الجمعة، 19 ديسمبر 2014

النصب باسم الدين

نرجع و نقول النصب باسم الدين اتعمل كتير -يمكن اكتر من اللازم- فى التراث البشرى و بغض النظر عن الدين نفسه

و مش هنقول مثال بعيد زى حسن الصباح و كده انا بقول نشوف اكثر حالات النصب ده وقاحة و فى رأيى مفيش غير عمونا بيستستراتس الاى ناخد بيه

قبله كان فى صولون اللى حط قوانينه الشهيرة و عدل المايل فى التفريق بين الغنى و الفقير و نظم الضرايب و الجيش و قضى على الكوسة -ما هو فى طبعا كوسه يونانى- و لغى الديون على الفلاحين و رجع المنفيين و طلع المساجين و بعد ما ظبط البلد فى ٢٥ سنه قال لهم كفاية عليا كده انا عايز اسافر مصر اتعلم و اتفرج و مش ابقى حاكم ديكتاتور طول عمره

طبعا اول ما سافر رجعت ريما اليونانية لعاداتها اليونانية برضه و ظهر خالك بيسستراتس عايز ياخد الحكم بلطجة كده ، قول سيبك من تظبيطه لكبرات البلد ، عمل حاجة الذ عشان العامة

جاب بنت طويلة و حلوة و لبسها درع و احلى هدوم و خلاها تمشى قدام جيشه فى مركبة فخيمة.. سرح بين الناس جماعه يقولوا ان دى اثينا الهة المدينه  ...الناس شافت كده سجدوا عالارض و يضيف صديقنا هيرودوت ان "لم يكن لدى اهل المدينة اقل شك فى ان المرأة هى الالهة نفسها"

و مسك عمنا بيسستراتس الحكم حكم مطلق   ١٩ سنه ، و من بعده ولاده ١٣ سنه كمان

انا يعجبنى الصراحة لا قال الاله جالى فى المنام زى حمورابى  ولا انا ابنه حتى يلا نسأله فى سيوة زى الاسكندر ...ادى الجمل و ادى الجمال وش كده

#بالشفا

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....