الاثنين، 27 مايو، 2013

شربة الحاج محمود

و يقف الراجل فى المولد ممسكا بزجاجة مناديا عن شربة الحاج محمود اللى بتنزل الدود...تاخد الشربه ينزل الدود, تاخد الدود تنزل الشربة,تاخدهم الاتنين ينزل الحاج محمود

**************
 مشهد فى فيلم 5 باب

فؤاد المهندس بارمان فى خمارة ...يجى الزبون الاول يطلب بيرة فياخد فؤاد المهندس من برميل و يحط له فى الكوباية...يجى زبون تانى يطلب ويسكى فياخد من نفس البرميل و يحط له...يجى زبون تالت يطلب كونياك فياخد من نفس البرميل و يحط له فى الكوباية و هكذا
************


كل المشاهد دى و غيرها طلت فى دماغى النهاردة و انا فى الشارع ببساطة النهاردة لوحة النهاردة اعلان كالتالى :

دكتور محمد أنور

لعلاج كل الامراض بالحجامة


بص يا ابنى...انا كبهير اتبهرت مش عشان حاجة معينة...بس عشان بابا علمنى و انا صغيرة ان لفظ "كل" ده لفظ ضخم قووووى و انى ما استخدموش غير فى اضيق الحدود و يستحسن لو ما استخدموش اصلا


"كل" الامراض؟؟!!!...كل؟؟....يعنى اعالج متلازمة تيرنر بالحجامة مثلا؟؟ اعالج سيولة الدم بالحجامة؟؟


انا مش ضد الحجامة ...العلاجات الشعبية التاريخية دى موجوده على مر العصور و استمرارها يعنى نجاحها بشكل ما مع انى مش فاهمه الميكانزم بتاعها ازاى


لكن هتقول لى "كل" تبقى حرامى بصراحة كده مش دكتور

الأحد، 26 مايو، 2013

قرية ظالمة ل محمد كامل حسين

قرية ظالمةعندما تقرأ كتابين فى نفس الموضوع فيكون من الصعب كبت رغبتك العارمة فى عقد المقارنة بينهم و ان حاولت

لذا فطوال صفحات قراءتى ل قرية ظالمة فى نسخة دار الشروق الورقية البديعة تلك كان شبح كتاب "عيسى ابن الانسان" ل جبران خليل جبران حاضرا فى ذهنى

كتابان عن نفس الموضوع تقريبا لكن الاسلوب هو الفارق...فينما كان اسلوب دكتور محمد كامل حسين جاف و فلسفى و ممل بعض الشئ كان اسلوب جبران خليل جبران فى ترجمة الرائع ثروت عكاشة تجربة شعرية و انسانيه تحلق بروحك فوق السحاب و لا تكتفى بمخاطبة جادة للعقل البشرى

و جاء وجه التشابة ايضا فى التكنيك فكلا منهم تناول قصة عيسى من زاوية الاخريين و من حوله من المؤمنين و الكارهين ...وجه التشابه غريب حقا و لا ادرى هل قرأ احد المؤلفين كتاب الاخر ام هو توارد الافكار و حسب بين رجلين على قدر رائع من العبقرية على اختلاف الطرق

اعلم ما يدور فى ذهنك الان ...نعم كان محمد كامل حسين مسلما و كان جبران مسيحى محب لكنى اؤكد لك ان ذلك لم يشكل اختلاف جذرى فى الكتاب كما نتخيل

و بينما جاءت قراءتى للقرية ظالمة فى ظل تكييف قاعة القراءة فى المكتبة , كان قراءتى ل عيسى ابن الانسان فى حر و رطوبة مستشفى النسا و التوليد فى لحظات مسروقة بين المحاضرات...لكنه التأثير الادبى حين يخطفك من مكانك ليذهب بك الى هناك الى فلسطين لترى بعينك موعظة الجبل و تشاهد دموع ندم المجدلية

عيسى ابن الانسان ل جبران خليل جبران

عيسى ابن الإنسان وقفت فى قسم الدين المسيحى فى المكتبة اتأمل ل"اصطاد" كتابى التالى....و وقفت بين ذاك الكتاب الضخم الاصفر مزين بخط كبير مذهب "الكتاب المقدس" و من جانبة كتاب اخضر صغير طباعة دار الشروق و يزينه اسم جبران خليل جبران و ترجمة الرائع ثروت عكاشه عن المسيح...ولانى قرأت اجزاء كثيرة من الكتاب الاول بينما لم اشاهد الثانى من قبل ....فكان قرارى

و كما قال صلاح عبد الصبور: لم يزدنى العلم الا رجفة.....فاقول لم يزدنى القراءة عن المسيح الا جهلا به....فجبران "يدوخ" قارئه بين طيات التاريخ و الدين و الشعر , فحديثه عن المسيح او لنقل المسيح الخاص به ممتع و غامض فى نفس الوقت

و لكى تتفهم مغزى "مسيح جبران هذا" يجب ان تستمتع بقراءة مقدمة الرائع ثروت عكاشة...و ان كنت من محبى تخطى المقدمات كعادة لك فنصيحتى ان تترك تلك العادة تلك المرة ليكون كدخل جميل فى قراءة ملامح عيسى ابن الانسان....فجبران يرسم ملامح لمسيح اخر او لنقل مسيح جبران...هو نفسة المسيح بن مريم...لكنه معدل قليلا محتقر للضعف و قوى مع كل سماحة المسيح الاخرى

و كما ان محبى جبران هم فقط من يعشقوا -و يفهموا- جبران....فمن يحب هذا الكتاب هم بعيدى النظر المتسامحون لقدر يجعلهم يرون و لو قليلا وراء الكلمة و الحدث

متشددى المسيحية لن يعجبوا بهذا الكتاب فتعديلات جبران على القصة و الشخصيات كثيرة و ثقيلة على البعض مما يحفظون الكتاب المقدس بالكلمة...كما متشددى الاسلام يحرموا من الاصل قراءة قصة المسيح بالرواية الانجيلية

و هنا لا استطيع مقاومة رواية ما حدث -لى- عند مشاهدة اصدقائى من الكلية للكتاب بين راحتى فى فترات الراحة....و الاندهاش بل و الاستنكار عند روايتى لمغزى الكتاب خاصة عند اخبارهم بكيفية اختيارى للكتاب و تجاوزى عن قراءة الكتاب المقدس مره اخرى....و لك عزيزى القارئ ان تتخيل كل هذا الهجوم فى وجهى عن وقاحتى فى قراءة كتاب سماوى اخر غير القرآن و ربط كل ذاك بمعتقداتى السياسية الليبرالية....و دون ان ادافع بالطرق التقليدية عن المعرفة و حق الاستطلاع و فهم الاخر و خلافه....اغلقت الحوار و رجعت اتأمل الكتاب و وددت ان تتجسد رقة جبران و ترجمة ثروت عكاشة لتتحدث مع هؤلاء بدلا منى

استطيع ان افند لك الكتاب فصل فصل.... و ان انتقد الحديث الفلانى او ضعف الخيال فى الموقف العلانى...او عن ملل انتبانى فى الصفحة رقم كذا....و هو صحيح....لكن هناك بعد الكتب لا تقييم الا بالحب....و كما قال نزار: الصمت فى حرم الجمال جمال

الأربعاء، 22 مايو، 2013

فصل فى الجحيم ل ارثر رامبو


كبداية انا شخصيا استمتعت بمقدمة مجدى وهبه و طريقة تقديمه لرامبو و لرمسيس يونان...شعرت بها كمقدمة صديق و ليس ناقد ...المقارنة بين المؤلف و المترجم قد لا تكون واضحة لكن واضح ان كلا منهما تعذب على طريقته


و يبدو ايضا اننا كلنا ارثر رامبو و لكن بدرجات...فمن يتحمل كل تلك السوادوية و الكأبة على دفعة واحدة مثلما فعل رامبو


القاعدة تقول ان الترجمة تقتل الشعر بسكين بارد ...و لم يكن هذا الكتاب استثناء لكنه يعبر عن قاعدة اخرى شعبية تلك المرة و ليست ادبية او نقدية : ان دبلت الوردة ريحتها فيها


فوصول كل تلك الشحنة من الالم عبر حاجز السنوات و المسافات الجغرافية و فرق اللغة و خلافه يعنى ان الجرعة الاصلية كانت اكثر من مما وصلنا بالتاكيد


