الخميس، 30 سبتمبر، 2010

يااااااااااه !!!!!!



ياااااااااااااااه النهارده 30 سبتمبر من عام 2010 !!!!!!!!!!!!!!
ايه سبب كميه الالف اللى فى ياه و كميه علامات التعجب؟  ...اقولك من غير ما تسأل السبب ببساطه هو ان اخر تدويناتى فى رفايع كانت يوم 14 سبتمبر اكيد يعنى فى نفس السنه بمعنى انى مر عليا قرابه الاسبوعين و نص مبتعده .....مجاش فى دماغى يوم ما حققت حلمى فى امتلاك صفحه اليكرونيه ملكى هى مدونتى انى ممكن اغيب عنها مش فقد للحماس ولاحاجه و لا حتى قله وقت لكن اممممممم بجد مش عارفه



.السؤال المنطقى التالى / ليه؟
الاجابه ببساطه انها زى ما تقول كده اتحاد قوى الطبيعه عليا مش نقص افكار ولا حاجه لانى برضه فى الفتره دى قريت كتيير و اتفرجت على كتير و عندة مئات الافكار اللى ممكن افضل اكتب عنها لحد ما اشبع و عموما الكلام الفارغ مفيش اكتر منه  و الكتب بتتقرى و تخلص و تصل لمصيرها النهائى للرف كالعاده يعنى الماده الخام للكتابه كتييير بس زى ما قالوا زمان فين النفس اللى تكتب...اسبوع منهم كنت فى راس البر بعيده عن الانترنت بمزاجى حيث العزله والانعزال و اكتشاف عوالم اكثر صعوبه وتشابك من عالمى الافتراضى على النت العالم اللى بقصده هو عالم البشر المتشابك المكلكع المعقرب اللى اكتشف فى الاسبوع ده انه متشابك اكتر مما تخيلت ...اسبوع فى معكسر الجامعه فى راس البر "و هو بالمناسبه معسكرى الرابع فى كليتى الحبيبه اللى هتكون سبب فقعه مرارتى " كافى جدا انى اقابل بشر اشكال والوان و اكتشف انى لسه مدخلتش عالم البشر الناعم المروع بكل جوارحى ......شايفه فى عينيك سؤال بيطنطط معلنا عن نفسه ايوه سمعت السؤال و بيقول : طب و الاسبوع التانى؟؟ اقولك عزيزى القارئ اللى غالبا انت مش موجود اصلا السبب هو سده النفس من النت و الواقع و اى حاجه فى الدنيا مش عارفه ليه عموما انا قريت قبل كده ان الاكتئاب جزء من لعنه كون المخلوق امرأه عموما انا متقبله كونى من اصحاب كرموسومات ال XX و امرنا لله......سمعاك برده بتقول طب انتى مكتئبه بتكتبى وتزهقى خلق الله معاكى ليه ؟؟ اقولك بفضفض يا سيدى لازم الشعب يستحمل بعضه و نشيل بعض ....عموما شكلى على وشك انفراجه قريبه قد تحل عقد النفس المتشابكه.........

3 التعليقات:

سكندري يقول...

ده موسم بقي ، أنا بقالي اسبوع مش عارف أكتب حاجة و لا اقرأ حاجة ، كسل رهيب ، ما حستش بيه قبل كده
اصل الكتابة دي مزاج
أنا مش عارف اللي شغالين صحفيين و لا كتاب دوب بيعملوا ايه؟
دول لازم كل يوم يقرأو و يكتبوا و لو مالهمش مزاج بقي ؟
شغالة صعبة أوي
و تجميع الأفكار في الدماغ بيتعب أصلاً

انا مثلاً لما جيت المدونة قلت هقرأ المدونة كلها ههههههه و لا عملت حاجة!!!!

يلا ربنا يسهلك بقي و تخرجي من المود الكائبة ده

د/دودى يقول...

بحاول بجد و حاسه على بدايه الحل ان شاء الله...

سمو الامير يقول...

معلش حالة طبيعية

بتحصل لي علطول هههههههه

ربنا يبعد عنك الاكتئاب والملل والحاجات الوحشة كلها

:)

إرسال تعليق

حلو؟؟ وحش؟؟ طب ساكت ليه ما تقول....