وول ستريت...المال لا ينام

Wall Street: Money Never Sleeps (2010)
http://www.imdb.com/title/tt1027718/


الفيلم ده هو الجزء التانى للفيلم المشهور للغايه اللى خد عنه مايكل دوجلاس اوسكار احسن ممثل "بين قوسين كده انا حاسه انه عمل ادوار احلى كتير من الفيلم ده و مخدش عنها حاجه و جم على فيلم مش بيظهر قدراته التمثليه و ادوله اوسكار فيها بصراحه معرفش هما بيعملوها ازاى ....عموما هما ادرى"


http://www.imdb.com/title/tt0094291/ Wall Street (1987)


ظلم انك تحاول تقارن الفيلمين ببعض ببساطه لمرور 23 سنه على صدور الجزء الاول اللى الكل اعتبره ناجح بقوه ....لكن محدش يقدر يقول على الجزء التانى وحش او انه استغلال كامل للنجاج الفيلم القديم يمكن لان لعبه المال ملهاش كبير و مستمره فى كل الاوقات بنفس القوه ....بالمناسبه سلوجن الفيلم Money Never Sleeps انا معجبه بيه قوى يمكن لانه متعلق قوى بفكره الفيلم و هو لوحده يديك مبرر لوجود الجزء التانى نفسه....

ملحوظه كده على جنب: حصل معايا نفس اللى حصل فى الجزء الاولانى لانى برده كان نفسى الممثلين يختفوا شويه و تزيد مشاهد مايكل دوجلاس اللى بعشقه كممثل و اللى بستمتع بيه فى اى مشهد .....

ملحوظه كده على جنب 2 :
فاكرين الصوره دى من الجزء الاولانى مع بدايه ظهور التليفون المحمول سنه 1987


جابو التليفون ده فى اول مشاهد الفيلم فى الجزء الجديد و هما بيسلموه حاجاته وهو خارج من السجن فجأه كده بقى شكله مسخره فعلا....