فى حركة بسيطة تقدر تعرف بيها الاتجاه الفكرى للى قدامك ببساطة اسأله: هو احنا حالنا مايل بقالنا كام سنه؟
لو قال لك من 30 سنه فده الرد التقليدى لرجل الشارع و طبعا الشوباب الثورى
لو قال لك من 40 سنه يبقى يسارجى قديم لانهم بيضموا فترة السادات على الايام السودا و من اشهر مؤيدى نظرية "البلد خربانه بقالها 40 سنه" كمال ابو عيطة
لو قال من 60 سنه يبقى اخوانجى او يسارجى من الجداد و الاتنين بيضموا فترة ناصر للايام السودا
لو قال لك من 3 سنين يبقى كنباوى او فلول وش , و الغريبة ان فى ناس ثورية جدا من انصار النظريه دى احيانا بيعتبروا ان من ساعتها الثورة بقت مينستريم و عاميه
لو قال لك من 1400 سنه يبقى ملحد فيستك لان الاديان -لا مؤاخدة يعنى- مش اسلام بس
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....