الجمعة، 21 فبراير، 2014

حوليات236:عن الاستك


النهاردة حسبت المجموع الاعتبارى بتاعى -المجموع اللى هتعين على اساسه- و قلت اشوف نتائج التنسيق فى النيابات و المستشفيات و اكتشفت ان التخصصات اللى انا بحبها و المستشفيات اللى انا عايزاها -اللى هى فى شبرا الخيمة و ما حوالها- بياخدوا من مجاميع قريبه منى و انى ان شاء الله هاتعين قريب من اهلى

انا فرحت قوى -خاصه انى طول الوقت متوقعه انى على الواحات او مطروح- اتبسطت و كان ناقص اقوم ارقص بالية فى الصالة من فرط السعادة

و بعدين وقفت قلت لروحى :كتك نيلة يا دينا مالك فرحانه قوى كده عشان هتقضى باقى عمرك مع اهلك و فى شبرا؟! مش كان حلمك اكبر و امالك اوسع؟ فين الحلم القديم انك تتعينى فى اسكندرية و تاخدى شقة و تقعدى لوحدك مستقلة ماديا و عاطفيا؟ فين فكرتك عن السفر بره ؟ طيب فين فكرتك عن انك تقعدى فى الاقاليم مع الوحدات الصحية وسط الفلاحين و تشغلى الوحدة بدل العناكب و الحشرات اللى فيها؟

ليه افكارى ثورية قوى و انا عالكنبة باكل اندومى؟ لكن وقت الجد مربوطة باستيك بالبيت و العائلة و تصرفات تقليدية مملة ؟! ايه القرف ده يا دينا

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....