الثلاثاء، 23 نوفمبر 2010

ديزنى و لطيفه و الاشتراكيه و اندريه جيد؟؟؟!!!!

على طريقه لعبه الرابط العجيب :ايه هو الرابط العجيب بين الحمار والحليب؟؟؟

التشابه هو على الشكل التالي :-

حمار بالانكليزي يعني دونكي النصف الثاني من كلمة دونكي هو كي

كي بالانكليزي تعني مفتاح

المفتاح يفتح الباب

الباب هي مدينة سورية مشهورة بالابواب موجودة في حلب

اشهر باب في حلب باب الفرج

البلد العربي الذي يكثر فيه اسم فرج هو مصرعاصمة مصر القاهرة

النصف الثاني لكلمة قاهرة هرة

الهرة ماذا تشرب ؟

الحليب


و اخيرا هذا هو وجه التشابه بين الحمار والحليب


اما سؤال الليله : ما هو الرابط بين لطيفه المغنيه ...و كارتونات ديزنى....و الكاتب الفرنسى اندريه جيد...و الاشتراكيه؟؟؟؟!!!


انه الاستبدال ....مش فاهم حاجه طب اقرا التدوينه بقى :




الكاتب الفرنسى اندريه جيد



الجمله اللى فوق دى عباره عن اقصوصه من كتاب "مذكرات فتاه رصينه" لكاتبته الرائعه سيمون دو بوفوار تلك الرائعه التى لا تذكرها احد سوى لعلاقتها ب جان بول سارتر كعادتنا فى طمس اى انجاز لاى امراه.....هو ايه اللى جاب سيره الموضوع ده دلوقتى دى هتبقى تدوينه تانيه مفصله اكتر بعد ما اخلص الروايه دى......


نرجع لجمله اندريه جيد "المهم ان يجعل المرء من نفسه شخصا غير قابل لان يستبدل" اممممممممم جمله محيره صح؟؟؟ هو طبعا حلم عدم الاستبدال لاى واحد فينا هو الحلم الاكبر كالعاده لكن هل هو حقيقى الا فى حالات قليله بندره ماء المطر فى الصحراء الكبرى بدليل ان الدنيا مش بتقف على حد و فى اى لحظه هتلاقى نفسك و غيرك ممن لا يتوقع احد سهوله الاستغناء عنهم يجدوا انفسهم فى الشارع و يتم استبدالك ببساطه و كأن شى لم يكن و براءه الاطفال فى عينيه  لم تتعجب ؟ كلنا بشر و محدش فينا -عاده- خارق القوى و بالتالى فحاله اليأس تستبد بنا لما نعرف اننا قطع قابله للتبديل و تستغرب هى ازاى الارض لسه بتلف لما فلان بيختفى؟؟؟......اعظم مثال على كده اى ام تكون فى مشوار و ترجع بتتمنى من كل قلبها انها ترجع تلاقى كل حاجه فى البيت خربانه انما لو رجعت و لقت السيستم ماشى من غيرها تلاقيها بتلكك على غلطه لتثبت ان دورها لا يستبدل... و ده مش شر لكنه الغريزه المزروعه فينا بحب التميز و اثبات بصمتنا على هذا الكوكب البائس المدعو الارض


**********************





اما لطيفه فبتقول فى احد اغانيها التى اتهمها بالسخافه -و محدش يقولى ليه لان هو ده انطباعى الاول و الاخير- و سخافه اغانى الفتره دى تتركز فى هيصه الالحان و غرابه الكلمات لكن بتقول فى اغنيه ل عبد الوهاب محمد :


انا متنسيش، انا، انا متنسيش
خليك هجرني، ما يهمنيش، انا
انا متنسيش، انا متنسيش
خليك هجرني، ما يهمنيش
دانا بخيالك، وبين امالك
و جوه بالك، معاك بعيش
تحب تاني، متحب تاني
شوف امتلاق قلبي فحناني
حتنسه غيري، و تنسه غيرو
و تبق برضو ما بتنسانيش
ل اني حبك الاولني
كول الي بعدي حيبقو تاني
ل اني حبك الاولني
كول الي بعدي حيبقو تاني
نفس الحلم و نفس الوهم......انها امنيه الجميع يا عزيزتى
**************************
* اما امريكا و ديزنى فرأيها من رأيى :
الصور اللى فوق دى هى صور لمسلسل كارتونى من ديزنى اسمه بالعربى المدبلج "البديل" و بالانجليزى بلغته الاصليه "the replacements" و بتقوم فكرته بالعايله دى اللى بتمتلك الموبايل اللى فى ايد البنت ده و فيه زرار لما تدوس عليه فيتصل بشركته متخصصه فى الاستبدال فتتبدل الشخص المعنى بالموضوع باخر بمواصفات اخرى حسب طلب الزبون يعنى مثلا يغير الولد مدرسه الصعب بمدرس اخر متساهل و هكذا ......و هكذا يتحرك الناس كقطع الشطرنج بلا فارق
 **********************
*  اشتركت امريكا و روسيا فى هدم فكره التميز الفردى و يمكن يتفقوا لاول مره فى تاريخهم :
 
الصوره اللى فوق دى طبعا هى شعار الاشتراكيه الاشهر......فى رأىّ -اللى مفيش اهيف منه- احد الاسباب الرئيسيه فى سقوط و فشل الاشتراكيه هو احساس روادها و محبيها بانهم مجرد ترس فى ماكنه يمكن تغييرهم فى لحظه فاتفقت الراسماليه و الاشتراكيه على بؤس الانسان المعاصر اما الفاشيه فجعلت كل الاشخاص قابلى للاستبدال الا الزعيم الملهم من وحى السماء......
و على طريقه الرابط العجيب هو دى العلاقه بين : اندريه جيد و لطيفه و ديزنى و الاشتراكيه!!!!!!
و يبقى السؤال الابدى : هل يسهل استبدالى ؟؟؟؟

2 التعليقات:

سمو الامير يقول...

امممممممم

سؤال مهم !!

د/دودى يقول...

سؤال محير بصراحه طبعا نفسنا تكون مميزين بطريقه لا يستغنى عنا بس فى اغلب الاحوال فى رأيى و للاسف يحققش

إرسال تعليق

حلو؟؟ وحش؟؟ طب ساكت ليه ما تقول....