قواعد كتاب الريفيو اللى مش اربعون:
1- خد ملاحظات اول باول و انت بتقرا ، حتى لو جمل قصيرة
٢- بعد ما تخلص مخك هياخد الجمل دى و يوسعها و يضيف ليها رأيك و هتطلع قطع اكبر
٣-اكتب الريفيو بعد ما تخلص الكتاب بحد اقصى يومين بعدها مش بس افكارك عن الكتاب هتطير بس هتكون اتشغلت بحاجات تانية و احتمال الريفيو ميتكبتش اصلا
٤- حط فى الريفيو القدر المناسب من اقتباسات للعمل بلاش قطع طويلة تزعج القارئ
٥- اوعى اوعى تحط اجزاء تكشف حبكة الكتاب/الرواية ، اللى بيحرق كتاب لقارئ ربنا هيعمل فيه حاجات وحشة
٦-خلى الريفيو مريح بصريا ، خلى القطع مقسمة و لو فى صور يبقى حجمها كويس...شكليات بس بتفرق جدا
٧-لو بستخدم جودريدز استخدم الخط للعريض و الخطوط و اقتباسات مصورة
٨-قول رأيك بتفاصيله ، كلمات عامة زى حلو و وحش عادة مش كفاية
٩- حاول تلخص فى رأيك القارئ التالى لازم يقرا الكتاب ليه او مش لازم ليه
١٠- حط علاماتك الشخصية و انت فى الريفيو ، قريته ورق ولا بى دى اف ، متقطع ولا متواصل ، استعارة ولا ملكك ، صورة نسختك مثلا
١١-انت مخك مش دفتر ، الريفيو ده ليك كمان مش لصحابك بس
١٢-ملف ورد جنب ملف البى دى اف لو انت على كمبيوتر حل كويس...و لو بتقرا باندرويد ابلكيشن Evernote مثالى
١٣-الريفيو مش كتاب مينفعش يبقى ١٢ صفحة و مش قصوصة مينفعش يبقى سطرين
١٤-الريفيو بتاعك مفيد للقارئ و الكاتب و ليك
١٥-الريفيوهات زى الشمعدان كل ما هتحبه هيحبك كمان و كمان....هتتحسن مع الوقت
١٦-فى الروايات علق على اللغة ، الحبكة ، السرد ، الشخصيات ، الترجمة ...حتى لو على قدك
١٧- فى الكتب الفكرية علق على الحياد ، التناول ، المقدمات اللى قالها المؤلف ماشية مع النتائج و الاستناج اللى طلعه ولا لا
١٨-التقييم بالارقام بس مش كفاية
١٩-استخدم قدراتك النقدية ،انتقد ، حلل ، قارن ،و علق
٢٠-اكتب ريفيو ...
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....