"نهار داخلى ، استقبال مستشفى الاطفال"
النايب: عايزين نعمل تحليل للطفل ده ، ادى عينه دمه اهى و تمن التحليل
دينا: طب اسمه ايه عشان بيحتاجوا يكتبوا اسمه على الورق
النايب: الواد عنده ٣ ساعات يا دينا ، محدش لسه سماه ..بس ابوه اسمه محمد
"نهار داخلى برضه ، المعمل"
دكتور التحليل: اسم العيان ايه؟
صوت داخلى ١: احيه ، و هنعمل ايه دلوقتى؟
صوت داخلى ٢: انتى متخيلة القوة اللى عندك حاليا؟! الواد صفحة بيضا و ممكن نسميه اللى يعجبنا ، اى اسم يعجبنا
صوت داخلى ١: نسميه "سميث" و النبى يا دينا ، من زمان و انا نفسى اسمى الاسم ده
صوت داخلى ٢: سميث ايه بس؟ سميث محمد ده اسم بذمتك؟!
صوت اشتراكى داخلى: كارل ماركس محمد .... اسم يملا العين و الله
دكتور التحليل: انتى سرحتى فى ايه كده؟ اسم العيان ايه يا دكتورة ؟!
دينا: "بارهاق" : اسمه محمد محمد
صوت داخلى ٢: يخرب بيت ابتكارك و خروجك من الصندوق بصراحة
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....