الأحد، 26 ديسمبر، 2010

تنبوئات 2010!!!!

بمناسبه رأس السنه اللى "محمر" المدونه و اضاف نكهه الفراوله التى اعشقها بالمناسبه ..و بما ان الابراج و توقعات العام الجديد بيبقى مطلوب و يتصدر صفحات الجرائد بل و يبحث عنه الناس على النت الا انى قررت انى اخده من زاويه مختلفه ففى ذاك الوقت من العام الماضى انهالت علينا توقعات الابراج فها هى 2010 خلصت تعالوا نقرا توقعات ابراجنا فى 2010 هل حصل منها حاجه؟؟؟هل صدف او صدق احد التوقعات؟؟؟؟


الحمل:اجمالا سنة جميلة للحمل سيتواصل فيها تقدم كل من ينتمي لبرج الحمل و سيكون التقدم رائع سيسجل بحظك هذه السنة دخول كوكب بلوتون في برج العقرب عمليا لن يأثر هذا على برج الحمل سلبيا لكن سيتسبب في بعض الهواجس و التخوفات في شهر يناير تحديد و سيكون هذا مرافق لبعض التغييرات الجذرية في اوضاعكم او في شخصيتكم و تفكيركملا تحاول عزيزي الحمل السباحة عكس الثيار ، تقبل الأمور كما تأتيك و دع التغيير يسحبك للاحسن فالحياة هكذا
الشهور التي يسعدك الحظ فيها بمجال العاطفة هي : فبراير ـ ابريل ـ ماي ـ نوفمبر

الثور:بالنسبة لك عزيزي الثور سنة 2010 هي سنة ايجابية جدا في الاجمال فيما عدا رغبة ستلازمك في تضخيم الامور و يجب عليك التحكم فيها اذا اردت الاحتفاظ بسعادتك وصفاء الجو حولك. سيكون كوكب جوبتر هو المؤثر عليك في تضخيم الامور و تكبير ردود فعلك و هنا يجب عليك التريث و الهدوء خصوصا في شهر فبراير و مارس و يونيو 2010 و كن حذرا في عدم خرق القوانين باي وجه لتفادي مشاكل مع الجهات الرسمية و القضائية...كن حذرا كذلك خلال هذه الشهور حتى لا تدخل في نزاعات مع احد المقربين منك و عندما تحس بعصبيتك تزداد سارع بالانسحاب و تغيير الجو لتفادي الجدالات.تمتع بشهري يناير و سبتمبر 2010 لان حظك سيكون رائع بالحب و بالمشاريع الشخصية و المهنية فلا تضيع فرصك فيها. افضل الشهور للعاطفة : يوليو و اغسطس و سبتمبر 2010




الجوزاء: هذه السنة يا صديقي الجوزاء هي سنة التناقضات بالنسبة لك فستكون فترات التقدم متبوعة بفترات تراجع مباشرة و ستحس ببعض الاشياء تعيق طريقك في التقدم خصوصا في شهر ماي 2010 يجب عليك عزيزي الجوزاء استغلال فترات التقدم لتمضي في تصفية مشاكلك و عمل مشاريعك و استغل النصف الاول من السنة خصوصا شهري فبراير و مارس لان حظك فيهما كبير جدا و استغل السنة بشكل عام في التفكير في احلامك المستقبلية لان الفلك يبشرك بنهاية سنة رائعة و بالتالي امكانية تحقيق جزء كبير من احلامك بغضون ال 2011 افضل الشهور للعاطفة : ماي يونيو يوليو و سبتمبر



السرطان:سنة مستقرة و جميلك لمواليد السرطان . كما في سنة 2009 سيؤثر عليك ايجابيا كوكب اورانوس طوال سنة 2010 مما سيعطيك حرية اكبر في اختياراتك خصوصا بمجالات التعليم و السفر و التعاقدات و التعاملات مع الخارج ... كوكب ساتورن في برج العذراء سيساعدك كذلك في اتخاد قراراتك الصائبة في الاختيارات و في تحسين علاقاتك في محيطك الاجتماعي , سيسود بعض الضغط في شهري ماي و سبتمبر 2010 فقط مما سيؤثر على اعصابك قليلا فحاول عزيزي السرطان استغلالهما في الترفيه و الرياضة و تأكد ان باقي الشهور ستكون خفيفة و لن تشعر بشيء يضغط على اعصابك خلالها. افضل الشهور للعاطفة : ابريل و يونيو 2010


الأسد:سنة 2010لديك ايها الاسد تنطبع بدخول جوبتر ببرج الدلو و هو البرج المعاكس لبرجك جوبتر كوكب جالب للحظ و قد يجلب لك بعض المفاجئات السارة جدا هذه السنة لكن احذر من المبالغة ببعض الاشياء خصوصا ببداية فبراير و منتصف مارس 2010 حاول عزيزي الاسد ان تكون عقلانيا و متوازنا في تصرفاتك سيكون هذا التحول في منزلك الشمسي السابع مما قد يؤدي الى ارتباط شرعي او زواج لغير المتزوجين و قد تكتفي عزيز الاسد بايجاد شريك حياتك و التخطيط لحياة مستقبلية و زواج السنة المقبلة فتأكد ان الحب قريب منك جدا في سنة 2010 و قد يكون دخل حياتك بنهاية 2009 فابحث جيدا ..افضل الشهور للعاطفة : ابريل اغسطس في سنة 2010 و قد يكون دخل حياتك بنهاية 2009 فابحث جيدا ..افضل الشهور للعاطفة : ابريل اغسطس و ديسمبر 2010
العذراء:هذه السنة يا عزيزي العذراء يجب عليك التحلي بالصبر لوجود كوكب ساتورن الذي يعاكسك في فترات كثيرة خصوصا في النصف الثاني و في شهر مارس 2010 لكن تأكد ان سنة 2011 ستكون رائعة لديك و ستحل فيها كل مشاكلك لان كوكب ساتورن سيرحل عنك فيها ليستقر بجارك الميزان في سنة 2010 ينصحك الفلك بان تكون حذرا و الا تخالف القوانين و بالنسبة للحب و العاطفة قد يتأخر امر الارتباط الجدي للراغبين فيه لكن ستكون امورالحب جيدة و قد تتلقى مفاجئات رائعة طوال السنة و خصوصا ببدايتها فلا تتشائم كثيرا افضل الشهور للعاطفة : يناير يونيو و يوليو 2010


