الجمعة، 6 مارس 2015

الساحرة الطيبة

دينا: لو سمحتى يا دكتورة عايزة حضرتك تمضى لى فى اللوج بوك انى كنت بحضر الراوند

صوت داخلى ١: الدكتورة دى لا عمرى شفتها و لا هى شافتنى و لا انا حضرت معاها ابدا ، غالبا هترفض ...عندها حق بصراحة

دكتورة ٢: واقفة ليه يا دكتورة؟! اقعدى استريحى

صوت داخلى ٢: ها؟! هى قالت يا دكتورة و اقعدى فى جملة واحدة؟! اول مرة حد يحترمنى يا جدعان ، لا بس عجبانى شعرها ابيض و سايباه من غير صبغة و انا بحترم ده قوى فى الستات ...صليب دهب صغير على بلوزة بيضا و جيبة سودا انيقة ...هى هترفض بس لطيفة

دكتورة ٢: هو المفروض ان رئيس القسم اللى يمضى هو منبه على كده

دينا: خلاص مش مشكلة يا دكتور

دكتورة ٢: بس هاقولك انا هامضى لك بالنيابة عنه و اختم لك باسمى و هما هيمشوها ليكى و لو حصلت اى مشكلة قولى لهم اسمى و هما هيرضوا...و لو حصل اى حاجة تعالى لى...انتى كده خلصتنى الامتياز صح؟

دينا: ها؟! اه الحمد لله و بخلص الورق

دكتورة ٢: ربنا معاكى يا رب و زى ما قلت لك اى حاجة قولى لهم اسمى

دينا: "تحاول اغلاق فمها" اه اه الف شكر يا دكتور

صوت داخلى ٣: ايه اللى حصل ده؟!!!!!

1 التعليقات:

رحاب صالح يقول...

هههههههههههه
احيانا بنقابل ساحرات طيبات في حياتنا

إرسال تعليق

حلو؟؟ وحش؟؟ طب ساكت ليه ما تقول....