يبقى السؤال السنوى بتاع كل سنه ، ليه فيلم حكايات الغريب بذات دون عن كل افلام اكتوبر؟!
يمكن عشان محمد منير كان "سخى" فى الاغانى ، غنى من اول الطشت قال لى لحد غنى يا سمسمية و شبعنى منه على الاخر
يمكن عشان يحمل روح الغيطانى اللى ما اقدرش انى اقول عنه غير انه احسن واحد كتب عن اكتوبر الناس مش النظام ، مش هتلاقى غيره بيهتم بتفاصيل الجندى اللى راح و اتنسى
يمكن عشان بحب فكرة العبثية البسيطة اللى فيها
يمكن عشان بحسها على الرغم من مصريتها البحته فيها لمحات انسانية عامة ، اى حرب فى اى حته فيها فكرة الغائب ، الغريب، الوشوش واحدة ....فكرة ممكن تطبقها من اول الحرب العالمية لحد حروب القبائل المتناحرة فى اى حته فى زمن سحيق
عبد الرحمن/كمال/الغريب و هو بيرمى الطيارات بالطوب و بيقول اطلعوا بره يا ولاد الكلب
انتاج مش فخم ، بس يظل فيلم اكتوبر المفضل ليا
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....