و فى ظرف ١٠ سنين هاكون اعتزلت الطب و فتحت مكتبة باسمى اسمها "دينا بوك ستور " زى فيلم (يو جت ميل) بس مش هيحبنى ابن الحاج فوكس المليونير
هاكون قاعدة فى المكتبة حاطة نضارة قرايه و ورايا لوحة كبيرة مكتوب عليها (شغلانه معلمين بوظوها الفلاحين) يجى القارئ ياخد رأيى فى الكتاب اللى عايز يشتريه فاقول له رأيى بصراحة و ان الكتاب الفلانى مسروق من كتاب بولندى و ان الرواية كذا ملطوشة من مسلسل اذاعى كان بيتذاع فى فرنسا فى الخمسينات و ان الكاتب فلان بيسرق من روحه و انه قال كل كلام الكتاب ده فى الكتاب اللى قبله
فالناس تقدر صراحتى و يسمعوا ارائى و ميشتروش اللى بوصفها ب"الزبالة الادبية" ...فأفلس و اضطر ارجع للطب و اكتب على العيادة "مش شغلتنا بس احسن من قاعدتنا"
#مستقبلنا_اسود_باذن_الله
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....