و لسبب لا ادريه ظل احساسى يقارن بين فصل فى الجحيم ارثر رامبو و "اميات" ل نجيب سرور....ربما كان سبب محنة الثانى هو وطن قاسى تعمد قتل روحه بينما كان العالم و الانسانية عموما هى من قتلت روحه


ادخل هذا الفصل من الحجيم بقدميك , قد تستطيع ان تتحمل كل هذا الظلام و قد لا تحتمل لكن فى كل الاحوال قد لا تخرج منه كما دخلت ...ربما حتى تكتشف زاوية مظلمة منك لم تراه من قبل


 لينك التحميل PDF

http://www.4shared.com/office/gy1dalIv/___-__.html

سمراويت ل حجى جابر


تعرف البلد الفلانى؟؟

اه

قريت حاجة من اعمالة الادبية؟

لا

يبقى متعرفوش


هكذا كان لسان حالى مع سمراويت فببساطة كل معلوماتى ان اريتريا هى المعلومات التى امدنى بيها كتاب 3 اعدادى عنها انها بلد

*******************

لكن الرواية مش خالصة لان الفرع الدرامى فى السعودية محتل تقريبا خمسين فى المية منها و لكن -و لنحمد الله- لم يكن سيئا ابدا و لم يتحول لمسلسل خليجى اخر بل كان فى رأيى اكثر من جيد ...لكنه لم يكن ممتع لى بالقدر نفسه مقارنه مع احداث اريتريا التى كانت دافعى الاول لقراءة العمل و الاستمرار به هذا بالاضافة -و اعلم انه سبب مضحك- لكن صورة الغلاف جذبتى بقوة فهى احترافية و جذابة


يمكن كمان كان عدم وجود احداث ابطئ من وتيرة العمل بشكل عام...و النهاية كمان حسيتها متسرعة

*******************

لكن بشكل عام لا تقل عن ساق البامبو سعود السنعوسي التى اثارت ردود فعل ايجابية جدا ....لعلها -و اعنى سمراويت- اقل تركيبا منها او تفاصيل لكنها بشكل عام تستحق الاطلاع

انشقت عن اثيوبيا ....و بس

لينك التحميل PDF
http://www.4shared.com/office/shuEy4Sr/_-__.htm

ما بعد اسرائيل ل أحمد المسلمانى PDF

نزول كتاب ما بعد اسرائيل للمؤلف أحمد المسلمانى على الانترنت بصيغتنا الحبيبة ال
PDF

لينك التحميل
4shared



الكتاب من رفع: مجلة الابتسامة ...و تعديل اللينك ل: محترف نت


السبت، 18 مايو، 2013

ويسترن يونيون فرع الهرم ل مصطفى إبراهيم pdf

و أخيرا بعد طول انتظار يصل الى النت ديوان(ويسترن يونيون فرع الهرم ) للشاعر الشاب مصطفى إبراهيم...و اخيرا نحصل عليه

بصيغتنا المحببة التى ندين لها بنصف ثقافتنا -فى رأيى على الاقل- حبيتى الPDF

لينك التحميل
mediafire

الكتاب من رفع صديقنا Moataz صاحب مدونة أثر الفراشة
http://moatazjasper.blogspot.com/

tags: ديوان ويسترن يونيون فرع الهرم مصطفى إبراهيم , ويسترن يونيون فرع الهرم pdf , ويسترن يونيون فرع الهرم  مصطفى ابراهيم تحميل , ويسترن يونيون فرع الهرم مصطفى ابراهيم mediafire , ديوان ويسترن يونيون فرع الهرم 4shared , تحميل ويسترن يونيون فرع الهرم

انظر ايضا
المانيفستو ل مصطفى إبراهيم PDF
http://suchasmallaffairs.blogspot.com/2013/05/pdf_18.html

المانيفستو ل مصطفى إبراهيم PDF

و أخيرا بعد طول انتظار يصل الى النت ديوان المانيفستو للشاعر الشاب مصطفى إبراهيم...و اخيرا نحصل عليه بصيغتنا المحببة التى
ندين لها بنصف ثقافتنا -فى رأيى على الاقل- حبيتى الPDF

لينك التحميل
mediafire 


الحقيقة انا ما اعرفش مين الجندى المجهول اللى رفع الكتاب لانه مش عليه حقوق...لكن عموما اشكرك...و بتعذر بالنيابة عنه ان التصوير منخفض الجودة شوية, و اوعد اول ما نسخة افضل تنزل هاحط لينكاتها


tags: ديوان المانيفستو  مصطفى إبراهيم ,  المانيفستو pdf ,  المانيفستو مصطفى ابراهيم تحميل ,  المانيفستو مصطفى ابراهيم mediafire , ديوان  المانيفستو 4shared , تحميل المانيفستو  


انظر ايضا

ويسترن يونيون فرع الهرم ل مصطفى إبراهيم pdf
http://suchasmallaffairs.blogspot.com/2013/05/pdf_7743.html

الأخ هارى بوتر

ذات مويمنت لما تلاقى موقع ناشر لينكات لسلسة هارى بوتر كاملة ...و تلاقى احد التعليقات:


"السلام عليكم..اتمنى ان تراعوا اثناء نشركم لبعض الكتب..مسألة التوحيد في عقيدتنا..هذا اذا كان يهمكم الكاتب المسلم..لأنه مجموعة هاري بوتر..كلها سلسلة شركية..تخالف التوحيد الذي هو اساس العقيدة."


يو فيل لايك....امممم و النبى ما عندى اى تعبير عن اللى عايزة اقوله اصلا

*******************************

النوع ده منتشر قووووى ....النوع اللى عايز يعمل هو اللى فاهم دينه بس و كل الناس فاسقين و اهو بالاضافه انه بيطنطط عليك بياخد شوية حسنات على قفاك


عموما "عيل صغير عمل صوابعه كده اهو مسدس و قال لصاحبه طريح طراخ...قام صاحبه طاوعه و ساق له فيها و عملوا ميت و اهله قالوا ده طخو طخ"


لان فى حد تانى قرر انه يرد الاولانى و يبين قد ايه هو ليبرالى متفتح و هو بس اللى عنده افق و الناس كلها حمير....و كالعادة يبدأ النقاش ثم الخناق  ده لو  ربنا رحمك و الموضوع ما قلبش خناقة فقه فهل يجوز قراءة هارى بوتر او لا ...و هل القارئ بتاعها يدخل فى المشركين بالله ولا فاسق بس يعنى له توبة ولا خلاص كده عالنار من بره بره ....لولا ان قاعدة اكتب و اجرى هى القاعدة الذهبية عالنت اليومين دول

و على ايه؟؟؟ على ولا حاجة...و تمشى من الصفحة من غير ما تحمل هارى بوتر فى الاخر :D

جيل المبتسرين الجدد

بحلم يا صاحبى وانا وانا لسه بحبى انا
بدنيا تانية ومصر جنة يا صاحبى
و اجى احقق الحلم ألقى
موج عالى عالى طاح بى
ونعود سوى نطوى الحنين بالأنين
و عشان كده مصر يا اولاد حلوة الحلوات

الثلاثى : سيد حجاب ـ بليغ حمدي ـ علي الحجار
***************************
لما تقرا او تسمع الاغنية دى تحس ان ازمة جيلنا ببساطة مش أزمة جيلنا بس...ده الموضوع قديييييم قوى....و الاحباط للاجيال الصاعدة عادة مصرية أصيلة.

