الاثنين، 30 مايو 2011

One At A Time


One At A Time

A friend of ours was walking down a deserted Mexican beach at sunset. As he walked along, he began to see another man in the distance. As he grew nearer, he noticed that the local native kept leaning down, picking something up and throwing it out into the water. Time and again he kept hurling things out into the ocean.
As our friend approached even closer, he noticed that the man was picking up starfish that had been washed up on the beach and, one at a time, he was throwing them back into the water.
Our friend was puzzled. He approached the man and said, "Good evening, friend. I was wondering what you are doing."
"I'm throwing these starfish back into the ocean. You see, it's low tide right now and all of these starfish have been washed up onto the shore. If I don't throw them back into the sea, they'll die up here from lack of oxygen."
"I understand," my friend replied, "but there must be thousands of starfish on this beach. You can't possibly get to all of them. There are simply too many. And don't you realize this is probably happening on hundreds of beaches all up and down this coast. Can't you see that
you can't possibly make a difference?"
The local native smiled, bent down and picked up yet another starfish, and as he threw it back into the sea, he replied, "Made a difference to that one!"


Jack Canfield and Mark V. Hansen

من كتاب : Chicken Soup for the Soul
 by Jack Canfield and Mark Hansen


الجمعة، 27 مايو 2011

انت حر و البرديه !!!




عاد إيبو أور إلى بيته صامتا هادئ النفس، وفى اليوم التالى ذهب إلى القصر طالبا مقابلة فرعون فقابله رئيس البلاط وسأله عن سبب المقابلة فرد عليه إيبو أور: «أريد أن أحدث مليكنا فى أحوال البلاد»، فقال رئيس البلاط: «تعلم يا أمين الخزانة أن فرعون طعن فى السن وواجبنا نحوه يقتضى ألا نطلعه على ما يعكر صفوه».
فرد إيبو أور: «لكن الآلهة أوفدتنى لإطلاع فرعون على أحوال البلاد»، فقال رئيس البلاط: «وماذا فى أحوال البلاد؟ إن بيبى الثانى هو أعظم الفراعين فى تاريخ مصر وأحوال البلاد فى عصره أروع ما تكون الأحوال».
عاد إيبو أور أدراجه حزينا فدخل بيته ومرض ولم يعد يقوى بعد ذلك على القيام من الفراش. ثم أحس بدنو أجله فكتب هذه البردية لفرعون والتى يعود تاريخها إلى عام ٢٢٦٠ قبل الميلاد:




كل الأشياء الجميلة زالت واندثرت
لم يبق لنا إلا القبح فى كل مكان.
الأشياء الطيبة اختفت
لم يبق حتى قلامة ظفر.
البلاد تدور كدولاب الفخار
ولا يخرج منها إلا الأشكال الممسوخة
والأحوال المقلوبة.
الأكابر فى أسى
الفقراء يتضورون جوعا.
النهر صار دما
والناس منه يشربون.
المعابد أهملت.
الأبنية صارت حطاما.
تلال الأحجار فى كل مكان.
تأمل يا مليكى:
الذهب واللازورد والفضة
والملاخيت والبرونز والعقيق
كلها تزين جيد اللصوص
والشرفاء يصرخون:
أما من شىء نأكله؟!
انظر يا فرعون العظيم:
من كانوا يملكون
الثياب الفاخرة
غدوا يرتدون الأسمال
ومن لم ينسج لنفسه أبدا
صار يملك أقمشة كتانية فاخرة
فيا للأسى لما حل بالبلاد!
أيا فرعون المجيد
يا سليل أعظم ملوك الزمان
يا ابن الآلهة وحبيبها
فى يدك الصولجان
وعلى رأسك أعظم التيجان
فاضرب بقوة رأس الثعبان
اقض على الفساد ورد العدل للبلاد
حتى تنبت من جديد الأزهار.
ويعود البساط الأخضر
يكسو أرض وادى النيل
وتنمو من جديد الأشجار.



منقول : من دكتور مؤمن محمد  http://www.egybox.org/

افهمها بقى على مزاجك انت و نيتك : 
1 : تحب تفهم انها عن الجيش و ما نحن فيه انت حر
2 : تحب تفهما باثر رجعى عن حسنى مبارك و ما كنا فيه انت حر
3 : خايف او قلقان من بكره و تحب تطبقها انت برضه حر ....... 
4 : تحب تسمعها على انها برديه عاديه على طريقه خمسه تاريخ انت حر ...

ملحوظه التدوينه دى بتفكرنى بالتدوينه دى :
http://suchasmallaffairs.blogspot.com/2010/11/blog-post_30.html 

الاثنين، 23 مايو 2011

الخناق الوطنى...سلامات يا خناق!!





سكت دهرا و نطق كفرا ,  تمخط الجبل فأخرج فأرا.......يا فرحتك يا دينا بالحمار الوطنى او كما احب ان اسميه الخناق الوطنى .....


فاكرين من حوالى شهر كده كنت بكتب عن الحوار الوطنى اللى اتقفل بلا داعى سلامات يا حوار .. و يومها قعدت اغنى وارد على نفسى ازاى الحوار الوطنى يتلغى لمجرد عدم موافقه شباب الائتلافات على مشاركه شخصيات بعينهم و بالتالى و اظنه كنوع من ترييح الدماغ تم اغلاق الحوار بالضبه و المفتاح لحين اشعار اخر ....


