لما سمعت ان السلفيين مش بيحطوا صور للاخوات المرشحات فى المرحله الاولى بصراحه تخيلتها نكته او نوع من الدعايه السلبيه ....لكن بالتاكيد متخليتش ان ده ممكن يحصل فى دائرتى الانتخابيه شبرا الخيمه العزيزه....
حاليا انا شبه مصدومه و مش قادره اتكلم و لا اعبر عن النار اللى جوايا ...كل اللى عملته انى صورت المنشور و عملت عليه شويه الفوتوشوب دول بحيث ابين وجهه نظرى ....لكنى بالتاكيد احتفظ بحقى باخراج النار من جوفى كالتنين حالما استطيع ذلك....اه يا بلد كليوباترا و شجره الدر!!!!
8 التعليقات:
العيب مش عيبهم
العيب عيب المراة
التى تقبل ان تكون مجرد شكل او رمز شىء مهمل
العيب عيب المراة التى قبلت ان تحاط بحبل ليسوقهم شخص فى العباسية
العيب عيب المراة التى قبلت الخنوع
انتى واضح انك ديموديه تم استبدال رمز الوردة بمصاصة
نعم وجدت من يشبه المراة بالمصاصة
اقولك ايه ممكن تاكلى طبق كشرى يضيع النار اللى بالداخل
ارحمن يا رب من اللى عايزين يشدونا بعيدا عن النور فى الظلام
تحياتى
تصدق عندك حق....بس الاهم و الاخطر اذا كان احترام المراه بالمستوى ده داخل الحزب فهى عوره و لا يصح اظهارها على دعايه فكيف بدخولها بالبرلمان ...و الاهم كيف ينظرون الى المراه فى المجتمع ....شكلنا داخليين على ايام سوداء لكن
لا ابو جهل جهله هيحرجنا ولا ابو لهب هيخوفنا ما حنش ضعاف قللات حيلة
صباح الخير يا دودى
بجد هيه دى الكوميديا السوداء ازاى المدام دى حتتكلم فى البرلمان ..اكيد حتتكلم من وراء ستار وحاجب ...ولما تحاول تتكلم حيقولولها اقعدى ..صوت المرأه عوره ..يبقى من الاول تقعد فى بيتها احسن
تحياتى
بصراحة زين ما اختارو ....ده لو هما كمان اللي اختارو....دول مجبرين يعني لازم الليستة يكون فيها واحدة ست....الستان بالنسبة لهم زهور يومين بتتدبل عشان كدة مثني وثلاث ورباع ....وكل مرة يطلق واحدة ويتجوز وردة جديدة....الناس دي في دماغهم حاجة واحدة بس
هبة فاروق : نقعدها فى البيت ليه بقى يا هبه ما نولع فيها اسهل
Tarkieb : و على كده اللى -يقطف- واحده ياخد اعدام و لا مؤبد؟؟....سيبك منهم دول عالم هبل
هي مجرد لعبة لإثبات أن السلفيين مش رجعيين ومع دخول المرأة معترك الحياة ، ومعترك السياسة بشكل خاص
هما حاطين كل الستات في آخر القايمة عشان تبقى نسبة نجاحها أقل ، وعلشان تنجح لازم القايمة تاخد نسبة كبيرة جدا من الأصوات عشان القايمة كلها تدخل المجلس وده شبه مستحيل
يعني هما حاطينها منظر بس !
وبعدين حتى لو نجحت
ايه اللي تعرفه الست المرشحة عن السياسة ؟ ، وهتتفاعل مع جمهور الدايرة ازاي ، وهتتكلم في المجلس ازاي وهتقول ايه ؟
اذا كان الرجالة اللي معاها في القايمة ميعرفوش أي حاجة عن السياسة سوى ان الديمقراطية كفر !!
الناس ي بترفعلي الضغط بسبب غبائهم المستحكم
شيىء يغيييييييييظ
إرسال تعليق
حلو؟؟ وحش؟؟ طب ساكت ليه ما تقول....