الثلاثاء، 1 أكتوبر، 2013

حوليات93: التاريخ الممكن


و لكن من سيكتب التاريخ الذى كان من الممكن ان يكون....سارامجو

نفسى يا عم سارامجو انفذ فكرتك المجنونه اللى كتبتها كجملة فى وسط روايه طويله...ممكن فى يوم اقعد اكتب "التاريخ كما كان من الممكن ان يكون"...كنت هاقعد اكتب تاريخ موازى مع افتراض نتائج و سكك مختلفة

مثلا:
فى عالم موازى 

سنه 1954: كان عبد الناصر مقلبش على الاخوان...و كانوا صقفوا له زى ما عملوه قبله لنجيب ...و طبلوا لكل قرارته مقابل انه يسيب لهم الجوامع و الجماعه و "عضمة" هنا ولا هناك

سنه 2013: كان زمان مرسى بيحط باقة من الزهور على قبر "الزعيم الراحل" و يمسح دموعه بطرف منديل فرنسى مستورد من فلوسنا...و يلقى خطبة "عصماء" فى محاسن الرجل و تعاونه التاريخى مع "سيد قطب" لتحويل مصر الملكية الفاسدة الى جنة العدالة الاجتماعية
***********************
طب و الله فكرة كتاب عبقرى ....تخيل..تتتخيل

خلوها فكرة مسجلة باسمى...يمكن اكتبه فى يوم من الايام

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....