و ياريت هذا الاشعار الاخر ده ما جه فعلا عسى ان يكروه شيئا و هو خيرا لكم .. ايه الفضيحه اللى حصلت النهارده دى ؟؟؟ زق و شتيمه و صراخ و  قله ادب و قيمه على مرأى و مسمع من الاعلام و كبار شخصيات البلد ....و انطلق الشباب "يسقط الحزب الوطني"، " مش هنمشي.. هموا يمشوا" .






ده منظر ؟؟؟؟......ايه الطريقه التيييت اللى بنتعامل فيها مع بعض دى ؟؟ و يفرق ايه ده عن خناقات مجلس الشعب اللى فات و رفع الجزم فى وش بعض ....اذا كان رب البيت بالدف ضارب فعايز الشعب يعمل ايه , لما يبقى كريمه المجتمع و عليه القوم بيشدوا شعر بعض فى قاعه المؤاتمرات عايز سواق الميكروباص يعمل معاك ايه لما يغلى الاجره من جنيه لجنيه و نص و انت مصر على ان جنيه و ربع كويس قوى ...


سبب ده كله ايه ؟؟...خناق كالعاده بين شباب الائتلافات -و انا مصره على التسميه دى- و بين اعضاء الحزب الوطنى المنحل ....فى الامر وجهتين نظر :
1/ مش من حق حد يقصى حد ...او على طريقه لو فلان من هنا مش هالعب ..الكل يبقى موجود و الديموقراطيه هتنضف نفسها بنفسها و العمله الجيده تقصى العمله الرديئه ....و انه مش هيبقى حوار لو كان من طرف واحد


2/ لا بقى ..احنا مش عاملين ثوره عشان نلاقى الناس دى فى وشنا تانى ...


اعترف انى اميل للرأى الاول و لكن سواء وافقت او لا الاكيد ان مش هى دى الطريقه اللى نتصرف بيها ....الاهم ان الحوار ده اتأجل لمده شهر و 3 ايام من اجل اختيار من يحضر و مين لا عشان نقلل الخلاف ثم افاجئ بالمنظر المرعب ده ...


النتيجه :
1/ انسحاب حركه 6 ابريل "يا فرحتى"
2/ أعلن الحزب القومي المصري انسحابه  بقياده  حسين شمردل " حزب ايه ده ؟؟؟اول مره اسمع عنه "
3/ فشل زريع للحوار الوطنى "و زغرتى يا ما انتش غرمانه" 
4/ ائتلاف شباب الثورة يعلق مشاركته في الحوار الوطني " يلا سينا زى سونيا" 

سؤال من سيربح المليون :
ما هو الاسم الجديد لجلسات الحوار الوطنى ؟؟
أ/ الحمار الوطنى
ب/ الخناق الوطنى 
ج/ الحزن الوطنى  





القائمة التي كان مطلوب انسحابهم من هذا المؤتمر  وتم وضع هؤلاء في قائمة لرفعها إلي اللجنة الاستشارية للمؤتمر لإبلاغهم بعدم حضور أي جلسة من الجلسات القادمة،  ضمت كلا من:


محسن النعماني وزير التنمية المحلية الحالي، 
" مش دى حكومه شرف اللى مفيش عالحجر غيرها ...ولا عشان شرف مش بيعمل اللى شباب الائتلافات عاوزاه اعلنوا عليه الحرب ؟؟؟؟" 



 مرتضي منصور : معاهم حق الى حدا ما من انهم متغاظين منه هو لسانه طويل ...بس ده مرشح نفسه فى الرئاسه "حتى لو بطريقه كارتونيه " فاظننا مجبرين على التحدث معه و بعد اذنكم فهو مصرى برضه للاسف..




 الدكتور أحمد درويش وزير التنمية الإدارية السابق : هو مشترك برضه؟؟ امممممم انا بكره الراجل ده عموما ...






 الدكتور أحمد كمال أبو المجد الأمين العام السابق للمجلس القومي
الحقوق الإنسان : علامه استفهام كبيره ؟؟؟......اظنه كان دائما راجل محترم ...




 الدكتور علي لطفي رئيس مجلس الوزراء الأسبق : مكنش على ايامى للاسف ....ممعرفش هو حلو ولا لا ...







حمدي خليفة نقيب المحامين الحالي : مدام حمدى خليفه لسه فى مركزه فاقصائه يعنى اقصاء صوت المحاميين نفسهم على الاقل على المعنى الرسمى



 الدكتور حمدي السيد نقيب الأطباء الحالي : طبعا نفس تعليق نقيب الاطباء باضافه شخصيه بحب شخصى انا ك دينا لحمدى السيد الرجل اللى استقبلنى فى اول يوم ليا فى الكليه ...و اللى دخلت كليه الطب من اعجابى بقوه شخصيته ...




الدكتورة ليلي عبد المجيد : معرفش عنها كتير غير انها من كليه الاعلام ...






