واضح انى عندى نقص اما فى الخيال او فى فهم الرمزيه او فى الفهم عموما!!...ايه اللى بيخلينى اقول كده ؟؟ ببساطه ان فى حاجات كتير مش فاهمها او الاسوء انى ادعى انى فهماها ....اول الحاجات دى هى اللوحات اللى فى الفن الحديث اللى بصراحه و اعلنها على الملاء معظمهما مش فهماه ...صحيح فى حاجات بحس انى فهماه الرسام عايز يوصل ايه لكن برضه احيانا كتير بحس انى مش متخيله لا الشكل اللى قدامى و لا حتى ممكن يكون بيرمز لايه!!!!
مثال حى للمأساه :
ده رسام كبير اسمه "فرانز كلاين" لوحاته جابتلى الهسهس فى دماغى وحسستنى انى بقيت غبيه للاسف و عموما شوف الزهور واتعلم بين الحبابيب تتكلم يووه اقصد شوف عينه اللوحات و قلى قلى ايه رأيك جرب و اوصفلى زى ما بتقول ورده :
او
او
او
يعنى ايه؟؟؟؟؟؟؟؟؟؟؟؟ صحيح انا حاسه ان اللوحات عايزه توصل حاجه بس ايه هى؟؟؟ ازاى هقييم حاجه اذا كانت وحشه او حلوه وانا مش فهماها فى الاصل!!!!!
رسام اخر وخيبه امل فى الفهم اخرى ... المره دى هو "إل ليسيتزكي "
رسام روسى فى نفس مجال الفن الحديث بس بيميل للشغل الهندسى و الخطوط الحاده ...صحيح تقدر تفرقه عن سابقه لكن تفاصيل و مكنون اللوحه يظل مبهم
او
او
او
او
لينا تكمله فى تدوينه تانيه عن باقى خيبات املى.....
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....