الاثنين، 28 يناير، 2013

حوار مرسى

تستطيع النظر الى الحوار مع الجبهه على نمطين:

الاول ان مرسى يعى تلوث يدية و يد وزارته الفاشلة بدم المصريين فيسعى لل"شوشرة" على هذا بحوار مع الجبهه او الدفع برجاله فى الفضائيات يعوون عن ان المعارضة رافضه للحوار ...و فى الحالتين اما الرفض او القبول يكون الامر كمادة اعلامية جيدة لصرف الاذهان و لو قليلا عن فشلة "نظرية: علق فشلة على الشماعة"

الثانى: ان جبهه الانقاذ تضع العقدة فى المنشار دائما و انها تستفيد اكثر من وضع المعارضه من وضع الاشتراك فى حكم مهزوز

 اتنقل بين تلك النظريات بلا هوادة....لعل النمطين مكلمين لبعض بشكل لا يمكن فصله....لكن عموما الحوار ليس مفيدا كما تتخيل..جبهة الانقاذ ليس المشكلة عزيزى مرسى و تـأثيرها على الشارع ليس كما ينشر

 لكننى مازالت اراهن على ذكاء البرادعى الذى نجح فى تجنيب نفسه التلوث حتى الان فى نظرى على الاقل


لكن سى مرسى بقى : علق فشلك على شماعة جبهة الانقاذ...اوهم اتباعك انك فله و ان المشكلة فى الاخريين...عك الدنيا و لما تبوظ صرخ تتطلب مساعدة شفوية كل اللى يهمك فيها اشراك غير فى جريمتك

اضحك على روحك

***********************
و انتظر طبعا المسخرة اللى هتحصل لما يقتصر اجتماع مرسى مع حزب الحرية و العدالة و الوسط و النور.....و تميل مصر "القوية" الى الحوار اظن....اخوان و اخوان بشرط و اخوان بشرطتين....هتبقى فرجة :)

جبهة الانقاذ بعيدا عن دعوات التفريط من الثوار او دعوات التمسك المبالغ من جبهه الاخوان و الاخوان بشرطة.....وضعت نفسها فى موقف لا بأس به ....على الاقل مصر كلها مستنيه رأيهم..وضع افضل و لو "قليلا" من عدم وجودها اصلا و انفراد الاخوان بالهرى...اهو حد يهرى و حد يهرى علية  #وطن_الهرى


السبت، 26 يناير، 2013

طريقى الى الاوسكار: Argo

انه موسم الجوائز :)
كعادتى مع موسم جوائر الاوسكار ...اجمع كل الافلام اللى تقع تحت يدى و اصنع ورشتى السينمائية الصغيرة لاشاهد الافلام قبيل حفلة توزيع الاوسكار ...لاوزع نسخة مصغرة من الجوائز برأيى الخاص


فيلمى الاول : Argo
مرشح ل 7 جوائز اوسكار
Best Achievement in Editing
William Goldenberg

Best Achievement in Music Written for Motion Pictures, Original Score
Alexandre Desplat

Best Achievement in Sound Editing
Erik Aadahl
Ethan Van der Ryn

Best Achievement in Sound Mixing
John T. Reitz
Gregg Rudloff
José Antonio García

Best Motion Picture of the Year
Grant Heslov
Ben Affleck
George Clooney

Best Performance by an Actor in a Supporting Role
Alan Arkin

Best Writing, Screenplay Based on Material Previously Produced or Published
Chris Terrio
الفيلم مأخوذ من كتاب يحمل نفس الاسم

بداية انا اتفرجت على الفيلم فقط....و اظنة كافى للحكم على الكتاب

لكنى استمتعت بملابسات الفيلم جدا...و اعجبتنى فكرة انى بشوف تفاصيل عملية مخابرات لم يعلمها العالم و الشعب الامريكى ذاته

متابعة الازمة السياسية الايرانية الامريكية فى الثمانينات ممتعه فى حد ذاتها خاصه لحديثى السن مثلى ممن يعلموا بتلك الازمه من كتب التاريخ السياسى و لم يعيشوا ال444 يوم التى عاشها سكانى العالم فى مشاهدة ازمة الرهائن و ما حيك حوالها من مواقف

لكن الفيلم مزج بين الفكاهه و القتامه فى كثير من مشاهده

لكن ما اوقفنى ان قصه المخابرات هنا على مستوى راقى غير مستوى افلام المخابرات المصرية من نوعية نادية الجندى و جو الميكروفيلم الهابط ده

بن افيلك عامل شغل رائع سواء فى التمثيل او الاخراج...خاصة فى التتر الاخير و مقارنة احداث الفيلم بالاحداث الحقيقية

