السبت، 18 مايو 2013

الأخ هارى بوتر

ذات مويمنت لما تلاقى موقع ناشر لينكات لسلسة هارى بوتر كاملة ...و تلاقى احد التعليقات:


"السلام عليكم..اتمنى ان تراعوا اثناء نشركم لبعض الكتب..مسألة التوحيد في عقيدتنا..هذا اذا كان يهمكم الكاتب المسلم..لأنه مجموعة هاري بوتر..كلها سلسلة شركية..تخالف التوحيد الذي هو اساس العقيدة."


يو فيل لايك....امممم و النبى ما عندى اى تعبير عن اللى عايزة اقوله اصلا

*******************************

النوع ده منتشر قووووى ....النوع اللى عايز يعمل هو اللى فاهم دينه بس و كل الناس فاسقين و اهو بالاضافه انه بيطنطط عليك بياخد شوية حسنات على قفاك


عموما "عيل صغير عمل صوابعه كده اهو مسدس و قال لصاحبه طريح طراخ...قام صاحبه طاوعه و ساق له فيها و عملوا ميت و اهله قالوا ده طخو طخ"


لان فى حد تانى قرر انه يرد الاولانى و يبين قد ايه هو ليبرالى متفتح و هو بس اللى عنده افق و الناس كلها حمير....و كالعادة يبدأ النقاش ثم الخناق  ده لو  ربنا رحمك و الموضوع ما قلبش خناقة فقه فهل يجوز قراءة هارى بوتر او لا ...و هل القارئ بتاعها يدخل فى المشركين بالله ولا فاسق بس يعنى له توبة ولا خلاص كده عالنار من بره بره ....لولا ان قاعدة اكتب و اجرى هى القاعدة الذهبية عالنت اليومين دول

و على ايه؟؟؟ على ولا حاجة...و تمشى من الصفحة من غير ما تحمل هارى بوتر فى الاخر :D

2 التعليقات:

nbnbn يقول...

طب هوه المفروض ان لو حد شاف واحد بيقول ان قراءه هاري بوتر مثلا حرام محدش يرد عليه
يعني انا مش فاهم هل الغلط في الليبرالي انه رد
وهل الغلط في الي شايف انها غلط المتدين انه يقول عليها حرام
عايز توضيح بس يعني اللغة الي حضرتك كاتبه بيها الكلام تدل على انك مش عاجبك الاتنين
فهل اي رد على اي حاجه بفهم اي حد وجهه نظري او رأيي او او معنى كده اني غلط والمفروض اسكت ؟؟
وتحياتي .....

غير معرف يقول...

الاخوة الاعزاء
مع ان التعليق على رواية ولكن اظن ان هذا هو لب مشكلتنا الان المشكلة الحقيقية هى فى عدم قبول الاخر ومحاولة (هدايتة )للطريق الصحيح وطبعا الطريق الصحيح هو وجه نظرى اذا كنت دينيا او ليبراليا عامة ارجو ان نستوعب بعضنا البعض بدون اتهامات متبادلة بالكفر والزندقة من جهه وبالجهل والتخلف من جهه اخرى ...تحياتى

إرسال تعليق

حلو؟؟ وحش؟؟ طب ساكت ليه ما تقول....