حلمت -خير ما اجعله خير- انى رجعت اذاكر ثانوى تانى و انا كبيرة كده و امتياز و انى طول الوقت قلقانة انى عشان اخد التخصص اللى انا عايزاه فى الطب لازم اجيب مجموع عالى فى ثانوية عامة
و يجى لى "شيلدون" و "راج" من مسلسل ذا بيج بانج ، و يقولوا لى طب ما تخصصى نفسية و عصبية دى مش محتاجة مجموع كبير فى ثانوى ...لانى مش فاكرة حاجة من الفيزيا و الفرنساوى و مبقتش فورمة زى زمان
و فعلا اتخصص نفسية و عصبيه و يبقى اول حاجة ليها فى الماجستير انى اخد طفل و اركب بيه المترو ، و بعد ما اخده و اجرى بيه باب المترو يقفل قبل ما ندخل .... اقول نركب اللى بعده يقولوا لى لا ده كان اخر واحد ، خدى القطر بقى
اجى اخد القطر لطنطا اكتشف انى روحت الصعيد مكانيا و التسعينات زمانيا و اقعد اتفرج على فيلم "كاسبر" فى السينما و اسمع اغانى علاء عبد الخالق
#انا_باين_عليا_اتجننت
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....