الجمعة، 10 ديسمبر، 2010

imagine ...حقل الغام فكرى







اعترف اننى اترددت كتير قبل نشر المقاله دى و لاحظ انى بقول نشر المقاله مش كتبتها حيث ان فكرتها و اجزاء كتيره من المقاله دى already اتكتبت من فتره ليست بالقصيره ....لكن اللى شجعنى هو مقال اخر ايام الخريف فى مدونتها الجميله بره الشبابيك عن جون لينون اللى هتلاقيه هـــــــنـــــــا فيصادف ان ذكراه هذا الاسبوع مما شجعنى انى اخرج ما فى جوفى من كلمات ....و كمان اشكر سمو الامير فى تدويته "افلا يتدبرون" اللى فى مدونته البتاعه اللى هتلاقيها هـــــــنــــــــــــا اللى شجعتنى برضه و خلتنى افكر ....

هاحكى حكايه قصيره : و انا بتفرج على قناه اوربت و بالتحديد قناه اليوم المشهوره بالافلام التسجيليه التاريخيه و كان فى اعلان عن الحرب العالميه التانيه بصور الحروب و الماسى اللى عاشها العالم فى هذه الحقبه العصيبه و كان فى موسيقى تصويريه لاغنيه لم اتبين كلماتها فى الاول لكن موسيقى الاغنيه لفتت انتباهى بقوه و بقيت استنى الاعلان لما يجى عشان اللقط اسم الاغنيه ايه ...مره فمره قدرت اطلع منها كلمه واحده " you think iam dreamer but iam not the only one" و بالفعل لقطت طرف الخيط و بدأت ادور على تلك الاغنيه ذات اللحن المثير و وجدتها انها اغنيه imagine ل  john lennon مؤسس فرقه البيتلز و اشهر اعضائها  و لقيت تعليقات الاغنيه اللى بالانجليزى كلها بتدور عن الالحاد و الدين و لاقيتها شبه خناقه كل ده فى انتظار تحميل الاغنيه على اليوتيوب و لما الاغنيه اشتغلت فهمت و ساعتها سمعت الاغنيه كامله و تأملت فيها بشئ من التأنى.....

تقدر لو مسمعتش الاغنيه دى قبل كده انك تسمعها من تحت و هتلاقى معاها كلماتها اسمعها الاول و تعالى نكمل....




انها حقل الغام فكرى حرفيا ....موضوع خطر و قلق كل كلمه فيها فيها قولان اخد و رد و عشان اعبر عن رأيى بصراحه دعنى اعملها بطريقه مختلفه شويه انا هاحط كلمات الاغنيه و تعليقى تحت كل جمله...

JOHN LENNON
"Imagine"
Imagine there's no heaven
It's easy if you try
No hell below us
Above us only sky


هو صعب و صعب جدا كمان و مش سهل على الاطلاق ..لا وجود للجنه او النار يجعل حياتنا بلا معنى تماما ...نشتكى لمين ساعتها ؟؟ نتمنى ايه للظالم و نترجى ايه من حياتنا البائسه على هذا الكوكب البائس... من غير جنه و لا نار تبقى الدنيا على الارض جحيم فى حد ذاتها..

Imagine all the people
Living for today
...

اننا نعيش من اجل اليوم صحيح يشجع على الامل لكن الحياه لو تخيلنا انها مجرد حياتنا على الارض بلا نهايه تجعلنا مصابين بانواع من الاكتئاب لا دواء له عن الاطباء...

