الثلاثاء، 11 فبراير، 2014

حوليات226:هاجس

رواية هاجس ل هدى عبد المنعم
هاجس

قلتها زمان و هاقولها تانى.... لغة راقية و جو رومانسي مش اشياء "كافية" لبناء رواية مستواها عالى

او ممكن نعدل الجملة قليلا و نقول: انها اشياء لا "تكفينى" انا 

اللغة هى احسن حاجه فى العمل تقريبا , و حتى دى فيها شوية اراء خاصه ان رأيى انها كانت "أحسن" من اللازم و فى احيان كتير بعيده عن واقع الرواية و مستوى ثقافة شخصيتها

هى رواية رومانسية بامتياز فببساطة لو بتحب النوع ده من الادب هتحبها و لو بتكره هتكرهها لا اكثر ولا اقل

و لما انى -للاسف- من النوع التانى فمكنتش تجربة مرضية عموما ليا , اعذرنى بس جو (انا امرأة حدوها الحب) ده شئ لا يمثل لى كتير ولا انا بقرا روايات عبير, انا مش فاهمه ليه دايما البنات فى الروايات من النوع ده مسلوبين الارادة و غلابا و بيعيطوا عالفاضية و المليانه


و نرجع و نقول الريفيو ده اقرب لنقد التصنيف ده كله من الادب مش هاجس بس

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....