الأربعاء، 1 ديسمبر 2010

the lives of others ...متعه السينما

 

  • The Lives of Others (2006)


    •  

    "حياه الاخريين" فيلم مبدع و رائع انتاج 2006 و هو فيلم المانى فاز بجائزه اوسكار افضل فيلم اجنبى الناطق بغير اللغه الانجليزيه و هى احد اصعب جوائز الاوسكار نظرا لاختصار كل افلام الدنيا فى فيلم واحد عاده ما يكون رائع بينما تتمتع الافلام الامريكيه ببراح عدد كبير من جوائز الاوسكار فى جميع فروعه ....اعذرونى اذا كان الفيلم قديم نسبيا لكنى لسه مكتشفه حالا و لسه الفيلم خلصان من 5 دقائق بالظبط فاعذرونى على حماسى فالفيلم له طازه فى دماغى و تفاصيله مازالت فريش فى ذاكرتى...

    نرجع للقاعده الذهبيه الدائمه فى فن السينما  القصه و السيناريو هما حجر الاساس فى كل حاجه .....قصه جيده و سيناريو محبوك يوفر على المنتج ملايين و ملايين من الدولارات فبدل من صرف الملايين على تكسير العربيات و المبانى و تفجير المدن عشان الفيلم يبقى فيلم كبير و ناجح و يجيب ايرادات او حل اخر هو عشرات بل و مئات التقنين اللى قاعدين قدام الكمبيوتر عشان تصمم 3D و تكلف برضه ملايين الملايين عشان فى الاخر يبقى الفيلم مهم و ياخد  الاوسكار -ده لو خدها- او طريقه تالته بس برضه مكلفه هو انك تشخشخ جيبك و تدفع تمن اجر جمع من النجوم  عشان بوستر فيلمك ينور كده و فى الاخر يطلع امثال "ليله البيبى دول"  بينما فيلمنا النهارده و افلام اخرى قليله فى التاريخ السينمائى من عظائم الافلام قدرت تبنى كل ده بقصه حلوه انسانيه و مخرج ذو فكر و ممثل متمكن من ادواته - وان لم يكن شهيرا- يقدر فيلم زى فيلمى النهارده انه يحقق الاوسكار + احترام الجميع"نقاد و مشاهدين" + الايرادات الكبيره + الجوائز الاخرى....

    فاذا علمت ان الفيلم اتكلف 2 مليون دولار و ايراداته كانت 77 مليون دولار حول العالم !!! لعلك تحترم قدر ما تستطيع ان تحققه قصه جيده.... الفيلم ده يثبت ان السينما الاروبيه ليست بالبعيده فاهو فيلم المانى يسهرنى الليل اتفرج عليه و اكمل باقى الليل اكتب عنه بينما انا بتفرج على افلام الامريكيه على الاقل بمعدل فيلمين فى اليوم على الاقل فلم يستفزنى اى منها للكتابه عنه و لو سطرين...

    نرجع لقصه فيلمنا النهارده "حياه الاخريين" ذلك الفيلم الالمانى الرائع اللى بتدور احداثه فى اوائل الثمانينات بينما المانيا منفصله الى شق شرقى شيوعى مغلق حيث لا وجود للحريات و شق غربى يمثل الراسماليه بجمالها و الرخاء و الحريات يفصل بين العالمين حاجز يقسم بين الجنه و النار...تدور احداثنا فى الشق الشرقى حيث يتصنت الجميع على انفاسك حيث يمثل اشخاص لا تعرفهم جزء من حياتك دون ان تدرى !!!! ....الفيلم رائع فى خيوطه الدراميه المحكمه حيث لا وجود للنهايات المفتوحه بل اغلاق نهائى لكل قلقك و ابطال على الرغم من عدم شهرتهم الا انهم ممثلين اكثر من جيدين .....و الجوائز تتكلم :


    Awards and nominations
    
    من الاخر ده فيلم مينفعش ما تتفرجش عليه و التحميل اهه عشان ما يبقاش ليك حجه :


    او

    MediaFirehttp://save-link.info/221094
    http://save-link.info/221095
    http://save-link.info/221096
     

    د/دودى
    مدونه رفايع....مجرد رفايع
    بكيبورد د/دودى بالظبط فى 9:56:00 م
    تقدر تقول

    0 التعليقات:

    إرسال تعليق

    حلو؟؟ وحش؟؟ طب ساكت ليه ما تقول....