الميزان:سنة رائعة لك عزيزي الميزان لانك تحظى بحماية جوبيتر و تاثيره الايجابي جدا في مجال الحظ و التطور. استغل حظك هذه السنة للتقدم في كل مشاريعك فهذه السنة رائعة بالنسبة لامور العمل شهري مارس و ابريل سيكونان مناسبان للبدء بعمل جديد او مشروع جديد او حتى استثمارات كبيرة . احذر فقط عزيزي الميزان شهر ماي 2010 لانه قد يكون شهر المعاكسات الفلكية. بالنسبة للحب و العائلة و الاطفال فهذه السنة مستقرة و جميلة جدا لديك و خصوصا لمن يعملون بمجالات الابتكار و الفن فلا تتردد عزيزي الاسد و استغل سنة 2010 في كل ما هو جميل افضل الشهور للعاطفة : فبراير مارس يوليو اكتوبر و نوفمبر 2010



العقرب: سنة جميلة يا عزيزي العقرب رغم تاثيرات نبتون التي قد تواصل معاكستك قليلا في بعض المجالات برجك سيتأثر باغلب الكواكب هذه السنة لكن مجال الاسرة و العائلة سيكون الافضل بين جميع المجالات خصوصا بمرور جوبتر لكن كن واثقا في خطواتك و متزنا في كلامك حتى لا تخدعك ثقتك في نفسك فترتكب هفوات انت في غنى عنها. في مجال العاطفة شهر ابريل هو الاحسن على الاطلاق اذا كنت مرتبط بعلاقة جادة و هو شهر اللقائات الشيقة ان كنت خاليا و احذر من شهر يونيو الذي قد يورطك بمشاكل مع الحبيب بسبب غيرة او بسبب شك من ناحيته ناتج عن تصرف غير لائق منك فلا تحاول الخيانة حتى لا تندم ...افضل الشهور للعاطفة : فبراير مارس ابريل مايو و نوفمبر 2010



القوس:سنة مشابهة تقريبا لسنة 2009 بالنسبة لمواليد برج القوس و ذلك لاستمرار تواج [
د ساتورن و اورانوس بعض المشاكل بالعائلة و العمل بمنتصف شهري غشت و سبتمبر 2010 فكن حذرا عزيزي القوسالجميل في سنة 2010 لديك هو مجال العاطفة و الحب حيث تساعدك الظروف بشكل كبير في اول شهور السنة لتعيش لحظات رائعة مع الحبيب و للعزاب لقائات رائعة جدا قد يجد العزاب شريك حياتهم هذه السنة فلا تقفلوا ابوابكم فهذه السنة تبشر بارتباطات جدية و مناسبة جداافضل الشهور للعاطفة : يناير فبراير ابريل و مايو 2010


الدلو:سنة مستقرة و جميلة بشكل عام فيما عدا تواجد نبتون الذي قد يعاكس مواليد الدلو المولودون بعد 2 فبراير جوبتر سيساعد الدلو في ابقاء الحظ معه طوال السنة و ستكون سنة جميلة في مجالات الصحة و يجب استغلالها في علاج كل ما كان يتعبك عزيزي الدلو. شهري فبراير و مارس 2010 شهران للمفاجئات و المواعيد الكثيرة ستشعر خلالها بضغط كبير و هما مناسبان للمشاريع الجديدة .خد يا عزيزي الدلو اقساطا من الراحة و الاستجمام و لا تنسى الحبيب او الزوج افضل الشهور للعاطفة : فبراير مارس يوليو واغسطس 2010



الجدي:
يتابع الحظ محالفته لك عزيزي الجدي هذه السنة و لن يعاكسك اي كوكب / النتيجة : سنة رائعة بكل المقاييس تفتح خلالها ابواب الحظ و يكون كل شيء متاح حصتك الاكبر من الحظ هذه السنة هي في الحب و العاطفة حيث تتكاثر فرص اللقاء للعزاب و تكون قمتها في فبراير 2010 مجال العمل يزدهر و تقوى فيه العلاقات المفيدة و النافعة لك و قد يكون لبعض مواليد الجدي حظوظا باعمال مرتبطة بخارج بلدانهم و تكون الفرص مغرية جدا فلا يجب تضييعها افضل الشهور للعاطفة : فبراير و يونيو 2010

* يتلون هذا البرج بلون مغاير نظرا لانه برجى انا ...الحظ الجيد فى 2010 كان حقيقى , حب و لقاء و كده طلعت اوت دى , العمل و العلاقات فعلا , فبراير اكيد جدا حيث كان اكتر شهور 2010 اثاره و عملا و لقاءات اما يونيو فكنت بذاكر عشان امتحانات اخر السنه و كان اكثر اشهر السنه مللا...

الحوت:اخيرا يتخلص مواليد برج الحوت من تواجد اورانوس و ساتورن بابراجهم و قد تابعتهم تأثيراتهما كثيرا و عاكست العديد من المواضيع سابقا خلال 2009. مواليد الحوت المولودين بشهر فبراير سيتنفسون الصعداء ببداية 2010 و تنتهي الفترات العصيبة و معاكسات الحظ و يستطيع كل مواليد الحوت استغلال السنة الجديدة في بداية صفحة ...



صادف معاك حاجه؟؟؟

السبت، 25 ديسمبر، 2010

وجب التنويه..


لا تجزع..و متخضش هى هى مدونه رفايع اللى انت عارفها ليست فى ثوبها الجديد ولا حاجه ...انما هو شكل مؤقت حتى ليله رأس السنه احتفالا بسنه جديده هى 2011 مجرد شكل نودع فيه 2010 بكل اللى كان فيه ...مجرد تغيير شكلى ليعطى الحياه طعما مختلف بدل من تشابه الايام الخانق مش تقليد اعمى للغرب لكن اضافه نكهه الفراوله لايامنا التى بلا طعم...مجرد رفايع عادى يعنى...

اسمحولى اكمل الاحتفاليه بسلسله مقالات لحصاد عام 2010 المصر على عدم الانتهاء...

