الاثنين، 28 يوليو، 2014

امتياز 38: برد

"الام تدخل بصحبتها طفل فى الثامنة"

-دينا: خير يا ماما , الولد بيشتكى من ايه؟

-الام: اصله كان بيلعب مع اخته و بعدين وقع على دماغة و الدكاترة قالوا لى نروح و لو حصل له ترجيع او ابتدى يدوخ نروح بيه المستشفى 

-دينا: طيب كده محتاج اشعة مقطعية على المخ , هو احنا عندنا الجهاز بس للاسف معندناش دكتور مخ و اعصاب

-الام: لا ما هو احنا روحنا لمستشفى وقتها و عملنا الاشعة فعلا و قالوا لى ان حصل مشكلة من الخبطة , المشكلة بقى ان وقتها بدأ يتشنج

-دينا: يبقى محتاج رسم مخ 

-الام: ما هو اتعمل له و قالوا ان فى بؤرة كهربية و بسببها بتحصل له تشجنات , من ساعتها بقى قعد شهرين عنده سخونية مستمرة

-دينا: شهرين سخونية؟ طب ما تطلعى بيه على الحميات 

-الام: ما انا طلعت بيه و اتحجز اسبوع و خلاص السخونية راحت

-دينا: هو كل الكلام ده امتى ؟

-الام: الخبطة كان فى شهر يناير

-دينا: يناير؟! طب يا حبى ده كان من 6 شهور , اممم انتى جايه ليه النهاردة ؟ بيشتكى من ايه جديد؟

-الام: بقاله يومين عنده برد و رشح

-دينا: برد ؟!

الشمس بتتجلد

مش بحب جو "الاعجاز العلمى فى الاسلام" بعتبره استهبال مركب و استستهال مش فى محله , المسلمين كان عندهم قناعه ان الارض مسطحة و ان الشمس فوقها و فى احاديث منسوبة للنبى عن انها بتروح تسجد لعرش الرحمن و كتب التراث مليانة "هرى" عن ان الشمس بتتجلد من الملايكة عشان تطلع ... و ده مش عيب فى زمانه و تاريخه , كان كلام بشر و نسبوه -كالعادة- للنبى و للدين , الكنيسة نفسها قاومت فكرة كروية الارض فترات طويلة لحد ما عقلوا

و النظافه ملهاش علاقه بالطهارة على سبيل المثال -بغض النظر عن ان السيخ مثلا اجبارى بيستحموا كل يوم و عادتهم فى التطهر اكثر قسوة من العادات الاسلام- فابوس ايدك يا مؤمن بلاش تشير لى حاجه عن اعجاز الاسلام فى الوقاية من الامراض , لان اى دكتور يقول لحضرتك ان الايد اللى مش نضيفه و مبلولة اسوء من المش نضيفه و ناشفة لانها بيئة اكتر للبكتريا 

و "والاستجمار" اكيد مش احسن طرق النضافة ,ببساطة له علاقة بالطهارة , اللى هى حاجة حلوة فى حد ذاتها و شئ فيه سمو روحى و نفسى مش محتاج اننا نحمله اكثر مما يحتمل , لو غسلت ايدى بديتول ده مش معناه انى طاهرة و اقدر اصلى ولا لو اتوضيت بميه معناه انى ايدى نضيفه و اقدر اكل

#ارحموا_امى_اللى_مش_عيانة
#محدش_يشير_لى_حاجة

8/8

23 يوليو 
https://www.facebook.com/dina.nabil.712/posts/717311398336543

"يا رب انا غطيت ال8 جهات . انا جبت 8 من 8" و تبتسم منى عبد الغنى -صاحبة اعلان معجون الاسنان اللى بالمسواك- فى بلاهة

انا بقى عايزه اعرف دار الاورمان بتصرف الزكاة "المتكاملة" و بتجيب 8 من 8 ازاى فى القرن الواحد ولا مؤاخذة العشرين؟!

مصارف الزكاة 8 معروفين و مشهورين : إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَابْنِ السَّبِيلِ فَرِيضَةً مِنَ اللَّهِ وَاللَّهُ عَلِيمٌ حَكِيمٌ [التوبة:60]. 

, لاحظ ان الزكاة كانت تعتبر ضرايب مدنية للدولة الناشئة من ناحية و واجب دينى للدين الجديد من ناحية تانية , حاليا تم الفصل بينهم و الحمد لله و عشان كده مش منطقى ان حد يجيب 8 

فاما 1 و2و 6و 8 اللى هما الفقراء والمساكين و الغارمين و ابن السبيل فدول معانا و اساسى فى اى عصر 

3 بقى العاملون على الزكاة , انا كنت اعتقد ان دار الاورمان فولنتير و مش بياخدوا مقابل لكن بما انهم بيقولوا احنا بنصرف فى "كل المصارف" فنستنتج من كده انهم بياخدوا نسبة , علما بان شرعا حتى لو العامل عليها ده غنى برضه من حقه ياخد

4 المؤلفة قلوبهم اللى هما اللى أسلموا جديد , مش هاقولك ان عمر بن الخطاب لغى النصيب ده وقت الخلافه لان رأيه ان الاسلام بقى فى عز عددى يخليه مش محتاج يدفع فلوس لحد عشان يسلم , يمكن رأيهم ان اجتهاد عمر مش مناسب حاليا -مع ان المسلمين بقوا اكتر من الهم عالقلب عالفاضى- بس هل ناخد من كده ان الاورمان بتدى المسيحيين اللى اسلموا فلوس من فلوس التبرعات؟!

5 في الرقاب , دار الاورمان بتجيب رقيق او اسرى منين عشان تدفع فلوسه؟! الا اذا كانوا بيرحوا يطلعوا البنات اللى خطفوهم بوكو حرام؟!

7 فى سبيل الله , يعنى الفلوس للجهاد و الحرب و دى تم استبدلها بالضرايب اللى بتدفعها و بتروح للجيش ... هل الاورمان بتدى الجيش فلوس التبرعات مثلا؟ ولا بتديهم للمجاهدين ؟!

و نرجع نسأل هى بتجيب 8 جهات منيييييييين؟! معندكش تفسير لثقة مدام منى و هى بتتكلم؟

دلع بنات

من كام سنه قريت رواية كان اسمها "سرداب طويل يجبرك سقفه علي الانحناء" لمؤلف -كان جديد- اسمه محمد صلاح العزب , كانت رواية غريبه اولا و كئيبة ثانيا و واقعية حتى الموت ثالثا , مع انى قريتها زمان لكن تفاصيلها ملتصقة فى دماغى ,بطلها طالب دار العلوم اللى زى نص مصر نجح زق و اللى زى نص العالم قضى طفولة مروعة , انسان ضايع و هلامى لا فاهم المجتمع ولا المجتمع فاهمه , بيمارس التحرش فى الاتوبيسات كنوع من التسلية و بتوطئ مع الكل , حتى افكاره فى حد ذاتها لا تزيد انها استنماء من نوع اخر

و بعدها قريت "لونه أزرق بطريقة محزنة " عن مدارسنا اللى ضيعت نص عمرنا فى عقدهم و قرفهم و انهم يكرهونا فى نفسنا و في العلم و البلد

البوست ده كله لان تالت مره اقرا فيها اسم محمد صلاح العزب -يا رب يطلع تشابه اسماء لكن لا اظن- كان على تتر مسلسل "دلع بنات" بتاع مى عز الدين اللى هو مش وحش فى حد ذاته لكن ببساطة مسلسل تجارى تقليدى اتعمل ميت مره و خسارة مؤلف واعد زى ده يدخل سكه التجارى اللى مش بيزود حاجه لحد غير الفلوس

ابن خلدون 4

خد من أمة الله و اتكل على الله , فى أدب الرحلات متعة الدنيا و تعبد فى خلق الله و قدرته لمن يعلمون ... و مفيش احسن فى الموضوع ده -بالنسبة لكتب التراث على الاقل- من مؤلفين المغرب العربى 

و لمن اراد المزيد فعليه ب "مكتبة الرحلات المغريبة"
http://rihlamaroc.blogspot.com/

حاليا بقرا فى واحد منهم هو "التعريف بابن خلدون ورحلته غربا وشرقا" بقلم بن خلدون نفسه و هو مزيج من ادب الرحلات و بين السيرة الذاتية , الكتاب موصى بيه من برنامج ابراهيم عيسى -اكره ابراهيم عيسى ان اردت لكن خد منه ترشيحات لكتب دايما-

ابن خلدون 3

وبعد أن استوفيت علاجه وأنرت مشكاته للمستبصرين وأذكيت سراجه وأوضحت بين العلوم طريقه ومنهاجه وأوسعت في فضاء المعارف نطاقه وأدرت سياجه

أتحفت هذه النسخة منه خزانة مولانا السلطان الإمام الفاتح الماهد المتحلي منذ خلع التمائم ولوث العمائم

بحلى القانت الزاهد المتوشح بزكاء المناقب والمحامد 
وكرم الشمائل والشواهد
بأجمل من القلائد
في نحور الولائد
المتناول بالعزم القوي الساعد
والجد المواتي المساعد 
الطارف والتالد 

ذوائب ملكهم الراسي
القواعد الكريم المعالي

والمصاعد جامع أشتات العلوم والفوائد
وناظم شمل المعارف والشوارد

ومظهر الآيات الربانية 
في فضل المدارك الإنسانية

بفكره الثاقب الناقد 
ورأيه الصحيح المعاقد
النير المذاهب والعقائد
نور الله الواضح المراشد
ونعمته العذبة الموارد
ولطفه الكامن بالمراصد للشدائد
ورحمته الكريمة المقالد
التي وسعت صلاح الزمان الفاسد
واستقامة المائد من الأحوال والعوائد 
وذهبت بالخطوب الأوابد 
وخلعت على الزمان رونق الشباب العائد 
وحجته التي لا يبطلها إنكار الجاحد 
ولا شبهات المعاند:

