الأحد، 4 يناير 2015

زهزهلك

و مع ان عمر ما حد هيسألنى عن جملتى الغنائية المفضلة -اللى هى بالمناسبه الست و هى بتقول "ستاير النسيان نزلت بقالها زمان"- لكن ده عمره ما منعنى اتكلم ، اقولك ان احد جملى الاثيرة عمنا و عم الكل سيد حجاب لما يقولك:
(من غربتك فى ديار أهلك...لغربتك فى بلاد الله ...لو ضى قنديل زهزهلك...مش ترمى كله وتجرى وراه)

مش بس عشان جاب من الشمخ الجوانى قوى فى حته ديار اهلك دى فى موضوع من كتر ما هرينا فيه قارب على الابتذال و مشى على الحد الفاصل و شعرة معاوية بين العمق و العمك لا مؤاخذة يعنى ، انه يلمسك قوى و يدوس فيك من غير ما يقع فى فخ التكرار و النمطية

لكن كمان عشان جاب بعد الدوسه دى دوسه اكبر و ده شئ نادر فى حد ذته لان معظم الجمل الجامدة يتبعها جمل اقل بهاء من ليلتنا هذه ، فيحط لك رعبك الشخصى و مخاوفك الدفينه فى الشق التانى ،ان يكون كل النور اللى فى اخر النفق مش بس سيجارة فريد الديب لا كمان مجرد ضى قنديل يزهزلك و العقدة التاريخية بتاعه الطيور اللى عالشجرة و اللى فى ايدك ، نمشى سنه ولا نخطى القنا؟ ، و هنفوز باللذات ولا هنلبس فى الحيط ؟

#البوست_طول_منى

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....