الجمعة، 24 ديسمبر، 2010

البجعه السوداء..و متعه الانتظار

سيداتى انساتى سادتى ..احم احم اقدم لكم اكثر افلام الموسم انتظارا , الفيلم الذى ابحث عنه منذ شهر و حصلت على نسخته غير المترجمه منذ اسبوع و ها انا احظى بمشاهده تلك التحفه الفنيه التى طال ترقبها و انتظرتها طويلا و مترجما ...الفيلم الحائز على تقييم 8,4 فى الموقع الشهير IMDB ...نعم سيداتى و سادتى انه الفيلم المرشح بقوه لجائزتى  الاوسكار افضل فيلم و افضل ممثله و جائزه محتمله لافضل مخرج انه فيلم Black Swan 2010  ....


ذلك الفيلم القلق , المتوتر , ذو الاثاره النفسيه عندما تكون انت و لا احد غيرك هو عدوك , الفيلم نفسه عنده شيزوفرينا , الذى يذكرنى بنفس حالتى النفسيه بعد مشاهدتى لفيلم perfume  حيث الاثاره من داخلك فى ظلال روحك و دهاليز نفسك و تلافيف مخك ...

الفيلم فى المجمل رائع و لعل بطلته ناتالى بورتمان احد اكبر مفاجاته و اللى خست له وزن كتير عشان تقنعك بانها راقصه باليه فعلا ...موسيقى صحيح معظمها من بحيره البجع لكنها متوظفه صح و طول الفيلم مش بس وقت الرقصات و قريت كمان انهم استعانوا بموسيقى بحيره البجع و عزفوها بشكل معكوس و متلوى لتعطي موسيقى الفيلم فى المشاهد النفسيه المعقده...راقصه باليه مطلوب منها البحث عن نصفها المظلم لتسطيع ان تمثل دور البجعه السوداء اللى بتسرق حب البجعه البيضاء و تخطف منها حبها و حياتها ...حيث يبحث المرء فى نفسه عن عدوه و يستحضر انفصام الشخصيه بيده ..راقصه باليه دائما كانت عايشه فى ظل الاخريين و بنظام معين يطلب منها ان تتمرد على نفسها قبل ان تتمرد على الجميع و تتضح فى الجمله قرب نهايه الفيلم لحديث مخرج العمل :
"THE only person stand in your way is you , its the time to let her go..lose your self"

جمله محوريه جدا فى الاحداث الجمله دى...

اعيب على الفيلم حاجه واحده بس : ان الفيلم تحول فى بعض مراحله من جانب السيكو و اثارته الى خانه الرعب فتجد نفسك تنتفض ...لا اعلم اذا كان ذلك بالعيب ام الميزه؟؟؟" و اجمل ما سمعت فى هذا الشأن جمله ويدجيت وولز "فيلم الرعب الانقى لهذا العام"

و من مدونه عماد العذرى اذكر جمله اعجبتنى شعرت بانها معبره جدا عن الفيلم : وهى جمله جيميس بيرادينيللى "هذا الفيلم يجعل تشويشات inception و shutter island تبدو سهله بالمقارنه"...

ترتيب الفيلم عالميا هو رقم 64 بتقدير 8.4 بمعنى انه يسبق افلام عظيمه امثال : The Great Escape و Singin' in the Rain  و Some Like It Hot و All About Eve و Braveheart  و  The Apartment  و  Gran Torino   و Gladiator  و Hotel Rwanda و Slumdog Millionaire  و The Sixth Sense  بل و Avatar .....و فيلمى المفضل There Will Be Blood 


دى النسخه الافضل حاليا من حيث الصوره و الترجمه
د/دودى
مدونه رفايع...مجرد رفايع

الخميس، 23 ديسمبر، 2010

نهايه الشريط الابيض!!


"العبره بالخواتيم" جمله نرددها كثيرا ...بمجرد ما تعرف ان صاحبك شاف فيلم فتحضر اسئله مسبقه لتحديد جوده الفيلم :
1/ الفيلم حلو؟؟؟
2/ "وده الاهم" طب و النهايه؟؟؟؟؟؟؟؟؟

هكذا تعودنا و مرنتنا الافلام الامريكيه بذات حيث دائما و دوما النهايه حجر اساسى فى القصه و ياما افلام نجحت بسبب نهايتها السعيده "وهو النوع المفضل للجمهور" زى  casablanca و The Shawshank Redemption وForrest Gump  افلام اخرى نحجت بسبب نهايتها المفاجئه اللى خلت الجمهور يطلق شهقه المفاجأه من ومن وجود الحل امام عينه طول الفيلم دون ان يعى زى Psycho  و The Usual Suspects و Se7en  و the game  و The Sixth Sense  و طبعا متعه نيكول كديمن  the others و بقت الافلام دى علامات فى تاريخ السينما بسبب نهايتها المتقنه ففيلم زى usual suspectes متعته كلها فى النهايه ..
احم احم ..اظن بعد المقدمه دى انت متخيل انى هاقدم فيلم ذو نهايه ممتعه رائعه او حتى نهايه سيئه شديده السوء الواقع مختلف تماما عما تخيلته...

لكن من غير ماحد يقرر انه يضربى بعد كميه التشويق دى خلونى احكى الاول شكل و احداث فيلمى اللى بفصصه النهارده...فيلمى هو الفيلم الالمانى the white ribbon و فى الحقيقه انا وقعت فى غرام السينما الاوروبيه عموما و الالمانيه خصوصا بعد استمتاعى باكثر من فيلم المانى مبدع حاصلين على جوائز عالميه هتلاقى منهم هنا فى رفايع فى تدوينتى:  




  • مزيفو النقود...هل تجرأ؟؟ 



  •  و الاتنين عن افلام المانيه ممتعه زى ما قلت بجوائز عالميه....و جمالهم فى انهم زوايا خاصه و سينما مختلفه عن سينما الامريكان التى ادعوها بالمزيفه...


    فيلمنا النهارده the white ribbon  و المعنى بالعربى "الشريط الابيض" المانى من انتاج 2009 و الحاصل على جائزه السعفه الذهبيه عن هذا  العام  و رشح لاوسكار افضل فيلم اجنبى غير ناطق بالانجليزيه و هو فيلم ابيض و اسود على الرغم من حداثته و ده طبعا ادىى الفيلم طابع مختلف و مذاق الدراما و احساسك الواقعى بقدم الاحداث و سهل مهمه الممثلين و المخرج بل و وضعك فى مود احداث الفيلم...

