هى الناس بعد الحاجات الحلوة بتستعجل الجدية؟ جدودنا كانوا بيقولوا (راحت السكرة و جت الفكرة) ، طيب يعنى الفكرة جاية جاية ... متسربعين ليه؟!
استمتع بفرحتك و لو صغيره .. حطها تحت لسانك و سيبها تحلى مرارة حلقك بالراحة ، ببطئ ، رجع الكرسى لورا و بحلق فى السقف و تخيل البلاوى اللى كانت ممكن تحصل بس رحمه ربنا رفعتها عنك ، غمض عينك شوية ، اشرب نعناع اخضر مغلى ، حط نعناع و ليمون فى الخلاط و حط عليهم تلج ، اسمع الست و هى بتندندن (حبيب قلبى يا قلبى عليه ، و لو حتى يخاصمنى) ، يا ابنى ده الفرحة شئ بطبيعته نادر ...استمتع باللحظة و اعصرها لاخرها
Carpe diem يا ابنى
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....