لونه ازرق بطريقه محزنه

-مشاعر الطفل المهمل التائه المظلوم المحبط
-طفل مدارس الحكومه مش المدارس الامريكانى 
-طفل يعرف التخته و ميعرفش الديسك 
-طفل يعرف الابله و ميعرفش الميس 
-طفل يعرف العصايه و الجلده و الخرطوم و الخرزانه 
  و المد و العبط و لطشه القلم على وشه فى يوم برد 
-طفل ميعرفش الكلاس و البورد و الماث و الفيزكس 
-طفل عارف و فاهم...يمكن زياده عن اللزوم 
-طفل برمجوا مخه انه يحيى الصبح الماسوره المصديه 
-طفل حكومى...شاب بلا مستقبل...راجل كل حياته عقد 
-مواطن مصرى داق الخوف و الذل من نعومه اظفاره
-جلده تخن مبقاش بيحس كتير 




كلنا جالنا المشاعر و الذكريات السلبيه دى فى يوم من الايام ...بس الفرق ان الانسان العادى بيحاول يبقى عادى بانه ينسى ده كله...لكن الكاتب -وحده الكاتب- يمنع من نعمه النسيان فيفتح الجروح ليخرج كل صديدها فى اعمال ادبيه ...صحيح اعمال واقعيه و كويسه لكنه فى النهايه حالته النفسيه اسوأ 


كلنا مرينا بكده بس احنا كملنا و هو لا... فضل واقف عندها يكتبها و يفكرنا بحاجات بندعى ربنا ننساها 


ملحوظه: الجزء الاول من الكتاب اقوى بكثير من الجزء الثانى

لونه ازرق بطريقه محزنه ل محمد صلاح العزب 
عدد الصفحات:93
متوفر اليكترونيا