الموضوع ما بدأش مع جيل ثورة يناير اللى اتفرج على نفسه بيتسحل بعد ثورته ...ولا حتى جيل المبتسرين بتاع السبعينات من امثال اروى صالح و اخواتها

الموضوع مش بعيد يكون بدأ مع أول فلاح اتمنى يبقى فرعون و فشل

او حتى اول عامل اتبعت للاستانة غصب عن عين اللى جابوه

تخيل انى اكتشفت ان تاريخنا عبارة عن سلسلة من الاحباطات التاريخية

او بعدها بأجيال بجيل الستينات و صلاح جاهين و نجيب سرور و امل دنقل و صلاح عبد الصبور اللى ماتوا كمدا على بلد مدمعتش عليهم دمعه واحدة لحد دلوقتى

و يبقى الأمل كالعادة:
ساعه الهوايل يقوم قايل يا بلداه
ويجي شايل هيلاهوب
شايل حمولها ويعدل المايل
وعشان كدة مصر يا ولاد حلوة الحلوات

الخميس، 16 مايو، 2013

دومات التدين ل يوسف زيدان pdf

و اخيرا الكتاب الاحدث للعظيم يوسف زيدان دومات التدين ...يصل الينا على النت بصيغتنا التى ندين لها بنصف ثقافتنا عزيزتى


الPDF

لينك التحميل
mediafire

الكتاب من رفع : مجلة الابتسامة
***********
نسخة اخرى من رفع محترف نت
لينك التحميل
4shared

عدد صفحات الكتاب: 330 صفحة





tags: دومات التدين يوسف زيدان pdf , دومات التدين pdf , دومات التدين 4shared , دومات التدين mediafire , دومات التدين للتحميل, تحميل كتاب دومات التدين

الأربعاء، 15 مايو، 2013

صانع الظلام by تامر إبراهيم


صانع الظلاممحبتهاش..محبتهاش ابدا


التقييم هنا بنجمة مش عشان العمل وحش بالعكس هو مبذول فيه مجهود واضح انه كبير..بس ببساطة كده انا مخفتش ولا حسيت بالاثارة...بمعنى اخر التقييم على استمتاعى الشخصى و ملوش دعوه بمستوى العمل


اولا تفسير عدم الخوف


عندى الاول اعتراف ليكوا: انا بقالى 14 سنه بتفرج على افلام رعب ولا واحد منهم
محبتهاش..محبتهاش ابدا
التقييم هنا بنجمة مش عشان العمل وحش بالعكس هو مبذول فيه مجهود واضح انه كبير..بس ببساطة كده انا مخفتش ولا حسيت بالاثارة...بمعنى اخر التقييم على استمتاعى الشخصى و ملوش دعوه بمستوى العمل

اولا تفسير عدم الخوف

عندى الاول اعتراف ليكوا: انا بقالى 14 سنه بتفرج على افلام رعب ولا واحد منهم خوفنى !! ...عندى مشكلة مع النوع ده من الأدب ...مش بخاف منها اعمل ايه يعنى؟ مع انى قريتها الفجر و لوحدى و كل حاجة مهيأة

قلت يمكن كتاب بالحجم ده و بالكلام اللى سمعته عنها اخاف شوية بس امممم ولا اى اندهاش

الموضوع ببساطة اتهرس فى يجى ميت فيلم امريكانى...الطفل الشرير اتعمل كتير قوى اصله...اه هنا معمول بمزاج شوية و مجهود لكن تظل الحبكة ذاتها بغض النظر عن قصة يوسف و حظه العثر المتكلم مملة للغاية و ساذجة

من الاخر لو شفت الافلام التالية او احدها هيكون كفاية عليك بشكل ما

Rosemary's Baby 1968
Orphan 2009
The Bad Seed 1956
The Omen 1976
Children of the Corn بأجزائه

و فى افلام تانية كمان بس ذاكرة السمكة مش مساعدة ليا حاليا...اما جزء اللعبة بقى ففى رأى شبة فكرة ثلاثية العاب الجوع جداااا
___________________
ثانيا تفسير عدم الاثارة

الجزء الجاى مغلق لمن لم يقرأ العمل
مشكلتى الكبيرة انه متوقع...يعنى كل مرة بيدخل معركة بيكون يا هيقتل يا هيتقتل و بما انه هو البطل بنكون متأكدين انه اكيد مش هيموت و انه هيقتل الطرف التانى "باى خسائر ممكنة" و هيكمل و ده فى حد ذاته يهزق و الاستمرار فى فكرة الحلقات دى افقدنى احساسى انى مستنية اللى هيحصل
_________
ملاحظات ملهاش اى 30 لازمة 1: ده رابع كتاب اقراها "الاسبوع ده" على غلافه توصية ل احمد خالد توفيق...و بغض النظر عن كون الكتب دى حلوة او لا...انصحه بتقليل تشجيعه شوية عشان يكون مؤثر بس

ملاحظات ملهاش اى 30 لازمة 2: ممكن تتعمل فيلم حلو قووووى بذات لو مش عربى :) عشان عايزة مؤثرات كويسة
______________________________
سر الطبخة المعتاد

حبكة فيلم امريكانى رعب + اسماء و اماكن مصرية + تصميم غلاف مرعب شوية و يا سلام لو غامض متفهمش منه الكتاب عن ايه اساسا + اسم مبهم + اهداء أحمد خالد توفيق ....و بالهنا و الشفا
_____________________________
المهم انى قررت انى هاكتفى بهذا القدر و مش هاقرا الجزء الثانى
خوفنى !! ...عندى مشكلة مع النوع ده من الأدب ...مش بخاف منها اعمل ايه يعنى؟ مع انى قريتها الفجر و لوحدى و كل حاجة مهيأة


قلت يمكن كتاب بالحجم ده و بالكلام اللى سمعته عنها اخاف شوية بس امممم ولا اى اندهاش


الموضوع ببساطة اتهرس فى يجى ميت فيلم امريكانى...الطفل الشرير اتعمل كتير قوى اصله...اه هنا معمول بمزاج شوية و مجهود لكن تظل الحبكة ذاتها بغض النظر عن قصة يوسف و حظه العثر المتكلم مملة للغاية و ساذجة


من الاخر لو شفت الافلام التالية او احدها هيكون كفاية عليك بشكل ما


Rosemary's Baby 1968

Orphan 2009

The Bad Seed 1956

The Omen 1976

Children of the Corn بأجزائه


و فى افلام تانية كمان بس ذاكرة السمكة مش مساعدة ليا حاليا...اما جزء اللعبة بقى ففى رأى شبة فكرة ثلاثية العاب الجوع جداااا

___________________

ثانيا تفسير عدم الاثارة


الجزء الجاى مغلق لمن لم يقرأ العمل

مشكلتى الكبيرة انه متوقع...يعنى كل مرة بيدخل معركة بيكون يا هيقتل يا هيتقتل و بما انه هو البطل بنكون متأكدين انه اكيد مش هيموت و انه هيقتل الطرف التانى "باى خسائر ممكنة" و هيكمل و ده فى حد ذاته يهزق و الاستمرار فى فكرة الحلقات دى افقدنى احساسى انى مستنية اللى هيحصل

_________

ملاحظات ملهاش اى 30 لازمة 1: ده رابع كتاب اقراها "الاسبوع ده" على غلافه توصية ل احمد خالد توفيق...و بغض النظر عن كون الكتب دى حلوة او لا...انصحه بتقليل تشجيعه شوية عشان يكون مؤثر بس


ملاحظات ملهاش اى 30 لازمة 2: ممكن تتعمل فيلم حلو قووووى بذات لو مش عربى :) عشان عايزة مؤثرات كويسة

______________________________

سر الطبخة المعتاد


حبكة فيلم امريكانى رعب + اسماء و اماكن مصرية + تصميم غلاف مرعب شوية و يا سلام لو غامض متفهمش منه الكتاب عن ايه اساسا + اسم مبهم + اهداء أحمد خالد توفيق ....و بالهنا و الشفا

_____________________________

المهم انى قررت انى هاكتفى بهذا القدر و مش هاقرا الجزء الثانى
**************************
عموما للتحميل


رفع المحترف  نت طبعا :)

http://www.4shared.com/rar/QKG52h6h/__1.html

http://www.4shared.com/rar/hrUAqEsU/__2.html

التغريبة البلالية ل بلال فضل

التغريبة البلاليةعالعادة مجموعة مقالات مجمعة مرة اخرى كعادة بلال فضل...لكن فكرة ان كل مقال يبقى عن رحلة خلى فى وحدة عامة للكتاب و له موضوع معين بخلاف الكتب التانية


و عموما الكتاب "نموذجى" تيبكل لنوعية الكتب اللى بنشرها دار الشروق...التوليفة الذهبية بتاعه كل مرة مجموعة مقالات قديمة لمؤلف محبوب عند الشباب و غلاف بالوان زاهية ل وليد طاهر و اسم جديد يجذب القارئ...و يلا يا عم اطبع و بيع


معنديش تعريف معين لادب الرحلات بس محستش ان الكتاب ده منهم مش عارفة ليه يمكن لان جرعة السياسة فيه عالية


اجمل مقالة عندى و هى اصغرهم هى المقالة التانية عن "نديهم فرصة يا جماعة ...منشورات اسكتلندا" يمكن عشان كانت مركزة