    احداث الفيلم بتدور فى قريه المانيه بسيطه فى زمن ما قبل الحرب العالميه فى مجتمع مغلق متزمت يصل لمرحله القسوه فى سطحه و ملئ بالعفن و التسوس فى باطنه ...ظاهره الجد و التدين و الاخلاق و التربيه و باطنه القهر و الذل و التحكم و الخطيئه ....تجرى فيها احداث غريبه ففى الاول يقع الطبيب الوحيد اللى فى البلد من فوق حصانه فيتأذى جدا و تكسر عظامه و يكاد يموت  و السبب خيط رفيع مربوط بين شجرتين يتكعبل فيه الحصان مع ان الطبيب ده بيعدى من المكان ده كل يوم مما يعطى شبوهات سبق الاصرار و تعمد ايذائه , و بعد فتره يخطف ابن اكبر اغنياء و ظالمين البلده و يكتشف بعد فتره مربوط على شجره و مضروب فى حاله جسديه و نفسيه شديده السوء فيتأكد احساس التعمد و بان يوجد من يخرب فى تلك البلده الامنه , و تصل ذروه الاحداث عندما يخطف ابن الممرضه المعاق ذهنيا و تفقع عيناه و يضرب ثم يجدوه على هذه الحاله مؤذى العينين و خطر العمى يحدق به...

    مين اللى بيعمل الحاجات دى وليه؟؟؟ هى دى الاسئله اللى بتسألها طول الساعتين و نصف ....الراوى هو مدرس البلده اللى بيحكى الاحداث بالاضافه لقصه حبه الشخصيه  مع المربيه الشابه اللى فى قصر اغنى الاغنياء اللى بتطرد بعد خطف ابنه و هو خط درامى اضافى للقصه ...مع الاحداث يتضح الامر رويدا رويدا بان الشخصيات السابقه ليست دوما بريئه و لا مجنى عليها فالطبيب متعفن و فاسد يغتصب ابنته و يمارس الحرام مع الممرضه بعد موت زوجته , و اغنى الاغنياء قاسى يجبر الفلاحين على العمل قسرا حتى فى مرضهم و بالفعل تموت احدى الفلاحات بسبب قسوته , و الممرضه تعاون الطبيب الفاسد فى حياته الفاسده , اذن فيوجد شخص ما يعاقب الابناء على خطايا ابائهم لكن السؤال : مين؟؟

    كخط درامى اضافى اساسى فى قصه الفيلم خط الاسائه للاطفال من جميع ابطال الفيلم لابنائهم فالقس يعاقب ابنائه بالضرب بالعصا امام بعضهم البعض و يجبرهم على ارتداء "شريط ابيض" طوال الوقت لتذكيرهم بالنقاء المفروض عليهم كما يعاقب ابنائه فى التدريس اكتر من زملائهم و يربط ابنه فى السرير اثناء نومه و حاله من القهر المتواصل لتللك الارواح البريئه...و الطبيب ينتهك حرمه ابنته و يستغلها جنسيا ... و زبائن الطبيب من المرضى يعاقبون اطفالهم بشكل مستمر و قاسى....و مع ظهور الاطفال دول مجتمعين بعد كل حادثه يجعل اصابع اتهام الرواى تشير اليهم باعتبارهم مشتبه فيهم لتلك الجرائم الغريبه...

    و الان نصل لمرحله النهايه اللى عشان خاطرها كتبت المقدمه كلها : هل فعلا الاطفال هما اللى بيعملوا الاعمال الفظيعه دى ؟؟؟ هل فعلا هو ده السبب او على الاقل هل هو ده السبب الوحيد؟؟؟

    تنبيه : اذا كنت من محبى عدم حرق القصص او كنت ناوى تتفرج على الفيلم  و تعرف بنفسك فتوقف عن القراءه و حمل الفيلم و اتفرج عليه..اما اذا كنت مش هتفرج على الفيلم او واخدك الشوق انك تعرف فكمل و خلاص...

    نهايه الفيلم لا هى بالسعيده و لا بالحزينه و لا حتى المفاجئه بل هو حرفيا "بلا نهايه " : ينتهى الفيلم بسفر الراوى "المدرس" الى الحرب و عدم علمه الى ماذا انتهت القصه او اذا كانت شكوكه صحيحه فى الاصل ام لا...

    امضاء
    د/دودى
    مدونه رفايع ...مجرد رفايع

    الاثنين، 20 ديسمبر، 2010

    القاروره



    "زى الطير ما اتعود عشه..انا انا انا اتعودت عليك" تنطبق المقوله السابقه على مدونتى الصغيره اللى مبقتش اقدر افوت يوم من غير ما اكتب فيها اى حاجه و ان كانت ترهات لكنى لاحظت انى فى شهرنا الحالى كتبت عن حاجات كتير منها سياسه و انتخابات و ديكتوريه و افلام و كل حاجه لكن عدد ريفيو الكتب = صفر !!!...تعجبت من الرقم العجيب ده خاصه انى والحمد لله لسه شغاله فى قرائاتى و بخلص اجدع كتاب فى 3 ايام على الاكثر غير مقالاتى عن الكتب اللى already قريتها و تمثل اعداد ليست بالقليله ...لكن يمكن الصفر ده جاى من ان الافكار التانيه بتبقى حماسيه اكتر و مش محتاجه مجهود لكنى وعدت نفسى انى اكتب سلسله مقالات مره تانيه عن موضوعى المفضل فى الحياه....الكتب

    "فى صباح بارد فى اواخر 1991م كانت السماء بيضاء صافيه و خاليه من ضجيج طائرات اف15 المقاتله ..لحظه ان استقظت المدينه بعينين متعبتين , و ترك الحمام البلدى مخلفاته اللزجه على اجهزه صفارات الانذار فوق المبانى الحكوميه بينما هدرت محركات حافلات خط البلده عبر طريق العليا بسائقيها البدو ذوى الشوارب الكثه, و الشمغ الحمراء فوق اكتافهم , و الطواقى المتسخه المائله اما افران الخبازين الافغان فقد ضجت عند تقاطر العمال الباكستانين و الهنود بدراجاتهم الهوائيه المزينه بورود صناعيه و هم ينسلون من الطرقات الضيقه , و شوارع الحارات الجديده بينما هبطت من غرفهن العلويه فى السطوح الخادمات الاندونسيات و الفلبينات ليمسحن الواح رخام الروزا البارده"
    
