الفرحة مش انك تروح سيتى ستارز فى التكييف و تدخل دار الشروق و بعد ما تلف و تقلب فى الكتب تشترى ١٩١٩ بتاعه احمد مراد و تروح تقراها فى كافية من اللى فيهم تكييف برضة .... دى فى رأيى فرحة معلبة
الفرحة الحقيقة انك تبقى ماشى فى عز الحر و تقف عند بتاع الجرايد عشان عنده ضل فتحرج و تضطر تشترى اى حاجة فيطلع حظك فى كتاب ٥١٢ صفحة بقلم خالد ابو الليل استاذ الادب الشعبى بجامعه القاهرة بيجمع فيها روايات المصرييات فى الكفور و الاقاليم ، تقرا حكاوى المصريات عن جازية و عن خضرة الشريفة... انك تقرا قصة الملك اللى حلف محدش يتجوز بنت غير لما يجيب له "العجب من بلاد العجب" ، الفرحة انك تقرا حواديت قروية بلهجتها الاصلية
الفرحة ان الكتاب يكون ب٥ جنية و انك تقراه و انت بتاكل براونى بيتى عمايل ايديا و حياة عنيا....يمكن الفرحة انك متبقاش مستعد انك تفرح و ربنا يرزقك بيه.....الفرحة ان النور مقطعش عشان تكمل الفرحة
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....