الثلاثاء، 27 ديسمبر، 2011

تخلص من عقلك شريف عرفه



شجعنى لقراءه هذا الكتاب غلافه و صوره مؤلفه مشيرا الى بصباعه و كأنه عرابى و اعاد لى ذكريات صباع الفنجرى الشهير...و لذا و كنوع من الانتقام من الكاتب و عرابى و الفنجرى قررت قراءه الكتاب...اعترف فى البدايه بانى لست من محبى التنميه البشريه او الذاتيه او اى كان اسمها بل كون هناك وزاره فى مصر اسمها "التنميه المحليه"يدل على ان لفظ التنميه ده فى حد ذاته لفظ فاشل عمليا -لاحظ استحاله اقتران لفظ ناجح مع وكاله حكوميه-...لذا بدأت فيه 


لم يكن بالسوء الذى تخيلته لكنى تيقنت فى وسطه انه كتاب رائع فعلا للاطفال و المراهقين!!...و الله ما بهزر فعلا الكتاب ده بجمله -البريئه السذاجه احيانا- و صوره الكاركتيريه فعال لتحت 16 سنه


لكن لا تحاول اقناعى بانه مفيد لمن تخطى مرحله الثانويه العامه...لا تنخدع بالغلاف الانيق و العنوان البارق او المؤلف الشاب الجذاب فهو كتاب سوقى كغيره من اجل البيع ولا شئ غير البيع


على رأى احمد خالد توفيق :"الطريقه الوحيده لتغير حياتك بكتاب تنميه ذاتيه هو ان تكتبه"..ساعتها هتكسب فلوس تبقى تغير حياتك


امضاء
عدوه التنميه الذاتيه او البشريه او المحليه او حتى المهلبيه

10 التعليقات:

ابراهيم رزق يقول...

لا اقتنع بكتب التنمية البشرية و لا التنمية الذاتية و لا كتب النصائح

بيفكرنى بافلام الحمسينات
و كيف تقود الطائرة
و كيف تتعلم السباحة
و كيف تتزوج و تعيش سعيد
و كيف تضرب زوجتك بدون اصابات
و كيف تتعلم الانجليزية بدون معلم
و كيف تصنع ثورة ثم يسرقها القراصنة
تحياتى

وجع البنفسج يقول...

بصراحة انا بدأت في قراءة كتاب " لماذا من حولك أغبياء " بتهيألي انه اسمه هيك .. عموما لم اكمله حتى الآن والسبب اكيد " انه لم يشدني او يقنعني بجماله " لكني مصرة ع اكماله @@

وعلى فكرة في كتب كثيرة بافقد حماسي لقراءتها لكني اصر " من باب تعذيب النفس " بإكمالها للنهاية ..لعلى وعسى ههههه

د/دودى يقول...

ابراهيم رزق : كتب سوقيه و غرضها البيع و خلاص ...انا عموما بحتقر النوع ده من الكتب و لكنى قررت قراءه الكتاب ده زى ما قلت كنوع من الانتقام من صباع الكاتب اللى فكرنى بصباع الفنجرى

د/دودى يقول...

وجع البنفسج : اه انا عارفه الكتاب ده اظن لنفس الكاتب برضه ...نصيحه كفايه تعذيب لنفسك و سبيه و قزقزى لب احسن لك

هبة فاروق يقول...

طيب بقى انا حغيظ نفسى يا دودو واقرا الكتاب من باب الفضول
تحياتى لاجمل دودو

Sara يقول...

عن نفسي الكتاب عجبني :)

infowksl يقول...

دائما ما يكونون الكتاب مساكين فالغلاف البراق يتم اختياره من قبل اما الممول او من قبل النطبيعة التي تتقاسم الأرباح مع الكاتب
-------------------------------------
اذا كان عنوان الكتاب كما هو مذكور في الصورة (تخلص من عقلك) فقد بحثت عنه من باب الفضول على النت ولم استطع تنزيله
حنعمل ايه بقة محنا عرب والفضول بيقتلنا

Umzug Wien يقول...

بس انا قرأت له كتاب " لماذا من حولك اغبياء "
افدنى كتيييييييييير
فياريت نقدر الاختلاف .. كونك اختلفت مع الكاتب او اتفقت فلا داعى للتجريح او التسفيه .. وشكراً لكم على اى حال

غير معرف يقول...

مش حكايةافنع حد انه مفيد ولا لا بس بجد كلامك يضحك معلشي يمكن ده كلام كبير عليكي ومفهميهوش بس عشان كده قولت انه للاطفال مش معنى انك مش قادرة توصلى لمفهوم التنمية البشريه واللي لو ما غيركيش للافضل مش هيخلي حالك يسوء اكتر من كده انك تتكلمى عن الناس بالطريقةة المتخلفة دى واللى لا تعبر عن اى تحضر او حتى مجرد فهم زى فهم الاطفال ههههههههههههه فعلا والله كلامك يضحك بس للاسف قلل منك اوى انتى وامثالك ياجماعة اذا بليتم فاستتروا ههههههههههه

د/دودى يقول...

طب كنت كتبت لى اسمك عشان نعرف نتكلم...انما تشتمنى و تمشى كده مش مفيد

و مين "امثالى" دول؟؟

إرسال تعليق

حلو؟؟ وحش؟؟ طب ساكت ليه ما تقول....