مفيد فوزي : نعم ؟؟؟؟؟؟....بقى مفيد فوزى اللى اتربينا على شجاعته و جرأته بقى وحش دلوقتى ...ليه و لمصلحه مين؟؟






و سهير الأتربي : مكنتش بحب الست دى ..كانت غلسه 









احب انوه انى بطبعى ضد فكره القوائم السودا او الاقصاء ...او فكره مدام الراجل ده هنا يبقى انا مش هالعب ...و شكله كده سلامات يا حوار كلاكيت تانى مره 





الثلاثاء، 17 مايو 2011

الضبعه ..فاكرينها ؟؟




 
كان في  مشروع اسمه الضبعه 
و كمان كان فى رجل اعمال بشنبات
في معاد الشغل بامر سى اعمال
 الضبعه دخلت فى  متاهات ...هات 







كان يا مكان فى سالف العصر و الاوان كان من يجى عشرين سنه كده مشروع مصرى نووى اسمه الضبعه ..فضل يتأجل يتأجل و يتبى جزء و يرجعوا يشلوا و اللجنه س تروح و اللجنه ص تجى و نجيب اللجنه ع تفصل بين اللجنتين ...لغاااايه ما بقى فى الساحل الشمالى و احلوت الارض و متر الارض ابو شلن بقى بالالالف و احلوت الضبعه فى عين رجال الاعمال و كانوا عاوزين يشفوطها زى ما شفطوا كل حاجه فى البلد , و طبعا وقتها قامت جرائد الحكومه تصقف و ممتاز القط يمدح و اسامه سرايا يتكلم عن اهميه الاستثمار و ان خلاص الضبعه دى المفروض نرميها فى البحر ,, لغايه ما حسنى -الله يرحمه بقى- قال بلاش تبعوها و ابعتوا لجنه للمره الالف اظن ...و بعد ده كله قامت الثوره مشى حسنى و عياله و رجال الاعمال نفسهم اللى فى السجن و اللى  راح راح و فضلت الضبعه صحراء جرداء تنعى حظها التعس اللى وقعها فى بلد مش بتعمل حاجه غير الكلام و هدم  ما فعلته منذ يومين .....

ايه اللى فاكرنى بالموضوع ده  ؟؟...ببساطه الضبعه ما غبتش عن عينيا تقريبا خالص لانها حلم قديم كم تمنيت تحقيقه و بما انه ما اتحققش فى النظام القديم فحسبت امل فى ان الثوره تحلها و لكن هيهات !!! لازم كل امل عندى يضرب بالنووى و يتسوى بالارض زى هيروشيما اقولك اقرا الخبر ده و نرجع نتحدث فى الامر:

نظم المئات من أهالى الضبعة بمحافظة مرسى مطروح، وقفة احتجاجية بمقر مركز شباب مدينة الضبعة، لمطالبة الدكتور عصام شرف رئيس الوزراء، بعدم إقامة المشروع النووى ومشروع مطار العالمين على أراضيهم.

قال المحامى حسن عبد الله اللحامى، أحد المشاركين فى الوقفة، إنه ما يقرب من 4 آلاف من أهالى الضبعة محتشدون سلميا بمقر مركز الشباب، لرفض إقامة المشروع النووى ومطار العالمين.

وأضاف حسن أنه سيتم خلال الساعات القليلة القادمة عقد ندوة، يحضرها نقيب المحامين بمرسى مطروح ممدوح الدربلى، بالإضافة إلى عدد من قيادات المحافظة لبحث مطالب الأهالى. ورفع المتظاهرون اللافتات المنددة بالمشروع تحمل اسم "لا للطاقة النووية.. نعم للطاقة الشمسية".


بقى  بعد ما كنا بنقف ضد الظلم و رجال الاعمال اللى كانوا عايزين ينهبوها ,, نقف احنا نعطلها بايدنا ؟؟؟؟؟؟؟طب المحطه النووريه و ممكن الناس تكون خايفه منها اما يقفوا ضد قرار بناء مطار ليه؟......طب اقولك اقرا الخبر ده بقى و نرجع نحكى :

نقيب محامى مطروح: لجان شعبية لتحديد إقامة مفاعل الضبعة أو لا

السبت, 14 مايو 2011 18:57 كتب- أحمد أبواليزيد

قال ممدوح الدربالي نقيب المحامين بمطروح: إنه تم تشكيل لجان شعبية بشأن قيام مفاعل الضبعة من عدمه، والتحدث مع محافظ مطروح بهذا الشأن
وكانت مظاهرات احتجاجية قام بها أهالي الضبعة بالأمس بعد صلاة الجمعة،

تعارض قيام المشروع علي أرض الموقع المحدد بخليج الضبعة بينما قامت مظاهرات مؤيدة لقيامه من أهالي سيدي عبد الرحمن باعتباره مشروعا قوميا يهدف إلى مصلحة مصر كلها وبين الوقفتين تقرر تشكيل لجان استطلاع للرأي وعرض أهم ما يتوصلون إليه مع القيادة السياسية لمطروح وهو ماتم صباح اليوم كان أهالي الضبعة يحاولون الاستفادة من الأرض التي يقومون بزراعتها وخاصة في مواقعها المتميزة جدير بالذكر أن بعض فلول النظام السابق حاولوا استثمار الأرض، وتحويلها لمنتجعات سياحية وهذا ما رفضه الأهالي وثاروا ضده.


نعم؟؟؟؟؟؟؟؟؟؟؟؟ سلامات يا لجان !! ...بقى اهل مطروح هما اللى يحدووا الضبعه تتعمل او لا ؟؟ ليه ان شاء الله هو ده مش قرار سيادى برضه ولا مطروح انفصلت عن الجمهوريه و بقت جموريه مطروح البحريه المستقله .....يعنى اهل مطروح ثاروا زمان لاحسن تتباع و قرروا دلوقتى يزرعوها ؟؟ حتى حبكت ما الزراعه فى كل حته ..بقى المكان الوحيد المناسب لخلق مشروع اتمناه كل واحد فينا يتسرق زمان و يتسرق دلوقتى ...

