كما اقول دائما...عام 2011 كان سئ فى كل حاجه بالنسبه لى الا الكتب D:
حطيت هدف 52 كتاب فى السنه...و بسبب الثوره و اجازه نص السنه اللى خدناها مرتين وصل الامر لقراءه 180 كتاب ..استمتعت ببعضهم , ضيعت وقتى فى بعضم, بعضهم متوسط المستوى و هو عاده ما انسى انى قرأته بعد اسبوع
الاتى : لائحه بالصور من اغلافه كتب 2011
12 التعليقات:
القراء النهمون من يرثون العالم فبشرى لهم !
كتبت بوست شبيه بس مش بنفس الأناقة دي ، ده غير اني مقفول لأنك قريتي اكتر مني بعشرين كتاب تقريبا ..
بس هاعوضهم السنة دي !
ما شاء الله عليكى يا دينا
دايماً بحب اقرا الريفيوهات بتاعتك عن الكتب اللى بتقريها فى الجود ريدز
بتفيدنى وبتخلينى اتشجع انى اقرأ الكتاب او العكس
أهنيكى بصراحه
انا عملت تحدى انى اخلص 15 كتاب فى 2011 ولحد دلوقتى خلصت 9 الحمدالله :D :D
ما شاء الله
في سنة واحد قرأتي أكتر من اللي قريته أنا طول حياتي :)
ربنا يبارك لك في وقتك وقراءتك وعلمك وعملك وعمرك :)
ما شاء الله تبارك الله ربنا يزيدك ويبارك لك فرحت كتير إنك حطيتي أهداف وحققتها بقفزة عالية جدا كل عام وأنت بخير
أنا كمان أخدت سكرين شوتس للكتب بتاعتي تحسبًا إن الجودريدز ممكن يشيل التشالينج كله على بعضه.. بس محصلش كده الحمد لله...
ألف مبروك على الـ180 كتاب، وعقبال 2012 :)))
ما شاء الله!! 180 كتاب!
أنا حاسس بغيرة مالهاش حد دلوقتي..
ممكن سؤال؟ انتي بتقري الكتب الألكترونية على الكمبيوتر ولا على Ebook؟؟
donkejota : قريت البوست بتاعك و عجبنى كونك كتبت رأيك فى كتب اختارتها انا قررت اجزأها على مراحل
السنه الجايه زى دلوقت نشوف مين قرا اكتر...ههههههه
Bent Men ElZman Da : شيدى بس حيلك انتى و انتى تكتشفى ان فى وقت كتير بنضيعه فى التليفزيون مثلا مع ان القرايه ممتعه اكتر بكتير -على الاقل بالنسبه لى-
أحمد فتح الباب : انت بذات متقولش كده يا احمد ده انت دوده قرايه قديم
كريمة سندي : و الله موضوع كسر الارقام ده مكنش مقصود ..هى ظروف البلد الزفت هى اللى حمستنى
ع.سالم : ذكرى لطيفه و الله..الموقع ده حمسنى اكتر و اقترح ليا كتب استمتعت بيها جدا...و كمان تكفل بفكره العدد
مارك جمال : صحيح كان فى كتب متستهلش القراءه بس حتى الكتب السيئه بتعلمنى حاجات...
اما بالنسبه لسؤالك : فانا بقرا على المينى لاب بتاعى ..لما بمسكه بالطول بيقى نفس خفه و شكل الكيندل ..طريقه بسيطه بس نجحت معايا
إرسال تعليق
حلو؟؟ وحش؟؟ طب ساكت ليه ما تقول....