الخميس، 17 أكتوبر، 2013

حوليات108: الاوبانيشاد

الأوبانيشاد "الكتاب المقدس للهندوسية"
ترجمة:عبد السلام زيان
232 صفحة
الأوبانيشاد

 أووووم

سكون...هدوء...صفاء
****************
هكذا ينتهى كل فصل من فصول الاوبانيشاد الكتاب المقدس للهندوسية ...الديانه التى تدين بها 900 مليون شخص على الارض و مع ذلك لم نهتم قط بمعرفة ماذا يعبدون؟ ما هى افكارهم

الهندوسية تلك الديانة المجهولة لنا بسبب عدم توفر الحمية الكافيه لنا لان نقرأ عنها حتى

لكنى اشكر وول ديورانت الذى عرفنى و قربنى منها فى ثالث اجزء قصة الحضارة فى هذا الجزء الممتع عن ارض الاديان ارض الهند

و ها انا اقترب من كتابهم المقدس...لكن و يالحظ السئ تقف مجددا مشكلة الترجمة العتيده

الترجمة غير ممتعه على الاطلاق و تقريبا ترجمت عن غير النص باللغة الاولى 

فيدا ده الاسم الكبير اللى بيضم 4 كتب: ريك فيدا , سامافيدا , ياجورافيديا,اتهرفافيدا 

الاوبانيشاد بقى اشبه هو الجزء "الصوفى" فى الهندوسية ...و تعنى حرفيا: ان تجلس عن قرب بخشوع
**************
للتأريخ الشخصى..ظروف قراءة الكتاب
-ماما: بتعملى ايه يا دينا؟

-انا: "ممسكة بالكتاب" بقمع باميه!! هو مش واضح انى بقرا ؟

-ماما: ايوه بتقرى ايه يعنى؟

-انا: بقرا "الاوبانيشاد"

-ماما: ايه؟؟

-انا: الاوبانيشاد يا ماما...ده الكتاب المقدس للهندوسية حاجة كده زى الانجيل بتاعهم

-ماما: بتقرى انجيل ليه ؟؟

-انا: يا ماما مش انجيل ..ده تشبيه...المهم انه الكتاب المقدس للهندوسية

-ماما: ايوه بتقريه ليه يعنى؟

-انا: عايزانى اعيش و اموت جاهله؟؟ ده ديانه 900 مليون انسان و انا ما اعرفش عنها حاجة

-ماما: "متعجبة" كل ده و هتموتى جاهله؟؟ ...يا بنتى ذاكر شوية

-انا: حاضر من عينى...بس بعد ما اخلص الاوبانيشاد

1 التعليقات:

ريم يوسف يقول...

طب مفيش كده تدوينة حلوة تعمليها فيها شوية خطوط عريضة عن الاوبانيشاد ده :D

إرسال تعليق

حلو؟؟ وحش؟؟ طب ساكت ليه ما تقول....