و كالعادة اسلوب بلال فضل التحفة اللى يموت من الضحك بس برقى

************************
للتحميل

http://books.ibtesama.com/dldgto50604.pdf.html

من رفع : مجلة ابتسامة

نيكروفيليا ل شيرين هنائي


نيكروفيليا
حتى الإسكافي لا يعرض أول حذاء قام بتفصيله للبيع ولا يجرؤ، لكن الأديب الشاب يريد بحماس أن ينشر أول عمل له مهما كان، ويغضب جدا لو لم يسمح له أحد بذلك

مارك توين
_______________________
و لكن لان الفنان و الاديب ليس كالاسكافى عزيزى مارك توين...ولان اصلا الفنون جنون ...فكل كاتب يرغب ان يشارك الكون ما خطته يداه و ان كان غير كامل المعالم

فان كتب المؤلف اول كتبه ثم اخفاه عن النشر و اكمل عمله و نشر كتابه الثانى وهكذا ثم عاد بعد كتابه الرابع الى تلك النسخة المخفية من كتابه الاول فسيجد العجب مما كتب
_________________________
و الان لم تلك المقدمة التى اعترف بكونها سخيفة....ربما لانى رأيت فى شيرين هنائى مقدرة اكثر مما استطاعت هى ان تبلور فى عملها الاول

اردد دائما: بأن كل شئ يمكن اصلاحه و تهذيبه و تنميته فى المؤلف ....يمكن دائما تطوير المواهب الفنية بشرط الا تتوافر فيها تلك الخطيئة القاتلة المسماة :النمطية

و هنا أشد على يد المؤلفة بانها و الحمد لله غير نمطية ابدا....ذلك التباين بين الشخصيات و تقبل ان يرسم المؤلف شخصيات مشوهه داخليا دون ان يتقزز منها ينبأ بانه فى المستقبل يستطيع تطوير تلك الطريقة و دمجها فى حبكات درامية اقوى

بمعنى اسهل: كان يمكن تطوير شخصية "منسية" بشكل اكثر احترافية لانها شخصية درامية غنية ....ربما ان اعادت شيرين كتابة هذا العمل الان مستعينه ب"منسية" مرة اخرى لاخرجت لنا عمل أكثر اتقانا
_________________________
لعلك تتعجب ان اخبرتك بان اكثر شخصية اعجبت بها هى "فتنة" لعل بسبب وضوحها المطلق و وقاحتها احيانا فهى فى رأيى شخصية مرسومة بعناية و مباشرة
_________________________
بينما جاءت فى رأيى اقل الشخصيات رسما هو ابن مهنتى المسمى "جاسر" لماذا؟...لانها غير واقعية على الاطلاق و تتضح فيها بكل اسف اخطاء المبتدئين التى تحدثنا عنها

مين اللى قال ان فقدان الشهية الهستيرى ده مرض نادر؟؟ بالعكس ده مرض عادى جدا و موجود عند الاغنياء اكثر من الفقرا...و مين اللى قال ان لازم يكون بصدمة نفسية سابقة؟ بالعكس معظم الحالات اللى شفتها بنات متضايقة من شكلها و بتكره شكل جسمها

مين اللى قال ان فى رسالة دكتوراة تنفع تتعمل على حالة واحدة؟ لا و كمان الدكتور خاطف الحالة فى بيته؟ و ده هيناقش الرسالة ازاى بقى؟ ده هيتحبس قبل ما يروح لجنة المناقشة اصلا...و فين الدكتور المشرف على البحث اللى وافق على العك ده؟

و ليه اول ما شفها شخصها
anorexia Nervosa due to psychological trauma

ده حتى معملتش تحاليل يمكن تكون
cachexia
و هو مش واخد باله ...و يكون فى مرض تانى مثلا
hyperthyroid
لاحظ انه شخصها قبل ما تعرف انها مش بتاكل

و لية ما عرفش يشخص او حتى يشك فى
necrophilia
من نص الكتاب؟...كانت باينه يعنى على الاقل من الصور...مع ان كون المريضة "بنت" خلتنى ابعد عن دماغى التشخيص شوية فعلا

__________________________
س/ هو المفروض انى اتفاجئ ان الحالة نيكروفيليا؟؟..ده اسم الكتاب حتى؟..ولا فى اعتماد ان الجمهور مش بيعرف الاصل اللاتينى ؟...مشفتش وجه للمفاجأة الصراحة
__________________________
كمان ما عجبتنيش حته الخواطر او شبه الاشعار دى بصراحة تقريبا كنت بنطها
__________________________
و برضة عندى قناعة ان المؤلفة "مادة خام" حلوة هتتطور ان شاء الله و هاقرا صندوق الدمى عموما و هاشوف

اه و شكرا على موافقتك على النسخة الالكترونى و لو مؤقتا 

للتحميلhttp://www.4shared.com/office/TkZEHSNs/_-__.html

القوقعة: يوميات متلصص ل مصطفى خليفة

القوقعة: يوميات متلصصحسنا لم أغلق الكتاب قط...5 ساعات , 376 صفحة , ثلاثة عشر عام و ثلاث شهور و ثلاثة عشر يوم بين ضلفتى كتاب..حتى انى وصلت الشاحن باللاب توب لضمان عدم المقاطعة

و لكن هل يمكن تلخيص هذا النوع من الكتب فى ريفيو؟؟ قطعا لا..و لكن من يمنعنى اذا من كتابه ليس واحد بل اثنان؟؟


______________________________
الريفيو العاطفى

كيف يهزم "السوط" -بكل بساطة- الكائن الذى سجدت له الملائكة بأمر ربها؟..ماذا يفعل الحب و الشجاعة او الجبن , المبادئ, او حتى الايمان عندما تتحرك تلك الاليكترونيات الصغيرة تنقل لمخك ما تعرض له جسدك من أذى ؟

عندها تتحول الى كتلة صماء من الألم...يتحول الانسان الى شئ, مجرد شئ...ينفصل الذهن عن الجسد تاركا لك الجحيم بينهما

سجن المكان و سجن النفس هكذا كان حال مؤلفنا ...كتب كافكا رائعته "المحاكمة" و التى تترجم احيانا ب"القضية" عن رجل يحاكم على تهمه لا يعلمها و لكن تخيل شعور كافكا ان علم ان قصته الغارقة فى العبث و الرمزية هى قصة حقيقة على ارضنا الحرة

فى وطننا العربى لا يوجود ذلك السجن المنطقى فى افلام امريكا حين ينكفئ السجين طوال سنين سجنه بين الكتب و المطالعة ....فى وطننا العربى السجن هو الحجيم بعينه و انا لا اقصد جحيم سارتر الشهير المكون من غرفة نظيفة و رجل و 2 من النساء ليكونوا هم الجحيم...بل حجيم واقعى يدمر من دخله جسديا و نفسيا

الذل...حين يسحبون منك انسانيتك بتلذذ كما ضاعت منهم انسانيتهم من قبلك...كتلة من الجوع و المرض و الألم...و الذل

و تجد نفسك تتسأل عن سبب تشبث الناس بالحياة اصلا؟؟...عشرات التفاصيل التى صنعت منها الحياة تختفى
_________________________________
الريفيو العقلى

بداية ادبية موفقة هكذا اراها...ايقاع سريع و دخول فى الموضوع بلا كثير من الالعاب الادبية لكنى تمنيت لو حجب لنا المؤلف السبب الحقيقى لدخوله السجن و اظهره لنا فى التسلسل الزمنى العادى الذى عرف هو به ...كانت لتكون مفاجأة ادبية

اعترض بعض القراء على ذكر بعض الالفاظ الخارجة و السب , و بعض التلميح-و احيانا التصريح- بالشذوذ...لكنى لا اميل الى هذا الاعتراض فوجوده ضرورة ادبية بحته فهى تصنع لك ذلك الجو و تنقل لك بشكل كامل ملامح المشهد...و ان كان هؤلاء البشر قد سبوا بها فعلا فما اقل ان تقرأها انت

لكن العيب الاكبر فى رأيى هو كونها اشبه باليوميات او المذكرات...و نقص الالعاب الادبية الذى اسعدنى فى البداية نفسه ضاقت به نفسى فى النهاية...ربما كان من الافضل ان يترك المؤلف لغيرة الكتاب مثلما فعل أحمد المرزوقي حين اهدى تلك المادة الخصبة لبن جلون ليصنع منها تحفته الادبية تلك العتمة الباهرة

جودو يوارب الباب ل أحمد جلال


جودو يوارب الباب للتحميل
http://www.marwarakha.com/pdf/judu.pdf
__________________
اى حاجة ممكن تتصلح فى اسلوب المؤلف الا انه يكون نمطى او بيحاول يقلد غيره


و فى تلك التهمة اجد المؤلف على الطريقة امريكية
unguilty

قد يحتاج لبعض الصقل او التركيز الا ان معدن الكاتب بداخله واضح...اسلوب مميز بيه -حتى لو مش مظبوط قوى" الوجع و الألم و العبثية بلا حدود موجودين...ذلك الخلط الصادم بين الواقع و عالم موازى ندخل فيه بأرادتنا الكاملة

ربما مشكلتى ان المؤلف اعطانى كمية ضخمة من قطع البازل و الاجزاء الفكرية مطالبا اياى بفك رموزها و تركيبها للحصول على الصورة الاكبر ...ربما كانت تلك البازل اعلى من مستوى ذكائى احيانا او ربما تحتاج لقراءة اخرى اكثر تركيزا


أصداء السيرة الذاتية ل نجيب محفوظ

أصداء السيرة الذاتية
فى تعريف الكتاب على الجودريدز

In his first work of nonfiction to be published in the United States, Naguib Mahfouz considers the myriad perplexities of existence, including his preoccupations with old age, death and life's transitory nature.