أمير المؤمنين أبي فارس عبد العزيز ابن مولانا السلطان المعظم الشهير الشهيد أبي سالم إبراهيم ابن مولانا السلطان المقدس أمير المؤمنين أبي الحسن ابن السادة الأعلام من ملوك بني مرين الذين جددوا الدين و السبيل للمهتدين ومحوا آثار البغاة المفسدين
*************************
"جزء" من اهداء ابن خلدون لمقدمته -اللى هى مقدمة كتاب العبر وديوان المبتدأ والخبر في أيام العرب والعجم والبربر ومن عاصرهم من ذوي السلطان الأكبر - الى السلطان

و تقسيم الكلمات من عندى لا من النص و ذلك لتسهيل القراءة على القارئ المعاصر

ابن خلدون 1

انا ك دينا مبسوطة , اتبسطت لما ابتديت اقرا فى مقدمة ابن خلدون و لقيت الفصل الاول فى المقدمة هو نقد التاريخ و المؤرخين 

شوف بقى لما تبقى مثقف مبتدئ -زى حالاتى- و على قدك و حاسس ب"العار" من كتب التراث بتاعتنا , و كل ما تقرا كتاب منهم تقول هى الناس دى بتقول اى كلام ازاى كده؟! تفتح الطبرى يقولك اصل حوا سقت ادم خمره عشان ياكل من الشجرة , تفتح المسعودى يقولك اصل الملك تبع ملك اليمن كان محتل المغرب , تفتح كتب ابن اسحاق تلاقى العجب العجيب ... تتكسف ترد و تتحرج من النقد و تقول انا صغير ما اقدرش اتكلم عن الناس دى خاصة انك حتى لو جت لك الشجاعة و انتقدت صحابك هيقولوا عليك ملحد

بص بقى مولانا ابن خلدون لما ينتقد بشياكة و يوصف الناس دى انها "فحول المؤرخين فى الاسلام" لكن كل ده لا ينفى عنهم ان تحقيقهم قليل و" ان التنقيح فى الغالب كليل" و ان "مرعى الجهل بين الانام وبيل"

بيناقش و بيحلل و بيعمل شئ شحيح فى تاريخنا العربى انه -لا مؤاخدة يعنى- بيشغل مخه و بيعدى الكلام على فلتر الذهن و يبطل حجج النقل بقليل من تشغيل العقل 

و خد بقى وصية قالها فى وسط الكلام "صفحة 20 من المقدمة التى تعادل الصفحة ال51 من المجلد الاول لطباعه الدار البيضاء"

"لا تثقن بما يلقى اليك من ذلك و تـأمل الاخبار و اعرضها على القوانين الصحيحة يقع لك تمحيصها باحسن وجه و الله الهادى الى الصواب"

#ابن_خلدون_بيسلم_عليكوا_و_بيقولكوا_شغلوا_الدماغ
#انتقاد_ابن_خلدون_نفسه_مش_عيب
#التراث_فيه_حاجات_نضيفة
#شكله_عيد_عنب_باذن_الله
#مصر_اللى_عملت_المخ_ساندوشات

ابن خلدون 2

الليلة عيد و مش طالبة تاريخ انا عارفه بس خد من امة الله و برضه اتكل على الله:

السيوطى و ابن خلدون , الاتنين من اهل السنة و الاتنين شايفين ان الدولة الفاطمية بنت ستين فى سبعين و ان حكام الفاطمين وحشين و رافضة و شتموا الصحابة فى الدين و ظلموا العباد فى الحكم فى الدنيا لكن فارق التصرف بين الاتنين يستحق الدراسة 

السيوطى و هو بيكتب "تاريخ الخلفاء" رفض يأرخ و يدون تاريخ خلفاء "الفاطميين" اللى مكنش ابدا بيصرح باسمهم لانه كان شايف انهم "العبيدين" نسبة ل"عبيد الله" اللى السيوطى طول الوقت بيحاول يثبت ان اصله مجوسى و يهودى -فى نفس ذات ام الوقت- و ان فقط "الدهماء" هما اللى يقولوا عليهم فاطمين و انهم لا من نسل النبي و لا حاجة , و عشان كده هو هيدون تاريخ خلفاء الاسلام بس اللى هما العباسيين حتى لو كانوا قراطيس لب و مناظر مش اكتر فى عهد الفاطمين اللى اكيد كانوا الحكام فى الواقع ..طبعا هو هيأرخ لهم غصب عن عينه لانهم كانوا عايشين لكن بيحطها فى الكتاب بشكل جانبى و مع كثير من صب اللعنات

بن خلدون بقى رأيه ان كون الفاطميين وحشيين ده لا ينفى عنهم النسب -خاصة اننا معندناش دليل ينفى- و ابن نوح حق عليه العذاب لما اخطئ و زوجة لوط اتخسف بيها الارض مدام غلطت و كونهم ليهم نسب لا ينفى عندهم الخطأ و وجود خطأ لا ينفى عنهم النسب

باختصار صعب قوى انك تذكر محاسن حد بتكرهه , سهل تكون السيوطى و صعب تكون ابن خلدون ..... اه نسيت اقولك ان محدش من كتاب اهل السنه و الجماعة اعترف بنسب "الفاطميين" الا ابن خلدون و تلميذه المقريزى فالسيوطى هنا مجرد مثال لا للحصر

الحافظ جلال الدين السيوطي (849-911): 0

عبد الرحمن بن محمد ابن خلدون (732-808 هجري) : 1

#ابن_خلدون_بيسلم_عليكوا_و_بيقولكوا_شغلوا_الدماغ
#التراث_فيه_حاجات_نضيفة_و_حاجات_لا
#اذا_خاصم_فجر

الجمعة، 11 يوليو، 2014

محمد صلى الله عليه وسلم by توفيق الحكيم

Dina Nabil's review Jul 02, 14
3 of 5 stars

‏لم استفد منه حرف افالقصه تقليدية و ما كان للحكيم ان يزيد فيهاو ان اراد و بالتالى فدوره هو قولبة تلك المواقف و ليس المؤلف...ان تقرا منه اول عشر صفحات كافى لمعرفه باقى الكتاب فالاحداث معروفه و محفوظه و الثلاث نجوم فى رأيى بسبب تفرد الطريقه باستخدام الاسلوب المسرحى ليس اكثر و لانى لا استطيع اعطاء كتاب عن السيره اقل من 3 نجوم‏
كلمات التقاط الألماس من كلام الناس by يوسف زيدان

Dina Nabil's review Jul 02, 14
3 of 5 stars

‏عده مقالات كلا منها عن كلمه ,و دائما فى البدء كانت الكلمة

حل الحبل: تحليل لطيف جدا و مسلى للتعبير "البنت دى تحل من على حبل المشنقه"..جزء سهل غير محتاج لفهم عميق على غير عاده يوسف زيدان

الست: فى رأيى انه مشابه الى حدا ما لفكره كتاب "ظل الافعى"لنفس الكاتب و فى رأيى ارتباط اسم "الست" بايزيس اختراع لا مبرر له

بيع العيال: فى رأيى احد اخطر مقالات الكتاب كلها..لانها -ان كانت صحيحه ...تكشف جزء شديد الغموض فى التاريخ المصرى فيوسف زيدان يحكى ان لفط "بيع العيال" جاء من ان فتح العرب لمصر كان سهلا الا فى الاسكندريه اللى قاومت ففتحت اكثر من مره بمشقه و فرض جزيه ضخمه اضطر ان يبيع المسيحين ابناءهم لسد الدين
like ∙ flag

اثنتا عشرة امرأة by يوسف السباعي

Dina Nabil's review Jul 02, 14
4 of 5 stars

‏قريته و انا فى مرحلتى مع يوسف السباعى يمكن نسيت معظم قصص الفترة دى لكن لسبب ما تفضل المجموعة القصصية دى من الحاجات التى ملتصقة فى ذاكرتى و بتفضل من الحاجات اللى بنصح بيها للقارئ/ة الجديد‏

عالم كلينيكس ميشيل حنا

عالم كلينيكس by ميشيل حنا

Dina Nabil's review Jul 02, 14
3 of 5 stars

‏هو اكثر من كتاب ساخر...هو كتاب من النوع اللى صحيح هيضحكك لكنه كمان هيفيدك و يخليك تفكر اكتر فى حاجات مخدتش بالك منها

مقالات التعليم كانت ممتازه و مسليه و عموما اى مقال ساخر عن تعليمنا البائس بيطلع حلو لان تعليمنا مثال للمسخره فعلا...و حكايا "اسماعيل يس فى المعمل"حقيقيه بلا نهايه

المقال اللى عن اغانى عمرو دياب خلانى افضل اغنى لمده نص ساعه و اكتشفت فى النهايه انى زى الكاتب مش فاهمه تلت اربع كلمات اغانيه

يستحق 3 نجوم و نصف

ادين له برسم ابتسامه على وجهى وسط كومه من الكتب الكئيبه

ملحوظه هامه:غلاف الكتاب ظلمه بشكل كبير...فالغلاف يوحى بكتاب نكت خفيف و الكتاب يستحق غلاف افضل 
حديث مع الكوكب by توفيق الحكيم

Dina Nabil's review Jul 02, 14
2 of 5 stars

‏زغزغه عقليه فلسفيه تجعلك تنظر الى المسلمات بعين الشك و تراجع مفاهيمك التى اقتنعت بها من سنين...لكنه ممل نوعا‏
أحلام فترة النقاهة by Naguib Mahfouz

Dina Nabil's review Jul 06, 14
5 of 5 stars

في ظل نخلة علي شاطيء استلقت علي ظهرها امرأة فارعة الطول ريانة الجسد، وكشفت عن صدرها ونادت يزحف نحوها أطفال لا يحصرهم العد. وتزاحموا علي ثدييها ورضعوا بشراهة غير معهودة وكلما انتهت جماعة أقبلت أخري وبدا أن الامر أفلت زمامه وتمرد علي كل تنظيم

و خيل الى أن الحال تقتضي التنبيه أو الاستغاثة ولكن الناس يفطون في النوم علي شاطيء النيل . وحاولت النداء ولكن الصوت لم يخرج من فمي وأطبق علي صدري ضيق شديد .