    كانت الكلمات السابقه هى الكلمات المطبوعه على الغلاف الخارجى على روايه "القاروره" ل كاتبها السعودى / يوسف المحيميد الصادره عن الهيئه العامه لقصور الثقافه فى نسخه لطيفه نظيفه بغلافها الابيض و صوره الفتاه العربيه بقارورتها تزين المقدمه فى عدد صفحات 280 صفحه و ثمنها البالغ 3 جنيهات فقط لا غير ..الروايه صادره تبع سلسله" افاق عربيه" اللى اشتريت منها قبل كده المقهى الاسبانى  اللى هتلاقى تحليلها هنا فى رفايع .... نفس الكلمات السابقه تمثل الصفحه الاولى من الكتاب و بدأت بيها الروايه التى اصفها بالرائعه...تجرى احداثها فى الرياض - السعوديه اوخر 1991 و اوائل 1992 حيث تتزامن احداث الروايه مع احداث غزو العراق للكويت بحدوث غرو موازى لقلب "منيره الساهى" على يد "على الدحال" او كما يسمى فى واقعه الحقيقى "حسن العاصى" ....

    منيره الساهى بطله و راويه القصه فتاه من عائله سعوديه ميسوره الحال موقعها فى اسرتها غير مميز حيث العائله تتكون من 3 اولاد و 3 فتيات فلا هى بالولد السند لابويه الفارض لرأيه ولا هى البنت الكبرى ولا الصغرى ....تعمل فى دار للفتيات و تكتب فى الصحافه تحت عمود "ورود فى أنيه" و كانت فى طريقها لتحضير الماجستير - قبل ان يحدث فى الامور امور-  تتمثل مأساتها فى جملها الخاصه :

    " فى البيت كنت الوسطى المهمله لست الكبرى اللى تتحول مع الزمن لام بديله و تكتسب اهميه مضاعفه ..ولست الصغرى او اخر العنقود التى يتحبب لها الجميع و يستلطفها اهلى فى البيت او اقاربى خارجه..ربما هذا ما جعلنى انصرف الى عالم الكتب و القراءه و البحث...كنت لا اجد الامن الوجدانى و اتعرض للاهمال و النسيان من الجميع فى البيت او لحالات اقتحام جسدى ممن هم خارج البيت ..او لحالات اقتحام جسدى ممن خارج البيت.."
    و فى موضع اخر :
    " كنت انثى مجرد انثى مهضومه الجناح كما يرانى الناس فى بلادى ..انثى لا حول لها ولا قوه , كنت اتلقى فقط كالارض تتلقى المطر و ضوء الشمس و الفأس! فعلا كنت مستلقيه لا املك ان انتصب مثل ذكر! كنت اتلقى كل شئ بخنوع حتى الحب! لم ابحث عمن احب , ولا يحق لى ذلك اصلا , بل فرحت بمن يحبى , و بصراحه شديده لم يكن يهمنى ان احب قدر ما يسعدنى ان اكون محبوبه  و معشوقه ! اليس ذلك دلاله على ان التقى و استقبل و انا مجرد امراه مستقليه...لقد كنت دائما متلقيه و لست مستقله! كنت تابعه لابى  ثم تابعه لزوجى فى شبابى , ثم اتحول تابعه لولدى المراهق .. الذى سيأمرونى و ينهانى و سيكون ولى امرى و الوصى على!
    هكذا علمتنى امى فى الطفوله ان احترس من الغرباء , ان انكفئ الى داخلى , ان اخزن عواطفى و طاقتى فى داخلى . لان اخواتى الثلاثه هم من يحق لطاقتهم ان تنفلت و  تظهر الى الخارج! حتى اعضائهم منفله الى الخارج , و ليس كمثلى مقموعه الى الداخل !"
    و فى موضع اخر :
    " قالت لى امى : ان الرجل يحب ان تكون امراته متعطره و متجمله وخطوتها بطيئه لا تخلو من الغنج و الدلع! قالوا لى عليك ان تهتمى بشكلك كى تلفتى انتباه الذكور ! اللعنه ليذهب هؤلاء جميعا الى الجحيم.
    ان افكر و ابحث و اتساءل فهذا يعنى انى بدأت انحبس الى الخارج وليس كما ارادت امى و كما سعى ابى, بان اغرق طفولتى بالكتب لكى لا اتعرف الى الخارج, دون ان يرانى احد , حتى غامرت بكتابه زوايتى "ورد فى انيه" فكان ظهورى الى الخارج و بزوغ اسمى لعنه على اهلى و رجال قبيلتى ..و هانذا احلم بان انجز بحثى و دراستى كى اتحرر من قيد الداخل!

    اعرف انك تقولين لى دائما : المرأه ناقصه عقل و دين! لهذا سأحاول انا ان استقيم , وان اسعى الى الكمال , سأدفع النقص و ارتقه بالكمال ! ربما تقولين ان كلامى هذا هو الاعوجاج بعينه , و لابد ان تكون استقامتك بحفظ مشاعرك و انفاعلاتك فى الداخل , و انك كلما منت منكفئه الى الداخل كلما كنت اكثر استقرارا و اكثر طلبا من الرجل! لكنى الا اريد هذا الرجل الذى تمسحت اختى نوره بقدميه, حتى ترزجته و سهرت على راحته! و لا هذا الرجل الذى تقص لاجله اختى منى شعرها و تصبعه بالاشقر! يا الهى! كم هى بلهاء و قد تحولت الى دميه شقراء مشوهه! و كأن هذا الرجل الذى تبحث عنه, هو بدوره يبحث عن مومس شقراء! ....لا لن اكون كذلك..."

    بصراحه اكتر حاجه عجبتنى فى الروايه هو تعبير المؤلف - فى اكثر من موقع - عن احساسيس المرأه بحبها الطاغى و كرهها الطاغى و احتياجها الى من يحتويها و ضيقها ممن يحتوييها بل و احساس انزلاق من تلبس قميص نوم عندما تنام على سرير مفروش بملايه ستان!!!!!.....كيف عرف تلك الاحاسيس و ظلها فى نفس النساء لا اعلم حقيقيا؟؟!!!

