دينا : ماما انا عايزة ادخل كلية الاداب :-)
ماما: طيب يا حبيبتى لما تخلصى طب ابقى اعملى اللى انتى عايزاه
دينا: ما انا خلصت خلاص انتى مش واخدة بالك؟ بكالريوس الطب و الجراحة العامة بقى فى جيبنا خلاص و اروح اجيب لك الشهادة لو عايزة، انا نفسى احقق حلمى القديم بقى و ادخل اداب تاريخ
ماما: لو عايزة تتدخليه تعليم مفتوح براحتك دى حياتك و انتى حره فيها
دينا: و عايزة اعمل زمالة فى الطب بس مش محدده المصرية احسن ولا الانجليزى
ماما: طيب
دينا: و عايزة فى المستقبل احضر ماجستير
ماما: "بنفاذ صبر" و تعملى ايه بده كله؟
دينا: احط البكالريوس جنب الليسنس جنب الماجستير جنب شهادة الزمالة على الحيطة كده و اقعد اشرب شاى بالفانيليا و اقول ياااه و الله عمرى راح اونطة "تنهض"
ماما: طيب رايحة فين؟
دينا: هاعمل شاى بالفانيليا مؤقتا :-)
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....