الخميس، 11 يوليو 2013

حوليات11:يوم رمضانى أول

ايام الصيام صعبة عليا خلينى اعترف يمكن لانى -وا اسفاه- مش من اللى بيصوموا الاتنين و الخميس و الحاجات دى...

-من 5 سنين كان صيامى الحقيقى انى اصبر على الجوع لانى وقتها كنت باكل على فترات مليش فى الوجبات الكبيرة و كانت مأساة ...فى ال3 سنين اللى فاتوا كان صيامى الحقيقى انى اصبر على العطش لان رمضان كان مرابض فى الصيف و كانت ايام شديدة....الحقيقة اللى لازم اعترف بيها ان صيامى الحقيقى السنه دى انى اكتم لسانى عن الشتيمة فى ظل الظروف السياسيه العصيبة و مستوى الدراما المتدنى...ربنا يعديها على خير


و خفيت الحمد لله و لو مؤقتا من داء السياسة اللى مليانة نجاسة..و قضيتها مسلسلات بقى:


مسلسل "القاصرات" و "ذات" و "بدون ذكر اسماء" و "موجه حارة"  لفتوا انتباهى جدااا اخيرا مسلسلات بيناقش قضايا فعلا و كلهم مقتبس من اعمال ادبي , مسلسل "الداعية" عجبنى فيه اغنية المقدمة و النهاية بس فكره ان هانى سلامه و احمد فهمى متشددين دى بتضحكنى بصراحة , "الراجل العناب" مسخرة بس عسل زى ما تخيلت ,محمد هنيدى فعلا زى ما تخيلت تقيل و رزل و محروق معرفتش اضحك خالص و للاسف معاه احمد مكى اللى مش عايز يغير ولا يطور نفسه, مسلسل فرعون و الركين مشدنيش برضه

و خلينا نبقى واضحين: انا مش فاهمه اى حاجة من اعلان احمد عز...بس انا -لسبب ما- مبسوطة لما بشوفه ...سيبك انت القبول ده من عند ربنا احم بس هو من حيث قمووور فهو قمور قوى "بالقاااف"

و مازالت ابحث عن ذلك المسلسل اللى يدينى ايحاء و سمو "الخواجة عبد القادر" و مش لاقيه...المسلسل ده فتح لى باب استمتعت بيه سنه كامل سواء فى كتب او اغانى الصوفية


الاهم بقى : ذات مويمنت لما اكون قاعدة بتنطط من مسلسل لمسلسل و بتريق على الكل...و روح الناقد جوايا تطلع و تلعلع كده فى التفاصيل الدرامية و الراكور



و يجى بابا يغير و يجيب قناه جزيرة مباشر فى اعتصام رابعه و هما بيدعوا علينا



يو فيل لايك: انت بتكرهنى ليه يا حج؟؟

***************************

اهو يوم و عدى الحمد لله....مش ناقص غير ان ادق الناقوس  زى حسن الهلالى و اهتف: الاول

4 التعليقات:

إيمي يقول...

قررتُ ألا أشاهد مسلسلات .. المسلسل السياسي النجس و القذر شيق جدا و مليئ بالـسوسبنس ..

حدثتني أختي عن "القاصرات" .. وجدتُه مؤلما لكنه حقيقي وواقعي و يقترب كثيرا من قضية المرأة التي أدافع عنها .. ربما أشاهده ، لأن السياسة ليست أقل إيلاما خاصة أن كل ما نشاهده اليوم في الأخبار و نقرؤه في الجرائد يعني بالإجماع في كل الدول العربية .. أنّنا سنرى في السنوات القادمة ـ عكس ما كنا نطمح إليه ـ استمرارا للقاصرات .. بدل البداية في طريق منح القاصرات عروسة فقط .. لا جعلهن هنّ العروسة !

دمتِ طيبة و كل سنة و أنت بخير !

Bent Men ElZman Da !! يقول...

انا نفسي افهم ايه كمية المسلسلات البشعه بتاعه السنادي دي

أنا متحمسة جدا لمسلسل نيران صديقة واسم مؤقت
ومن اول حلقة في حكاية حياة كمان شدتني بصراحة

اهم حاجة إنهم غيروا رأيهم في مسلسل هيفاء واجلوه لبعد رمضان :D

وجع البنفسج يقول...

هو فعلا القبول من عند ربنا .. :)

بالنسبة للمسلسلات .. لسه ما تابعتش حاجة خالص .. ماليش طولة بال بصراحة احضر مسلسل كل يوم لمدة ثلاثين يوم :)بس احتمال اتابع الداعية أصلي كل ما بفتح التلفزيون بينط في وشي !! بتهيألي هو اللي راح يتابعني مش أنا اللي راح اتابعه ؟؟

رمضان السنة هذه صعب جدا جدا جدا .. ربنا يستر

شيرين سامي يقول...

:)
أنا كمان بابايا بيعمل فيّه كده
آراءك كلها تحفه متفقه معاها جداااا
بس مستنية نقد تفصيلي لكل مسلسل

كل سنة و إنتي طيبة رمضان كريم عليكي و على كل حبايبك

إرسال تعليق

حلو؟؟ وحش؟؟ طب ساكت ليه ما تقول....