أما الاطفال والمرأة فقد تركوها جلدة علي عظم ولما يئسوا من مزيد من اللبن راحوا ينهشون اللحم حتي تحولت بينهم إلي هيكل عظمي . وشعرت بأنه كان يجب علي أن أفعل شيئا أن أكثر من النداء الذي لم يخرج من فمي وأذهلني ان الاطفال بعد يأس من اللبن واللحم التحموا في معركة وحشية فسالت دماؤهم وتخرقت لحومهم . ولمحني بعض منهم فأقبلوا نحوي أنا لعمل المستحيل في رحاب الرعب الشامل

الحلم رقم (11) من كتاب : أحلام فترة النقاهة ل نجيب محفوظ
مصير صرصار by توفيق الحكيم

Dina Nabil's review Jul 02, 14
3 of 5 stars

‏كان البدايه كقصه اطفال و توقعت من توفيق الحكيم ان يعمل قلمه كالعادة و يحول تلك البساطة الى الابداع و استمتعت جدا بالفصل الاول و هيئت نفسى لمسرحيه فلسفيه مذهله او على الاقل ممتازه

و جاء الفصل التانى و الثالث اقل من توقعاتى بينما جاءت النهايه مخيبه للامال‏
2 likes · like ∙ flag

أمل دنقل by أمل دنقل

Dina Nabil's review Jul 02, 14
5 of 5 stars

‏يا الله..امل دنقل 1940-1983 الذى يتحدث عنه الجميع يتجلى اخيرا

لا تقل اعمال كامله بل قل عصاره شخص...دم و روح مش كلمات "مرصوصه" بوزن و قافيه...عموما امل دنقل مش من الكتاب اللى تناقش اعمالهم....امل دنقل ننقل كلماته ليتضح معدنه ...هناك اعمال قليله غير قابله للنقد ادعى ان امل دنقل من بينهم

تستطيع بسهوله ان تميز اعمال ما قبل 67 و ما بعد 67..تمييز بالعين المجرده...وجهت وقت عصيب فى اختيار اقصوصاتى تلك المره هل اختار من بين الكعكه الحجريه, كلمات سبارتكوس الاخيره , البكاء بين يدى زرقاء اليمامه , لا تصالح , العشاء الاخير , ديسمبر ,يوميات كهل صغير السن؟؟؟ و بعد الحيره اخترت القصائد الاقل شهره

الزينى بركات ل جمال الغيطاني


Dina Nabil's review Jul 02, 14
5 of 5 stars

‏هناك اعمال ادبية لا تنسى ...هكذا هو تصنيفها

ببساطة لان اخر مرة تملكت فيها رواية "الزينى بركات" فى يدى فى ظل قاعة القراءة فى مكتبة عامة كان منذ 8 سنوات...فكيف تفسر اذا انى اذكر تفاصيلها بهذا الوضوح بينما اجاهد فى تذكر ذلك الكتاب الذى قرأته من 3 شهور

الزينى بركات رواية للزمن...تعاد تفاصيلها مرة تلو الاخرى من حولك فى دهشة للرأى...تذكرها ايام الثورة...تذكرها عند اقتحام امن الدولة..و اتذكرها الان

ربما السبب ان الغيطانى يثبت لك ان مصر هى سلسلة كاملة من الاحداث و اعادة الاحداث ...اننا لسنا وحدنا فى هذا الزمن و ان اشباح الماضى من شخصيات عانت مثلنا تماما مرت من هنا∙

و يمر على قول هيجل:"الحقيقة الوحيدة التي نتعلمها من التاريخ هي: ( ان لا احد يتعلم من التاريخ"! ....هكذا ببساطة

فكونك تقرأ "الزينى بركات" لا يزودك فقط بحبكة ادبية ممتعه او تلاعب رائع بالخطوط الدرامية ....بل يطمئنك ان هذا البلد كان دائما قادرا على دحر خصومة و ربما يمنحك الامل...او يجعلك تطلقها اخيرا: واضح ان مفيش فايدة من زمااان قوى

السقا مات by يوسف السباعي
 Want to Read

Rate this book
1 of 5 stars2 of 5 stars3 of 5 stars4 of 5 stars5 of 5 stars
السقا مات
by يوسف السباعي
31845810
Dina Nabil's review Jul 02, 14
4 of 5 stars

‏ممتازه...و بيكفى حين تواجه الموت و تضع عينيك فى عينيه و تحاول ان تتحداه بعد ان طعنك فى اقرب ما لك بعد ان ظللت تختبأ جنب الحيط او حتى تدخل فيه ان اردت و لكن من عاش مات ومن مات فات وكل ما هو آت آت‏


اهل الكهف

اهل الكهف by توفيق الحكيم

Dina Nabil's review Jul 02, 14
4 of 5 stars

‏من زاوية جديدة -كعادته- يحول توفيق الحكيم قصة كلاسيكية للغاية و ربما دينية ضيقة على فئة دون اخرى الى قصه انسانية بامتياز بطلها الاول و الاخير هو الزمن , ذلك الذى لا نراه ولا نشعر به سوى بتجاعيد تحفر ببطء فى اجسادنا , ذلك الذى تخيلنا اننا قمنا بقياسه فتلك ساعه و هذا يوم و الاخر قرن

و فى قصه بطلها الزمن ستتحول الامثولة الدينية الى فلسفة خالصة‏
تلك العتمة الباهرة by Tahar Ben Jelloun

Dina Nabil's review Jun 04, 14
5 of 5 stars

قطعا خمس نجوم...فهذا الكتاب مهما اختلفت الاذواق لا يحصل على اقل من اربعه نجوم ابدا

مذاكرات معتقل سياسى...ثلاث كلمات خاطئه

هى ليست مذاكرات لان المذاكرات تقتضى التدوين اليومى وو ده يستلزم ورق و الاقلام و تلك الاشياء عند سجيننا كانت من الرفاهيه التى لا يقدرها احد

معتقل ايضا كلمه خاطئه فهو مسجون الروح و العقل و الجسد يقتلونه بجرعات قليله قليله فهو ليس اعتقال بل اغتيال بحت

سياسى ايضا مشوبه بالخطأ فالكاتب لم يشدد على سبب الدخول و تفاصيل عمليه الاغتيال كثيرا و كأنه يبعث باشاره بانه مهما كان و مهما حدث فالبشر يجب الا يعلموا هكذا ابدا ابدا و ان احرقوا الدنيا و ما عليها

فالس الوداع by Milan Kundera

Dina Nabil's review Jun 05, 14
3 of 5 stars

نصائح لقراءة مميزة اكثر من تجربتى الشخصية
اولا: ان كنت ستقرأ نسخة دار الهلال فلا تقرأ الصفحة الاخيرة التى تروى سيرة المؤلف وملخص للعمل لان هناك محرر "سامحه الله على فعلته" قد فضح لغز العمل و حرقه للقارئ بشكل مستفز

ثانيا: تحمل الصفحات الاولى لانها ببساطة فيلم امريكى سئ , مجرد عازف متزوج يقيم علاقة مؤقتة ينتج عنه حمل من امرأة غريبه و فقط....ما بعد الصفحة 57 تتحول لرواية رائعة واقعية حتى النخاغ..تذكر الرقم 57
********************
دعنى اذا اركز تقييمى على ما بعد الرقم 57 الذى تتحول عنده الرواية من دراما سيئة الى جهاز اشعة اكس يكشف ما بداخل الانسان من شعور و افكار و احلام و تفاصيل صغيرة تصنع الفارق كله
تداخل الشخصيات و عملية من التباديل و التوافيق تجتاح الطبقة العليا من النفس الى ما هو اعمق و تعليقات ذكية من المؤلف يثبت لك انه روائى مختلف
تقييم:
101 Romantic Ideas by Michael Webb

Dina Nabil's review Jun 05, 14
3 of 5 stars

كتاب كيوت جدا
يمكن عيبه الوحيد انه بيكرر بعض الافكار شوية...لكنه فى النهاية خفيف على النفس و مرح بشكل ما...ينصح بيه للازواج مع ان فى بعض الافكار تصلح للمخطوبين كمان
و عموما ارى ان هؤلاء افضلهم
هتبقى تحفة بذات لو من رجل لزوجته مش العكس...لان عندنا ان الست تدى جوزها اكل شئ ممل....بس الدبدوب اضافة ظريفة

عندى اقتراح اضافى...حط بلونات الهليوم دى فى الدولاب و لما يفتح/تفتح الدولاب الصبح تطلع البلونات كمفاجأة
**********************
الاهم انك تحاول تساعد نفسك و تقرر تبسط شريك...و للسناجل اللى زينا ربنا يرزق بقى
:]

قلب الليل

قلب الليل by Naguib Mahfouz

Dina Nabil's review Jul 10, 14
4 of 5 stars
Read in January, 2014

يصعب نجيب محفوظ الكتابة جدا على اللاحقين , اذا كنت مؤلف جديد فى نيتك لاضافه عمل اخر الى المكتبة العربية فانت لا تنافس فقط ابناء جيلك بل تنافس كل كتاب طبع يوما بحروف الضاد , تنافس الجميع على وقت القارئ و خياله , و وسط هؤلاء جميعا يقف نجيب محفوظ متحديا الجميع