    احداث الروايه حول خطين دراميين فاما الاول : فهو خط منيره الساهى و خطيبها و قصه الخداع التى يكشف سرها مؤلف الروايه من الوهله الاولى فتتحول الاثاره لطريقها الثانى بعد الغاء طريقتها الاولى فشرح ذلك كالتالى :
    الاثاره فى الخطوط  الدراميه على طريقتين فاما الاولى فهو اخفاء سر المفأجاه حتى النهايه لزياده الاثاره و شد الانتباه كفكره من القاتل؟ ...فاما الطريقه الثانيه فبشكل كشف الاحداث من الوهله الاولى و هنا يكمن سر الاثاره فى اكتشاف القارئ كيف حدث ذلك؟؟؟ و فى الحاله دى انت كقارئ بتكون عارف اللى حصل لانك تتشوق لمعرفه كيف وصلت الامور الى هنا؟؟ ...و بالتالى فحسب القاعده السابقه فيكون فى تلك الروايه اعتمد الكاتب على الطريقه الثانيه و هى اقل حده و لكن استخدمها يتميز بانه اندر و بالتالى فاستخدامه جديد و مش محروق زى الطريقه التقليديه للاثاره...فاما الخط الثانى : فهى ما جد من خطوط دراميه كنوع من القصص القصيره لمن حول "منيره الساهى " بطله و راويه القصه كأن تحكى قصه اخوها او اختها او من تراه فتخرج من جو القصه الاصليه ثم تعود الى القصه الاساسيه بعد ان تستمع بالخط الجديد...

    * المجتمع السعودى كما نعلمه من خارجه مجتمع متلزم مغلق قانع بحاله متحفظ و يميل الى المثاليه بل انه المجتمع اللى بيحلم اصحابنا اياهم ان مصر تكون زيه ....لكن و لكن دى كبيره قوى على جمله every thing is NOT what it seems تنطبق على هذا المجتمع الهادئ ...هل السطح الهادئ لا يحمل فى قلبه اهوال و مصاعب و نفوس قلقه مضطربه ؟؟؟ قد تكون الاجابه نعم طبقا لما اراه فى هذا النص و عموما دعنى اعبر بكلمات الكاتب  من احداث الروايه لا كلماتى :
    " كل شئ فى هذه المدينه يحمل نقيضين , كأنما هى ذوات انفقلت الى شظايا , داخل كل شئ شخصان او اكثر , شخص الظاهر و شخوص الباطن, شخص محترم و مهذب و مخلص و منفتح فى الظاهر , و فى الباطن و العمق شخوص عديدون للصوص و خونه و منغلقين و متزمتين . كان الناس يستبدلون الشخوص فى دواخلهم كالملابس تماما تبعا للحاله و الطقس و المكان و الظرف المصاحب." ص 158
    وفى موضع اخر :
    "كانت البيوت فى المدينه يحفها الهدوء و الطمأنينه , و تحلق فوق سطوحها طيور التقوى , و على سواريها تخفق رايات اليقين , بينما يخفر الخوف و الرعب اعماقها , و يسف العذاب هواءه فوق جدارنها الاسمنتيه , و ينام الشك خالدا فى عتمه دهاليزها , كانت صناديق الدسائس ترقد فى الاقبيه و المخازن , بينما تنصب على ابواب البيوت مصابيح الطهر و النقاء! " ص 173


    اعاب النقاد على الروايه لكثره تفاصيلها بينما احببتها لنفس السبب...و الناس فيما يعشقون مذاهب

    د/دودى
    مدونه رفايع...مجرد رفايع

    الأحد، 19 ديسمبر، 2010

    tangled 2010

    Tangled 2010





    بقالك قد ايه ماشفتش فيلم كارتون حلو لديزنى؟؟؟ اجابتى و اجابتك و اجابه الجميع من بينهم النقاد هيكون فيلم علاء الدين اللى كان فى التسعينات و قبله "الجميله و الوحش" يعنى احنا بنتكلم فى حدود 15 سنه....

    صحيح ديزنى نجحت فى صنع افلام ناجحه كتير لكن ظلت افلام الكارتون التقليديه بتاعه ديزنى غائبه عن النظر...صحيح ديزنى انتجت سلسله الكاريبى بتاعه جونى ديب و جابت ملايين الملايين..صحيح صنعت افلام 3D كسرت الدنيا و جابت ايرادات...صحيح مكانتش بتخسر...لكن افلام الكارتون التقليديه المحببه للجميع كانت غايبه عن الوجود ..اه الانسان يحب التكنولوجيه و التطور العملى الا انه بيحن لرسم الايد و الشغل اليدوى اللى بيفكره بانه بشر محدود الامكانيات واسع الخيال ...صحيح الانسان بيحب الواقعيه و النهايات الحقيقيه او افلام الاكشن ذات الحركات و الخبط الا انه بيحن لقصص الاميرات و النهايات السعيده وان كانت ساذجه...

    و اخيرا عادت ريما لنجاحتها القديمه و عادت ديزنى بقصه الاميره ذات الشعر الطويل الطويل مع انها قصه مكرره و اتعملت قبل كده كتير الا ان عوامل الرسم و الابهار و الشوق للتقليديه و اضافه نكهه الكوميديه و الموسيقى الرائعه اللى خلت للفيلم شكل تانى خالص كانت خلطه سريه للنجاح....

    اقدر اقول ان بعد الفيلم ده رجعت علاقتى بديزنى بعد قطيعه دامت 15 سنه...ديزنى wellcome back

    على موقع IMDB لاقيت الريفيو ده و عجبنى جدا و قررت انقله ليكوا :

    User Reviews

    Disney, where have you been all this time???
    28 November 2010 | by blackmambamark (United States) – See all my reviews
    Honestly, when is the last time you saw a decent Disney Animated feature? No no, PIXAR does not count. I'm talking about just a regular ol' straight laced Disney flick. If your like me, I'm sure your answer falls somewhere in the mid 90's. But isn't that a shame? What happened to the totally awesome Disney movies? If your excuse is because of technology, i assure you that your wrong. You can make a great animated movie without resorting to actual hand drawn art. But where is that old feeling we all use to share? Well i can tell you this much....i already knew that Disney had something special here, mainly because the VP of PIXAR jumped ship and decided to fund this project. The first time anyone from PIXAR has ever done so, let alone the freakin VP. So needless to say, Disney finally had enough, and pulled out all the stops for this one.