طبعا مش هتكلم هنبينها مين فلوس ؟؟...كان عندنا 36 مليار احتياطى و حكومه شرف سحبت 8 فاضل 28 مليار و اخدوا قروض فوق ال 8 مليار استلفوا من البنك الدولى 12 مليار بفوائد ...طب نحافظ عليها لحد ما ربنا يكرمنا و نلاقى ليها فلوس ولا الضبعه كمان بقت تابعه للنظام القديم و بقت فلول يجب القضاء عليها ....

 
 


 


السبت، 14 مايو 2011

الفصل بين طلبه الجامعه ...ماذا بعد؟

أثار قرار عميد كلية الحقوق جامعة بنى سويف، حظر الاختلاط فى المدرجات، حفيظة عدد من طلبة وطالبات الكلية، واستهجن البعض من الطلاب بالكلية القرار، رافضين رضوخ المسئولين لآراء السلفيين أو تبنيها، وموضحين أن ثورة يناير ثورة أخلاقية تنويرية وليست ثورة لتبنى الجمود والآراء الفقهية المتشددة وهو ما يستغله البعض من السلفيين مما يؤدى إلى تشويه صورة ثورة الشباب.....







لا استطيع التعبير عن نفسى بوضوح فى تلك اللحظه , و لذلك ساجعل مشاعرى بالترتيب بحسب حدتها : ألم , ارتباك , خيانه , ازعاج , كدر , تعاسه , صعوبه و ثقل فى التنفس هذه الاخيره ليست حقا من المشاعر لكننى اعتقدت انه يجب ان تعلم بامرها على اى حال ....


خلونى اخرج من صدرى تلك الكلمه التى اصبحت ترافقنى تلك الايام : يا لهووووووى ........


بعد صدور قرار منع القبلات من الافلام فى التليفزيون المصرى كنت متشوقه جدااا للكتابه فى الموضوع ده بكل غضب من التخلف و العبط اللى بقينا فيه , كنت عايزه اكتب عن ازاى مسئولى التليفزيون بيستغلوا طيبه و خشى الشعب المصرى , كنت عايزه اصرخ و اقول مش من حق حد ان يربى الناس بالعافيه او يحدد لهم يشوفوا ايه , كنت عايزه اقول ان الاراده الحره و حريه الاختيار هو اللى بيحدد الانسان و شخصيته و بيحدد حنى اخرته بمعنى ان الانسان يختار ان يشوف المشاهد دى او لا هو الفضيله بينما تريح الدماغ و منعها عنه مش هو الحل خاصه ان التليفزيون فقد " ريادته" من زمان و الدش بقى فى كل حته مش من انحلال الناس لكن من سوء ادراته و استخفافه بعقل مشاهديه .......طب هتسألنى : امال ما كتبتيش ده وقتها ليه؟؟؟ اجاوبت بكل اسف انى احرجت و اتكسفت انى اكتب كده خاصه انى فى الاول و فى الاخر بنت و مش محبب انى اتكلم فى الحاجات دى , ده بالاضافه انى already  قريت مقاله مشابه جدا لما اردت ان اكتبه فى مدونه الاغلبيه الصامته فى تدوينه رائعه اسمها : حنفيه المنع 
http://theegyptiansilentmajority.blogspot.com/2011/05/blog-post.html

اهو السؤال بيطنطط فى عينيك ايه اللى جاب سيره الموضوع فى البلوه اللى احنا فيها دى ؟.. ببساطه لاننا على طريقه يا فرعون ايش فرعنك قال مقلتقش حد يلمنى ....عشان سكتنا و اتكسفنا نتكلم فى الحاله الاولى جت المصيبه  و الهم اللى احنا فيه ده , القرار ده يدل على ان مصر مبقاش فيها حاكم ولا ولى امر يعنى ايه عميد كليه يجرؤ ان ياخد قرار زى كده ؟؟... فين رئيس الجامعه ؟؟ فين وزير التعليم العالى ؟؟ فين رئيس الوزراء ؟؟ .....و خلونى ابرئ السلفيين و اعارض طريقه كتابه الخبر هما السلفيين مالهم بحاجه زى دى هما عن نفسهم طول عمرهم بيتكلموا العيب عالبيه عميد الكليه اللى عايز يعمل بطل ...

اوعى تقولى انتى متعصبه ليه ؟؟ او مكبره الموضوع قوى ...او ان الجامعه مش مكان للاختلاط و ان ده اجتناب للشبوهات ....دعنى اعلنها صريحه - و انا اسفه على عصبيتى الزياده - القرار ده فضيحه او مقدمه لشئ أسوء بمراااااااحل .....

النهارده فصل بين طالب و طالبه , بكره فرض الحجاب , بعده فرض النقاب , بعده نقعد البنات فى البيت , لكن لاااااااا قسما برب موسى و عيسى و محمد لن نسمح بان يقودنا كالغنم .... 

نداء لطلبه و طالبات حقوق جامعه بنى سويف : اوعوا تسيبوا حقكم , اوعوا تخافوا او تكسفوا ....اوعوا حد يخوفكوا .... 