هل تعلم انها المرة الاولى لى التى اشعر فيها بأنى اقرأ لكاتب عالمى؟؟ لذا قررت طيلة قراءتى للكتاب ان انظر له بنظرة المؤلف عابر للقارات و ليس محفوظ صديق الطفولة و ذلك الدفء الحميمى فى عشرتى لابطال حرافيشه...قررت ماذا لو هيأت نفسى انى سأقرأ لسارامجو او ميلان كونديرا ...هل تعلم انى لم انظر لمحفوظ بنظرة نوبل قط ربما هى العشرة و الالفة التى تمنعنا من رؤية حقيقة الرجل

******************

مئات من الروايات هكذا كانت "اصداء السيرة الذاتية" كتاب لا يقل عندى عن مكتوب ل باولو كويليو او أفواه الزمن ل إدواردو جاليانو...هى فقط عقدة الخواجة كما أرى


من تلك الروايات ما هو مكتمل الاركان الدرامية فى سطور ...فى قطعة صغيرة يرو لك محفوظ قصة كاملة فى حبة جاهزة للبلع...تكثييف رائع لا يتمكن منه الكثيرون...كانت تلك احد الامثلة القريبة لقلبى لذلك النوع




******************

و منها ما تشعر انه قطعة من رواية اكبر كتبها نجيب او لم يكتبها قط ....موقف درامى او قطعة حوارية...أقصوصة صغيرة كبازل يستطيع القارئ النابه ان يكون منها اعمال اخرى




*******************

و منها ما يصل للعبثية او حتى الجنون...و هى المفضلة لدى

:)





يومًا ما.. كنت إسلاميًا ل أحمد أبو خليل

يومًا ما.. كنت إسلاميًاThe Boy in the Plastic Bubble

ده اسم فيلم اتعمل فى السبعينات كان بطولة جون ترافولتا عن ولد مصاب بمرض افقده المناعة فأهله حطوه فى فقاعة بلاستيكية معقمة...فضل طول عمره فيها يكبر و يتعلم جواها و الاكل و الشرب يتعقم له قبل ما يدخل...هكذا فى رأيى كانت ببساطة طفولة مؤلفنا


ربما تيقنت الان ان مشكلتنا السياسية المصرية قد لا تحل ابدااا...اختلاف نشأتنا و رؤيتنا للحياة هيكون دايما مانع و حاجز من اننا نتعامل فى اللعبة السياسية او حتى الاجتماعية


احنا بنتكلم عن شاب وصل لعشرين من عمره دون ان يمر بمراحل الطفولة المصرية اصلا..ما اعرفش مين صح و مين غلط لكن الاهم اننا مختلفين حتى لو ادعينا العكس


الذى لم يصرخ حين يسدد كابتن ماجد من فريق المجد الهدف بعد ظل 3 حلقات يسدده


لم ينتظر افلام ميكى ماوس و يستمع دون يدرى الى سيمفونيات كبار الملحنين الغربين فى

Fantasia


لم ينتظر درية شرف الدين ساعتين لتكف عن المناقشة و تصمت ليبدأ نادى السينما اخيرا حاملا معه عبق هوليوود


لم يرتدى تيشرت احمر او ابيض ذو خطين و ينتظر يوم الجمعة المباراة بفراغ صبر , لم يهتم قط او يحزن او يصرخ سعادة حين احرز الاهلى سداسيته الشهيرة فى الزمالك


لم يحفظ مقدمة ارابيسك " حافظ علي مسلكك وامسك في نفسك لا العلل تمسكك" ..ليدخل الشريعى قلبه و يتغلل فى مسامه


لم يتوسل لابيه ان يشترى "اتارى" جديد ثم يزيد جرعة التوسل ليحصل على شريط العاب اضافى


لم يكن على رف ابيه رباعيات صلاح جاهين...لم يتأثر ب

ورا كل شباك ألف عيــن مفتوحيـن.. وانـا وانتى ماشيين ياغرامـى الحزيـن لو إلتصقنـا .. نموت بضربـة حجـر لو إفترقنـا ... نموت متحسريــــن..عجبنى


لم يمر بمرحلة "اهيم شوقا" ليصل الى "امبارح كان عندى عشرين" ثم يكتشف صوت فيروز يشدو فى كيفك انت ملا انت...بل انه بيعيب على اخوان ما بعد الثورة انهم بقوا يسمعوا فيروز لا كتر خيرهم بصراحة


لم يذهب صغيرا او شابا الى الاقصر و اسوان او المتحف المصرى او حتى الاهرامات ..ليفتح قلبه الصغير الى عظمة المعمار و جمال ذلك التمثال الذى يكاد ينطق عبر 5 الالف سنة


بل انه حتى لم يحى العلم او يغنى النشيد فى مدرسته

_______________________

انا اعجبت جدااا بالجزء الاول من الكتاب يمكن لانى اول مرة اتعرف على التربية من النوع ده ...بينما فقدت اهتمامى بالكتاب فى نصفه التانى ربما منذ فصل الاخوان 2005 يمكن لانه ما اضفش ليا كتير لان الاحداث هى و الثورة و ما تلاها مش غايبة عن ذاكرة جيلنا لسه...لذا سيكون الريفيو مركزا على النصف الاول


الجزء الاول من الكتاب يستحق ال5 نجوم بلا شك...الجزء التانى يستحق نجمة واحدة على الاكثر...فكان المتوسط الحسابى الذى لا اعجب بفكرته ابدا هو 3 نجوم

_______________________

ملاحظات ملهاش اى 30 لازمة 1: هو حمزة نمرة ماله و مال الاخوان؟؟ و المؤلف بيعتبره امتداد للانشودة الدينية ليه؟؟ هو فى حاجة انا ما اعرفهاش؟


ملاحظات ملهاش اى 30 لازمة 2: الاقتباس من الاناشيد كان اوووفر...تقريبا مقرتش منهم حاجة كنت بنطهم عشان اكمل الكتاب


ملاحظات ملهاش اى 30 لازمة 3: كشف لى الكتاب اسماء كثيرة من اللى مش اخوان لكن بيحترموهم

if u know what i mean ;)


للتحميلhttp://www.4shared.com/rar/-Jthixp9/___.html

هند و العسكر ل بدرية البشر


هند و العسكرللتحميل
http://www.4shared.com/office/kTPUZUs3/_____.html

*********************

حينما اصدر جيمس فراى كتابه "مليون قطعة صغيرة" فى 2003 لم يشتر احد نسخ
تلك الرواية, ظلت حبيسة الادراج و الارفف حتى جاء العام 2005 حينما دخل ضمن "نادى قراءة الاعلامية الشهيرة اوبرا وينفرى" و سجلت معه حلقة عالمية عن كون الرواية احداث حقيقية و انه كان بالفعل مدمن و ان الكتاب اشبه بالمذاكرات و ان كل تلك المأسى حصلت له بالفعل و بكت نصف نساء العالم ..فاذا بالكتاب يبيع مليون نسخة فى ظرف اسبوع

فى مطلع 2006 سجلت اوبرا حلقة اخرى مع المؤلف اعترف فيها بان احداث الكتاب ملفقة و انه لم يعش تلك المأساة قط و انه بشكل او بأخر قام بالنصب على الجمهور و شهقت مفاجأة و غضبا نصف نساء العالم ايضا (لعله النصف الاخر) ...فاذا بالكتاب يبيع 2 مليون نسخة فى ظرف اسبوع

