النهاردة اثبت لروحى انى عندى قوة اكتر مما اتوقع
ركبت الصبح للمترو و بعد ما قطعت التذكرة لقيته اتاخر ، خلعت منه و ركبت مواصلات و اتخانقت مع السواق عشان حرامى و بيزود فى الاجرة و وصلت للامضا الساعه ٩ الا دقيقة
رحت ظبطت جدول الشهر فى النبطشات
عملت استمرارت و بدلات بدل ايام غيابى ، طلعت الدور التالت عشان اقبض بس طلع مفيش قبض يوم الخميس ، رحت الكلية اجيب الشهادة المؤقتة ناتج ال٧ سنين و. اتخانقت مع الموظفات كالعادة
نطيت فى المترو تانى و رحت دار الاوبرا اشتريت تذاكر لحفلة بيتهوفن بعد وقوف ساعه و نص فى الطابور
عديت على المجلس الاعلى للثقافة و اشتريت ٧ مجلدات هارد كفر ل الفتوحات المكية هو وزنه تقيل و غالى بس يستاهل ، و كتاب الصوفيون اللى كنت قلبت عليه النت
ركبت المترو تانى و رجعت غمرة ، و من غمرة اخدت عربية للزاوية الحمرا دخلت المكتبة ريحت و قريت لى رواية لخيرى شلبى فى السريع كده ... رجعت كتب الاستعارة و استعرت كتب جديدة
ركبت تالت و روحت شبرا ، و اخدت الشنط دى كلها و طلعت عالكوافير كمان اظبط شعرى
كل ده من غير فطار ولا حاجة و فى الحر و مواصلات
#احنا_اقوى_مما_نتخيل
#اول_مرة_اخلص_قائمة_تو_دو
#الكتب_بتعملك_عضلات
#الستات_بتعمل_معجزات
#و_كمان_قالوا_الجزر_اكله_يقوى_النظر_و_يخلينا_خفاف_الدم
#مين_باتريك_موديانو_ده_اصلا؟!
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....