    I kid you not when i say this...."Tangled" is easily the best Disney Animated feature i have seen since "Aladdin".....yes, it is that good. They finally let go of trying to find something new and different and settled with what was working for them almost 20 years ago. It's a princess tale that easily falls into the same category with the classics. So wait, does that mean i'm comparing it to the likes of "Snow White" "Cinderella" and "Sleeping Beauty"? You damn right i am! Sure the storyline is cliché' and relative to other Disney classics, but it felt so good to see and feel something that helped recall your childhood. But other than those minor speed bumps, the movie is spot on. The animation is spectacular, and you would be a fool not to see it in 3D. The musical sequences didn't seem forced and were never boring. And i can almost guarantee you that it will snag the best song award at the Oscars. I'm just glad that they didn't work the story around the music, which is what a lot of animated features tend to slip up on. But this one did an amazing job of hybriding them together.

    Bottom Line, ladies and gentleman, this is the Disney picture you have been waiting for. It will definitely win your heart and please audiences both young and old.


    و شكرا للقراصنه الحديثه اللى تقدم لنا العالم على صينيه الفضه فنرى الصعب بين ايدنا ..شكرا لاماى ايجى اللى ترجمت الفيلم بطريقه احترافيه بالاغانى و صوره جميله و روابط سهله :

    السبت، 18 ديسمبر، 2010

    tag.. ليه انا مدون؟؟



    كنت فى مدونه "البتاعه" كعادتى فى متابعتها الدائمه ليها و لاقيت اسمى فى لائحه الواجب العكسرى اقصد الواجب التدوينى بانى اجاوب على اسئله "ليه انا مدون؟؟" اجابات مدونه البتاعه هتلاقيها هــــــــنــــــا ....احب اقول الاول ان كان فى نيتى انى اكتب فكره التدوينه دى من فتره و كنت already محضره شويه كلام اقوله لكن كنت مستنيه اعملها بمناسبه مرور 6 شهور على المدونه او فى السنويه الاولى مثلا  و كنت ناويه اسميها "تدوين تدوين ...بس نعيش " لكن خلاص السهم نفذ و استدعاء الوطن لا رجعه او تخاذل فى اطاعته....و على رأى محمد عبد الوهاب " دقت ساعة العمل الثوري لكفاح الأحرار. تعلن زحف الوطن العربي بطريقه الجبار." SO انا هبدء اجاوب اسئله من سيربح المليون تدوينه  فلتطفأ الانوار و ترتفع الموسيقى :

    1- تعريف مختصر بالمدون :
    اسمى فى الواقع الافتراضى : د/دودى و اسمى فى الواقع المفروض عليا : دينا نبيل ...جت حكايه د/دودى من انى ادرس فى كليه الطب جامعه عين شمس و انا حاليا فى سنه رابعه فقررت يوم ما دخلت الكليه انى مش هاعيش دور الدكاتره و اعمل فيها  شخصيه فقررت ان يكون اسمى الافتراضى متناقض حيث دال الطب تدل على الوقار و دودى تدل على شخصيتى اللى يقال انها مرحه و منطلقه و بالتالى قررت ان اكون اه طالبه طب لكن لا شخصيه مغلقه مقفوله تقرا كتب الدراسه تحفظ و تصم من غير ما تبص للحياه...

    اما اسمى : دينا نبيل فانا اسمى دينا و انا الوسطى بين 3 اخوات بنات و والدى هو المهندس نبيل مهندس ميكانيكا و والدتى مديره مكتب فى حى من احياء الحكم المحلى..اعيش فى ارض شبرا الخيمه اللى اعشقها و اتنفسها فخارجها كالسمكه بره المياه....اعشق اللون الاصفر و صوت الست بالعربيه و سيناترا بالانجليزيه و اديت بايف بالفرنسيه و بفاروتى بالايطاليه و خوليو اجليزيوس بالاسبانيه...

    بحب القراءه جدااااااااا و بيعتبرونى ك دوده قرايه حيث اقرا اى حاجه بتمر تحت ايدى لكنى طبعا بفضل الروايات - خاصه الطويل منها- و كتب التاريخ  و الفلسفه و اى حاجه المهم متكونش غاليه قوى لانى بشترى حيث نفذت المكتبه من الكتب حيث قرأت اكتر من نصف كتبها و اسبعدت فكره قراءه النصف الاخر...

    2- مكانته العلمية والدراسية  التى وصل اليها والتى من خلالها يستطيع أن
     يقدم  خدماته للمجتمع

    مكانه علميه كلمه كبيره شويه لكنى عموما طالبه طب و واجبى انى اخلص دراستى وابدأ حياه عمليه طبيه قررت انها تكون فى الاول و الاخر خدمه للمجتمع و للبلد اللى كلفتنى دم قلبها عشان ابقى دكتوره فاعامل المريض بالرحمه قبل العلم و بالادب قبل الطب و بالشفقه قبل المال...و اتمنى انى امشى على الخط ده اللى رسمته لنفسى ان شاء الله فيمنحنى التخرج و يمهلنى العمر...

    3- متى كانت البداية فى التدوين (بالتاريخ )؟
    19 اغسطس 2010


    4- كيف كانت البداية فى التدوين ؟
     "بالمناسبه كان فى رمضان" كانت اول التدوينات الـــبــدايـــه...الفكره نفسها كانت بتروادنى كتيييييير قوى و ترددت حوالى سنه لشعورى بان ما اكتبه لا له قيمه و لا يجذب من يقرأه بالاضافه لتخيلى بان موضوع انشاء مدونه صعب و يمكن يعوز فلوس زى انشاء المواقع و محتاج استضافه و موال...و اذا بى اشجع نفسى مره و ادور على الطريقه فجائت المفاجأه بسهوله الموضوع و ان كل المطلوب انى املا استماره فاذا بى افاجأ بان بمجرد ملأ الاستماره احصل على مدونتى الخاصه مجانا بلا صعوبات ...و انا بملى الاستماره طلب منى اسم المدونه فلقيت نفسى محتاسه تماما لانى مكنتش محضره اسم معين فلجأت لبابا و سألته سؤال بما انه غاوى كتابه و له مؤلفات و جرى الحوار التالى :

    أنا : بابا ...لو عندك عمود يومى فى جريده تكتب فيه اللى انت عايزه كل يوم تسميه ايه؟؟؟
     
