الأربعاء، 3 يوليو 2013

حوليات3: بتدعى علينا فى مولد النبى؟!

-"حسبى الله و نعم الوكيل فيكوا...اللهم ما شتت شملكم...يا اعداء الاسلام, اللهم ما انصر الاسلام و اجعل كيدكم فى نحركم"

-نعم يا عم الحاج؟؟!!!!!!!
************************












كانت الجمله الاولى هى ما تردد فى ميكروفون الجامع اللى جنب بيتنا بعد صلاه العشاء موجها كلامه لسكان المنطقة :D

بينما كانت الجملة الثانية هى رد فعلى الخالص...الراجل بيدعى علينا يا جودعان لا و بحرقه قووى ولا كأننا قاتلين له قتيل ولا كأننا جوز امه

هو حد قال لك اننا اعداء الاسلام؟؟ ده مجنون ده ولا ايه؟ اش حال ان الجامع ده دايما مليان يعنى الحمد لله احنا مسلمين اهو يا عم الحاج

و لنفترض انك بتدعى عليا ممكن اعرف بتدعى فى الميكروفون ليه؟؟ ما تدعى فى سرك يا اخى ولا هو دعاء ممزوج بالشتيمة بالمره

و ارجع و اقول اذا كان رب البيت بالدف ضاربا ..اذا كان عبمقصود بيدعى علينا فى وجود الرئيس "السابق" محمد مرسى ...لا و علينا كلنا كشعب مصر مش اهل شبرا بس

اه صحيح بالمناسبة ما انتوا بتدعوا على اليهود بقالكوا 70 سنه و مفيش فايدة برضه...قلوبكم باين عليها سودا و ربنا مش بيستجيب ليكوا ده بافتراض اننا بمستوى اليهود كمان
***********************
بالمناسبه من سنين و سنين كان فى كاتب اسمه فرج فوده قال مره و حذّر من خطر استخدام المساجد فى السياسة و الاحزاب بذات فى صلاة الجمعه لان اى كلام او اعتراض ليك يبوظ صلاتك

عارف الكاتب ده؟؟........... قتلوه 

7 التعليقات:

richardCatheart يقول...

هههههههههههههههههههههههههههههههههههههههه منك لله يا رمضان اه الجامع مليان بس هو حاسب المصلين دول تبعة اؤماااااااااال وبعدين الحمد لله ان ربنا من رحمة بيقبل دعوة الحق بس وخلى بالك الملائكة بأمن عليه وتقوله ولك مثلما دعوت ياعنى لبسه فى وفى امهم كلهم ان شاء الله ضربه فى معاميعه :) حلو البوست

Sarah Ext يقول...

أعجبتني

Bent Men ElZman Da !! يقول...

ازاى يا دينا مانزلتيش جبتي الراجل ده من قفاه ؟ :D
حتي الموضوع وصل للمساجد
ده ايه القرف اللي هما فيه ده!!
المشكلة إنهم مش عارفين إنهم كده اللي أعداء الأسلام لما يشوهوا صورته كده

Emtiaz Zourob يقول...

حسبي الله ونعم الوكيل ..

عارفة يا دينا .. أنا حزينة علشان المساجد أصبحت بتلم كل الأشكال .. ما تعرفيش مين الشيخ الحقيقي من شيخ المنصر .. بس شو نعمل ؟؟ خلينا نوكل أمرنا لله وهو شايف وعارف مين هم أعداء الإسلام ومين هم أبناء الإسلام الحق .

د/دودى يقول...

كان نفسى و منى عينى انزل اجيبه من قفاه فعلا...احم بس تخيلت منظرى و انا بنت كده و داخله الجامع اتخانق :D

كنت هاشبع ضرب...و هى دى المصيبة انه محتمى بمكان احسن منه

غير معرف يقول...

احنا بئي فى بنى سويف الشيخ قعد يخطب ومية مية
وبعدين وهو بيدعي زي كل مرة علي اليهود
مش عارفه افتكر انها بيحب الاخوان ولا اية قعد يكفر في اي شخص معارض لمرسي الواحد كان حاسس ان مادام معارض يبقي من انصار ابو لهب
وبكل احترام بعد ما خلص الدعاء و الصلاة
اضرب علقة مش احنا كفار وبلطجية لازم نوجب معاك بعلقة حتى تبقي صادق اننا بلطجية

yasmeen gamal khodeer يقول...

لا جميله جميله جميله :D

إرسال تعليق

حلو؟؟ وحش؟؟ طب ساكت ليه ما تقول....