الأربعاء، 21 ديسمبر، 2011

العناكب و الله اعلم!!



غلاف قصه"العناكب"المقرره على ثانيه ثانوى عام
دعونى لا اكتفى بمنحى لها نجمه واحده كتقييم...فلو باستطاعتى سحب حتى تلك النجمه لفعلتها 


وضع القصه دى لمنهج  ثانويه عامه وحده هو اهانه لعقل الطالب المصرى و تضييع لوقته اللى لو قشر فيه بطاطس كان استفاد اكتر من متابعه العنكبوت النونو اللى عمال يطنطط من حته لحته طول الروايه التافهه دى و خاصه انه -مستقصد-البطل لدرجه انه عضه مرتين...مقدرش اقول انى قريتها بس لانى قريتها يجى خمسين مره و حفظتها و دخلت فيها امتحان ميت مره و لم استفد منها سوى درجات ..




كان هذا هو الريفيو اللى كتبته عن قصه "العناكب" المقرره على ثانيه ثانوى عام فى مصرنا الغاليه التى تصر على اكل اولادها...ريفيو قصير طبعا لكنه معبر عن الحقد اللى جوايا تجاه القصه دى اللى ضيعت من وقتى الكثير و لم تضف لى شيئا ...


الغريب كان ردود الافعال على الموقع الممتع goodreads بحيث فؤجئت بكم هائل من الاعجابات و التعليقات ....واضح انى مكنتش لوحدى ....


 D'Arcy Adrian-Vallance....من هى تلك الدرسى اللى كتبت القصه دى؟؟...و اذا كانت كاتبه غير مصريه فكيف تم "دبلجه الاسماء" لاسماء مصريه و عربيه؟؟...و الاهم هل تستحق تلك القصه ان تحفظ عن ظهر قلب لملايين المصريين؟؟؟

2 التعليقات:

Sara يقول...

هقول رأيي بعد ما أخلص ثانوية عامة و أنجح :D

جايز تيجي تعضني العنكبوتة هههههه

ع.سالم يقول...

يختييييييه، ليه كده ؟ ما أنا كنت ناسي ! :D

قصة سئيلة بمعنى الكلمة !

إرسال تعليق

حلو؟؟ وحش؟؟ طب ساكت ليه ما تقول....