س/ انا عايزه افهم بقى .....هى الثوره دى دينيه ؟؟؟؟؟  انا مش ضدها انا بس بسأل 

الجمعة، 13 مايو 2011

بردية أيبور


فى البدايه انا معنديش اى سبب مقنع لنشرى للموضوع ده غير رغبه اجتاجتنى فى مشاركتهم ليا فى البرديه دى .... في مطلع القرن الثامن عشر الميلادي تم اكتشاف بردية قديمة من 17 صفحة في منطقة منفيس قرب أهرامات سقارة (استناداً إلى أول مالك لها هو جورجيوس) ولا يعرف بدقة تاريخ العثور عليها ولكن المتحف الوطني في ليدن ـ هولندا (the Museum of Leiden or Rijksmuseum van Oudheden) أشترى البردية في عام 1828 م وهي عبارة عن بردية فرعونية مكتوبة باللغة الهيموغلوفية القديمة تعود إلى عصرور الفراعنة بعض العلماء قدر أنها تعود إلى المملكة الوسطى ولكن لا يوجد أي دليل يقيني يحدد متى كتبت وإلى أي أسرة فرعونية تعود وتم تصنيفها في التحف تحت رقم (344).

والتي أطلق عليها فيما بعد بردية أيبور (The Papyrus Ipuwer) أو (Admonitions of Ipuwer) حيث تمت ترجمتها من اللغة الهيموغلوفية الفرعونية القديمة في عام 1908م.


الورقة رقم (2-8) :لقد دارت الأرض كما لو كانت طبق طعام

الورقة رقم (2-11) أصاب الدمار البلاد – ضرب الجفاف والضياع مصر

الورقة رقم (3:13) وعم الخراب

الورقة رقم (4:7)وانقلبت المسكونة

الورقة رقم (4:2)وعمت سنوات من الفوضى لانهاية لها

الورقة رقم (6:1)ها قد توقفت الفوضى وانتهت المعمعة

الورقة رقم ( 2:5-6)المصائب في كل مكان، والدم في كل مكان

الورقة رقم (7:21 )كان الدم في أنحاء أرض مصر

الورقة رقم (2- 10 (تحول النهر إلى دم

الورقة رقم (7:20) كل الماء الذي في النهر تحول إلى دم

الورقة رقم (2:10) عاف الناس شرب الماء وابتعدوا عنة وانتشر العطش

الورقة رقم (3: 10-13 ) هذا هو نهرنا ومياه شربنا – هذا مصدر سعادتنا – ماذا عسانا أن نفعل إزاء ذلك – الكل أصبح خراب

الورقة رقم (4:14 )خربت الأشجار وماتت

الورقة رقم (6:1 )ما عادت تثمر وما عادت الأرض تخرج الكلأ

الورقة رقم (2: 10 )انتشرت الحرائق – اخترقت البوابات ولابنية والجدران

الورقة رقم (10: 3- 6) وبكت مصر ........... انعدمت مصادر العيش – خلت القصور من القمح والشعير والطيور والأسماك

الورقة رقم (6:3) فسدت وانعدمت الحبوب في كل مكان

الورقة رقم (3: 5)  كل ما كان بالأمس هنا موجودا بات غير موجوداً، أصاب الأرض التعب والخراب كما لو كانت أرض كتان قطعت أعوادة

الورقة رقم (6:1)لا شيء هنا – لا ثمار ولا عشب – لا شيء سوى الجوع هنا

الورقة رقم (5:5)حتى مواشينا، بكت قلوبهم وناحت

الورقة رقم ( 9: 2-3 )أنظر – ها هي الماشية تركت هائمة وليس من أحد يرعاها، كل رجل يصطاد لنفسه ما هي له

الورقة رقم (9 :11) عم الظلام الأرض

الورقة رقم ( 4:3) وهام أولاد الأمراء يتخبطون بين الجدران

الورقة رقم (6:12)ها هم أولاد الأمراء ملقون في الشوارع

الورقة رقم (6 :3)حتى السجون خربت

الورقة رقم ( 2 :13) كثيرون هم الذين يودعون إخوانهم التراب في كل مكان

الورقة رقم ( 3 :14 )في كل مكان أنين ونواح وبكاء

الورقة رقم ( 4:4 )هؤلاء الذين كان يرقدون في غرفة التحنيط طرحوا هناك على أكوام القمامة

الورقة رقم (4: 2) الكل هنا عظيم كان أو صعلوك يتمنى الموت

الورقة رقم ( 5 :14) هل سيباد الرجال .......فلا تحمل النساء ولا تلد ! وهل ستنعدم الحياة على الأرض ويتوقف الصخب

الورقة رقم (7:1) انظروا النار هاهي قد ارتفعت عاليا --- قد ذهبت صوب أعداء الأرض

الورقة رقم ( 7:1-2)هاهو الفرعون قد فقد في ظروف لم يحدث مثلها من قبل

http://ar.wikipedia.org/wiki/بردية_أيبور 

الأحد، 8 مايو 2011

الكائنات الفضائيه



احم احم سيداتى انساتى سادتى نأسف لقطع بث فيلمكم المفضل (رقصنى يا اللى مانتش غرمان) لفنانكم المحبوبه فيفى عبده و نذيع لكم نشره اهم الانباء من التليفزيون المصرى العصرى  ابو من غير وزاره الاعلام يقدمه لكم فلان الفلولى مذيع التليفزيون بقالى 40 سنه و اللى يقدر يشيلنى يورينى نفسه...


