فى المسلسل و بقت على لسان "عبد الوهاب" و اتاكل حق شخصيه نظيره المنفتحه اللى اتبنت عليها الروايه كلها و لم تحصل فى المسلسل الا على القدر اقل من القليل ....






وادى قصه البنات كلهم و لو لاحظت هتلاقى حتى الاسامى غير موجوده ناهيك بقى عن عائله الوزير و عائلات اخرى ظهرت من غير اى وجود فى القصه الاصليه!!!!!!........و تبقى سلسله تحريف الروايات كما يشاء واضع السيناريو

دينا نبيل