فى عمل درامى يزيد بضع صفحات عن المئة يقدم محفوظ للقارئ -فى تكدس يستحق الدراسة- جرعه دسمه من الفن و الادب و الفلسفة فى قالب واحد , مع محفوظ يصعب جدا ان تأخد الجمل دون ان تضيف لها الرمزية المطلوبة

يخبرك عن قصه تبدو فى غاية البساطة عن الحفيد الذى هرب من جده بحثا عن الحرية و ان شابها الشقاء , فى رحلة مع زوجة جسدية بحته ثم زوجة فكرية بحته و من ثم الى الضياع و تمنى العوده الى راحة الجد التى فقدت الى الابد

هل قابلت بعد القارئ الذى لم يضيف للقصة ابعاد اكبر؟ و لم يرى فى ما وراء جعفر و ما وراء الراوى ...يستخدم نجيب القدر الموزون بالجرام من الرمزية فلا افراط ولا تفريط , رمزية تنجيه من الرقابة و من لسان من لا يقدرون الفن , و تصل بالمعنى كاملا للمتلقى بعد ان يعمل عقله و لو قليلا

و مع نوع من الاقتباسات ك: انى عاجز عن الكفر بالله , لقد دفنت أكثر من شخص عاشوا في جسدي متتابعين ولم يبقي مني سوي هذه الخرابة , انك شيطان فى تكييفك مع العربدة ملاك فى تكييفك مع الاستقامة

لا تملك سوى ان تعتبر العمل عبقرى على قصر طوله ...و تذكر محفوظ ينافسك


عالم صوفى

عالم صوفي by Jostein Gaarder

Dina Nabil's review Jul 10, 14
5 of 5 stars
Read in January, 2014

يظل السؤال قائم: كيف تحكم ان الكتاب الذى يرقد هادئا بين يديك عظيم؟ تلك الوريقات التى تنظرك فى ببساطه الى ان تتفرغ لها لتمسك بها فتنقلك كالمصباح السحرى الى عالم موازى؟

قال احدهم انك ان شعرت انك تفقد صديق عزيز حين تبقى صفحات قليلة يكون بلا مواربة كتاب عظيم , و قال اخر انك تطلق تلك الصفة اذا اصبحت شخصيات تلك الورقات هى صديقتك و ان تحررت من سلطة المؤلف و تتصرف كلحم و دم... و قال اخر ان شعرت انك صرت مثقف اكثر , عالم اكثر , مكتسب حتى و لو معلومة واحدة يكون الكتاب مفيد

و اذا طبقنا تلك القواعد او غيرها ان شئت فسنصل الى نفس الاستناج هو ان "عالم صوفى" كتاب يجمع بين التسلية و المرح و العظمة و الفائدة

رواية فلسفية/تاريخية/عبثية فى وقت واحد و من الصعب -و احيانا من المستحيل- ان تجمع فى رواية واحدة اكثر من قالب درامى فى ان واحد دون ان تطغى احدها على الاخرى

من سقراط الى افلاطون و من ارسطو الى ابن رشد , من القرون الوسطى الى النهضة و من التنوير , و رحله فى نفس هيجل و كانت و ديكارت و روسو و سارتر , تختطفك صوفى و البرتو من عالمك الرتيب و تفاصيله اليومية الى رحلتهم الابديه فى تسلق شعر الارنب فى محاوله للنظر فى عين ساحر الكون صاحب القبعة العالية و لتترك الدفء و الاطمئنان و اليقين من خلفك ليس اسفا عليهم

و لكن من يضمن لى انى لست بطلة فى قصه يكتبها احدهم عن دكتورة امتياز صغيره تعشق الكتب و تهرب من تفاصيل مستشفى مكتظ بالمرضى الى رواية غلافها ازرق بقلم "جوستاين غاردر " عن قصه هيلدا تقرأ قصه صوفى؟! من يضمن لى انى انا ايضا لست موجات كهرومغناطسية فى دماغ احدهم؟

و لكن دعنا نستعير هنا كلمات نجم "حد ضامن يمشي امن او مامن يمشي فين؟" و لماذا نكون نحن متأكدين او ضامنين لشئ اذا كان الانسان فى رحلته عبر التطور و سنينه لم يكن قط متأكد من شئ؟

ربما يكون كل شئ موضع تساؤل و يبرز استثناء صغير: ان "عالم صوفى" رواية تستحق القراءة

أولاد حارتنا



أولاد حارتنا by Naguib Mahfouz

Dina Nabil's review Jul 10, 14
5 of 5 stars
Read in January, 2014

"نجيب محفوظ يعيد كتابة تاريخ البشرية"

هكذا عبر جورج الطرابيشى فى كتابه "الله فى رحلة نجيب محفوظ الرمزية" عن وصفه لرواية القرن الذى كتب عنها اضعاف عدد صفحتها نقدا و سلبا و مدحا

أولاد حارتنا هى -ببساطة- رواية تقرأ ثم تقرأ من جديد , مع كل اعادة قراءة ستجد فيها عنصر جديد فات على الذهن فى القراءة السابقة , و ها انا مع القراءة الثالثة اقع من جديد فى غرام عم نجيب

يخلق لك نجيب عالم موازى ليعيد فيها تمثيل تاريخ العالم , بحارة محدودة جغرافيا و عدد سكانها قليل ليكون بمثابة مسرح لاعادة تخليق تاريخ الله/الانسان المشترك بكل تفاصيله المعقدة
************************
يفاجئك محفوظ بقصة سريعة الايقاع من الصفحة الاولى , سطور قليلة يلقيك بعدها فى مشهد تولى ادهم للمسؤولية دون ادريس , تتعجب قليلا من مفاجأة محفوظ لك دون تحضير للمشهد التاريخى الاهم لكنك سرعان ما تدخل فى اجواء القصة فى هدوء متجاوزا روتين المقدمات المعتاد

و ربما ليس من المنطق ان نقول ان ادهم هو رمز ل ادم , ف ادهم هو ادم بكل ما فيه و العلاقة بين ادم و ادهم وثيقة تامة و ليس فى تباعد رفاعة/المسيح , جبل/موسى , قاسم/محمد , عرفة/العلم ... ففى كل الخيوط الدرامية التالية يعطينا نجيب القدر الكافى فقط لنربط بين شخصيات حارته -التى لا يفوق عدد الذباب فيها سوى عدد القمل- و بين انبياء العصر السابق بينما فى ثنائية ادم/ادهم فالوضع ابسط و اوضح

ادهم الذى لم يفهم قط لم فضل هو على ادريس و لم فضل همام على قدرى و لم يحظى صاحب التفضيل دوما بالكوارث المفاجأة دون البركة المتوقعة؟ , الذى لم يتخلى قط عن حلمه فى الحديقة الغناء و رضا الجبلاوى عنه بالرغم عما ما مر به , و الذى لم يحصل على طعم السعادة ابدا بعد مأساة قدرى و همام سوى فى لحظة واحدة خاطفة عندما العن الجبلاوى الرضا عنه
************************
فى ثلاثية جبل/رفاعة/قاسم يجرى الامر سلسا , معلومات كافية للقارئ ليربط ذهنيا بين اولاد الحارة و الانبياء ... محاولات دائمة للانتصار على الضعف و الجبن و الظلم و نبوت الفتوات , مرات بالقوة كحالة جبل و قاسم و مره بالحب فى حالة رفاعة , يتبعه نجاح مؤقت و سعادة قصيرة ثم انتكاسة و تعاسة دائمة ...ليكون تاريخ حارة الجبلاوى شريط من السواد يحوى نقط قصيرة من النور

شريط طويل من الظلام و الظلم يكون فيه الحال على حاله , الجبلاوى صامت منعزل , الفتوات يجرى النبوت فى ايدهم اكثر من الكلمات فى لسانهم, الناس هائمين كالسحاب شائعين كالذباب لا يساوى دم احدهم اكثر من كلمة تطلق على لسان الفتوة, و الكل يصرخ "اين الجبلاوى" و الكل يقتل او يموت فى انتظار الرد , و فى الخلفية دائما صوت الشاعر يحكى حكاية ادهم و بؤسه و جثة رفاعة على يد الجبلاوى و نبوت جبل يكسر جمجمة الظالم
************************
الى هنا فالامر واضح , فرفاعة و جبل و قاسم هم الانبياء ال3 , لكن ما ان يصل عرفة الى القصة يرتبك القارئ , هل عرفه نبى جديد من خيال نجيب؟ هل يرمز به للحسين؟ مين هو ذلك الشاب الجديد الذى تبدأ قصته و الام يرمز؟

عرفة ذلك المتشكك التعيس لا تبهره قصص الشعراء ولا يهتم بالوقف , يتسأل عن جدوى الجبلاوى و عن سبب ابتعاده و وحده يملك الجرأة ليصل الى الحقيقة

"الحكايات غامضة كهذا البيت المغلق, لا اثر فيه لحياة الا لرءوس اشجار الجميز و التوت, و اى دليل على حياة الجبلاوى الا الاشجار و الحكايات؟" هكذا يعبر عرفة فى بساطة .... و كما صابر فى "الطريق" حين سأل عن جدوى ضياع عمره فى البحث عن والد قبل ان يتأكد من وجوده , فتجيبه امه انه لن يتأكد من وجوده الا بالبحث .... كانت رحلة عرفة فى البحث عن الجبلاوى

و تصل القصة الى الذروة التى ترسل قشعريرة باردة فى جسم القارئ حين يلعن موت الجبلاوى , ربما لم يقتله عرفة لكنه يتسبب فى ذلك بشكل او باخر

