ما شاء الله احلامى الليلية وصلت لمراحل متقدمة من الابداع
حلمت -خير ما اجعله خير- انى اخدت العائلة كلها للمكتبة العامة ، سبتهم على الترابيزة و اخدت شنطة ايدى و روحت انقى من الرف كتب عشان اخدها استعارة ، لقيت ناس قعدة على جنب زى ما تكون ندوة و فيها ناس اعرفها و ناس لا ، لقيت سارامجو بينادة عليا
سارامجو: ما تجى يا دينا رايحة فين؟
دينا: فى ناس ما اعرفهاش يا عم بلاش احراج
سارامجو: محدش غريب ده ميلان كونديرا و يوسا و فيليب روس ....و عندنا ضيف مهم
دينا: مين ده؟
سارامجو: ده جوز ملكة انجلترا
دينا: فيليب؟! ولا له عازة اصلا و بعدين ده هو اللى يتصور معاكوا يا جوزية يا اخويا
سارامجو: تعالى تعالى دا احنا رايحين مطعم اسبانى كمان بعد ما نخلص عندهم اكل بالزتون حلو
رحت معاهم المطعم لقيت فيليب ده رخم قوى و بيتنك ، و لا جيت اكل لقيتنى قاعدة جنب باربرا سترايسند و بتبص لى من فوق لحد و بتقول لى طب معاكى تدفعى تمن الاكل ده كله؟
و فجأة لقيت نفسى لابسه فستان سهرة عبقرى و باخد بيه صور ، و لما روحت لقيت الصور على برنامج the insider كمثال على الموضة ...و ماما مستغربه ازاى كنت رايحة استعير كتب و فى الاخر اطلع فى التليفزيون!
#حد_ينادى_فرويد_و_ابن_الاثير_بسرعة
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....