الجمعة، 19 ديسمبر 2014

رسائل دينا/باسم: الجواب صفر

كل مدى بحس قد ايه الانسان يمتلك خيال مريض ، لا مريض مريض يعنى

يعنى عندك مثلا اليونان بجمالها و روقانها تلاقى فكرتهم عن نشأة الكون عجيبة للغاية ، بعد نشأة الكون من ال"عماء" يجى اله السماء عمنا اورانوس و الهه الارض طنط جى اوجيا فيخلفوا الجبابرة اللى ليهم ٢٥ رأس و ١٠٠ دراع....بس -طبعا- اورانوس كرهم فرماهم للعالم السلفى

الام اللى هى الارض زعلت فحرضت عيالها يقتلوا ابوهم...و يتصدر "كرونس" واحد من الاخوة الجبابرة دول ، فاتفق مع امه بعد ما شال السلاح انه يستخبى ، فلما دخل عليها اله السماء حضنها عادى فنط عليه ابنه و -طبعا- بتر قضيب ابوه و رماه فى البحر ، فطرطش شوية ميه على الارض فده اللى اتولد منها الهه الانتقام و من الزبد اللى اتكون حوالين اللحم المقطوع تتولد افروديت

خلعوا ابوهم و مسكوا "كرونس" حكم الاولمب و اتجوز اخته و بالمرة قتل كل عياله لان النبؤة بتقول ان واحد منهم هيقتله و -طبعا- يطلع له ابن مستخبى اللى هو زيوس اللى هيحكم و يرجع الجبابرة تانى

الحدوته دى و غيرها تثبت لى حاجتين:
الاولى ان فرويد مكنتش دماغة شمال ولا حاجة ، التراث الانسانى بطبيعته مريض

الثانى ان نقد عمنا "فراس السواح" لنظرية نشأة الدين كملاذ للجنة و عقاب الاشرار كان فعلى.....اهى ديانه اهى مش بتوعد الانسان باى حاجة غير السحل على مزاج اللى يمسك الاولمب كل ما يقلبوا على بعض

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....