الأحد، 28 ديسمبر، 2014

خواء كمان و كمان

يكونشى السبب يا صديقتى المستمعة الصامتة انى استنفزت؟ خلصت كل الحكاوى...انتهكت كل التفاصيل...كل التجارب؟

او انى مش بزود رصيد التجارب بشكل كافى يقضى للانتاج الكثيف المطلوب؟

انى مش بدخل مغامرات تطلع من الواحد الصمت الثرثار ده؟ ما هو يا ريتنا ساكتين...ده احنا بنرغى اكتر لما نكون معندناش اضافات

الماكنة مش بتطلع قماش عشان مفيش قطن داخل؟ ولا العيب فى الماكنه؟

عارفه انى ممكن اكتب مقال ا و كتاب عن فن كتابة اكبر كم ممكن من الكلمات من غير معنى محدد او هدف معين

عارفه فى الشفوى لما نبقى عارفين الاجابة نقول كلمتين فيهم الشفا و الدرجات ، و لما منعرفش نحور ..نجيب المنهج من اوله لاخره حوالين النقطة المطلوبه

بنكتب ليه؟ طب ما ببلاش؟!

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....