الخميس، 17 يناير، 2013

مولانا ابراهيم عيسى pdf

و اخيرا الرواية المنتظرة : مولانا ابراهيم عيسى pdf على الفورشير 4shared 


بحجم  14 ميجا

http://www.4shared.com/office/j2anLHPO/_-___.html

و لينك بديل  ميديا فير mediafire

http://www.mediafire.com/?e8vap82v40wn8y8


لينك ثالت لنفس النسخة
http://www.mediafire.com/?oqy04cs7kdep6z8


الرواية من ضمن القائمة القصيرة لجائزة البوكر...اتمنى لها شخصيا النجاح و ارجاع الجائزة لأدباء مصر


الرافع على النت :maktbtna2211

**************************
نسخة اخرى نسخة جديدة من مولانا ابراهيم عيسى من ketab بسكانر افضل بكتير من النسخة السابقة و بحجم 6 ميجا فقط

لينك مباشر

الثلاثاء، 15 يناير، 2013

الذرة الرفيعة الحمراء مو يان pdf

هذه الرواية حاز مؤلفها على جائزة نوبل 2012


تتألف لدى القارئ فى النهاية لوحةٌ ملحميةٌ واسعةٌ للصين والصينيين، بتقاليدهم وعاداتهم الغرائبية، وفى خلفية كل ذلك تتبدَّى طبيعةٌ خاصةٌ، بنباتها وحيوانها وإنسانها .

رابط مباشر


الأربعاء، 9 يناير، 2013

المطر و أنا


المطر و انا



فى اطار التابوهات المعتاده و النمط السائد المفروض انى احب الجو "المنيل" اللى احنا فيه ده...و اكتب استايتوس فى جمال المطر و كونه صديقى الوحيد....و يمكن كمان اجيب صورة مطر على الشباك و على التربيزه اى فون عليه اغنية لفيروز و انا بقرا محمود درويش "اللى فجأة كده كل الناس بقت تعرفه"....


و فى مشهد اخر ....امشى فى الشارع تحت المطر من غير شمسية طبعا و بعدين ازفر زفره ارتياح "مع شوية دخان من نفسى" و ابص لفوق و يمكن كمان افرد ايدى استمتاعا بالمطر...


تكمن المشكلة انى بكره الشتا ده جدا....بكرة اللبس التقيل و الروب اللى لابساه فى البيت...و الرعد و المطر بيوترنى...اما منظر مشى فى المطر ده فلما حبيت اجربه كان مشهد مأساوى....المطر نزل على زجاج النضارة النظر و غطته و بقيت باتحسس طريقى لانى ببساطة مش شايفه حاجه


علاقتى بالشتا مش عاطفية خالص

الاثنين، 7 يناير، 2013

سمكة نجمة السينما

اعشق الافلام الوثائقية عموما...و قلت بدل ما "اعشقها" لوحدى كده طب ما اكتب شوية عن فيلم عجبنى


الفيلم اسمه Movie star fish and the struggle for survival  
بالعربى "سمكة نجمة السينما -الصراع من اجل البقاء

فكرة الفيلم نفسها عبقرية...الفيلم بيتكلم عن اللى حصل لسمكة "البهلوان" بعد نجاح فيلم "البحث عن نيمو" الشهير , فيلم كارتون ديزنى...و سمكة البهلوان هى السمكة البرتقالية ذات الخطوط البيضاء اللى رسمت لتصوير شخصية نيمو الجميله

بعد الفيلم زاد الطلب جدا على شراء اسماك البهلوان حى و وضعه كاسماك الزينة خاصه بسبب الاطفال و تعلقهم بالفيلم ....زاد الامر تعلق الاطفال بباقى شخصيات الفيلم و اسماك ديورا و غيرها...الفيلم ممتع جدا و يفتح عينك على حاجات جديده و معلومات علمية تجعلك فعلا لا تخرج قبل تقول سبحان الله على جمال خلقة و ذلك التوازن الجميل بين الكائنات 

ربنا يخلى لنا اليوتيوب ....الفيلم كامل ومدبلج :)

انجوى بقى

السيدة من تل أبيب ربعي المدهون pdf

تحميل السيدة من تل أبيب ربعي المدهون pdf mediafire

http://www.mediafire.com/?8fpabyamr0rapar



************************
التالى هو رأيى بعد انتهائى من قراءة الرواية

روايه غنيه....اعشق هذا الوصف....فى روايات قليله هى اللى بتديك احساس انها روايه مهمه او عظيمه 


لعله البناء الدرامى الهيكلى المميز هو سبب عظمه الروايه....ربما


لعله المحتوى الرزين المحايد دائما ليتركك فى حيره دائمه لا تستطيع ان تحدد رأى ما ....ربما


لعله فكر السلام الذى اعتنقه المؤلف ليذكرك بان العدو بشر و ان لكل فكره اكثر من وجه نظر...ربما


لعلها الواقعيه التى توحى لك حينا بان القصه قد تكون واقعيه فكم مهاجر فلسطينى و كم رحله سفر ....ربما


ربما السر كل تلك الاسباب متجمعه...ربما اسباب اخرى...تعددت الاسباب و العظمه واحده...او دعنا نستغنى عن لفظ العظمه او الاهميه و الخص كلامى بامى ببساطه حبيت الروايه دى