لكن رسالة الجبلاوى قبل موته هو انه راض على عرفه , يرى الطرابيشى هنا ان ما يريد محفوظ ايصاله لنا ان العلم قد يخطئ الدرب , قد يكون سند للسلطة الغاشمة احيانا او يفقد انسانيته قد يتسبب حتى فى موت الدين لكنه لا يمكن ان يكون مبغوض عند الله لان العلم اليوم هو نبى الانسانية الجديد بعد انتهاء عصر الانبياء و به وحده يمكن ارجاع العدل , و ان الشئ المطلوب منه عند الدين هو -فقط- ان يرجع الى الانسانية
************************
و بالبحث عن كراسة عرفه تنتهى قصة حارة لم تنته ابدا , قصة انسانية عانت فى ما لا يمكن تلخيصه فى كتب , انسانية لم تفقد الامل قط حتى فى احلك فترات الظلام ,تثق فى قدوم الحلم ثقة أدم فى الرجوع للحديقة, ثقة رفاعة فى قوة الحب , ثقة جبل فى قوة الحق, ثقة قاسم فى قوة العدل

ملحوظة: كان هدفى فى ريفيو "اولاد حارتنا" بالذات انه يكون قصير لانه مش افضل ما كتب عن رواية القرن كما احب ان اسميها , و اولاد حارتنا بالذات اتكتب عنها افضل و اكتر من كده بكتير ...اعتذر للقارئ عن سطحية الريفيو لكنى حتى بعد القراءة الثالثة لم اصل لقاع ما اراد محفوظ فى الرواية , ربما فى القراءة الرابعة او حتى الخامسة ...مازال الريفيو -فى رأيى- قاصر و قصير الى اشعار اخر
9 likes · like ∙ flag

ترعبهم أنفسهم by سندس جمال الحسيني

Dina Nabil's review Jul 10, 14
3 of 5 stars
Read in February, 2014

ممتعة تجعلك تلاحق انفاسك فى مطاردة بين القصة و الاخرى , بين العبثية للمنطق و غلاف الكتاب الذى لم اتامل فيه كثيرا يعلن فى هدوء انها مجموعة قصصية

كعادة _اى مجموعة قصصية مهما كان اسم مؤلفها_ تتراوح فى مستواها صعودا و هبوطا ربما كانت الامتع لى هى قصص العبث و غياب المنطق مثل غيبوبة ، اهملنا مزلاج الباب و بلا جاذبية

ربما كانت مشكلتى الاساسية هى كثرة القصص _على الرغم من امتاعها_ و تمنيت لو كان العدد اقل و الجحم اطول ربما لتتناسب اكثر مع مصطلح قصص قصيرة و ليس اقصاقيص متناهية الصغر
like ∙ flag

A Short History of Nearly Everything

A Short History of Nearly Everything by Bill Bryson

Dina Nabil's review Jul 10, 14
5 of 5 stars
Read in February, 2014

اسلوب سهل للغاية لموضوع صعب للغاية ، جمل و تعبيرات ادبية فنية لاقصى حد للتعبير عن موقف علمى مجرد بحت...ازالة الفرق بين الخيال و العلم و عودة للفيزياء لاحضان وجدان الانسان كما كانت البداية

ياخذك من يدك ليريك كيف تحولت لتلك التى دون الذرة فيما دون الثانية الى ذلك المكان الضخم الذى ندعوه الكون

رب صدفة خير من الف معاد، تاريخ لاصطدم بكتابى العلمى الاول منذ عقد من الزمن

مزيج من طرافة التعليقات و القصص الخفيفة تحمل فى طياتها معلومات تثرى العقل و تلتصق بالذهن ، التشبيهات القريبة من فكر القارئ يجعل خيالك يقترب و لو قليلا من سحر الفضاء

كان انيس منصور يلعب نفس الدور معى اثناء قراءات الطفولة , يبهرك بوجود قارات و كواكب و مجرات خارج عالمك الصغير لتبدو لك مشاكلك اصغر من ثقب الابرة

اخر حاجه تخيلتها انى هاقرا فى قراءاتى الحرة كتاب فيزيا ، كان الرعب بتاعى فى الثانوية العامة

انا سعيدة بالكتاب ده و الاجمل انه فتح لى باب لقراءة كتب اكتر فى المجال ده
2 likes · like ∙ flag

الجنس الاخر ل سيمون دوبفوار

الجنس الآخر by Simone de Beauvoir

Dina Nabil's review Jul 10, 14
4 of 5 stars
Read in April, 2014

فى اداء رشيق و متحمس كانت سيمون تتألق كعادتها , تشرح لى -قبل غيرى- كيف تفكر النساء , كيف يتم "انقاص" عقلها ليتباكى الرجال بعدها عن قاصرات العقل

حصلت الانثى على حق التصويت و فرص افضل للطلاق فى معظم المجتمعات الحديثة بل و فرص للعمل لكن هل يمكن ان نعتبر بذلك ان التحرر قد تم؟! تجيب سيمون و اشاركها الراى بان الامر طبعا لم ينتهى، و ما تسميه سيمون الحريات السلبية لم تخلصنا من شبح تبعية الرجل

ترى هنا سيمون _و هنا لا اشاركها الراى_ ان العمل لن يكفى المراة فى التحرر الا فى ظل مجتمع اشتراكى و الا فدخولها فى دوامة استغلال الراسمالية و فائض القيمة لا يتيح ابدا سعه للتحرر

لكنه التناقض الذى يقتل المحاولة حين يضعها مجتمعها الجديد فى طلب العمل مع كل المتطلبات العتيقة فى العناية بالمنزل و تحبرها ان تصبح سوبر ومن لتجمع بينهم ، و بما ان البشر كلهم و ليس الشق المؤنث فقط هو من ليس سوبر باى حال فيتحول الامر الى نصف عمل بنصف اجر و بشروط مختلفه عن ذلك الذكر الذى يعمل نفس الوظيفة فينشأ الاحباط

الرجل يعمل دون ان يسال نفسه لماذا او كيف ، لكن على المرأة تجديد نيتها بالعمل عن كل تعب او عائق لتسأل نفسها ان كان الامر يستحق فعلا ، تنظر الى نظيرتها ممن يعشن طفيليات على ذكر مسيطر و تقارن بين مجهودها و توترها الدائم و بين ذلك الرغد المريح ، فتشك دائما فى مصير انوثتها من ناحية و بين مستقبلها المهنى ...... الكفاح اصعب من الدعه كانت تلك دائما احوال الكون

الإسكندرية في غيمة ل إبراهيم عبد المجيد

Dina Nabil's review Jul 10, 14
3 of 5 stars
Read in March, 2014

البطل الاول هو المكان و ربما يمارس الزمن التانى اما الشخصيات فبكل تفاصيلها لا تتعدى عن الثانوية ، فالمدينة تختلف من الاربعينات الى الخمسينات الى سبعينات السادات لكن البشر لا يختلفون دون فة فى الاسماء

رحلة الثائر البائس هى ذاتها فى كل زمن و قصه البنت الحالمة بمستقبل غريب رغم ما تعلمه و تتوقعه من ضباب رمادى فى هذا المستقبل الغامض ، و دايما هناك الناس ممن لا يحلمون فى كل زمن بالستر ليس اكثر

ثائر لا يقدم سوى حلم و امل ولا يتلقى-فى كل العصور-الا كل خيبة و ضياع

ثائر يتخيل ان المجتمع سيقف و لو قليلا مفكرا فى مصيره الا انه يتفاجأ فى كل مره ان الكل يكمل طريقه فى بساطة متجاهلا بؤس من حارب من اجله

يستشف قارئ الاجزاء السابقة روائح شخصيات الماضى لتكمل حكاية رشدى و كاميليا و تسمع عن عم حمزة ليرجع لك نوستالجيا لا احد ينام فى الاسكندرية


الشحاذ by Naguib Mahfouz

Dina Nabil's review May 30, 14
4 of 5 stars
Read in May, 2014

مصطفى: لعله لو كنا من العلماء الذين ينفقون عشرين عام من العمر فى البحث عن معادلة لما عرفت التعاسة الى نفوسنا سبيلا

عمر: لعل سر شقائى انى ابحث عن معادلة بلا تأهيل علمى

مصطفى: و لانه لا يوجد وحى فى عصرنا فلم يبق لامثالك الا التسول

عمر: التسول فى الليل و النهار, فى القراءة المجدبة و الشعر العقيم , فى الصلوات الوثنية فى باحات الملاهى الليلية فى تحريك القلب الاصم باشواك المغامرات الجنهمية
***************************
اذن فهى رحلة البحث عن الجبلاوى او سيد سيد الرحيمى او الزعبلاوى او سر الوجود او اى كان المسمى مره اخرى فى رحلة نجيب محفوظ

رحلة جديدة للبحث عن الذات او النشوة او المعنى او الرب , محاولا الوصول للتساؤل الكبير هل نجد الاله فى قاع المعاصى و ظلام الضياع ام نجده فى ذاتنا ام ببساطة لا نجده على الاطلاق

هل نجده فى "اليقين بلا جدال ولا منطق" ام فى فجر صحراء نائية ام فى دوامة اللا شئ

حبست الروح فى برطمان قذر كالجنين المجهض فاين السبيل؟ قتل الضجر كل شئ و انهارت قوائم الوجود بفعل بضعة اسئلة فاين المهرب؟

يطرح عليك نجيب هذه الاسئلة كما يطرحها على شخصياته الدرامية فتدخل فى قلب المأساة انت و هم و الطريق كالعادة مسدود و علامات الاستفهام تتراقص حوالك فى صخب , هل الله و العالم على طرفى النقيض؟ فلا وصول لاحداها الا بنفى الاخرى؟ ام ان الحل اقرب الينا من حبل الوريد لكنها تختفى وراء البقعة العمياء فى سكون تاركة اياك تبحث فى جنون الى ان تفقد الامل او العمر ايهم اقرب 

