الاثنين، 3 نوفمبر، 2014

عزيزتى رفايع ٣

عزيزتى رفايع ، تحية طيبة و بعد

انا دلوقتى جوه الاتوبيس فى سكتى اليومية الفكرية من شبرا للعباسية ، هادونها فى برنامج الملاحظات و لما اروح هابقى انشرها...عارفه هتقولى ايه: يعنى حبكت؟ ، معاكى حق اصلا بس اهو تغيير يقصر السكة

الاستاذ اللى قاعد جنبى تقرييا بيقرا اللى بكتبه حرف حرف مع انه بيحاول يتظاهر بالعكس، طب و انا محرجة ليه؟ ده الكلام ده هينزل عالنت للرايح و الجاى ..امممم غريبة

السواق كان مشغل اغنية حكيم "الحق عليه" و اعلمى يا بينتى ان الحق عليه هى الاغنية الشعبى النموذجية ، اولا فيها صوت حكيم الملعلع ، و فيها طريقة الكلمات المفضلة عند الغنا الشعبى من اول ان الحق على الطرف التانى لغاية انا الطيب اللى اتخدعت ...و لحن منطط و المجموعه بترد على حكيم كدلاله اصيلة على اغانى التسعينات قبل ما يطوروا تكنولوجيا ان المغنى يرد على روحه

الحق عليه ، الحق عليييييييه

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....