الاثنين، 17 فبراير، 2014

حوليات232:سؤال تخيلى


و يجى حد يقول لى : ايه الفرق بين سيد القمنى و فراس السواح لما ال2 يتكلموا فى "فقة الاسطورة" يا دكتور دينا ؟, قول بغض النظر ان عمر ما حد هيسألنى السؤال ده ابدا فى الواقع بس اهو يمكن تحصل فى عالم موازى انا كغلاسه منى هاجاوب برضه

بص يا عزيزى السائل التخيلى الفرق ان فراس السواح يبحث فى كتب التاريخ الموازى "اللى هو الاسطورة" فيصل الى استنتاج و شك فى الواقع , بينما يجد القمنى فى نفسه ذلك الشك و الاستنتاج ذاته فيبحث فى كتب التاريخ عنه و فى ذلك فرق لو تعلمون

كما ان دكتور فراس يترك للقارئ مجال للتفكير و ان يستنتج هو ما يراه احيانا -و اخدت نصيحة من العارفين و المتخصصين فى كتب السواح ان تلك القاعدة ليست فى كل كتبه لكن فى اكثرها او بعضها - بينما يقدم القمنى الفكرة جاهزة "للأكل" للقارئ دون ان يترك له مساحة للرأى

و اخيرا فان دكتور فراس يقدم الادلة و الاحداث اولا ثم يصل الى استنتاج فيقنع القارئ بانه قد بذل المجهود الكافى ليصرح بهذا الاستنتاج , بينما يقدم القمنى الاستنتاج فى المقدمه و الاستهلال ثم يفرد الصفحات تأييد لرأيه فلا يقرا القارئ سوى كاتب يستبسل لاثبات رأى هو مقتنع بيه من الاصل 

بحب دكتور فراس اكتر لكن القمنى "اكتشاف" جديد و شكله بيفهم رغم ان دماغه بتحدف كتير

#مش_لازم_اتسأل_عشان_اجاوب

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....