قصة الجاسوس المصري رفعت الجمال .. 18عاما من الخداع لإسرائيل by رفعت الجمال

Dina Nabil's review May 30, 14
4 of 5 stars
Read in April, 2014

لست من هواه القراءة ال"موسيمية" عاده لكنى لم اجد طريقة افضل للاحتفال بعيد تحرير سينا هذا العام من البحث عن قصة رفعت الجمال -المعروف اعلاميا برأفت الهجان- المشهور بجاك بيتون -المعروف اعلاميا بديفيد سمحون- بحثت عن القصه الاصليه و اظن انى وجدت ضالتى فى هذا الاصدار دون غيره

قلب الكتاب هى الصفحات الاربعون التى تركها رفعت لزوجته فى وصيه مع محاميه اوصى بعدم فتحها الا بعد 3 سنوات و هى الصفحات المكتوبة بالانجليزية و منها نسخ ضوئية فى اخر الكتاب و التى يروى فيها رفعت قصته الحقيقة و ديانته و جنسيته التى اخافها عن الجميع و من ضمنها زوجته و ابناؤه لسنين طوال , يتناول فيها الاطار العام لقصته الساحرة و دوره فى حروب بلاده و ان كان من وراء ستار

يجب الاتنباه ان تلك المذاكرات هدفها الاصلى هو محاوره زوج لزوجته فنجد ان التفاصيل المخابرتيه قليلة -و التى كشفت فيما بعد باطلاع صالح مرسى على ملفات لم تراها زوجه جاك حتى- و ان الاصل فى هذا الكتاب هو العامل الانسانى و النفسى الرائع لشخص عشق تراب وطنه و حكم عليه بالغربه من شخصه و اهله

اما باقى صفحات الكتاب فهى مذكرات زوجته عن حياتها معه و حياتها و اطفاله من بعده و مشاكلها المادية و طبعا علاقتها الشهيره بايهاب نافع

باضافه كثير من صور جاك -او ديفيد ان احببت- و صور ضوئية لمستندات حياته و جوازات سفره , و من الاضافات الانسانية ستخرج من الكتاب بكثير من القرب لشخصيته الراجل الغامض , ربما يكون مزيج من الشفقة و الفخر و الانبهار

1919 by أحمد مراد

Dina Nabil's review Jul 10, 14
3 of 5 stars
Read in April, 2014

ستخبر نفسك بان مراد قد تطور كثيرا و ابتعد عن "دائرته المريحة" المعتادة فى روايات الثيرلر , ستقنع ذاتك بانها قصة حقيقية لاشخاص عاشوا و ماتوا من اجل وطن اولا و قضية ثانيا , ستؤكد لها و تشير للحظات التألق كخط "ياسين الدرامى" او حفلة قصر البارون المرسومه بدقة ... ربما تفعل كل ذلك لكنك لن تجد مهرب من الاستناج ان "1919" ليست الا قصة جيدة -و للاسف- ليس اكثر

ربما هى النمطية التى قتلت العمل بسكين بارد -باسثناء شخصية ياسين شبه الثانوية- فكل الخطوط و الحبكات متوقعة و مملة بل و احيانا مستهلكة

******************
أدعو مراد و ادعو القارئ و ادعوا نفسى لقراءة و تأمل كيف تداول صنع الله ابراهيم التاريخ فى "ذات" و "ورد" , و كيف صنع ابراهيم عبد المجيد من نمطية الحرب العالمية قصة محبوكة و مثيرة للاهتمام فى "لا احد ينام فى الاسكندرية" , كيف جعلتنا رضوى عاشور نرتحل فى اله زمن لنعيش اجواء غرناطة , و كيف ادخلنا معروف داخل الزمن و المكان فى سمرقند

لكن مراد جعل قدوته فى الدراما التاريخية علاء الاسوانى فى نادى السيارات و ليس غيره فاصر على النمطية و التطويل لكن -و نضع عده خطوط تحت لكن- يمتلك الاسوانى تكنيك و طريقة يجعل بها تلك النمطية مشوقة بطريقته بتقطيع الخطوط و اثارة اهتمام القارئ فى نهاية كل فصل ليجبرنا دائما على عدم غلق الكتاب بينما افتقر مراد لهذا الحافز فى كثير من الفصول

*****************
"قليلة هى القصص التى تشعر معاها ان الراوى/البطل هو من حدثك فعلا و ليس المؤلف الجالس فى مكتبه وسط اعقاب السجائر المحترقة و اكواب الشاى شبه الخالية.. فاذا وجدت هذا المؤلف الذى يرضى بدور محرك خيال الظل من سمح لشخصياته ان تحرر منه تحب و تكره و تتصرف دون سلطته الابوية فاتبعه الى اخر الدنيا"

كان هذا هو جزء من ريفيو سابق على "عتبات البهجة ل ابراهيم عبد المجيد" و للاسف ما حدث فى 1919 هو المقابل التام لتلك الكلمات

لم اندمج قط , طول الوقت تملكنى شعور ب"الصنعة" الواضحة , لم اكن اتخيل ورد بقناع الريش امام مرايا تياترو بديعة بل كنت اتخيل صورة احمد مراد امام لاب توب يكتب عن قناع الريش فى تياترو بديعة

و كأنه الفرق بين ان تشاهد فيلم انتاج الاربعينات مثلا و ان تشاهد فيلم "عن" الاربعينات
*****************
الفيل الازرق
Vs
1919

لا يمكن مقارنة الروايتين ككل لانهم ببساطة فى منتهى الاختلاف على الاقل فى التصنيف الفنى , لكن بمقارنة العناصر ف 1919 افضل فى كثير من اجزائها و خاااصة عنصر النهاية التى اتقنها مراد تلك المره و لم يعط لنا رواية مبتورة كالمره السابقة

مش احسن اعمال مراد و مش الاسوء
17 likes · like ∙ flag

جوانتنامو ل يوسف زيدان

جوانتنامو by يوسف زيدان

Dina Nabil's review May 30, 14  ·  edit
3 of 5 stars
Read in May, 2014

اذن فقد قرر يوسف زيدان ان -يهدى- القارئ جزء اخر من "محال" ليدخل القارئ مرة اخرى فى تتبع خطى ذلك البطل الذى لم نعثر له على اسم بعد فى رحلته المثيرة للخيال

حسنا ربما تكون سابقة لى ان يكون الجزء الثانى من عمل درامى افضل من الجزء الاول , فالقاعدة المتبعة فى عادة اهل الادب ان ينشأ الاديب قصة لتنجح فيتبعها -و يستغل نجاحها- باجزاء اخرى ممطوطة يدرى الكل انها اقل مستوى من الاولى .... لكن هنا تشذ جونتانمو عن القاعدة فتكون افضل -و لو قليلا- من سابقتها محال

عرف دكتور زيدان نقطة قوته و لعب على اوتارها فحقق ما فاته فى "محال" , انها اذا نقاط الصوفية الصغيرة البارقة فى وسط جحيم الواقع , اسماء الله الحسنى فى ورد يردده لسان مؤمن وسط الشدائد بالدنيا و ما عليها , يوسف زيدان يكون ملهم حين ينطق بلغة اهل الصوفية

كانت الصوفية هى نقطة التمييز لكن الاطار العام لم يتعدى كونه رواية اخرى جديدة تنضم لقائمة طويلة من "أدب السجون" الذى يعتمد على فن الوصف و اللعب على اعصاب القارئ ... فهى اذن رواية من اداب السجون فما هو موقعها بينهم؟

حسنا هى ليست الافضل و قد سبقها كثيرات من الروايات الرائعة نذكر منها : تلك العتمة الباهرة , القوقعة , السجينة , يا صاحبى السجن , تسمعون حسيسها, شرق المتوسط , ألف يوم في زنزانة العزل الانفرادي, درب مولاي الشريف,من تدمر إلى هارفارد و غيرها و غيرها العشرات

عموما فلنحلم بجزء ثالث "نور" يكون افضل من الاختين الاكبر محال و جونتنامو

الحقيقة انى خايفه من الجزء التالت لانه هيكون مسئ جدا للثورة -ده لو كتبه زيدان زى المتوقع من المقدمات فى الجزء التانى- و ساعتها هتقفل منه
3 likes ·  flag

الله في رحلة نجيب محفوظ الرمزية

الله في رحلة نجيب محفوظ الرمزية by جورج طرابيشي

Dina Nabil's review May 30, 14  ·  edit
4 of 5 stars
Read in May, 2014

جورج طرابيشى يعيد اكتشاف نجيب محفوظ و يصحبنا فى رحلتنا ليجعلنا نقييم نجيب مره اخرى و نتأمل فيما قرأناه سريعا و لم نتذوق جمال من نسجه محفوظ ببراعة

من إسلام القرآن إلى إسلام الحديث


by جورج طرابيشي

Dina Nabil's review May 30, 14  ·  edit
5 of 5 stars
Read in May, 2014

هو كتاب يثير من التفكير اكثر ما يقنع و يعمل الذهن اكثر ما يدخل الافكار جاهزة الى راسك

يكثر الطرابيشى من المقدمات المنطقية فيكثر منها حتى يكاد ان يمل القارئ فاذا به يعمل اليات المنطق ليستخلص من تلك المقدمات نتائج خطيرة و ثورية حتى يجزع القارئ و يستكثر تلك النتائج بل و القارئ المعتصب قد يبدا فى حملة لسب المؤلف لخطورة افكاره لكن الطرابيشى يصعب جدا عليه ذلك فحبكة افكاره و جوده منطقه و توسعه فى الاطلاع على المصادر يجعل من الصعب الفكاك من ان تقتنع به