حسنا ...ما علاقة جيميس فراى ب"هند و العسكر" ربما كل شئ او لا شئ على الاطلاق...لكنه وجه التشابة ان كلا من الكتابين اخد شهرته لسبب لا علاقة له اصلا بالادب..فالناس يعشقون شراء تلك الكتب التى عليها ضجة فقط لمعرفة عن ماذا يتحدث الاعلام تلك الايام

هل تتخيل ان تلك الرواية متوسطة المستوى تصل لطباعتها الخامسة لمجرد ان شيخ سعودى اعترض على جملة مكونه من سطرين فى الصفحة 27 منها؟!!!...حدث بالفعل

اقترح ان تقسم المؤلفة ارباح الكتاب بالنصف لذلك الشيخ الذى كتب الخلود لعمل لا يحوى حتى اهانه تستحق الذكر للدين او خلافه
*********************
قتلت النمطية ذلك العمل بسكين بارد ...كل ما فيها يصرخ بالتكرار حتى و ان ظن انه يخرج عن الصندوق...صار التمرد نمطية فى حد ذاته...هل تتخيل؟
*********************
و هى جولة اخرى فاشلة لى مع روايات الخليج التى تعاود احباطى مرة تلو الاخرى بسبب تشابهها التام فهى صورة مكررة مما قرأته من قبل....كما انها صورة مكررة لروايات نسوية حتى من خارج الخليج راجع "انا هى و الاخريات" لجنى فواز لبنان و "نسان المنكر" سناء المقرن السعودية مرة اخرى
*********************
ست هند طول الرواية بتشرب قهوة...طب كانوا سموها هند و القهوة وخلاص...سهلة يعنى

و يظل السؤال قائم : طيب ادى هند...فين العسكر بقى؟؟

خيانة بالصدفة ل إسلام درويش


خيانة بالصدفةاعرف ان لكون المؤلف مهندس فهو يهتم بلغة الارقام...و لكنى ادعوه و ادعوكم الا تنظروا الى الارقام لانها ببساطة "متوسط ليس اكثر لتقييم القصص اى نجمع تقييم القصص على حده ثم نقسمها على عددهم...هى طريقة عقيمة كما ترى لكن الجودريدز يفرضها علينا فهو كغيره لا يجيد سوى ايجاد ذلك المتوسط الرقمى

لكنى اخرج من الصندوق قليلا و اقول ان من يكتب "علامة استفهام تعجبية" يستطيع ان يكون مؤلف جيد...و من يحيك خطوط درامية لل"الرسالة" يمكن ان يطور نفسه ليصير قاص رائع....و من استطاع ان يعبر عن ذاته بكل هذا الوضوح و الغموض فى "الأستيكة" سيصير ما يشاء ان شاء....و من يكتب بتقليدية فى "رحلا معا" دون ان يقع فى فخ الابتذال و النمطية سيكون افيد للمجتمع كثيرا كمؤلف عنه كمهندس

و من يجبرنى على اخد اقاصيص و سناب شوت ...سيكون يوما كاتب احدهم المفضل



**************************
كنت اردد على مسامع الكتاب اكثر من مرة
دور جوه نفسك اكتر..اكتب اللى نفسك العالم يسمعه مش اللى العالم عايز يسمعه منك...الحياة قصيرة جداا اننا نكتب اكلايشيهات و نقلد غيرنا...خليك مميز ...خلى نفسك كاتبك المفضل

حسنا على الرغم من كون اسلام درويش لم يقرأ تلك النصيحة الا انه نفذها او على الاقل معظمها
*************************
نصيحتى الوحيدة للمؤلف : كف عن كتابه النصوص القصيرة و الاقاقيص...قوة تأثيرك فى القصص القصيرة و المتوسطة اكبر بكثير....و اعد ترتيب نصوص الكتاب فالنصوص ال4 الاولى هى الاضعف على الاطلاق و لاحظ ان القارئ قد لا يصبر ليصل الى الاجزاء الممتعه فى وسط الكتاب و اخره فعصر السرعة و كثرة المطبوعات يجبر الكاتب ان يخطف بصر القارئ من صفحته الاولى

لو اتشهرت ما تغيرش من نفسك...و افضل اكتب اللى نفسك تقراه مش اللى الجمهور عايزه

good luck

كناري ل أحمد الخميسي

أنا ك بهير انبهرت
منذ عشرات الكتب لم اقرأ مجموعة قصصية بتلك الجودة...تلمع بعض قصصها كالنجوم فى تألق خاطف للانفاس ترى فيها التميز واضحا...ترى فيها ببساطة قصص لم ترو من قبل

و كأى مجموعة قصصية لا يمكن ان تعجب بها كلها...و لكن تلمع من بين العشرين قصة عدد كافى من القصص يكفيها لمنحها ال5 نجوم و مصالحة القارئ عن اى نقص يمر به فى احد القصص الاخرى

من البداية كان شعورى بانها ستكون مجموعة على الاقل جيدة لمدح 3 رجال اثق بهم فيها لعلهم لا يعرفون بعضهم البعض...هم علاء الديب,محمد المخزنجى و ابراهيم عادل
_________________________
و كعادتى مع المجموعات القصصية افتح ملف ورد و ادون به ملاحظاتى اول باول لانى للاسف مصابه بذاكرة السمكة و لعل ذلك هو السبب فى زيادة عدد ريفيوهاتى

كانت تلك هى ملاحظاتى عن القصص الاجمل فى رأيى
_________________________
كنارى
قصة قصيرة حالمة , رقيقة , كأنها همسة وسط صمت...من بين 6 مليار شخص هناك ذلك البشرى الذى لا يملك سوى كنارى عصبى بمنتهى الطفولية
*****************
بط ابيض صغير
هو لسة فى قصص قصيرة بالجمال ده؟..لسه فى حد بيكتب بالذاتية الممتعة دى؟..قصة قصيرة بديعة كسرت قلبى من فرط رقتها و حزنها و صورتها الادبية الرائعة التى ببساطة جسدت ما لم اراه فى عمل ادبى قط...و تشدو فيروز فى اذنى فى امل؟ فاجيب فى ارتياح: ايه فى امل
*****************
ليلة مبهمة
لعل الصمت و الليل مجعول لكى يفك الانسان ضفيرة الازمنة و الامكنة التى شكلت حياته متسائلا عن جدوى حياته تلك

هكذا كانت حبكة تلك المبهمة التى استدعت ليلة اخرى اكثر ابهاما..هل شاهدت فيلم حدوتة مصرية للرائع دون مناقشة يوسف شاهين؟ حسنا هى نفس الحبكة بشكل اكثر صفاء و عبثية و بساطة...هل تعلم وجودك فى المشهد الذى تتغير حياتك بعده الى الابد؟ حسنا هى قصة قصيرة تصلح فى حد ذاتها لان تتحول الى رواية كاملة
*****************
الانتظار
حينما اقرأ تلك القصة فاذا بالست تشدو : "انت الامل اللى احيا بنوره عمره ما يبعد يوم عن عينى" , لكنى اردد و ماذا يفعل يا ست من لم يملك ذلك الشخص المعجزة الذى يتجسد فيه الامل ذاته؟؟...فيجيب الخميسى ببساطة فى قصه: اذن فلينتظر

فى قصة انا عشقت للمنسى "التى كتبت فى وقت لاحق عن مجموعة كناريا" يصور المنسى الفتاة ورد تنتظر على رصيف المحطة متبسة تنظر بطلها الغائب...اما هنا فى "الانتظار" فكل جالس على ذاك الرصيف صامتا
****************
باب مغلق
من الصعب -بل من الصعب جدا- ان يكتب مؤلف مصرى عن موقف درامى مشترك بين مسلميين و مسحيين دون يقع فى فخ الابتذال و النمطية ...حسنا بلا مجاملة لقد فعلها الخميسى...هل تعلم السبب؟؟

لانه مزج فى قدرة عالية بين عالم الانسانية المطلقة داخل بيت موريس و بين العالم الواقعى فى شارع لا يفهم لغة الالفة...بين بيت مغلق يحتاج-ببساطة مطلقة- كل شخص فيه للاخر و بين شارع لا يعترف سوى بالحدود الواضحة القاسية كالاسفلت
****************
نظام جديد
هل اكون مبالغة ان وصفت تلك القصة القصيرة بانها لا تقل عن القصة الخالدة "المحاكمة" لكافاكا؟ لم اقل اقتباس او نقل لانها ببساطة ليست كذلك بل اقصد باللفظ انها فى نفس المستوى

