-عمى السلفى: انا عايزك يا دينا تبقى تلبسى اسدال كده و تنزلى الجامع و تتعرفى عالناس
-دينا: ههههه لا حلوة مع انى عمرى ما لبست اسدال، هو الناس بتروح تصلى ولا تتعرف؟
-عمى السلفى: تصلى طبعا بس الامر ما يخلاش تتعرفى على سيدات فضليات و تفتحى لروحك سكة جواز عشان نطمن عليكى بقى
-ماما: انت عايز الدكتورة تنزل تدلل على روحها؟ انت اتجننت؟
-دينا: اعصابك يا ماما ده عمى انا سيبنى منه له ، يعنى بذمتك دى نيه انزل بيها من البيت؟
-عمى السلفى: لا ما هو مع التعرف تسمعى دروس علم و تبقى دى النيه
-دينا: و الله يا عمى انت الذ مما تتخيل ، ما العلم فى كل حته هو فى اكتر من الكتب؟!
-عمى السلفى: هو حد فاضى يقرا؟
-دينا: هو احنا فاضيين لغيرها؟! ادى عدد مجلة الازهر مثلا و معاها كتاب عن طه حسين
-عمى السلفى: لا حول ولا قوة الا بالله ، الازهر؟! الازهر اللى مع الانقلاب؟! و كمان طه حسين الملحد؟
-دينا: اصبر بس ده مليان مقالات لمحمد عبده ، و الكتاب عن طه حسين بس تأليف محمد عمارة
-عمى السلفى: "تلمع عيناه فى اهتمام"
-دينا: لو عجبتك خدها هى و الكتاب قزقز فيهم ...المجلة رخيصة اصلا
-عمى السلفى: "يضع المجلة و الكتاب فى حقيبته" اهو كده يا دينا ربنا يهديكى
"ينصرف عمى"
-ماما: طب تدى له المجلة ممكن ، لكن الكتاب؟ اول مره تفرطى فى كتاب!!
-دينا: دى عملية تطهير يا ماما ، صعب عليا كتب محمد عمارة تتحط وسط كتبى اصلا :D
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....