الثلاثاء، 11 يونيو، 2013

مربعات و لجان

و بما ان "مربعات الابنودى" بقى جزء اساسى من يومى عالنت....ف أسفا لزوجة و سماجة و برودة و سخافة لجان الاخوان الاليكترونية بقت برضه جزء من يومى

مسخرين ناس معينه بعينهم شغلانتهم الوحيدة انهم يدخلوا كل يوم يسبوا الابنودى و يشتموا فيه....و اكثرهم لزوجة واحد ملزق كده بيعمل رباعيات على نفس الوزن شتيمة فيه

نفسى اعرف احساس الواحد ايه لما يكون لجنة؟؟ بقى تضيع حريتك بايدك و تضيع رجولتك و اتخاذك لقرارك من عقلك و تحطه فى ايد واحد تانى؟؟!!

يعنى تروح تتقدم لواحدة و تقول لابوها و انت بتزرر الجاكته: انا يا عمى لجنة قد الدنيا

و لو حبيت اكون سليمة النية و اقول لا دول مش لجان ولا حاجة ...دول ناس عاديه مش عجبها المربعات ...الاقى التفسير ينط فى دماغى: و مدام مش بيحبوا الابنودى ليه -هما هما نفس الناس- بيدخلوا عليها كل يوم؟؟؟



1 التعليقات:

غير معرف يقول...

It's wonderful that you are getting thoughts from this piece of writing as well as from our dialogue made at this place.

My web-site: Instant income review

إرسال تعليق

حلو؟؟ وحش؟؟ طب ساكت ليه ما تقول....