    بابا : يااااه دا انا محضر اجابه السؤال ده بقالى 30 سنه اصل ده كان حلم قديم...كنت هاسمى العمود "شئون صغيره"
     
    و بالفعل سميتها "شئون صغيره" و دام هذا الاسم لمده اسبوع كنت كتبت كذا تدوينه و طبعا كان شكل المدونه شكل تانى خالص بعيدا عن اللون الوردى و علامه مكافحه سرطان الثدى و الكيبورد البمبى فقد كان شكل المدونه مزود بالكتب و لونه بنى و اسوء شكلا كثيرا من الان...و بعد فتره اكتشفت ان already فى مدونه اسمها "شئون صغيره" فبحثت عن اسم اصغر و عامى و يدى نفس المعنى الى ان توصلت لاسم "رفايع"....
    such   a small  affairs .blog

    - ليه أنت مدونة ؟؟؟؟؟ وما هى طموحاتك فى هذا المجال 
    وماذا تسعى له بموقعك
    وإلى أى مدى تريد أن تصل فى التدوين ؟؟

    اه دخلنا فى الاسئله الصعبه ...انا بدوّن عشان اطلع كل اللى جوايا بصوره واضحه يمكن حاجه منها تطلع حلوه و لو حاجه بايخه تبقى خرجت منى و اقدر اميزها بدل ما اقول دا انا لو كنت كتبها كانت هتبقى و هتبقى لا انا اطلعها و اخلص من غير ما اخاف نقد ناقد او اتمنى تشجيع معجب ..و كنوع من التأريخ للاحداث او كما اسميها "مذكراتى الاونلاين" و هى بصراحه بقت جزء من يومى و جزء من شخصيتى  طبعا مش طالبه انها تبقى مسلسل ولا كتاب كفايه انها تستمر لسنين دون فتور منى ولا فتور و نفور قرائى ...نفسى احقق المعادله الصعبه بان عدد قرأيي يزيد من غير ما يبقوا ضغط عليا انى اكتب اللى بيعجبهم و اتجنب ما يكرهوه مش عارفه تتعمل ازاى دى بس يا رب..

    و جائت اللحظه الحاسمه التى يجب فيها انى اسلم الرايه لمدون اخر يعرفنا نفسه و تذهب التاج الى :






    الثلاثاء، 14 ديسمبر، 2010

    شباكين ع النيل

    احيانا يهف عليا الابنودى و زميل الكفاح الغنائى المسلح بليغ حمدى ...قد الجأ الى اى مطرب يغنى لتلك التركيبه و هم ليسوا بالقليلين لكن -فقط- عندما اكون على استعداد او الاحتياج للمتعه الجأ اليه وحده فى تلك الاغنيه الخاصه جدا .....انها محمد قنديل فى "شباكين ع النيل"...فقط عندما لا يخجل الشاعر من وصف مصر فى عيون احدهن يكمن سحر الفن....

    شباكين ع النيل
    محمد قنديل
    كلمات : عبد الرحمن الأبنودي
    ألحان : بليغ حمدي

    شباكين ع النيل عينيكي
    شباكين ع النيل
    شباكين طليت بعيني
    شفت سحر الليل
    شفت ف عينيكي المداين
    والبيوت أم الجناين
    والغيطان أم السواقي
    والولاد أمات طواقي
    والشطوط أم النخيل
    شباكين ع النيل عينيكي
    يا حبيبتي يا حبيبتي
    شفت في العين الشمال
    المناجل والغلال
    شفت في العين اليمين
    المكن والشغالين
    والمدارس والعيال
    والسفاين والكنال
    شفت مكنات الطحين
    والحصاد والفلاحين
    والمصاطب والقمر
    ع المنادر والشجر
    شباكين بيطلوا على الليلة الجديدة
    اللى نجماتها ما صبحتش بعيدة
    شباكين ع النيل عينيكي
    يا حبيبتي يا حبيبتي
    شفت في العين الشمال
    ألف عم و ألف خال
    شفت في العين اليمين
    الشاكوش و المسطرين
    و المراكب و الحبال
    و العساكر و النضال
    و التعب و العرقانين
    و العرق و المرتاحين
    يا حبيبتي يا حبيبتي
    و الحقيقة في الخيال
    و المغازلة و الدلال
    و النوارج و البقر
    و المحاجر و البقر
    شفت سحر الليل
    شفت ف عينيكي المداين
    والبيوت أم الجناين
    والغيطان أم السواقي
    والولاد أمات طواقي
    والشطوط أم النخيل
    شباكين ع النيل عينيكي

    من هنــــــــــــــــــا

    الفن الاسلامى "2"

    استكمالا للفن الاسلامى و جمال المنمنمات  ... اقدم الجزء التانى من الصور  اللى للاسف متوفره بصوره مبدئيه بالابيض و الاسود الا انها موجوده فى كتب د/ ثروت عكاشه صعب المنال من حيث اقتناء كتبه اللهم ما الا المختصين و لكن اوعدكم بالبحث اعمق و لما تتوفر الخامات الاجود ان اضعها بين يديكم فى تدوينات لاحقه ان شاء الله:






    دعونى اسجل اعجابى باللوحه اللى فوق دى بذات ...بجد عجبانى





    دعونى اسجل استغرابى من صوره مقامات الحريرى السابقه ...شبه الفن القبطى جدا؟؟؟


    د/دودى
    مدونه رفايع..مجرد رفايع

    الأحد، 12 ديسمبر، 2010

    الفن الاسلامى...."1"

    كلنا وقعنا فى غرام اللوحات العالميه لبراعتها و جمالها احيانا كثيره و لفكره عقده الخواجه احيانا اخرى ....او يمكن لاننا - او على الاقل معظمنا- مادورش على اللوحات القديمه و فكره المنمنات بل و شكل العملات  فى البلاد الاسلاميه و شوفنا مذاقها و نكهتها المميزه ...و لقد اقدم لكم على تدوينات مسلسله لوحات الفن الاسلام وهى مجتزئه من فكره صحيفه الكتاب اللى كانت بتقدم شعر ابوتمام و صاحبتها اللوحات لتضعك فى مناخ عربى اسلامى متكامل عشان المود يكمل....

    لاحظ : ان معظم اللوحات دى مسروقه كالعاده فى  متاحف اوروبا العامره....