من الرائع ان اجد بين الحين و الاخر قصة بهذا المستوى بين طيات كتاب طباعه حكومية و لكاتب لا اعرفه...و احيانا اسأل نفسى هل اكون انا نظام جديد دون ان ادرى؟
****************
حصان أحمر
و هل يوجد بلد يكون حصان أحمر سوى فلسطين؟ و هل يمكن ان يغرق ذلك الشريد بين النار و الدم سوى فى تلك البقعة من الارض التى صار فيها المستحيل ممكنا؟..و هل يعلم احد قسوة ان تكون ذلك الوحيد المتوهج؟
****************
حرج خفيف
لك ان تتخيل عجبى و انبهارى حين تعلم انى مررت تماما بنفس الموقف فى القصة؟!..و اضيف لك من الشعر بيت بانى فكرت فى ان اكتب قصة قصيرة تماما كتلك و لكن كما كانت تردد جدتى فى اوقات المقارنه: "ايش جاب لجاب يا صحن كباب" و بعيدا عن المثل غير المفهوم و علاقة المريبة بالكباب , هنا فقط تشعر بفرق الموهبة...موهبة تحويل موقف فى منتهى البساطة الى قصة درامية جيدة الصناعة

ذلك الصمت المتواطئ و الحرج الخفيف بين رجلين يجمعهم القدر اكثر من اللازم


للتحميل
http://books.ibtesama.com/dldwdc14893.pdf.html

قيس وليلى والذئب ل بثينة العيسى

انها الزاوية الاخرى لديزنى....الجانب المختلف لكل ذلك البريق و الفساتين الملونة...الجانب العبثى بل و الفلسفى من اميرات الاحلام و الفارس على حصانه الابيض


عشقت ذلك الجزء وددت لو احفظه باخذ كثير من الملاحظات لكن الاجزاء الرائعة فيه اكثر مما يمكن كتابته

*****************

ثم ينتهى ذلك الجزء اللامع ل"حروف مخلوعة من جسد الحكاية" لجزء اقل جمالا و ارتباطا سمته المؤلفة "و مازلنا نبرح الامثال ضربا" فصلنى هذا الجزء من تلك الحالة الراقية


و ظللنا لعدد من الصفحات بلا متعة حقيقية

*****************

ثم نجدنا مرة اخرى فى حضن القصص بالفصل الممتع "الغابة مرة اخرى" لنرجع مرة اخرى لهذا العالم الموازى الذى قررنا ان نعيش فيه فى طفولتنا او طفولة اولادنا ....عالم مثالى تنقذ فيه ليلى دوما من الذئب و يظهر الصياد دوما فى الوقت المناسب

*****************

ثم تكمل فى فصول غير مترابطة الى ان ينتهى الكتاب


تقييم اجزاء ديزنى 5 نجوم كاملة انقصها كل هذا الحشو و القصاقيص التى لم يستفد منها الكتاب سوى زيادة صفحات و افقاد الترابط بين اجزاء الكتاب


عموما استمتعت

قهوة باليورانيوم ل أحمد خالد توفيق

بالنسبة للتحميل فمن اللينك ده

http://suchasmallaffairs.blogspot.com/2013/05/pdf_4.html
******************
اما التالى فهو رأيى ما بعد القراءة:

بص يا ابنى و يا بنتى لا فى قهوة و لا فى يورانيوم و لا حتى فى مقال بالاسم ده...فيريح دماغك من الاخر

************

و اخير يطرح السؤال نفسه


لماذا يصر دكتور أحمد خالد توفيق على كتابة هذا النوع من الكتب؟؟...مجموعة مكررة من المقالات التى اما اننا قرأناها بالفعل فى بص و طل و خلافة او لم نقرأها لكن شعور التكرار فيها واضح للعين...فبمجرد ان تقرأ السطور ال3 الاولى تدرك ما سيقوله خالد توفيق فى باقى المقال


اتذكر قول صديقة قارئة هنا على الجودريدز هى صديقتى مشيرة فهى تردد و تلك هى كلماتها

نفسي لما يكون الكتاب تجميع مقالات...يتكتب كده على الغلاف...غير كده..يبقى كذب وغش وتدليس من الكاتب ودار النشر


كان ذلك تعليق على كتاب 28 حرف لاحمد حلمى....ها انا استعير كلمات مشيرة....بصراحة ده نصب...الكتاب من غلافه او تقديم الكاتب على غلافه يشير ان المقالات مكررة تم نشرها من قبل...حسنا لم ادفع نقود اطالب بردها لكن من يعوضنى عن وقتى الضائع؟


لا تفهمنى بشكل خاطئ بان المقالات سيئة ..بالعكس فهى متوسطة لكنها ببساطة بجودة نكتة رائعة قديمة

*********************

لكن السؤال الاهم هو التالى


لماذا اصر انا -ك دينا- على قراءة كتب دكتور خالد المجمعة مرة تلو الاخرى و توقع نتائج مختلفة مع ان اينشاتين نفسه يشير ان ذلك غباء مطلق؟

*********************

نصيحة نهائية


اذا كنت قرأت : دماغى كدة...فقاقيع...زغازيغ...شاى بالنعناع


فلن تجد فى قهوة باليورانيوم ما هو اكثر

فوجا ل عمرو الجندى


تحذير: يحتوى هذا الريفيو على قدر كبير من الصراحة و اقل كم ممكن من الكياسة ....و على رأى باسم يوسف..هذا الريفيو للكبار فقط  ..قومتوا؟ قومتوا خلاص؟ مساء الفل

**************
هو فى حد لسه بيقرا العبط ده؟؟؟...لا بجد لسه فى شباب فى جامعة و حد فوق سن ال12 سنه بيقرا الهرى ده؟؟..ايوة طب ليه يعنى؟؟...عايز تقرا روايات بوليسى روح اقرا اجاثا كريستى , شارلوك هولمز, اتفرج على هيتشكوك اى حاجة غير النوع السطحى ده

الاهم بقى: هو لسه فى حد بيكتب العبط ده؟؟...ليه شاب عنده امكانيات-او حتى موهوم- يكتب بالسطحية دى؟..شاب يعنى طموح يعنى عندك الف حاجة تقولها للعالم من وجة نظرك...ايه اللى يخليك تسيب كل مشاعرك المتناقضة للكون و تكتب قصص شبه اللى فى مجلة ميكى؟؟ ....ادينى سبب غير الفلوس لو سمحت
***************
و انا اللى كنت بقول على اعمال احمد مراد انها تافهه؟؟ لا بصراحة التفاهه وصلت لمستوى جديد...كتاب بالمستوى ده يوصل للطبعة الخامسة؟؟ لا و النبى

انا قريت الكتاب لسبب واحد: انى اعرف شباب اليومين دول بيقروا ايه؟؟ و ياريتنى ما عرفت فعلا

اعترفوا كلكوا قريتوا/هتقروا الكتاب عشان اسمه...عجبكم لفظ "فوجا" ده و قررتوا تقروا الكتاب وخلاص...عموما رأيى ان دار النشر كانت على نفس مستوى السذاجة و نشرته لنفس السبب
****************
و ارجع و اقول منه لله "اللى بالى بالك عشان الناس بتزعل" هو اللى رجع للشباب الموضة المنيلة دى...كتب اشبه بقرطاس اللب لا فايدة و لا عمق و لا وجة نظر حتى

يلعن ابو النمطية يا راجل
*****************
نصيحتى الشخصية للمؤلف ده لو كان لسه طايق يقرا كلامى

دور جوه نفسك اكتر..اكتب اللى نفسك العالم يسمعه مش اللى العالم عايز يسمعه منك...الحياة قصيرة جداا اننا نكتب اكلايشيهات و نقلد غيرنا...خليك مميز ...خلى نفسك كاتبك المفضل



 *****************
للتحميل
http://www.4shared.com/rar/1sNVIDjJ/voga.html

من رفع: محترف نت

في معنى أن أكبر ل ليلى الجهني



هناك نوع من الكتب يصعب كتابته و يصعب قراءته على صغر حجمة....ليس بسبب الصعوبة اللغوية او الملل ابداااا ..لكنه لانه بك اكثر ما تتقبل, يريك انت و المؤلف على السوء ما تحاول ان تهرب منه او تتجاهله, يضع امام مرايا لترى فيها نفسك واضح بلا رتوش ,كتاب مرهق على كل الاصعدة