يثير المؤلف سؤال يبدو سهلا فى البداية بل و نظريا: هل جرى للاسلام شئ مما حدث للمسيحية عبر القرون ففى الثانية كانت مرور السنين لا تزيد علم اللاهوت سوى مبالغة فى وضع المسيح و مع ظهور الامبراطورية و ما تبعها من تحول جذرى فى العقيدة ، هل يمكن الافتراض هنا ان شئ من هذا _ و ليس الكل بالقطع ففى عقيدة توحيدية مطلقة لم يكن فى الامكان الاكثر_ فظهرت جمل ان السنه وشاهدة على القران و ليس القران شاهدا على السنة

و افراض الشريعة الالهية كاملة على تصرفات و اقوال النبى _ان صح تخريجها اصلا_ حتى على الاقوال خارج مظلة الوحى...و الى اى مدى كان استغلال و استخدام لا ينطق عن الهوى فى تطور مفهوم السنة المحمدية التى لم تتبلور بالقطع قبل مرور قرن على الرسالة
★★★★★★★★★★★★
يعقد الطرابيشى المقارنة بين مثالين الاول انس بن مالك كممثل مساحة الحركة ، و بين الشافعى قائد تكريس للسنة كما يراه المؤلف

يفتح الشافعى الباب اكثر ليس فقط فى تكريس مفهوم السنة بل فى قاعدة اعداد الحديث فيبلغ ان من دلس فى حديث مرة لا يعنى استثناء الاحاديث المروية عنه، بل و يذهب الى مفهوم الحديث الواحد اى من لم يرو سوى من شخص و عنعنه واحدة و يسقط مفهوم المشروطية التعددية فى القبول بالاحاديث و يكتب فى صراحة:اقبل فى الحديث الواحد و المراة ولا اقبل بهما فى الشهادة.....و يضيف هنا عن استغرابه من ان يقبل الامام الشافعى بقبول حديث يحلل و يحرم على المسلمين ببقاع الارض كافه ما لم يقبله فى القصاص او اخد الحد على مسلم واحد فى جريمة بعينها

و هو الامر الذى سيتوسع لاحقا على يد الخطيب البغدادى الى القبول بالاحاديث اذا ما سمعها صحابى و هو طفل او لم يسمعها من النبى نفسه بل من صحابى اخر او حتى رواها بالمعنى و ليس اللفظ

يلفت انتباه القارئ المعاصر اعداد الاجاديث المروية عن النبى فالمصحح منها حوالى ٦٢ الف منها اكثر من ٨ الالف على لسان ابو هريرة واحدة....فصحيح مسلم ذو الاربع الالف حديث هو منتخب مما يزيد عن ٣٠٠ الف، و مسند ابن حنيل منتخب من ٧٠٠ الف حديث....فكما حدت كتب التصحيح و الجمع من ظاهرة تفشى الاحاديث لكنها تظهر مدى الصنعة فيما دون منها على الاقل قبل التصحيح فاما فيما بعدها فقد كتب فيها الكثير من متخصصين لكن المنطق البشرى حتى يشعر بعدم اطمئنان و لو قليل عند سماع تلك الاعداد و ان كان جامعها قضى عمره فى التحرى منها خاصه اننا نتحدث فى ظرف القرن السادس الهجرى
★★★★★★★★★★★★
ابن حزم و جدلية الحرام لانه حرام ، فالخمر حرام لا لانه يسكر ولا للمضار التى تصيب المجتمع و الفرد بل_ ببساطة_ لان الله حرمها، و الزكاة ليست فرضا لفوائد اجتماعية بل بنفس البساطة لان الله فرضها فان فرض الله الزكاة يدفعها الفقراء لاغنياء لصارت عين المنطق فى تعريف بن حزم......و الاخطر جدلية القياس فان نص نص على وجوب ارهاق السمن المائع اذا سقطت فيه فارة فحرم ارهاق الزيت اذا وقع فيه طائر ميت فى نظر بن حزم، و اذا نهى الله عن قول اف للوالدين فلا ينفى ذلك الضرب و ما عداه بل ينفى تلك "الاف" دون غيرها

سيف اخر يضعه ابن حزم على رقاب القرانيين_او لنقل حتى المشككين فى صلاحية منظومة الحديث للتشريع_ ان نص ايه انا نحن انزلنا الذكر و انا له لحافظون تسرى على الحديث ايضا و ان الذكر هنا هو ليس النص القرانى بالفاظه فقط بل المتداول عن السنة ايضا _بكل ما واجه منظومة جمع الاحاديث_ و ان القائل بضياع جزء من السنة هو من غير المسلمين، ولك ان تضيف سلاح اليه نسخ القران بالسنة فى ايد تلك الاحاديث المجموعة و لتتخيل معى تلك القوة الممنوحة لمدون الحديث فى القرون المتاخرة
★★★★★★★★★★★★★★
و السؤال الذى يحيرنى الان :هل كان ممكن ان يصل الينا اسلام اخر اذا انتصر المعتزلة على الحنابله فى معركة المحنة؟ فالمعتزلة ليسوا اهل حديث و معيارهم فى الحكم على الحديث هو موضوعه و بيانه و ليس السند او العنعنه

ماذا لم مر التاريخ بالمامون دون المتوكل ؟! و لتتخيل معى اذا استمر الاعتزال كمذهب رسمى للدولة قبل انقلاب المتوكل و تمكين اهل الحديث و ما هو مضمون الدين الذى سيصل الينا بعد قطعه لرحلته عبر القرون

و لنضف الى ذلك حملات التوفيق بين الاحاديث ، لا هدوى و المجزوم
★★★★★★★★★★★★★★
و ليس لنا ان ننسى دور الاحاديث فى الفتنة الكبرى فكتب الحديث بها عشرات الاحاديث مدحا و ذما فى معاوية و احاديث كثيرة فى مدح على منها ما يحمل جانب من المبالغة بان معجزات قد حدثت له فى وجود النبى منها حادث رد الشمس ، و ان لم توجد احاديث فى سب على لتلعب دور فى ضرب الشيعة لكن قامت احاديث مدح ابو بكر و عمر بالدور نفسه تقريبا ، ربما الغريب ان تلك الاحاديث مرت على العين الناقدة فى جامعى الحديث و لم يرى احد فيها شك لغرض و ربما يكون السبب هنا هو طريقة اهل الحديث المعتادة فى قبول و رفض الحديث بناء على السند و ليس الموضوع

و وصل الامر الى استخدام الحديث حتى فى معارك المذاهب ذاتها،فوصل الامر باحاديث تذم فى الحنفية !! و احاديث تتنبئ بقدوم الشافعى الذى سينقذ الدين !

و لا ننسى احاديث العصور المتاخرة التى استخدمت لسان رسول الله كمنشط للدعايا و التجارة فعشرون حديث فى مدح العدس و الهندباء و الباذنجان و لبس نوع معين من القماش و تفضيل لون على لون فى الملابس و وصفات عطارة بعينها لزيادة القدرة الجنسية!!

و الاسثناء هنا يكون لابن الجوزى رغم تاخر عصره - السادس الهجرى_ فيعمل المنطق النقدى ليستبعد بها احاديث السياسة و الاحاديث كثيرة الصنعة التى تخالف اسلوب النبى اللغوى و يحكم البطلان على مستحيلات الحديث بغض النظر عن السند و حذف احاديث ذم المعتزلة و المرجئة و غيرهم مما امتلات بها كتب جمع الاحاديث كسلاح فى المعركة الفكرة
★★★★★★★★★★★★★★
ريفيو اكبر و اثقل من اللازم لكتاب اقوى و اكثر دسامة من المتوقع , اتمنى ان تتجاوز كثرة عدد صفحاته و صعوبه موضوعه لتصل الى هذا اللب الثرى من الفكر الثورى فى انتقاد تراث قد تكلس و وجب اعادة النظر فيه

سراي نامه

سراي نامه؛ الغازي والدرويش by محمد عبدالقهار

Dina Nabil's review Jun 28, 14
3 of 5 stars
Read from June 26 to 28, 2014

كيف تكتب عن موضوع "مبتذل" دون ان تقع فى فخ الابتذال؟ كيف تنسج من فكرة مستهلكة رواية تصل الى حد الابداع؟

كيف يمكن لمؤلف ان ينجو بعمله من مصير "حريم السلطان" ليصنع عمل روائى يصل لقلوب و عقول القارئ ليبقى قابعا فى الركن البعيد من الذاكرة خالدا بين روايات محفوظ و ماركيز و سارامجو و بيكيت؟

سؤال تصعب اجابته قطعا ربما لان الحاصل على تلك السر الدفين و كانه حصل على سر الخيميائى الذى يحول القصدير الى ذهب


و لنترك سر الخيمياء قليلا و نعلن ان "محمد عبد القهار" لم يسقط فى فخ مسلسلات تركيا لكنه ايضا -للاسف- لم يصل الى يصنع من روايته التاريخية تحفة فنية تضاف لتاريخنا الادبى الطويل لتنضم الى قائمة تحوى ثلاثية غرناطة و سمرقند و الزينى بركات و قواعد العشق الاربعون

هى رواية اكثر من المتوسط تشعر فى كل سطر منها بمجهود مؤلف كافح كثيرا للالمام بمعلومات تاريخية معقدة كباحث و محاولا صياغة كل ذلك فى عبارات خلابه و فصول منسقة كمبدع قاص

يروى لنا حكاية تحول اخيان نامه الى سراى نامه , كيف يتحول الغازى الى سلطان و السلطان الى تنبل , و قانون الفاتح يضع السيف على رقاب الجميع

غازى خسر العالم و درويش لم يربح الا نفسه

لكن ثمه حاجز نفسى -ما- اشعرنى طوال الوقت ان القصة كبلون ملون ضخم مربوط بجحر ثقيل يمنعه من الطيران , و كأن المؤلف اراد الاسقاط على الواقع فاكثر و قلل من متعة عمل كان من الممكن ان يكون "قواعد العشق" المصرية