Imagine there's no countries
It isn't hard to do
Nothing to kill or die for


اعيش من غير مصر ؟؟؟؟؟ مقدرش خالص خالص ...فاذا كنت كالسمكه التى تموت بره شبرا فكيف يكون حالى بره مصر بحالها لا و كمان مفيش مصر من اساسه حيث العالم سايح على بعضه يشارك الجميع فيه فتلاقى الاسرائيلى و الهندى و الاميركى و الصينى قاعدين على قلبك من غير وطنيه حريه من غير وطنى علمى حريه قوميه سلاح و اموت اعيش ميهمنيش و كفايه اشوف علم العروبه باقى باقى علم العروبه باقى من غير ما ابقى فدائى...ساعتها مقدرش اتنفس ....هستكتر روحى و دمى عالبلد امال انا اتربيت مين و ليه مش عشان البلد ؟؟؟!!!...مبدأ مرفوض بالنسبه لى....

And no religion too

اوباااااااااااا....لقد وقعنا فى الفخ على طريقه عادل امام ....كده صريحه هنبقى بزرميط من غير دين يحمينا من نفسنا ده حتى تبقى غابه حقيقيه ....اذا كانت كلمه العلمانيه تترواح بين الموافقه و الرفض فى دماغنا المتنوره فما رأيك بمبدأ الالحاد؟؟؟؟ اظن مش محتاجه اعرف ردكم اهو واضح فى عينيكو..

Imagine all the people
Living life in peace...

يا سلااااااام ومين منفسوش بس بالشروط السابقه لا...انما المبدأ نفسه ياريت هو كل ما نتمناه...

You may say I'm a dreamer
But I'm not the only one
I hope someday you'll join us
And the world will be as one


ما اظنش انى هانضم ليكوا مهما اتمنيت ...العالم سايح على بعضه كده من غير اى ايدلوجيه مش هيبقى مكان للحياه اللى بحبها...
Imagine no possessions
I wonder if you can


كمان من غير اى شئ للامتلاك ؟؟؟؟ ....ده نوع من الاشتراكيه بس مبالغ فيها كتير

No need for greed or hunger
A brotherhood of man
Imagine all the people
Sharing all the world...


كان نفسى المبدأ ده يتحقق من غير ما اضحى ببلدى و دينى و املاكى ...و لو انى اظن انه ممكن تحقيقه بتضحيات اقل من دى بمراحل..
You may say I'm a dreamer
but iam not the only one
I hope someday you'll join us
And the world will live as one



هو فى غيرك كمان؟؟؟....ربنا يشفى


* تتميز الاغنيه انها على الرغم من اختلافى مع محتواها لكنها تحوى محتوى اساسا وهو ما تفقده معظم اغانينا اللى مش بتخلى حد فينا يشغل مخه اصلا دعنى اقول ان اللحن بصراحه رائع و جذاب و سهل الحفظ فاحذر انك تلاقى نفسك حفظتها من غير ما تحس زى ما حصل معايا و دلوقتى بحاول اطلع لحنها من لسانى مع ان الجمله اللحنيه اللى بتقول :


You may say I'm a dreamer
but iam not the only one
جميله كلمات و لحن و كم تمنيت انها تكون فى اغنيه تانيه لا اختلف معاها كل هذا الاختلاف....


امضاء
د/دودى
مدونه رفايع...مجرد رفايع

2 التعليقات:

آخر أيام الخريف يقول...

لألألألألألألألألألألأ ...مش معقول توارد الخزاطر ده ... أنا لما فكرت فى احياء ذكراه فكرت أول حاجة انى احط الأغنية دى بالذات ..بعشقههههههههههههههههههههههاااااااااااااااااااا رغم انى معاكى فى تحفظاتك طبعا.هو يمكن قصده بإلغاء الدين و الوطن و كده الشوفينية ..يعنى ما يبقاش الناس بتتعصب لقومية معينة...بعد سماع كذا مرة حسيت لسبب ما ان ده هدفه .

تحياتى يا جميلة و ميرسى على المقال الهايل و على اشارتك لمدونتى النونو :)

د/دودى يقول...

من القلب للقلب رسول.. انا معاكى انها اغنيه جميله حالمه و انا بحبها للحنها بالذات ...مين مش بيحب السلام العالمى ....

إرسال تعليق

حلو؟؟ وحش؟؟ طب ساكت ليه ما تقول....