الجمعة، 19 ديسمبر 2014

وسواسى القهرى

و الحقيقة اللى مش هاهرب منها ان عادة كتابة ريفيو للكتب اللى قريتها بقى اشبه بالوسواس القهرى حاجة كده لا تقل بؤس عن الناس اللى بتعد و هى بتغسل ايدها او بتمشى على طوبه و طوبه لا

عشان كده مسح ال الف ريفيو مره واحدة من على الجودريدز كان اشبه بالتسونامي اللى قلب الدنيا على دماغى فى ثانية

عارف الست الوالده لما كانت بتقول لك لو ما خلصتش طبق الرز كله هيجرى وراك يوم القيامة , اهو الكتب اللى مش بكتب عنها بحسها مستيانى فى اوضه و بتشرب سجاير و قهوة فى انتظارى

اللهى تتلف فى كتبك طعمية من غير سمسم يا اللى عملتها , ريفيو قصة الحضارة لمجلد الصين و مجلد اليابان من ضمن اللى ضاعوا

حسبى الله دعوه ولية غلبانه بتقبض 278 جنية مخصوم منهم 38 جنية كمان

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....