الأربعاء، 1 ديسمبر، 2010

منين يا عين؟؟؟



  



 

موضوع النهارده غريب شويه...عجيب شويتين ...محتاج دماغكم و مشاروتكم 3 شوايات....موضوع النهارده مجرد تساؤل عابر ليس مبنى على قراءه او معلومه مسبقه لكن مبنيه على استغراب دام سنين و بقى من الصعب كبته ....يمكن يكون غلط بس حد يريحنى لانى دورت كتير  و تعبت من اللف.....قريت فى عينيك كلمه "خلصى" so انا هاخلص:

أمون رع - منكورع - رع محب - امنحتوب - خوفو - خفرع - تحتمس التالت- حورس - الفراعنه

لاحظوا فى الاسماء السابقه : حرفى العين و الحاء "خدوها و حطوها على جنب دلوقتى"

* تعالوا بقى نجيب موضوع الهيلوغرافيه من الاول : عمنا جون فرانسوا شامبليون  ترجم الهيلوغرافيه من حجر رشيد الى الفرنسيه عبر اليونانيه و هى اللغه الوسيله اللى لجأ ليها عشان ينقل اللغه المصريه المجهوله الى عالم اللغات المعاصره و دى قصه معروفه حتى خدنها فى المدرسه لو تفتكر و هتلاقيه بتفاصيله هنا


فاذا علمنا بعدم وجود تلك الحروف و هى ال الحاء و العين لا فى اليونانيه و لا فى الفرنسيه "وهى اللغه المعاصره الاولى اللى اترجمت فيها الحروف"  و طبعا ما اترجمتش الى اللغه العربيه على طول و لعلها خدت لفه على لغات الدنيا قبل ان يهتم احد بينا و يحولها للعربيه فمن اين جاءت تلك الحروف ؟؟؟؟؟؟؟

كل خوفى اننا نكون دخلنا الحروف دى بطريقه "40 كيلو غرام" حيث الاصرار على استبدال اى حرف باخوه العربى و ان كان غصبا و قهرا.....


من اين انتى يا عين ؟؟؟؟؟.......

د/دودى
مدونه رفايع ....مجرد رفايع








8 التعليقات:

آخر أيام الخريف يقول...

آه تصدقى ؟؟؟ سوأل جامد فعلاً ...

د/دودى يقول...

بحاول ادور عالموضوع و لسه مالقتش حل بس اوعدكم لو لقيته هنشره فورا...

سكندري يقول...

سؤال منطقي جداً ...
بس أنتي ممكن تسألي د.زاهي عواس (:(:(:(:
أو تحضري روح ملك فروعني وتعرفي منه شخصياً (:(:(:(:

د/دودى يقول...

لسه بدور و مصره على الوصول ...ولو حد منكم لقها يلحقنى بيها ...المعلومه دى هتجننى

سكندري يقول...

مش هوعدك أني أدور ...
بس أسألي في جروبات الفيس بوك او في اي موقع متخصص ،أكيد هتلاقي جواب
في ناس كتير متخصصة في الحضارة الفروعنية و اليونانية و ممكن تلاقي عندهم الجواب

د/دودى يقول...

مصره على البحث حتى الموت ولو انى قلت ان فى حاجه غايبه عن دماغى قد تكون واضحه لغيرى فقلت اعرض الفكره

سمو الامير يقول...

أنا اذبهليت أو ما قرأت الموضوع

عندي احساس انها كانت حروف ملهاش معنى في العربي فحولوها زي موضوع الغرام والمعكرونة والحاجات الغريبة دي :)

د/دودى يقول...

الحمد لله قدرنا تخلى استاذنا فى التوين "يذبهل" دى شهاده احطها وسام على صدرى ...

يا خوفى لتكون من عينه المعكرونه بجد...

إرسال تعليق

حلو؟؟ وحش؟؟ طب ساكت ليه ما تقول....