الثلاثاء، 18 فبراير، 2014

حوليات233:الكتب الفكرية

و دايما بحس ان فى الكتب الفكرية فى 3 انواع من الكتاب ده تصنيفى :

الاول ده اللى واثق من نفسه قوى و من افكاره و بيعرف يقنع القارئ بتاعه و يفضل يزن على دماغك بادله على رأيه لحد ما توافق , عيبه انك بتكون اشبه ب واحد قاعد فى حفلة ام كلثوم مفيش تفاعل انت تسمع و تتبسط و انت ساكت و النوع ده زى يوسف زيدان , العقاد و اخرين

التانى ده نوع من اللى بيحب يسيب لنفسه مجال للتفكير مع القارئ و مجال للخطأ و تغيير الافكار لاحقا بيديك الادلة اللى مع و اللى ضد و يخليك تعمل حوار فكرى معاه و تقتنع او لا او يمكن تكون رأى تالت زى ميل ستيورات و طه حسين مثلا

التالت هو بيقولك اللى فى دماغه و بيكون لك حرية مزيفة بالتفكير كأنه راسم لك نقط و هتمشى عليها لحد ما توصل برضه للى انت عايزه و بالطريق اللى كان راسمه من الاول و يمكن ده اخطرهم فى الاقناع لانه بيدى احساس مضلل بان دى افكارك مش افكاره زى فراس السواح و على الوردى مثلا

مفيش نوع احسن من التانى بس مهم تحدد دماغ الكاتب عشان الاقناع الزائد احيانا مش مفيد

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....