اعلنت جماعه ارهابيه من الكائنات الفضائيه مقرها الاساسى المريخ بمسئوليتها الكامله عن احداث امبابه اللى مرت بمصر ليله امس التى انتج عنها   مقتل 14 مصرى بين مسلم و مسيحى و اصابه اكتر من 300 منهم طفل فقد كلا عينيه و القبض عن 190 شخص و حرق الكنيسه و القاء زجاجات الملوتوف على رأس البشر و اطلاق الاعيره الناريه من سلاح ميرى اتضح انه اتسرق فى هيصه الاحداث ....

و قد اعلنت الكائنات الفضائيه ان استقلت مركبتها الفضائيه من المريخ الى الارض مع وجود ترانزيت على القمر من اجل التزويد بالوقود و العشاء و البسكويت  و المياه الغازيه و خلافه....
 و بررت الجماعه الفضائيه التى اطلقت على اسمها جماعه ( الجماعه المريخيه الماسونيه اليهوديه الفلوليه الحزب و طنيه القطريه الاشتراكيه العظمى ) اعمالها بانها ارادت النيل من استقرار و الامن الداخلى لمصر نظرا لخوفها من المشروع المصرى الفضائى الذى كان يهدف لاحتلال المريخ و جعله كمحافظه لمصر كحزء من خطه مصر المستقبليه فى التخليص على الارض ثم الاتجاه الى الفضاء لاقامه مشاريع اقتصاديه ضخمه ...

و تهيب السلطات المصريه باى شخص يتشكك فى وجود اى كائن خارج الكره الارضيه بابلاغ النجده اللى عاده مش هترد عليك ...انتهى البيان


و نعيد تشغيل الفيلم بعد سماع اغنيه  سلملي عليه لفيروز : 
أنا عم غني المذهب, لما بغني ردوا عليه,وبعده نفسه المذهب, ولولا قدرتوا زيدوا عليه, وعودوا تبقوا عيدوا الكوبليه


حلوه كده؟؟ انا قررت انى ما ازعلش حد تانى فى اى حاجه ....فلول , كائنات فضائيه , يهود , حزب وطنى , ماسونيه , امريكا لو عايز المهم ان مايكونش احنا و خلاص ...

لما حذرت من السلفيين و اللى  بيعملوه فدام الكنائس لاقين نفسى دخلت فى مناقشات و مداولات عن الايدلوجيات , حذرت من وقوفهم الغريب و صرخت خوفا من الكارثه لاقيت نفسى عديمه الدين و ليبراليه كمان شويه شويه كانوا هيقولوا عليا ديمقوقراطيه!. قلت فى تقصير امنى و حكومه شرف مش ناشفه كفايه قالولى خلى عندك امل و ربنا يكون فى عونه ....خلاص  انا قررت انى ما ازعلش حد تانى فى اى حاجه: 

* مش المسيحين اللى كانوا معاهم السلاح, ولا المسلمين اللى كان معاهم السلاح : دول الفضائيين
* مش المسيحين اللى كانوا بيرموا مولوتوف , ولا المسلمين اللى لى كانوا بيرموا مولوتوف : الفضائيين
* مش المسلمين اللى خلعوا عين الطفل , ولا المسحيين اللى خلعوها : دول الفضائيين
* مش مسئوليه شرف ولا وزير الداخليه اللى سايب السلاح فى السوق زى البونبونى : دول الفضائيين 
* الفضائين اللى ذنب اللى اقتلوا دول فى رقبتهم و ربنا هيحاسبهم ....المهم ان محدش يكون غلطان


أنا عم غني المذهب, لما بغني ردوا عليه,وبعده نفسه المذهب, ولولا قدرتوا زيدوا عليه, وعودوا تبقوا عيدوا الكوبليه... سلملي عليه سلم

شيدى حيلك يا بلد..

فى مواجهه كل ما اسمع...انجرح القلب , انطفئت لمعه العيون و تلآلات مكانها الدموع ...لا يسعنى سوى الدعاء لها بالمدد و بعيدا عن استخدام الاغنيه التقليدى فى البطوله الافريقيه او قدام ماتشات الجزائر ها هو يرجع دورها فى الاحزان كاول عهدها فى 67 و الاستنزاف و اليوم اللى يتقتل فيه مصرى بايد مصرى تانى انيل عندى من نكسه 5 يونيو : 