عصر الاضطراب

عصر الاضطراب by Alan Greenspan

Dina Nabil's review Jul 03, 14
2 of 5 stars
Read on July 03, 2014

اللى جاى مش ريفيو لكتاب اكتر منه بحث فى اسباب فشلى فى انهاء كتاب

فى كتب سهل جدا انك تبدأ فيها , صعب جدا انك تنهيها ....كتب تملك كل مقومات الدنيا انك تفتح صفحتها الاولى و لا تملك اى مقومات انك توصل لصفحتها الاخيرة .... للاسف كتاب عصر الاضطراب منهم

الآن جرينسبان اللى اتوصف انه لما بيتكلم بينصت العالم لم يجبرنى على سماعه , ربما هو طول الكتاب المفرط و ربما هو جفاف طريقة الحديث عن الاقتصاد

تعددت الاسباب و الملل واحد

كتاب اليقين

كتاب اليقين by محيي الدين بن عربي

Dina Nabil's review Jul 03, 14  ·  edit
4 of 5 stars
Read from June 12 to July 03, 2014

قراءة ابن عربى فن فى حد ذاته , يختلف ابن عربى عن اى كاتب محدث كان ام من التراث لانه بيكلم الروح مباشرة مش بيكلم عقل ولا مشاعر ...و عشان تقدر تفهم ابن عربى بيقول ايه لازم تكون روحك شفافه بدرجة تسمح لك ان تتواصل مع كلمات اتكتب فى عصر مختلف على ايد روح اصفى من اللبن

ما اقدرش اقول ان روحى كانت بالصفاء الكافى او ان عقلى كان بالذكاء المطلوب ...لكن الشذرات اللى وصلت عبر حواجز اللغة و العصر و اختلاف درجات الصفاء كانت كافية انى استمتع و يرجع لى جزء من الفائدة المطلوبة

كتاب اليقين و كتاب المعرفة عدد صغير من الصفحات تقيل المحتوى , لعله يريح روحك المضطربة ان اليقين اصعب مما يبدو


المسيح يصلب من جديد

المسيح يُصلب من جديد by Nikos Kazantzakis
 شوقي جلال (ترجمة), نعيم عطية (مراجعة)

3 of 5 stars
Read from July 06 to 08, 2014

لكى تخلص العالم فلابد من ان فناء الخير و لاجل ان يفنى لابد من وجود الشر الذى يخون و يقتل , هكذا اذن فوجود يهوذا شئ ضرورى من اجل خلاص العالم

يتألق نيكوس كعادته ليخلق عالم موازى محكم ليضع فيه نموذج مصغر من ارض فلسطين تحتضن مسيحها حافيا فقيرا ضعيف بالناس قوى بالله و حوله من قرروا ان يكونوا يهوذا الزمان ... حين تتحول اللعبة الى واقع جديد ملوث مره اخرى ليعاد البشر تلك الاخطاء مرة تلو الاخرى ليرجعوا يتسألون عن سبب تعاستهم

بشر حولوا الدين الى وثنية و الوثنية الى دين , و المسيح يباع فى كنيسته بالدراهم




يفعلها نيكوس كما فعلها جبران خليل جبران حين صنع فى "عيسى ابن الانسان" نسخته الخاصة من قصة اثرت فى تاريخ العالم فاسقط عليها من واقع لا يتغير لبشر لا يتغيرون

لكنه اطال و طول فى قصه كان من الرائع ان تكون فى حدود ال300 صفحة او حتى اقل فقلل من المتعة و التركيز

تغريبة بنى هلال

تغريبة بنى هلال الكبرى by مجهول
تغريبة بنى هلال الكبرى
by مجهول
31845810
Dina Nabil's review Jul 10, 14  ·  edit
5 of 5 stars
Read in July, 2014

(مصر فى تغريبة بنى هلال الكبرى)

الاسطورة -او التغريبة يعنى- بتقول ان جيش بنى هلال كان عباره عن 4 جيوش و كل واحد منهم مكون من 90 الف مقاتل ده غير عدد العبيد و الستات و العيال و الشيوخ و انهم فى طريقهم للتونس للاستيطان فيها بعد ما نجد نشفت من الماء و الزرع , و اتفق ان فى طريقهم الطويل هيحاربوا تقريبا كل مملكه عدوا عليها -باستثناء مكة و القدس- و هيكسبوا "طبعا" كل الحروب ان مكنش بمقدرة ابو زيد الهلالى يبقى بمقدرة الامير دياب
مصر بقى بتجى فى التغريبة على انها مكونه من 4 ممالك على كل منها ملك مختلف و جيش مختلف و بنى هلال هيحاربوا كل جزء منها على حدى
المملكة الاولى هى العريش المصرية -خلى بالك من البعد الهام فى ذكر مصريه العريش حتى فى الزمن السحيق ده و خلى فى دماغك دور كتب التراث و المخطوطات فى قضية تحكيم طابا- و على رأسها الملك البردويل و على حسب القصه ده كان مجوسى يعبد النار و ده فى اخر الحرب هيقطع ابو زيد راسه و لسانه

المملكة التانية هى الاسكندرية و على رأسها ابن عجاجة و ده فى اخر الحرب هيقتله الزغبى دياب

المملكة التالتة هى القاهرة و يحكمها بجيشه الملك الفرمند و ده اتحارب بالخديعه لما دخل ابو زيد قصره متنكر فى هيئة بهلوان و معاه 40 اميره هلالية كل واحدة معاها صندوق حرير مستخبى تحته فارس و هيبنج ابو زيد الامير و يطلع الفرسان و يسرقوا القصر و هو نايم و دى المملكة الوحيدة -فى التغريبة الطويلة كلها- اللى هيرفض الهلالية سبى اهلها او اخد شئ من مالها و ده خشية من مقابر الاولياء و مقام العلماء المسلمين فيها و الامير حسن الهلالى -امير الهلالية الكبير- هيبنى فيها جامع كبير باسمه حسب القصه
اما الرابعه فهى الصعيد و على رأسها الماضى بن مقرب و ده مش هيحارب ولا يتحارب لانه كان قريب الهلالية فهيسمح لهم يعيشوا براحتهم و كمان هيتجوز منهم كنوع من النسب المقوى للعلاقة

لاحظ كمان ان القصه بتتناول الممالك الاربعه كبلد واحدة باجزاء مختلفة , يعنى هى كلها مصر انما مقسمة اداريا , زى ما عدوا على سوريا و حاربوا حلب و حمص و حماه كممالك مختلفة


المثقفون العرب والتراث by جورج طرابيشي

المثقفون العرب والتراث by جورج طرابيشي

4 of 5 stars
Read from July 08 to 10, 2014

فى لغة ليست بالسهلة يقدم الطرابيشى للقارئ العربى تفسير -ممتع- لتصرفات مثقفى العرب عقب النكسة وظف فيها كل قواعد التحليل النفسى لشرح و بيان كيف تحول الوعى العربى الى وضع التدمير الذاتى

عن الصدمة على مدافع نابيلون ، و رضة النكسة ، او حرب يونيو السوداء تعددت الاسباب و الهم واحد...لماذا دفعتنا الاولى الى الامام و دفعتنا الاخرى الى الوراء


ربما هو عدم التوقع الذى حطم صورة جيش صلاح الدين فى مواجهة صورتنا النمطية عن جيش العصابات و الدويلة التى تعيش على صدقات دول الغرب

ربما هو عدم وجود متنفس يلقى عليه العرب فشلهم كما فى ٤٨ حين برر العربى لنفسه ان الامر لا يعدو خيانة اخرى من طبقات حاكمة عميلة

او ببساطة هو ان حسب تعبير الطرابيشى فجرح ٦٧ يأبى ان يتجول الى ندبة فباستمرار كثير من اثارها حتى الان شئ يضيف الملح الى الجروح باستثناء سينا فظلال حرب السته ايام باقية امام عين الوعى العربى طيلة السنين

فلجأ المثقف العربى الى النقوص ، اضرب عن التطور لاحساس بان المحاولة لا تجدى و ان الفشل قادم لا محالة ، لجأ للتخلف فاخفى هويته و قرر ان يلغى الفردية و المسؤولية الشخصية ، فشل فى حاضره فقرر ان يعود للماضى و تراث فجعله اب و لحأ الى اللغة ام و بدأ تمزيق الملابس و لطم الخدود فى مشهد اوديبى خالص

المثقف العربى الذى حمل النكسة ل"ديكاتورية" عبد الناصر و استبداده لم يجد اى تناقض ان يهاجم مفهوم الديموقراطية باعتبارها اله و اداه فى يد غرب استبدادى استعمارى ، و مع استبعاده لمفهوم الديموقراطية الغربى و نموذج ناصر الممصر منها خلا الساحة الا من الزج مرة اخرى بمفاهم التراث ك "الشورى" لسد تلك الفجوة التى صنعها المثقف بنفسه فى الفكر العربى

لاعقلانية و عصاب يتمثل فى عدم تقبل الواقع ، انكار من الممكن ان يكون ممرضا او قاتلا حسب نسبه الانكار و قد يصل الى "ذهان" بانفصال كلى عن الواقع و الاصرار على التقوقع داخل متاهات الوهم
*****************************
تمدد الفكر العربى المعاصر على "شيزلونج" الطرابيشى ليحلل نفسيا و تتضح افكاره المضطربة فى ال100 صفحة الاولى من الكتاب بينما افرد باقى الصفحات ليبين لنا نموذج مفسر لكاتب بعينه هو "محمود حنفى" للاسف لم استطع ان احظى بشرف القراءة له مما بدد فائدة الفصول التالية لى