السبت، 6 يوليو 2013

حوليات6: انا سحبت التعاطف ده بقى

و بتضربوا الناس فى التحرير يا ولاد الم... مرشد

و حياة امى هتلبسوا روحكم قضيه "موقعة الجمل" بجد حتى لو كنتم براءة بالعبط ده , و ساعتها مش هنلاقى حد يقف معانا نساعدك ...و بالصدفة البحتة بعد خطاب مرسى الاخير تندلع اشتباكات بين السرايات..و بعد خطاب بديع يحترق التحرير و ماسبيرو ؟!!! سلمية قوى الصراحة

انا من 3 ساعات كنت بتخانق مع الناس اللى عايزة تقصى الاخوان...و كنت بطالب بالافراج عن المعتقلين اللى من غير تهمه..كنت خايفه يا يلبسوا تهم

انا سحبت التعاطف ده بقى...بتضربوا الناس فى التحرير يا ولاد الكلب؟؟ بتعملوا موقعه جمل جديده عينى عينك كده؟؟...معندكوش اى مشكلة فى قتل الناس عشان الاهبل ابن الاهبل ..ده انتوا بتتكلموا فى السى ان ان اكتر ما كنتوا بتتكلموا مع قناه الاخوان

تقدر تقولى اقول ايه لماما لما تقول لى الاخوان هما اللى عملوا موقعه الجمل فى الثورة؟؟لما تقول لى "انزل يا بلتاجى و زل العيال بتوعك"

ارد اقول ايه؟؟ و الاخوان بيضربوا معتصمين عالهوا؟؟ ارد اقول لها ايه؟؟

بقى كنت اتخيل انى افرح لما اشوف مدرعات الجيش؟؟ انا دينا اللى نزلت مظاهرات يسقط حكم العسكر اكتر ما سمعت فيروز

لكن لما تلاقى الاخوان بيضربوا معتصمين على اطراف ميدان التحرير و الجيش داخل يحجز عايزنى اعمل ايه؟
******************************
-و ردا على كلام الاخوان بشرطة: أهو الجيش اللي كان حامي الميدان و الشرطة اللي بتوزع ماية خلعوا

-ما هو يا اما ميدخلش فتبقى حرب اهليه...يا يدخل و يعمل شو...يا يقتل حد و تبقى مصيبة..دى الاختيارات المتاحه لما تنزل مظاهرات مؤيده فى نفس مكان المعارضه...و الله العظيم تلاتة لو الجيش و الشرطة وقفوا يصدوا انت اول واحد هتطلع تكتبلنا ستاسيهات عن مذابح الاخوان
*****************************
عزيزى المعارض الرشيد ...يلعن ابو اليوم اللى شوفناكو فيه

خليك قاعد مستنى عالفيس الخناقة تخلص مبستما بان لو الجيش كسب يبقى خلصنا من الاخوان و لو الاخوان كسبوا يبقى خلصنا من العسكر...و يا سلام لو تكملها بدعاء اضرب الظالمين بالظالمين ...خليك مبسوط قوى و شيّر بقوه لاخبار انشقاقات الجيش و اخبار شبكة رصد...بس اوعى تنزل رابعة العدوية لاحسن الناس تحسبك عليهم ولا حاجه...خليك قاعد عالفيس فى كنبتك الحلوة كده الدافئة

خليك عايز مرسى يمشى بس من غير عسكر...و عايز الشرعية من غير مرسى

2 التعليقات:

Bent Men ElZman Da !! يقول...

اهو أنا من البداية شايفةإن ماينفعش تعاطف أصلاً
ناس مُغيبه !!!

Aya Mohamed يقول...

هو انتى كنتى متعاطفة o:
باين عليهم جدا من البداية اللى هما ناويين عليه
كان واضح فى قنواتهم و شيخوهم ولغة الخطاب اللى معتمد على الترهيب للشعب
ومن خطابات مرسى المحرضة جدا للفتنه من اول ما مسك الحكم
ربنا يجازيهم بعملهم

إرسال تعليق

حلو؟؟ وحش؟؟ طب ساكت ليه ما تقول....