اتمنى ان اقتنى الكتاب ورقيا لابدأ به مرة اخر بعد عشر سنوات...و يكون طقس فى كل عقد لارى به كل مرة ما لم اراه فى المرة السابقة

فى لغة بسيطة و منطلقة و مشاعر بالغة البساطة و التعقيد تعبر ليلى الجهنى معنى ان تكبر
**************************
اكثر من اقصوصة تستحق الاحتفاظ بها و تأملها فى صمت....ربما كانت تلك الاقصوصة اقربهم الى نفسى


الثلاثاء، 7 مايو، 2013

زمن الغم الجميل ل عمر طاهر pdf

الكتاب الذى يصور فيه عمر طاهر يوميات المصرى ما قبل الثورة ...ينزل الى الانترنت بصيغتنا الحبيبة التى ندين لها بنصف ثقافتنا

الPDF

و من غير رغى كتير اقدم لكم لينك التحميل
للتحميل

أسفة على حجم الكتاب الكبير نسبيا...ان شاء الله بمجرد نزول نسخة اصغر حجما هاحطها 

الكتاب من رفع : المحترف نت
http://almo7trefpdf.blogspot.com

tag: زمن الغم الجميل  pdf , زمن الغم الجميل  4shared , زمن الغم الجميل  ل عمر طاهر تحميل mediafire, زمن الغم الجميل  , زمن الغم الجميل  تأليف عمر طاهر تحميل

السبت، 4 مايو، 2013

الكلاب لا تأكل الشيكولاتة ل عمر طاهر pdf

احدث كتب عمر طاهر الساخرة و كعادته مع بروما ....ينزل على النت بصيغتنا التى ندين لها بكثير من ثقافتنا ال PDF


و من غير رغى كتير اقدم لكم اللينك
للتحميل

الكتاب من رفع الموقع الرائع : ibtesama.com




tag: الكلاب لا تأكل الشيكولاتة  pdf , الكلاب لا تأكل الشيكولاته   4shared , الكلاب لا تأكل الشيكولاته ل عمر  طاهر تحميل, الكلاب لا تأكل الشيكولاته , الكلاب لا تأكل الشيكولاته تأليف عمر طاهر تحميل


قهوة باليورانيوم أحمد خالد توفيق pdf

و اخيييييرا بعد انتظار طويل...لمحبى دكتور أحمد خالد توفيق نزول كتابه الاحدث قهوة باليورانيوم بصيغتنا الحبيبة PDF


خلى الغنى و الفقير يقرأ
للتحميل

tag: قهوة باليورانيوم  pdf , قهوة باليورانيوم  4shared , قهوة باليورانيوم ل أحمد خالد توفيق تحميل, قهوة باليورانيوم , قهوة باليورانيوم  تأليف دكتور أحمد خالد توفيق تحميل

الكتاب من رفع محترف نت

نادى السيارات ل علاء الاسوانى pdf

و اخيرا بعد انتظااااار ...نزول رواية الاسوانى الجديدة نادى السيارات على النت بالصيغة الحبيبة PDF


من غير كلام كتير....اتفضلوا اللينك
للتحميل

لينك بديل

tag: نادى السيارات pdf , نادى السيارات 4shared , نادى السيارات الاسوانى تحميل, نادى السيارات ل علاء الاسوانى mediafire, نادى السيارات تأليف علاء الاسوانى تحميل

الكتاب من رفع محترف نت

الخميس، 2 مايو، 2013

وصايا محمد الرطيان


وصايافؤجئت باستمتاعى بالكتاب مع انى -عادة- يكون حظى سئ مع كتب التنمية الذاتية عموما و مع كتاب الخليج خصوصا ربما تنبع تلك المتعة من انه ليس كتاب تنمية بشرية صاف بل لامحات ارشادية و "طبطبة" على كتفك من اخ اكبر...و خروج من ضيق افق الاقليمية الى نصائح للانسان و لو ملوش عنوان كما يغنى محمد منير
ذلك الايقاع السريع و الخفيف يدفعك الى التهام الكتاب مع كثير من التوقف لتدوين جمل صغيرة الحجم رائعة التأثير ...و بعد فترة تدرك كثرة ما تود الاحتفاظ به فتدرك ان الحل المنطقى الوحيد ان تعد نفسك بقراءة ثانية للكتاب كله سريعا

____________________________
وصايا واقعية دون مثالية مبالغة ..نصائح لا تطلب منك ان تكون ملاك بل انسان





هل تعلم اجمل ما فى الامر؟...انه دفعنى لقراءة كتاب جاكسون براون الاصلى الذى ترجم منه بعض الاجزاء و الاجمل انها وصايا و ليست نصائح تحفظى الوحيد : انه موجه للرجال بشكل صرف ...فكثير من النصائح للتعامل مع النساء و الزوجات بل مع الام...و كأن المؤلف لم يضع فى اعتباره اصلا ان سيدة او فتاة قد تقرأ الكتاب يوما

المسحوق والأرض الصلبة ل إبراهيم عادل

فى أكلة فرنساوى بيعملوها الطباخين المحترفين اسمها بالانجليزى

adventure for the palate

يعنى بالعربى مغامرة الحنك...و بعض النظر عن الترجمة السخيفة فالطبق بيكون مكون من مجموعة اطعمة مختلفة حلوة على حادقه على مرة كله فى بعضه...و يكون التنوع فى الاطعمة ده هو المغامرة اللى هتحس بيها حلمات تذوقك


لعلك تتسأل ايه علاقة الاكله اللى اسمها زى سد الحنك بكتاب المسحوق و الارض الصلبة ل صديقنا العزيز ابراهيم عادل؟...ربما كل شئ , بعض الشئ , او لا شئ على الاطلاق

***************************

تدرك من الصفحة الاولى انها محاولة لكتابة كتاب اكثر منها كتاب مستقل فى حد ذاته ....فى كل مقال تقريبا ترى لمحات لمقال لم يكتب....هل تعلم تلك السطور التى يشطبها المؤلف قبل ان يسلم عمله الى المطبعة؟ اظنها شبيه جدا مما قرأت


تستطيع ان ترى اشباح مقالات و قصص كان من الممكن كتابتها ...ترى عبر القصاقيص و قطع البازل المتناثرة صورة كان من الممكن ان تكون بين يديك جاهزة

***************************

ايضا تدرك من الصفحات الاولى ان المؤلف قارئ عتيد و ربما يكون مثلى يعانى من فرط القراءة و هو مرض لا يستهان به ابدا...فعندما نقرأ اكثر من اللازم نكون تماما كطفل كشف سر الساحر فلا تتوقع من ذلك الطفل ان يكون ساحر عادى يمارس نفس الاساليب التى رأى زيفها بعينه , ستراه يحاول ان يهرب منها باى ثمن كيلا يقع فى فخ التكرار و الابتذال و النمطية و هى مشكلة لو تعلمون عويصة ...فكونك تعلم تماما ما لا يجب ان تكتبه يصعب كثيرا ايجاد ما تكتبه


فكثيرا ما يكون العبث او النقط او الفراغات اكثر احتمالا لدود القراءة من ان يكتب كالاخريين

***************************

لا يجعل المؤلف من قراءة الكتاب مهمة سهلة...فالتنقل الكثيف بين المقالات "كثيرة العدد" اصابنى ببعض الصداع لا انكر خاصة مع زيادة كمية العبثية ....لكنها رحلة تستحق المجهود كما أرى


طبعا تصنيف "نصوص" هو استسهال من المؤلف او الناشر لا ينكره احد كما ارى...لكنه ربما يكون مفيد أدبيا

***************************

كثير من المقالات تشعر به بعدم النضوج او علامات كاتب حديث....لكن من بين الحين و الاخر تجد توهجات من مقالات "او اشباح مقالات" ممتعه لدرجة تجعلك تتمنى لو ان تقرأها اكثر من مرة لولا الوقت

شعرت لوهله انى المقصودة بالمقطع ده...و لكنى تنهدت بان الكتاب اقدم من تعارفى على الكاتب اصلا

*******************************

مقال

لو مكنتش ابويا كنت هاحبك اكتر

و

آبنى يقرأ

و

دوائر


هى المفضلة ليا