مدد مد مدد مدد شدى حيلك يابلد مد مد

ان كان فى ارضك مات شهيد فى الف غيرة بيتولد

مد د مدد ---- مدد مدد

اللة اللة اللة

هيلة هيلة هيلة ياللة هيللة

مدد مدد شدى حيلك يابلد

بلدى يابلدى

ان كان فى ارضك مات شهيد فى الف غيرة بيتولد

مدد مدد مدد مدد بلدى يابلدى

ياحبيبتى راجعة زى طير راجع لاحضن الصحاب

بالحضن يام الشوك حرير يالى فتحتى الف باب

ياسينا مانسينا الى فات ياغلى اغلى الذكريات

ياشراع فى بحر بينفرد

مدد مدد مدد

اللة اللة اللة


هيلة هيلة ياللة

مدد مدد شدى حيلك يابلد

ان كان فى ارضك مات شهيد فى الف غيرة بيتولد

مدد مدد مدد مدد

بلدى يابلدى يابلدى

قمر الرجوع فرد القلوع ولاعادش ياسينا فراق

راجعين بدون حزن ودموع نفرش رمالك بالضياء

مهما عيوب الناس تفوق الابن راح يرجع لاابوة ويعيش فى حضنة للابد

مدد مدد مدد مدد

اللة اللة اللة

هيلة هيلة ياللة

مدد مدد مدد شدى حيلك يابلد

ان كان فى ارضك مات شهيد فى الف غيرة بيتولد

بلدى يابلدى يابلدى

حزرع رمالك


بالنجوم واروى جبالك بالقمر اليوم فى بعدك الف يوم

والقلب كان قد السهر

ياعقد فوق صدر الحياة العشق جوانا صلاة

ياسينا ووجودك سند

مدد مدد مدد اللة اللة اللة اللة

هيلة هيلة هيلة ياللة

مدد مدد مدد شدى حيلك يابلد

غنى يابلدى يابلدى غنى


شدى حيلك يابلد

غنى ياولدى ياولدى غنى

شدى حيلك يابلد يابلد

غنى يارضى يارضى غنى

شدى حيلك يابلد

ان كان فى ارضك مات شهيد فى الف غيرة بيتولد

مدد مدد مدد شدى حيلك يابلد

السبت، 7 مايو 2011

موقف بااااايخ!!



بعيدا عن السياسه قليلا - ناخد استراحه شويه- ستكون تلك التدوينه عن موقف بايخ كشفته من اسبوع فقط على الرغم من حدوثه من 5 شهور !!!


فى 24 اغسطس 2010 يعنى من حوالى 9 شهور كانت المدونه لسه فى الاول و فاضيه من المتابعين و القراء و ساعتها كانت سياستى فى الكتابه غالبا عن الكتب و الروايات اللى بقرها بجانب حاجات رفيعه تانيه و بما ان اغسطس ده فى الصيف فكان عندى وقت كبيير لقراءه الروايات و الكتب على مزاجى و بما انى كنت متاكده  انى مفيش حد بيقرا اللى بكتبه - و على فكره ده احساس ممتع - كنت بكتب اللى على كيفى دون ضغط ارضاء القارئ اصلا ....

بالتحديد يوم 24 اغسطس كتبت ريفيو كامل لروايه اسمها "اعذرينى و مخاوف اخرى" هى عباره عن كتاب بيضم قصص قصيره رعب و بالتحديد 17 قصه لكتاب مختلفين و ان كان يجمعهم حداثه عهدهم .....و زى ما قلت المدونه كانت فاضيه فكتبت براااااحتى عالاخر نقد و تفنيط  و تفصيص , يعنى مثلا المؤلف هيقرا الكلام اللاذع ده؟؟؟
http://suchasmallaffairs.blogspot.com/2010/08/15.html 

و طبعا عدت التدوينه من غير تعليق ولا اى نوع من انها حتى اتقرت اصلا ...و استمر فشل تلك البوست حتى من اسبوع فقط!!!

 من اسبوع و انا بدور على جوجل على اسم الروايه نظرا لانى افتكرتها و حبيت اديها لصديقه ليا .. فؤجت بالنتائج التاليه :

عن اعذريني ومخاوف أخرى - مدونة رفايع - - منتديات التكية الادبية
عن اعذريني ومخاوف أخرى - مدونة رفايع - بهريز المدونات.
www.altekeya.com/vb/showthread.php?t=13050 - نسخة مخبأة

whaaaaaaaaaaat?? .....ايه ده؟؟ مقالتى التافه اتسرقت !!!!....و بالتالى هرعت الى اللينك - حلوه هرعت دى- لاجد المفاجأه....
http://www.altekeya.com/vb/showthread.php?t=13050 

اكتشفت ان احد مؤلفى الروايه هو اللى ناقل المقاله!!! بل ان المنتدى ده بيضم المؤلفين الاخريين للكتاب !!! بل ان المؤلفين الاخريين بيردوا عالمقاله بانها مكسب نقدى ليهم !!!

للاسف اكتشفت ان المؤلف كان نقل المقاله فى شهر ديسمبر يعنى من 5 شهور كان نفسى اخد بالى ساعتها مش متاخر كده... بس كان نفسى الكاتب يقولى كنا اتناقشنا احسن

الموقف البايخ بقى يكمن فى ان افتكرت اللى كنت كاتباه ساعتها, باختصار كده كنت سالخه الكتاب و نقد عالرايق بتفصيص و  بما انى كنت فى الصيف فلاحظت انى ذكرت تفاصيل بدقه , بل ان الكاتب اللى نقل المقاله لاصدقائه المؤلفين قد حصل على تقييم منى 7.5 بس من عشره!! و بالتالى احرجت انى اشكره لنقل المقاله مع ذكر المصدر بل و اشكره على كلامه الرائع فى وصف المقاله ...

هيييييييييييييييييييييييييييييييه ....اولى مقاله تتنقل منى , عقبال ما اتسرق 

الخميس، 5 مايو 2011

اه يا ليبرالى يا ابن ال....

الاول خلونى اعبر عن سعادتى بتواصلكم من التدوينه الاخيره "ماذا لو لو خربوها؟" ده ادنى احساس اننا اكثر ذكاءاا بكثير عما ينظنونا و  بالتالى ده شجعنى على كتابه تدوينه النهارده...

الملحوظه التانيه: احب اقولكم انى حاولت اتجنب الكلام عن السلفيين خالص لكن مش بقدر , كل ما اقول هاتجاهل افعالهم و ارائهم الغريبه يطلعوا لى بحاجه تتستفزنى اكتر لانى افتح الاب توب و اكتب كالعاده....


