"تدخل دينا برفقتها الوالد عيادة انف و اذن و حنجرة خاصة "
الدكتور: بتشتكى من ايه يا استاذ
بابا: ودنى بتوجعنى من ٤ ايام يا دكتور و الدكتورة الصغيرة بتاعتنا مش عارفه تعالجنى، اعرفك بقى ب دكتوره دينا بنتى
دينا: "بصوت منخفض" -_- انت واخد مقلب كبير يا حاج
الدكتور: "ينتهى من الكشف" طيب حضرتك هتاخد الدوا دى و تعدى عليا الاسبوع الجاى
دينا: "تتدخل" ايوه يعنى بابا عنده ايه؟
الدكتور: "نظرة احتقار" نعم؟!
دينا: معلش يا دكتور بس عايزة اعرف بابا ماله اصله مريض سكر و المناعه سيئة و اخاف من عدوى فطريه مثلا
الدكتور: انى قلت ان فى فطريات؟!
دينا: هو حضرتك مقلتش حاجة خالص ، حضرتك كتبت دوا من غير ما تفهمنا هو فى ايه
الدكتور: انا الاستاذ دكتور فلان الفلانى يعنى قدامك ٢٠ سنه عشان تبقى زيى
دينا: "ترتبك" انا كل اللى عايزاه افهم بس هو التشخيص ايه و العلاج ليه؟
الدكتور: هو انا هاقعد اتكلم مع كل عيان؟
دينا: "بصوت منخفض" طيب بلاش تحرجنى قدام بابا ربنا ما يرميك فى ضيقة
الدكتور: انتى مش عارفه بتكلمى مين
بابا: هو فى ايه يا دكتورة؟
دينا: "تنهض" دكتورة ايه بقى يا باشمهندس ...الدكتور مش فاضى يتكلم
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....