و انا خارجه من محطه مترو كليه الزراعه فى طريقى من الكليه الى منزلنا الحبيب اللى بعرف قيمته اكتر فى الحر بتاع اليومين دول ...و ها هو المشهد كتالى : ها انا اتهادى ببلوزتى الورديه و شنطه اشبه بمخله الجيش حامله فيها الفيل ان احببت فلاقيت واحد بذقن طويله "الحته دى بتفكرنى بفيلم الارهاب و الكباب لما قال للعيل ثكلتك امك" المهم الراجل ده لاقيته بيوزع ورق و كنوع من الغتاته كعادتى اخدت منه الورقه عشان اشوف اخر ابداعات حبيابنا الحلوين و نالتنى نظره من النوع الذى اكره من الراجل ده و كالعاده بلعتها و كانت تلك الورقه  :


طبعا بعتذر عن الجوده المترديه اصلى معنديش سكانر فالتصوير موبيلات بقى ...عموما انا هافصصه و اجيب جزء جزء و نتاقش فيه سوى و انا هحاول امسك اعصابى على قد ما اقدر ....و بجد انا عمرى ما شفت هذا الكم من الاغلاط و الترهات فى ورقه واحده كما رايت فى تلك الورقه...


الجزء الاول :


لغايه كده هاقول اوكى و انا مالى ...كل واحد حر فى تعريف نفسه و المبدأ اللى بيفضله فى حياته و ما اظنش ان عندى اعتراض على الجزء ده و لو انى ليا اعتراضات على فكره انهم بتبعوا السلف الصالح و احنا اللى ماشيين على خطا الشيطان لكن خلى حسن النوايا متوافر ....


الجزء التانى :


يعنى كل وسائل الاعلام دى كدابه؟؟ امال مين اللى حرق و هدم الاضرحه و هدد الصوفيين بالقتل؟؟ برضه رجعنا تانى لنظريه المؤامره و الفلول و الكائنات الفضائيه اللى بتجى تعمل المصايب و تاخد السفينه الام الى المريخ دون ترك اى اثر ...و بعدين سب حد بانه بيشوه صوره الاسلام اتهام اوفر قوى خاصه ان كلنا مسلمين فى بعض و مفيش جو التربص ده...و بعدين يعنى هما بيحاربكوا ليه ما هو ما اللى بتعملوه....


الجزء الثالث:
تشويه صوره الدين ؟!!!!!!!!!!!!!!!!!!!.......ايه العبط ده ؟ و بعدين مين دول اللى لا يريدون مصلحه البلاد و العباد دول ان شاء الله كده ؟؟...انا مثلا بهاجم السلفيين لما بيعملوا حاجه هتخرب البلد او تضر بالناس يبقى انا بشوه صوره الدين و المسلمين؟ ثم ان انا مسلمه فعلا فايه الفكره انى اشوه دينى و هل لمجرد اننا مختلفين فى الرأى يبقى انا مستفيده من الفساد ؟؟....و بعدين انتوا حاطين الليبرالين و العلمانين و النظام السابق فى كفه واحده ازاى يعنى....
يعنى مثلا واحد ليبرالى زى عمرو حمزاوى اللى بحترمه جدا يتساوى بفساد النظام السابق لمجرد انه مش عاجبكوا....


الجزء الرابع:
على فكره فى خلط بشع فى الجمله اللى فاتت دى بين العلمانيه و الالحاد..الالحاد هو عدم الايمان باى اله و ده مبدأ شخصى و كل واحد حر اما العلمانيه فهى فصل الدين عن السياسه بمعنى انى مسلمه و موحده بالله لكن مش بدخل ده فى السياسه و ادراه الدوله و ان اتفقت او اختلفت معاهم يجب الاول ان تعرف ايه فكرهم و هو مش وحش للدرجه اللى مصورناها كده...فرويد و سارتر مش شويه برضه دول اساتذتنا فى الفلسفه و اللى يقول غير كده يبقى بيهزر طبعا ...


الجزء الخامس :
و هنا لا يساعنى سوى كلمتى الشهيره : يالهوووووووووووووووووووووووووووووووووى....لقد وقعنا فى الفخ
طبعا مش هادخل فى محاورات اكاديميه فى معنى تعريف الليبراليه لانكم ادرى منى ..بس هاقول انا ليبراليه من 5 سنين بعد قراءات طويله و معمقه فى الموضوع و شفتها النظام الاميل الى قلبى و روحى فالانسان حر فى كل شئ و حريتك تنهى عند حريه الاخريين باختصار كده مينفعش نجبر حد على الايمان و التقوى و الا صنعت منه منافق و السعوديه اكبر مثال على الظاهر و الباطن و ذلك المواطن المعقد الذى خلقوه يراعى الله فقط امام الناس و يعيصيه بمجرد ان يتوارى بسبب الضغط المجتمعى الهائل ....بقى لانى مش عايزه افرق مسلم عن مسيحى او راجل عن ست او ابيض على اسمر او اى نوع من التفضيل يبقى انا ضد الاسلام؟!!!! ايه علاقه الاباحيه باللبيراليه سوى فى عقل و قلب مريض و فكره مشوه يقصد تسمم عقول الناس...بقى الشيخ محمد عبده احد اقطاب الليبراليه الاسلاميه بقى ضد الدين ؟؟؟؟؟ يعنى انتوا بس اللى اهل الدين و كلنا ليبرالين ولاد ال.......


الجزء السادس:
هههههههههههههههههههه.......بص كده على رقم 5 بقى السلفيين وسطين ههههههههههههههههههههههههههههه


هاقول حاجه واحده : حسبى الله و نعم الوكيل...